最掂燒味 (Closed)

小時候就很喜歡吃燒味，叉燒和油雞都是至愛。以前粉嶺有間燒味出名的餐廳，不過現在已經結業。這天在長沙灣附近開會，經過見到有間燒味專門店，於是決定入去解決我的午餐。一入到去坐得，就即刻點了個四寶飯，份量十足呀。油雞、叉燒、燒腩，還有大大隻咸蛋，最欣賞是的附送了酸瓜蘿蔔，大減油膩感。半肥瘦的叉燒，帶點蜜味，十分惹味。燒腩的皮十分香脆，入口卜卜脆，中間的油脂一層層的隔著，很好味。最後來杯凍檸茶，解渴之選。

長沙灣依幾年變左好多，好多新落成既住宅，同時都有好多新開既食肆，今日途經見到一間裝修幾現代既燒味店，就入去試下。點了一個秘製梅子醬燒鵝飯：$48鵝味嘗算香濃，無so味，醬汁不是平時的酸甜醬，係自家的梅子醬，幾特別。小食要了佛山燻蹄：$38爽脆肉嫩，唔會un。點埋果汁好醒胃。送一個例湯：應該係南瓜眉豆湯，好清甜。

黎左長沙灣揾食，原來多左好多新樓宇，仲開左好多唔同嘢食， 今次見到一間中式裝修得唔錯既燒味店，就試佢啦 。 叫左個豬腩仔併最掂叉，豬腩仔皮好脆，肉好嫩，好易入口，雖然不是太大件，點介辣更加起味。 最掂叉係呢度主打，果然不錯，叉燒嫩易咬，有肉汁，唔太肥唔不瘦，剛剛好。 朋友叫左個酸梅燒餓飯，點酸梅汁食好正，油膩中帶點酸酸咪咪，好開胃，皮薄多肉。 飯仲有跟一碗湯or 熱飲，我地叫左湯。 有驚喜，個湯好甜，啲蘿蔔切得好細粒，唔食蘿蔔都會唔覺意食埋 有好多款小食，我地都忍唔住叫黎試下，叫左個牛展，好新鮮，係冷盤小食黎，夏天食幾好，口感爽口，凍凍地，好有牛味。 另外仲叫左一個燻蹄，冰凍感覺，好有膠質，爽口彈牙，今晚好滿足

平時行開深水埗都知附近係食店雲集, 但係好少去到長沙灣, 今日同朋友經開元洲邨又咁啱餓餓地, 開個apps見到呢間唔少好評, 就一於試下。店內裝橫唔錯, 食店有時坐得舒服其實都同樣加分, 只係店面唔大, 位亦唔多, 繁忙時間應該要排隊; 燒味個人最好食叉燒, 二話不說即刻叫個叉燒飯試下, 另外叫咗碟熏蹄同一支豆漿, 比起酒樓食俯嘅燒味嚟講價錢唔算貴, 貴過燒味檔外賣少少。個人偏好肥叉燒, 呢度嘅叉燒對我而言瘦咗d, 或者下次應該落單前要求, 整體嚟講叉燒飯唔錯, 值得一提嘅係佢嘅酸菜, 我最最最憎食到用好稀嘅醋醃嘅酸菜, 呢度嘅酸菜真係令到餐飯更加開胃, 最後我仲向店員要多少少 熏蹄一食落就知冇叫錯, 口感清爽, 咸味適中, 而且夠濕潤唔會好似燒味檔嗰d咁乾爭爭, 正!豆漿標榜自家製, 飲落唔算好甜, 有豆味, 唔錯燒味呢樣嘢其實四周圍食嚟食去都係嗰幾款, 但係經開附近或者住附近, 又突然燒味癮發作嘅話, 呢度的確係用心經營, 值得一試

夜晚收工仲諗緊去邊度食飯，就去食下好耐無食過既燒味飯啦咁。燒味飯我不嬲鍾意雙拼，今次見老闆介紹話佢地燒鵝好食，就叫左燒鵝拼鼔油雞飯。先講份燒鵝啦，鵝皮夠薄又夠脆脆地，加上鵝皮與鵝肉中間有層薄薄既脂肪層，食落口係滑口既，點埋老闆話佢地自制既鵝醬，係鵝汁加酸梅醬，係幾入味既。至於鼔油雞雞皮薄薄地，少少鼔油味，仲有雞肉係滑既，點埋蔥油係絕配呀。燒味黎講呢度係幾正宗架，而肉質係有質素既。

剛好來這區辦事，來個燒味飯做午餐。店子細細，但也舒適好坐。秘制燒鵝拼燒腩仔飯$64秘制燒鵝拼燒腩仔飯包了熱檸茶。貼心地有濕紙巾提供，抵讚!燒腩仔大大件又厚身。脆皮得來又不會太肥，推介之選。當天的燒鵝皮，略嫌唔夠脆。但燒鵝也肉味濃，肉質不錯。此餐有附些酸蘿蔔伴菜，還有蔬菜，食落少膩些!仲有自製甜醬，點燒鵝或撈飯也好好味。川辣牛展$48川辣牛展都幾大份，約有十件呢!牛展不算辣，微甜又軟身的涼盤。牛展肉味濃，薄切又易咬，送飯食一流。配埋附有的醬汁也更好味。除了有燒味，仲有自家製健康飲品。 

燒味飯俾我既感覺都算係"男人的浪漫"，平時都比較少食，咁啱屋企附近有間最掂燒味，食完對燒味有另一番體會。燒鵝紅腸飯要大讚呢度既燒鵝，外皮好香，，又脆又薄，而且肥瘦適中，肉味好香鵝味，加上餐廳用燒鵝汁加酸梅醬特別調製既醬汁，加強鵝既味道，又帶點酸甜味，味道非常夾。紅腸切到薄薄一片，刀功了得，薄薄一片入口，感覺不俗。以往都覺得燒味比較肥膩，但呢間餐廳既燒鵝唔會太肥膩，肥瘦適中，食哂成個飯都冇好肥既感覺，下次可以買隻燒鵝拎番屋企加餸👍🏻

近日search open rice,才發現到有間在open rice大獲好評，而位於長沙灣區嘅燒味店，於是第晚就諗住買外賣返屋企試吓，怎知大失所望，當晚我買咗义燒燒鵝飯，另外再加客豬手，返到屋企未食之際，已經睇到啲义燒碎濕濕，食落口冇口感，而且有幾件更覺得梅梅地添，燒鵝外表沒什麼不妥，但內肉質粗糙，而最後豬手的味道只有豉油味，沒有其他特色的味道，總言用咁嘅價錢，出咁嘅品質，一定唔會有下次。

最近行開青山道,同往時只是唐樓好大分別,現在好多都是新樓,行過見到有間裝修頗典雅的餐廳,紅色的門面,好搶眼,望望,原來是燒味餐廳,啱啱個肚又“打鼓”,便推門進內。餐廳不是很大,20多個坐位,但不擠迫,裏面好新正,應該似新開的,感覺舒服望下餐牌,有唔少配搭,仲有小食和健康飲品。14:30 起還有下午茶,可惜已是晚上點了,哈哈所以唯有散叫啦,揀了最掂义燒拼腩仔飯,川辣牛展。燒肉係腩仔,切到細細件,一口一啖啱啱好,皮好脆，仲好清楚望到分了皮,肥肉,瘦肉和骨,比例啱啱好,一口一件,脆卜卜,好正义燒忘記了叫半肥瘦,但咬下都唔靭。好味川辣牛展,有很多份量,八角味不是太濃,牛展好通透,若辣一點,相信更惹味食完飯,想飲些東西,叫了樽健康飲品,原來跟飯只需加5元,試了銀花雞骨草,因未見過 黑色的,可能是雞骨草的關係,一飲下,好香的金銀花味道,有淡淡的雞骨草味,通常涼茶都很甜,這個有啱啱好.飲埋這樽涼茶,很滿足,很飽.離開時,才從外望到原來有個燒爐,每日新鮮店內燒制,唔掛得每樣燒味都咁好味.

一間茶餐廳形式既燒味餐廳四寶飯 48 蚊四寶 有燒腩仔 咸蛋 油雞同叉燒， 坦白講 外表比較hea , 但估唔到叉燒好香蜜糖味 食落又夠香同煙韌。 燒腩仔皮脆 肥膏同肉既比例夠適中， 而油雞比較彈牙醃得入味 加上皮蛋撈埋一齊食令到熱辣辣既白飯生息不少柑桔酸梅湯 加5 蚊自家制， 少甜少糖比較健康， 酸梅汁好出 加上少去柑桔既香甜味 唔錯腩仔併燒鵝飯 64 蚊腩仔當然正， 燒鵝 皮燒得十分香脆 大慨有2mm肥鵝 充滿住鵝油 而肉質夠爽滑 皮出面仲加左自制既梅子醬 酸甜開胃 正紀子六花茶 加5 蚊好香紀子既甜味同有少少類似菊花茶既六花味適合大眾人士溏心豬手 例 38 蚊以溏心方式制豬手 豬手濃而不膩， 亦有少少醬油既香味 豬手皮滑 充滿住骨膠原 間中會有舊入味既瘦肉在旁 口感豐富川辣牛展 例 48 蚊牛展既醬汁香芳四溢 雖然唔覺係有d乜野川辣味， 但少辣得黎酸甜開胃， 牛展薄切得黎筋肉分明 煙韌彈牙 口感豐富 係一個好適合凍食既開胃小吃食店外表普通 飯端出黎亦一般 但食落感到味道可口出色有心 實而不華 甘既味道黎講 甘既價錢算係物有所值。 值得推介！

朋友想食燒味，於是去了裝修好靚嘅最掂燒味晚餐。未夠7pm就去到，不用等位可以直接入座。原本想點燒腩或者乳豬，但經過大門口玻璃見到叉燒好吸引，我最後都忍唔住誘惑叫了叉燒飯+分蹄!我覺得叉燒不是浪得虚名，果然最掂！因為燒得好香，而叉燒的賣相真的很漂亮，入口也很軟很香，口感一流，帶點半肥瘦分蹄爽口！漿汁開胃難得仲有竹蔗茅根水，啱晒夏天清熱氣！

一向對燒味有高要求嘅我，今次黎到呢間有新裝修嘅最掂燒味試下先！叫左個4寶飯，因為今日實在太肚餓了呢度嘅燒味真係好好味, 燒肉皮脆, 肥瘦適中, 叉燒唔肥又多汁！ 燒腩仔外脆身，肥瘦適中，味道也幾特別！低糖荳漿亦超級正！有荳味！

叉燒色香味俱全，唔會太乾，軟硬度適中！絕對唔係交行貨，今日叫左一碗下午茶入面，叉燒係舊舊大件！起碼6件，廿幾蚊，好抵食！唔係出面收你$30幾蚊，得2-3件咁hea.By the way, 鋪頭自製的薑蔥，撈飯點叉燒好正，

下午茶想醫醫肚, 就想起附近的燒味店, 好耐無食燒味啦, 由於下午茶唔想食得太飽, 咁我就唔叫飯啦, 選擇左叫义燒切雞瀨粉.义燒我最欣賞係唔會燒到燶, 因為我最唔鍾意食到有幾忽係有燶味. 加上佢义燒外層係塗滿左蜜糖, 係正宗既蜜汁义燒, 加上少許半肥瘦, 實屬高質素. 切雞由於係脾位, 所以都幾滑, 加上雞皮脂肪分佈均衝, 質素中上. 另外瀨粉就有點普通, 湯底略淡但有蔥花香.至於蠔油菜心就係健康之選, 份量夠多之餘, 仲係少油, 如此細心的平民餐廳實在少見. 

平時放工經依度都聞到好香既叉燒味, 今日終於有時間黎買個外賣試下啦~ 個包裝袋都幾高檔, 睇得出有D心思咁我叫左個最掂叉拼梅子醬燒鵝飯(之係叉鵝飯) 跟例水, 另外叫左個川辣牛展佢用紙盒有D似台灣鐵路便當, 叉燒看似簡單, 但食入口好林而且有有濃郁的蜜糖甜味, 仲有少少焦糖化, 燒鵝亦都好甘香, 肥瘦適中例水一D都吾例牌, 入面好多料, 有蘿白, 桂圓, 薯仔, 眉豆, 飲得出食材本身的味道牛展, 食落吾會太辣, 有好重的花雕味, 仲有少少甜味, 好香口