北京水餃店

Open Now

Now Closed

lunch簡簡單單食個水餃，但衛生情況真係比想像中更差😮‍💨1 老闆完全無戴口罩包水餃+高談闊論2 我桌面有條上手食客嘅菜渣，老闆一手掃落地，然後重點係完全無洗手繼續包餃3 依個年代竟然仲有餐廳內吸煙🚬老闆真係大曬？4 好多飛來飛去昆蟲食物好唔好食已經唔係重點🫣

山林道附近的正宗北京水餃個老闆突然之間行過來叫我停手 嚇親 佢叫我咬一啖餃子 然後佢倒左小小醋小小自製醬油落餃子度 真系好好味 原來佢系覺得我浪費左佢餃子 🥟🤭🤭🤭叫左餃子雞翼麵$52🍜🍜🍜🍜🍜🍜白烚椰菜$28🌱🌱🌱🌱🌱🌱

以前食過一次，但覺得衛生情況麻麻地...水餃味道可接受的，款式也很多。水餃料好足。也有麵食，而且可以轉粉絲。但因為尖沙咀附近沒有其他水餃店所以如果要食水餃，也只有這一家店了。原本我想食同街的越南店，但門口排隊，所以轉場去了這家水餃店。但衛生情況...一舨而且老闆大大聲一直跟店員講話，有點煩人，被影響了午飯心情。...

我十年前落港理工讀書就認識了老闆，那時候就常幫襯。老闆健哥是地道北京人，操一口京腔，那時候就常和我們聊天講笑。這家店必吃的是羊肉大蔥水餃。所謂魚羊乃鮮。羊肉是北方人的寶，性溫而補。吃法最地道也是健哥教我的，先將一隻餃子咬一小口，將店內配的麻油淋少許進餃子餡內，然後再一口吃掉，麻油伴隨著羊肉鮮美味道，再加上大蔥提香，配合有嚼勁的外皮，簡直人間不可多得的美味！另外，牛肉或羊肉的餡餅也是這裡的一絕。這家店絕對是品嚐北方餃子的必選餐廳🍴

原先諗住食pizza，點知間舖頭星期一不開門，一於在附近搵食。見到這間水餃舖，我幾年前都試過，因為趕時間，最後決定食呢間。先叫了一份豬肉水餃，一份有8件，再叫杯熱豆漿。豆漿不太甜唔啱我們口味。水餃亦好有水準。再叫了一個東坡肉擔擔麵。東坡肉比較鹹，送麵就啱啱好。其實已經夠飽，但見隔離枱叫咗燒餅，忍唔住自己都叫咗一份。不想食羊肉，所以選擇了豬肉，其實同水餃餡一樣。這個鬆脆可口👍🏻做街坊生意的舖頭，正宗、抵食、飽肚👍🏻

好想食餃子，於是專登去搵一間較有特色嘅小店try try。叫左個1. 水餃膽膽面2. 炸春卷1。水餃膽膽面－ 個湯好結好濃－ 估唔到佢好有魚香味－ 但因為太濃，變相其實都有d鹹－ 水餃皮好厚，煎出黎好油2. 炸春卷－ 餡料係菜－ 略凍，有d淡味－ 唔夠脆環境－ 小店裝修，正常，但都比較free style ，你想坐邊就坐邊啦～－ 店員得2位，基本上佢唔得閒理你。order 都要等耐d先得個人覺得水餃係正正常常，唔會令你好想再食，但價錢就經濟，份量都好多，可以醫肚～

由細食到大,充滿自信的老闆在之前我的five guys食評之中說名人效應不一定好食,但這裏牆上貼滿明星的合照而且食物品質非常之高老闆說"阿dee返咗茴香,我阿媽響北京帶返嚟,整多粒畀你試下,包你話正"另外如果你買生水餃他會教你煮水餃的步驟第一次煲滾加一殼凍水第二次加一殼水第三次加半殼水後慢火之類,也會教你咬開水餃加少少辣醬食格外滋味他對食物的堅持和像家一般的感覺,令我由返學去到工作以致經過尖沙咀都會專登過嚟食,已經十多年由以前嘅店面只有幾台的位置到現在裝修了.我較喜歡以前因為以前煎韭菜餅是在門口的香氣飄到出街能夠吸引途人購買,而且即時淥的水餃在門口的左手邊,感官上更像一間古老的水餃店芫茜餃韭菜餃我都很喜歡皮非常之煙韌有咬口,皮薄餡靚在此不適用,而是皮厚餡靚,餡料非常充足,肉汁豐富,香氣飄逸這裏值得使幫襯的飯堂 備註解釋飯堂:不會中伏,持續保持高質,唔會食厭,價廉物美的用餐地方

本身已幫襯好多次，其實都覺得老闆兩公婆態度好屈，尤其個老板娘，但由於工作地點同方便睇到 泊車有冇被炒牌，所以都會選擇喺度食。食物本身係ok，但唔鍾意水餃皮厚就唔建議去喇。今次帶媽去試下，一入去唔係好多人，冇人帶位是正常，咁咪自己坐底喺張長枱。食到最尾，老板話我地咁坐唔好尷尬，我咪同佢講我地就走，佢就話唔關係咪就食完事喎.....咁你想表達乜呀? 如果你唔想客人亂坐，請清晰地帶位，另外，唔該，唔好用d咁嘅語氣態度對客人，雖然我知你地唔憂做!我決定以後都唔會再幫襯!

我趕時間要求快小小，係咁講要煑，當時只有一枱客仲要上完那枱客點既野，最後揾個洗碗上個甜品先，又話唔記得咗，不值$48一碗韭菜水餃米線換來咁正態度，最後找錢仲要專登大力D，可能佢有明星照片而態度囂張呢度要求打200字先可以評分，唯有打埋落去，堂食坐位奇怪，又唔識招呼，佢問我堂食定外賣，我咪話堂食，仲要pack外賣，係咪玩嘢先！$48唔明點解可以賣這個價錢，皮厚，餡鬆泡泡又不紥實，肉可以理解貴，韭菜少到好似蔥花咁，賺得唔錯喎

尖沙咀下班，我本身想食酸辣湯，上來找，之後去左呢度食，好後悔！本身只想食酸辣湯($40)，但加餃子只要加多小小錢，就叫左碗豬肉餃子酸辣湯，煮餃子的湯咸，而餃子本身的調味都偏咸，所以就好X咸！酸辣湯不酸不辣但成口辣椒籽，豬紅得2~3粒(真是無切過，原粒上，所以數得出)，我在堂食時有小昆蟲(木蝨?)在桌面走過老闆自己下單，所以沒比單據，埋單時員工口氣勁差，好似要捉賊咁！食完15分鐘，要去The one 借用洗手間！

今午在金巴利道个間【北京水餃店】吃水餃，🥟🥟🥟門外貼滿老闆與好多名人拍的照片。味道尚可以，惗住一般午餐吃完快閃行街街。点知吃到一半，老闆執枱，見他從客人棄掉於杯的纸巾取出，然后用來抹擦枱面的湯汁🤮🤮🤮。即時反胃，👎🏿👎🏿👎🏿想立刻走人。現在都什么時候，疫情咁厲害，點解仲有D咁嘅飲食業從業員😠。如果再次禁制堂食，好多食店真係要執笠😓👏🏻👏🏻👏🏻👏🏻👏🏻

我很喜歡食北方的餃子，而這一家還打正旗號做北京餃子，實在不能不入內試一試這家小店的餃子，入內聽見老闆娘和店員均操流利普通話，心中覺得味道一定正宗好食，於是點了羊肉水餃、蔥油餅加蛋及豆漿一杯。我點蔥油餅時還問老闆娘加蛋好食點還是不加味道更好，老闆娘說加蛋會香一點，於是我決定加五元，點了個加蛋的蔥油餅，而蔥油餅亦比羊肉餃先到。我急不及待要吃它一口，誰知一吃便中了伏，口感上那件蔥油餅估計是微波爐翻叮的，然後再點蛋汁煎，就算蛋煎得再好，也不能蓋過那微波爐翻叮的味道，感覺真的很差很差。到羊肉餃上枱時，我已經沒心情再吃了，羊肉餃味道屬於一般，羊肉不太多，餃子的皮很厚。為了不浪費，辛辛苦苦吃完，以後不再光顧，這餐花了$81，不值得。

尖沙咀近柯士甸道到處逛，看看有什麼東西吃（見到大量明星合照貼門口）就不經意走進試試＃北京水餃＃這間是新舖，舊舖聽說有廿年了，店內姨姨即埸現包水餃，一大盤醃好的餡料，純熟的手藝，絕對唔會係交貨返嚟。店內面積不算大， 但乾淨企理， 須沒什麼京城裝修設計，但街坊小店來說還算舒適。係唔係北京口味，我唔係好肯定，不過炸醬、雪菜加清新嘅青瓜絲嘅撈麵，炎夏的而且確不錯之選。😋 羊肉香味與騷味，配搭剛好（ 怕羊騷味可以免試） 可惜唔知會唔會好心做壞事，上枱前預先剪開四份， 餡餅內的羊肉汁只剩餘少許，只可嚐到一點點。 但上枱時外皮還脆，新鮮煎好熱辣辣！ 一熱真係可以遮三醜😅 獨特的豆沙鍋餅， 不像上海菜的方形扁扁脆口，反而像羊肉酥餅一樣脹卜卜， 甜度適中， 香味一般。但皮好厚，一份飽肚的甜品🤣其實仲叫咗個白菜豬肉水餃， 可能太肚餓食完先記得無影相🙏🏼， 不過放心佢真係實而不華，賣相平平無奇，但係食落有幾有北京口味😋😜唔錯唔錯，真係水餃招牌貨。PS. 用餐時聽到老闆與夥記交談，使用純正的🇨🇳北京普通話，所以正宗北京口味無庸置疑，但菜牌內包含了一些上海菜，會令到專一獨特性有所改變，但多元化會提高

今次係第一次黎食呢間北京水餃店，係朋友介紹好食，所以就黎尖沙咀試下🤪我地分別叫左三款餃子：白菜豬肉水餃、白菜豬肉煎餃同青椒豬肉水餃，另外仲叫左一份蔥油薄餅🥰當中有兩款係水煮，一款係煎餃👍🏻首先，講下個蔥油薄餅，好抵食(hkd15)，上枱個時熱辣辣、香噴噴！食落去超級香脆，煎得啱啱好，又唔會過份油膩！d香蔥味好香，超級推介👏🏻佢地d餃子個皮好厚實，每隻餃子裏面的餡料都好充足，隻隻都好大隻！一碗餃子有10隻，係真心食晒會飽肚😂😂d煎餃每隻都熱辣辣，食落去會噴汁🤪，煎餃d火候啱啱好，仲保留到d肉汁，唔會食落去覺得好乾🙌🏻我好推薦大家去試下青椒豬肉餃子，第一次係餐廳見到呢款餃子，本身都係諗住試下既心態，點知又幾好食，估唔到青椒同豬肉好夾，好味💋💋💋中意食餃子既朋友一定要黎呢間餃子店試下，一定唔會令你失望！

其實唔係第一次嚟呢間鋪頭啦，成日同朋友經過就會心思思想入去食，因為呢間鋪頭嘅水餃真係好好味！今次我哋呢就叫咗「白菜豬肉水餃」、「北京餡餅（2個）」、「番薯豆沙（四個）」、「擔擔面」，仲有3杯豆漿。我諗間鋪頭真係北京人開嘅，因為佢哋嘅普通話有好重嘅捲舌音，所以聽住佢哋嘅普通話嘅時候，感覺應該係好地道。北方人整餃子好味，係公認嘅事情！呢間鋪頭嘅餃子，佢嘅被唔太薄又唔會太厚，同餡料嘅比例可以話係啱啱好。我諗呢個就係點解一個水餃好唔好味，其中一個好重要嘅原因！另外當然都係佢哋餡料，餡料豐富無得彈！正！所以你親呢度一定要食佢嘅餃子，至於揀咩味道嘅，就按個人嘅口味啦。另外一樣必食嘅呢就係佢嘅「北京饀餅」，所以我哋食完一個之後，覺得唔夠喉，即刻要嗌多一個！老闆仲教我地要配埋醋同埋醬（下面嘅圖片我已經影低咗俾大家），咁樣加埋落去食之後，即刻個味道唔同晒，真係bling bling眼！！！即刻個味道多咗層次，豐富左！建議大家都可以咁樣食呢個饀餅！如果鍾意食豆沙餡嘅朋友，就可以食吓佢哋嘅番薯豆沙，或者豆沙鍋餅。我哋今次帶咗番薯豆沙，唔對比之下我個人比較鍾意豆沙鍋餅。