最掂燒味 (Closed)

最近得知附近開了一間燒味店,所以到來一食這裡出名的燒鵝‧秘製燒鵝拚叉燒飯(＄５５):這裡的燒鵝肥廋比例合適，加上自家的酸梅醬來食，不但可以將燒鵝味更突出,加上燒鵝肉質爽滑,不但皮香脆滑,而且好有口感。加上,叉燒用上蜜糖來燒製,唔會好似一般店舖太甜，實在係必食之選。燒鵝飯($86): 配上鵝脾的燒鵝飯,不但啖啖都係鮮嫩的燒鵝肉,而且脾位非常嫩滑,係就算加錢都係值得,因為一隻鵝只係得兩隻脾位。佛山燻蹄 ($38): 雪凍後的燻蹄令到肉質更加爽滑,加上唔會太多肥肉,所以食落非常有口感,加上配上醋來吃,可以令到燻蹄味道更突出。糖心豬手 ($38):最重要鹹豬手夠稔,D肉好嫩又滑,連個皮都煮到化哂，完全唔駛點咬就食到,真係做到糖心的效果,相信只有在這裡先食到。總括來說,這裡燒味出色,絕對係放工一食的好地方。

Hea 飯也可以好掂＠最掂燒味 加班夜最佳伴侶就是飯盒，目標就是９秒９食完就回家休息，屋企附近開了好多新式餐廳， 最掂燒味就在家樓下，價錢不太貴，便入去買飯盒 久不久有不同的東西減價 原本打算買走的，不過見當時客人又不多，而且冷氣很強勁，頗舒適，便決定食完先走啦～ 款式頗多，除了一般的燒味飯，還有豬手，牛腱等食物供應，所有都可以改成飯或米粉 例湯，是非常驚喜的東東！ ＄８，飲起來很濃郁，師傅說是一點肉也沒有加入的素湯，是由多種豆，栗子，栗米。。。材料煮出來的老火湯，飲上來好滋潤清甜，而且沒有肉類感覺更健康 秘製燒鵝拚叉燒飯＄５５ 很喜歡他們的叉燒是偏廋的，女士都喜歡沒有肥肉的廋叉燒，但食落不韌，很入味 至於秘製燒鵝份量很大方，燒鵝肥廋比例合適，而伴點酸梅醬同食味道更滋味，我喜歡酸梅醬味道不太酸，不會搶去燒鵝原本的味道 老公喜歡食肥叉燒，所以點了腩叉給他，你看到那舊肥肉味，就是精華所在，他邊食邊話好香！這個腩叉比普通的叉燒貴，不過人的口味不同，我還是比較喜歡廋叉燒多一點 加＄５可以換自家製健康飲料，大大支好抵 我點了雞骨草，頗清熱的

小時候曾經係長沙灣讀過幾年書 記得一開始時好抗拒轉去該區讀書 覺得地方陳舊 無大型商場 夏天又特別悶熱但過左一段日子 日日同同學仔係橫街小巷裡覓食 久而久之漸漸發現到老區既魅力不但價錢抵 更總係多一份人情味早陣子重遊舊地 發現該區多左好多新食店 為左遷就小胖男友想食飯既慾望 我地行左入一間最掂燒味。 雖然係打正旗號食燒味 但裝修新淨整潔 侍應叔叔都好親切有禮 雖然呢間餐廳淨係食燒味 但中午時段都不乏座上客 仲見到好多一家大細係度開餐同小胖男友一人叫左一個最掂燒味餐 勁大碟連野飲 燒肉脆卜卜,叉燒夠淋不可不提 跟餐既大荳芽都好美味 配啖啖肉既燒味就即時開胃晒自家低糖豆漿既味道都唔錯 有豆味 甜度適中為食既小胖男友見有牛燻碲又忍唔住要食燻碲好爽呢也許小妹對讀書既舊地有情意結 覺得今餐特別有人情味

香港人某程度上真係好鐘意食燒味去酒樓要點 去快餐店又要點 就算返屋企食飯有時都會斬料加餸,燒味算係首選星期六下午去開長沙灣搵小胖女食飯 突然好想有飯到肚 唔想食米線,又唔想high tea行過見到有間最掂燒味有飯開就諗都唔諗走左入去雖然以食燒味為主 但都有唔少野揀 見不斷都有人入黎幫襯就知無入錯黎食一人叫左一個燒味套餐 再要左碟例排燻碲牛油雞燒鵝雙併飯 油雞俾左雞翼位 夠滑溜同入味，燒鵝就啖啖肉 點埋袐制既酸梅汁好開胃 另外跟餐既芽菜都唔可以睇小 係好野黎 試過就明白燻碲牛 例排都好大碟 兩樣都好爽 過足口癮所有燒味套餐都有得揀中湯或者飲品試左自家制既黑芝麻低糖豆漿 好濃 有d似飲緊芝麻糊咁,非常好味對於鐘意食燒味既香港人 又多個落腳地

懷舊燒腩仔配油雞用豬腩肉來製的燒腩仔，肉質豐腴 , 外皮爽彈鬆軟 , 吃下不覺肥膩 , 邊位有焦香卻不會過硬 。 油雞件件多肉，咬下口充滿雞油，雞肉嬾滑。配上醬料入口醒胃。 例湯是足料老火湯，有豬骨，紅羅白，貴圓肉，入口清甜。

「港式燒味」大家都應該對佢唔陌生啦。係長沙灣整完少少野，路經見到呢間個名咁特別既燒味店，就一於同我d好朋友黎試試佢啦！鋪面既裝修有別於一般既燒味店，傳統得黎又有d新潮。鋪頭一眼睇晒，裡面張貼左唔同媒體既報導。成個感覺好整潔。我地一人叫左一份燒味飯，我就叫左個秘製燒鵝拼燻蹄飯。黎到個賣相好靚，每樣野食都擺得好整齊。除左燒味飯之外，另外都配左酸菜、燒鵝既甜酸醬同燒味汁各一碟。燒鵝好juicy好香，咬落去好多肉汁。燻蹄係我中意既野食之一，大大話話都試過唔少燒味店既燻蹄，呢度既燻蹄夠晒大塊，唔會太乾身。掛住食個燒味飯，都唔得閑傾計啦！野飲就配左低糖原味鮮豆漿，係呢度既自家製健康凍飲黎嫁！呢到既豆漿係支裝上，話明係低糖，梗係唔會太甜啦！啱晒注重健康既香港人。除左燒味飯之外，我地仲order左個五香牛腱。一放上枱已經聞到好香既牛肉味，食落有少少辣味，五香味滲晒入牛腱度， 越食越開胃呀！

前幾日同同事放工去左長沙灣附近覓食，路過青山道附近見到呢間裝修都幾靚既燒味店，哈，好少見到有燒味鋪門面咁靚嫁喇，心血來潮，好！入去試一試先!入到去，坐定定，睇左一輪餐牌，店員見我地幾個都有選擇困難症就主動行過黎向我地推介拿手小菜。我自己就叫左個燒腩仔貴妃雞飯，再同同事叫左個五香牛腱同埋溏心豬手。7至8分鐘後首先上既係我個燒腩仔貴妃雞飯，份量充足絕對食得飽！燒腩仔都交足功課，吾會話係果啲擺左好耐，塊皮淋哂既貨。至於貴妃雞就無特別啦，正常。五香牛腱同溏心豬手亦都陸續上到。五香牛腱既水平超過我預期普通燒味店既質素，花椒八角既香味好重，擺係度都聞到，正👍🏻 至於溏心豬手都ok 既，作為成餐之中唯一一道甜餸係幾特別既，不過溏醋味啖左小小。食食下，啲店員(懷疑係店主😂)見我地食左咁耐又無野飲就極力推介左店鋪自家推出既健康飲品系列俾我地。好啦，咁就黎個柑桔酸梅湯啦。燒味黎講總算係高質👌🏻

今次黎到食燒味飯，我就叫左燒鵝拼腩仔飯加口水雞！首先講下個飯先啦，燒鵝好好彩有脾食，食落啖啖肉，好好味。之後個腩仔個皮亦都好脆，不過略嚴少肥。仲有個例湯都做得好出色，唔似其他餐廳咁，例湯唔係主菜就hea做，冇乜油但好濃味！之後到口水雞，啲雞係好滑嘅，而且例牌都係好大份，好低食！

平時都好少食燒味飯，所以一食就要簡間好食嘅！我就叫左個燒鵝併腩叉飯加牛展！啲野食黎到後，就試左個湯先，老細仲話呢個湯冇落味精，冇落肉。而呢個湯係好正嘅，飲得出係落左好多蔬菜落去煲嘅。之後個腩叉真係好味，佢同平時嘅叉燒好唔同，佢係中間會有啲肥肉，但係食嘅時候都唔會覺得有肥嘅感覺，反而仲好好味。而牛展亦都唔錯，一啲都唔韌，都幾好食！

既然店名稱為 最掂燒味, 我們就入去幫襯, 嚐過究竟 ….Menu ~懷舊腩叉飯 $42用豬腩肉來製的叉燒, 蜜味十足, 肉質豐腴, 爽彈鬆軟, 吃下又不覺肥膩, 邊位略有焦香卻不會過硬, 好吃 ~杞子菊花茶 (另加 $5)味道清香順喉, 甜度不高 ~本篇完 ~

聽聞這裡開了一間新的燒味餐廳，近乎全部好評，咁岩今日經過便試一試。餐廳環境簡得來有特色，中國風，老闆是一個40年經驗的燒味師傅，店家用的是一個比較小型的電爐，不同其他地方用的太空爐。叫了一個半肥瘦叉燒燒腩飯，連一杯凍檸茶，49元。賣相來說其實不算待別吸引，先試叉燒，的確是半肥瘦，很入味，蜜味與咸味也感受到，肉質正常梅頭口感，不過略不夠香口。燒腩皮薄薄的，脆口，肉質有咬口不是林，偏咸，吃了幾舊已需要飲水。整體來說環境配套以燒味餐廳來說有驚喜，食身質素是不錯的但最掂來說就一定不是。

那天與家人探過長輩便在附近吃晚餐, 忽然丈夫說他的燒味癮起, 唯有四圍探索, 最後察覺這間可以堂食便進去了。 牆上貼有雜誌訪問, 好似是說廚房裏設有太空燒爐, 所有燒味都是現場即燒, 按人流出爐。我對牆上貼著的懷舊腩叉頗有興趣, 平時叉燒不是用梅頭肉來燒的嗎? 對我來說用腩肉來燒叉燒是頗新穎的。腩叉拼腩仔飯 $ 52 連湯或熱飲, 當然可以加錢轉凍飲或健康飲品 這塊乳白又帶點透的腩叉, 看上去是與金錢雞內的冰肉有點相像, 四邊燒得焦香, 吃著又不算太膩, 用來送飯也不錯, 不過店方沒有給我件件冰肉, 倒也有三四件是肥瘦相間的腩叉, 顏色暗紅. 肉質鬆嫩, 牆上雜誌訪問有介紹說他們是不會用鬆肉粉及人造色素來燒叉燒呢! 清楚可見燒腩仔上的五層肉, 皮鬆脆, 肉可香. 不會過鹹而且沒有臭豬味。 柑桔酸梅湯 額外加$5 其中一位家人點的 糖心豬手飯 $43 連湯或熱飲, 我只吃了一件豬手, 頗腍而且入味, 沒有字面「糖心」的那種糖甜味。 滷水雜錦 $33雜錦包括有滷蛋、滷大腸、滷豬耳、滷豆腐, 當中的滷腸及豬耳是比較鹹, 整體來說滷水雜錦是滷得夠入味。 味道 4環境 3服務 3

同班同學家住在長沙灣，所以中午放學後去左佢屋企附近的餐廳開飯! 佢介紹到長沙灣有好多麵檔，同埋落成左好多新樓宇，所以開左好多的餐廳! 而呢一間餐廳正正是其中一間。講到麵食真係條條街都有，由於我都好耐無食過燒味關係，就揀左呢間燒味店!朋友揀左燒腩仔油雞飯，佢話油雞整體係無咩骨頭，全部都係啖啖肉的位置。朋友是男士黎，飯量都俾得十分足，又搭上幾條菜心，非常滿意喎! 同埋個湯非常清甜，有無限紅蘿蔔、桂圓、經棗，非常健康!我就揀左腩仔叉燒飯。燒腩的皮脆卜卜，非常有咬口! 中間會有少少脂肪先到肉質，呢種應該叫半肥瘦吧! 所以，食落有脂肪的油香! 叉燒就屬於瘦叉，唔會太肥膩，唔會因為食左兩種肉類而感覺到肚脹爆的感覺!由於友人的食量十足，仲額外叫埋呢個糖沁豬手! 38蚊有5大件! 圖中都見到個顏色有幾深! 糖沁汁的味道屬鮮甜，豬手吸完個汁之後變得同樣的鮮甜! 仲有，豬手非常軟滑同埋FEEL 到骨膠原爆燈! 令我好奇其他小食會燻蹄同埋牛腱會有幾好食呢!非常滿足又食到飽一飽的一餐是也!  

捉 pokemon 捉到來長沙灣,見到間幾士正gei 港式燒味店就入去試下。餐廳不是很大,20多個坐位,但不擠迫,裏面好新正,應該似新開的,感覺舒服揀了最掂义燒拼腩仔飯燒肉係腩仔,細細件一口一啖啱啱好,皮好脆，仲好清楚望到分了皮,肥肉,瘦肉和骨,燒腩仔皮脆 肥膏同肉既比例啱啱好,一口一件,脆卜卜,好正燒鵝半肥瘦皮燒得十分香脆 燒鵝皮薄冇肥膏 少少梅子醬既香味充滿住鵝油 而肉質夠爽滑 皮出面仲加左自制既梅子醬 酸甜開胃 正

找到燒味好地方，地點在內街，但也近地鐵站，內裡地方不是很大，感覺也好舒服，加上看到店的細心安排，如有濕紙巾和牙籤在送飯來的盤上，他們還有八達通付錢，方便客人。四寶飯有义燒，油雞，燒腩仔和咸蛋，义燒是半肥瘦，油雞好滑和入味，燒腩仔的皮十分脆口，而咸蛋不太乾。我最喜歡是它的前菜(酸蘿蔔)十分開胃，還有薑蓉，介辣分開上，薑蓉是無，十分合適我喜歡食薑蓉但想太油。滷水併盤有有豆腐，豬腸，豬耳，蛋，約二至三人分量的小食。滷水併盤食物內是熱的，入味和不會太鹹。自制芝麻豆漿，好有芝麻味，低糖和夠味道。