Bierhof (Closed)

德國野真係一直都好深受我喜愛，今次黎完之後，決定下次要帶男人黎！因為有佢最愛既德國豬手同啤酒！事源今次係因為去睇晚裝睇到去太子，同行姊妹幫手上Openrice 搵食，話見到呢度幾有特色就話黎試下！點知道我地兩個都食到好飽，都一致認為可以再來！門口有著德國餐廳的感覺，裝潢很華麗。餐廳內也不簡單，店主花了不少心思，營造不少身在歐洲的感覺！檯子大部分都是高的吧檯，腳短的朋友可能會覺得有一點辛苦~最特別是每張檯也會有Paulaner 既酒桶在，如客人是點了這款啤酒，他們會refill在桶來，由客人自己倒進杯子！坐下後，店員便給我們小吃，這次是薯片！幸好我們沒有吃完，因為好戲在後尾！沒有酒精的啤酒 ＄78由於我昨天飲得太多，所以今天想清淡一下，本身要想點的，但店員說他們有支沒有酒精的啤酒！令到我很想試一試！果然，飲落似啤酒，麥味很重的！檸檬味啤酒 ＄72這個對於女士來說真的非常適合，因為比較像cider！但又有啤酒的味道，檸檬味很特別又清新！黑松露白菌燴意式雲告 ＄148意式雲吞有很多隻，每隻都細細的。但內容不太豐富，只有芝士及蘑菇，用了黑松露汁。但口感一流，不會太厚太硬，有點像我們中式的雲吞！

今次呢間餐廳係朋友生日佢想去既餐廳嚟，之前佢去過覺得好好食，所以想帶我地試下又一齊順便慶祝埋生日。呢間餐廳係太子酒吧街既街尾，係界限街個邊，門面已經覺得同其他酒吧唔同，第一眼就已經覺得好有德國feel。食物既選擇唔算好多，但係都好有特色，職員都有介紹我地有啲咩食。一坐底就已經有啲薯片小食。我地第一下就已經叫咗餐廳介紹既「比亞荷夫烤腸拼」($168)，入面既都唔係平時一般食到既腸仔，聽職員講就有白肉做既牛仔腸、香草腸、黑毛豬胡椒腸、原味腸、芝士腸同埋墨魚腸，每一條腸仔既口感都好唔同，味道都好獨特但又好好食，而自己最鍾意既就係墨魚腸。份量都幾多，我地四個人分嚟食，食完呢碟都已經有小小飽飽地既感覺。「巴伐利啤酒小食盆」($198)，呢個小食拼盤份量都係唔少，而且食物種類都唔少，有炸腸、雞槌、肉丸、洋蔥圈、德國啤酒腸同芝士，德國啤酒腸用嚟夾住芝士食個味道好夾，最鍾意係食呢樣，又唔會太膩。而洋蔥圈都好好食，食落去唔同出面食到既咁散。「德國傳統焗薯批」($128)，個樣有啲似麵包，職員幫我地加咗醬汁，食落去味道好夾，個薯批唔會太碎，又唔會好似薯焗咁一舊舊。重頭戲嚟了，就係德國燒豬手($268)，好

環境牆身畫了慕尼黑啤酒節熱鬧盛況，現場還播着德國傳統民族音樂與足球賽事，即使客人不多也挺有氣氛。食物、飲品招牌德國燒豬手 豬手邊焗邊灑上啤酒，外層做到又脆又煙韌，肉質幼滑，鹹香惹味。雖然外表看來略為乾身，但入口肉汁豐盈。配上德國酸椰菜，將豬手的肥膩度大大減低。德國傳統焗薯批 新鮮薯仔 (不是薯粉)、雞蛋、忌廉、牛油、煙肉，看似簡單的食材，但只要配合得宜，滋味還是滿滿的。加上自家製燒汁，完美!Warsteiner Lager 成立超過兩世紀的德國啤酒品牌。酸度中等，順口好喝，是生啤中相當適合女士品嘗的淡啤酒。Jagermeister德國 Digestif, 成分包括56種來自全球各地的辛香料。酒精濃度為35%。味道微甜，餐後飲用的確有一點點幫助消化的效果。

早幾日同朋友傾計，聽佢極力推介呢間德國菜餐廳佢話幾抵食之餘，又好氣氛，今晚一於嚟試下佢！餐廳位於太子酒吧街嘅轉角位，面向大馬路當日我哋6點左右就到，唔算好多人但店裡嘅裝修就夠晒有德國酒吧嘅氣氛不禁回想起兩年前去德國嘅時光啊～本身打算叫 Fruit Punch 嘅我經理就可能估到我唔飲酒精飲品所以就介紹咗我試「Alcohol Free Beer Tap 3 $78」顧名思義就係無酒精嘅啤酒 (下?) 真係第一次聽呀～ 飲落係同普通啤酒一樣味道，近似 Hoegaarden但點解會有呢種啤酒嘅呢？經理就解釋話因為外國好多人食完飯都要揸車但又唔想個個都飲酒嘅時候自己就掃興冇得飲所以就發明咗呢類嘅無酒精嘅啤酒啦～「比亞荷夫烤腸拼盤 $168」重點推介!!! 朋友們都覺得呢個超抵食!!!圖中所見有十款不同口味嘅腸白色嘅分別有小牛仔腸，香草肉腸，迷你火雞腸較深色嘅係原味，黑胡椒腸，芝士，而黑色嘅係墨魚腸個人覺得最好食嘅係芝士腸同墨魚腸咬開芝士腸嘅脆皮，入面嘅芝士大爆發之餘，仲好有水份墨魚腸唔係淨係得個樣，入面一粒粒小墨魚粒其他腸都好好食，$168我哋覺得係超值，必試！「原隻招牌德國燒豬手 $268」

眾所周知太子酒吧街有好多大大小小既bar，但原來除左飲酒，附近仲有間隱世小店食傳統德國菜！甫入餐廳已經覺得餐廳充滿德國氣氛，用的是高身枱，想坐番低點也有卡枱揀。每張枱也有用木桶做的啤酒筒，確保酒的溫度可keep住凍，用的杯也是傳統德國杯。點了四個菜，一杯啤酒叫傳教士。這款啤酒味道比較清香，帶有點點果香，不會太濃啤酒味，不太喜歡太濃啤酒味的我十分喜歡。職員還會不斷免費補給薯片，聽職員是直接向廠商訂，市面買不到，薯片比較厚身，有口感。傳統焗薯批焗薯平日成日都有機會食到，但傳統焗薯批就真係唔係到到有得試。同平日既焗薯的確好唔同，咬落去除左有煙肉口感，仲有少少粗薯粒，再加埋最外邊既薯皮，有唔同層次，配埋燒汁食，唔會太滯，非常夾。招牌德國豬手，我敢說這是我吃過最好吃的豬手，比赤柱的更好吃，豬手的肉不會太咸（很怕很咸），重點是豬手皮燒得十分脆，皮的厚道適中，咬落鬆脆，兩個人吃掉一隻也不會覺得濟。除左豬手，呢款羊肉卡巴亦非常出色，同平日食既中東卡巴有少少分別，一問之下，原來係因為夾住肉既包，係手搓，所以食落特別有口感，而羊肉亦非常惹感，有d土耳其風味，但羊肉唔似平日咁燒到乾身，反而保留左d肉汁，夾埋

呢排個個星期都有一日起太子果頭上堂，為左避開繁忙ge搭車時間都想食埋飯先歸家。今日就約左個朋友打算食德國菜，因為佢好鐘意食豬手。呢間其實都係random起openrice搵，平日去唔算多人，可以慢慢坐。入面d裝飾都好有style，仲有好多部電視，如果世界盃去應該好好氣氛。野食種類唔算多，不過全部都可以用來下酒，菜式其實有啲似中東mix德國菜。等嘢食嘅時候當然要嗌番杯啤酒🍻開心一下，平時好少出嚟飲的我請經理介紹一下，經理超有耐性介紹番生啤、酸啤同黑啤的分別和口味。我怕嗌左唔岩飲，佢超好倒杯細的比我試啖先，試左兩款終於搵到隻岩我口味的啤酒。Estrella damm lemon ($72)，我同朋友一人嗌左一杯，好香檸檬味又唔苦，好易入口好岩女仔飲。另外仲有薯片任食，淨係叫杯酒飲下傾下計都正。但肚餓的我們就要再叫野食。安塔也羊肉卡巴($138)，其實即係羊肉夾膜，配上紅椰菜沙律好清新。麵包夾住有d中東風味的羊肉，再配上蒜蓉沙律醬超夾。原隻招牌德國燒豬手($268)，上到枱真係嘩一聲，好大隻好多肉。先講豬手個皮燒得超脆，經理話因為個皮係特別腌製過先做到咁脆嘅效果。另外個豬手已經起晒骨所以食得

跟男朋友行完旺角，又唔知想食咩好，我突然想去飲杯酒，咁就同男友講不如就去食德國菜。我地搵左一搵，太子原來有間德國餐廳-Bierhof。門外睇感覺係一間好地道德式家庭餐廳，一入去係飲野格局，可以大家飲下酒傾下計。因為身體不適，就點了這杯ESTRELLA DAMM LEMON ($72) ，味道就是檸檬啤酒，酒精度不高，啱晒女仔。男朋友不太好酒，所以他點了 fruit punc h ( Blueberry Punch)$78 點過飲品，再望望餐牌，菜式選擇若十多樣左右，當中已包括左好多傳統德國菜式。第一樣上場: 黑松露白菌燴意式雲吞（$148） 遠遠已傳來松露香，雲吞小小一粒入面芝士飽滿，再加上特製醬汁，味道一流。第二道菜: 德國傳統焗薯批（$128）男朋友很喜這個！薯批是由薯仔作主題，大量薯仔加入煙肉洋蔥，很惹味，大家可以一試。主菜：去德國餐廳當然要點德國豬手( $268) 奉桌前豬手已切開，豬手皮脆卜卜皮脆肉嫩。隨碟亦有芥茉酸菜以及酸瓜，豬手佐以酸菜能解油膩感，是有水準的豬手。

難得同🐽🐽女朋友出外用餐，想去一間特別的餐廳，所以選擇了這間位於太子的德國餐廳Bierhof,點解會選德國，因為🐽🐽女朋友去過德國一年，可以同佢一齊懷緬過去德國的生活。餐廳以酒吧為主調，是一個三五知己談歡詳聚的好地方。這裡的裝修用上很多德國的裝飾物。令客人有來到德國傳統小餐館的感覺。這杯是ESTRELLA DAMM LEMON 是一種檸檬口味的啤酒，入口初時感受到陣陣檸檬香味之後啤酒的味道就緊隨其後，之後兩隻味道融為一體一擁而上沖擊味蕾。ORGANIC GERMAN BLUEBERRY PUNCH 這餐廳的菜牌，雖然好似可選擇的菜式有點少，但大多都是傳統德國菜式。這道是黑松露白菌燴意式雲吞，送上來時重重的黑松露已突襲我的嗅覺，完全被它們俘虜住，食下去完全是另一種感覺，這次是濃濃的芝士味綁架了我的味覺，以兩種味道的交互配合，完全可以說是絕配。這道德國傳統焗薯批，是我個人很喜歡亦很有驚喜的菜式，因為這道菜在其他德國餐廳也沒見過，而這裡的職員亦非常推介這道菜，他們亦會細心講解這批的製法有何特別之處。而味道方面，這批是由薯仔作主題，所以有薯仔，入面有煙肉和洋蔥，所以吃下去有陣陣的煙肉味散發出來

好耐無約同事去飲酒食下野，一約就約左去太子酒吧街果度行過油站見到有間裝修好特別既酒吧俾我個感覺係有種40年代既勞動階層收工去飲酒既Feel所以忍唔住入左去入面坐餐牌一坐落去已經有少鹽薯片奉上（之後仲幫我地加左轉添）入面裝修用木同磚做主題，都係呈現傳統德國既感覺好多酒都係用木桶裝住，飲起酒上黎個Feel就好似成個酒桶放入口咁餐廳既枱同凳都係木製，我同朋友就好似身處德國咁樣！最特別既係，成晚都係聽住德國既背景音樂，真係好欣賞呢間餐廳咁尊重德國既文化！我同朋友叫左豬手、焗薯批同兩杯野飲原隻招牌德國燒豬手$268豬手份量超多，豬肉入味，咸度唔會太高，皮脆但唔會油，口感豐富而最令人驚喜既係，配合豬手而上既有三種醬，平時食開既係蜜糖芥末醬而呢間餐廳仲會配上蘑菇醬以及我從未食過既咖哩芥末醬雖然個人未係太喜歡咖哩口感，但食起黎都唔會太古怪，四種食豬手既口味，食咁大份都唔覺得厭因為朋友太鍾意食豬手啦，我地仲叫多左半隻豬手燒汁炆燴豬手$158呢種豬手用炆既方法製成，所以皮會比較鬆軟鬆軟既外皮煙煙un un，而豬手肉質都比較嫩滑，豬手皮下既脂肪入口不油膩，同時吸收左燒汁既精華，整體口感方面同燒豬手形成好大既

同事介紹，在太子有間正宗德國餐廳，名叫Bierhol,環境裝修設計雅緻，燈光柔和，置身其中如在德國，而且不會太嶆吵。老公喜歡放工後找地方休息，食嘢和啤一啤，就帶他往Bierhol 試試！Furstenberg Weissbier，啤酒味濃，冰凍好飲。菠蘿汁：菠蘿味濃。原隻招牌德國燒豬手：去骨起肉的德國豬手好入味，皮脆肉嫩，三款醬汁有芥末、蜜糖芥辣、大蒜，味道各有特色，都很好味，配菜酸青瓜爽口，配豬手食可以解解膩啊！比亞荷夫烤腸拼：有牛肉腸、香草豬肉腸、三種味煙肉腸（原味、黑椒、芝士）。腸烤得香，全部腸都是脆皮，味道各有不同，各有特色，配有二碟醬汁，一碟辣醬，另一碟甜味的蜜糖芥末醬。德國傳統焗薯批：用煙肉、洋蔥、生熟薯仔絲、蛋、cream焗成，再將特製燒汁淋上，口感幼滑又惹味！

Bierhof @靜中帶旺嘅太子界限街，係一間主打德國脆脆鹹豬手配生啤嘅德國餐吧。 呢間酒吧比你嘅感覺係好似走入異國咁，裝修+播放嘅background music令人感覺 cozy ，適合三五知己談天說地。原只招牌德國燒豬手($268)絕對係呢間酒吧嘅必食之選，豬手皮脆肉嫩，鹹香冶味，配以自家製酸椰菜，既幫助消化，亦消除油膩感。豬手份量大大隻，窩心地預先切好，適合同朋友齊齊開心share。鹹香脆卜卜嘅豬手+冰凍嘅德國啤酒，倍添風味。因此呢度有好幾款啤酒選擇，特別係生啤酒(Draught beer)，比熟啤酒更加新鮮清爽。Paulaner Weissbier Dunkel Beer($82)，烘焙味重、口感濃郁，比一般啤酒口感更強烈。德國傳統焗薯批($128) (Potthucke)，焗薯批內加入煙肉同忌廉，口感似薯蓉般綿密，味道非常好。比亞荷夫烤腸拼($168)，德國菜必食嘅除左鹹豬手，就係香腸拼盤了，四條香腸分別係牛仔腸、芝士腸、墨魚腸同埋黑椒腸，配以自家製酸椰菜、酸瓜、蒜香沙律醬同蜜糖芥茉醬。四款腸入面我最鍾意係牛仔腸，食到肉嘅原味。墨魚腸則味道香；芝士腸有流心芝士；黑椒腸就有辣

上星期放假，夜晚約左朋友去飲野。由於朋友住太子，所以經佢介紹之後就去左太子一間食德國菜既酒吧去聚聚舊。環境方面，入面面積較細，但座位刀坐得好舒服啊！比亞荷夫烤腸拼：食德國菜吾會少得食德國腸拉！依款菜式系拼合左多種不同味道既腸，當中包捨芝士、牛、黑椒等等既德國腸。最討好我既莫過於牛肉既腸，味道濃郁，而外面好似脆皮腸既口感，真的不錯啊！而芝士腸一咬，不少芝士滲透出來，香口的。另外，有少許酸菜做伴碟，為減減油膩呢！原只招牌德國燒豬手：豬手份量頗多，可以見到豬手既肉粒，可見非常足料啊！豬手咸味足夠，而外皮頗香脆。餐廳用了燒既方式令豬手減少油膩口味呢，配合三種醬汁別有一番風味！黑椒烤焗雞翼鎚：細細隻，啖啖肉。黑椒令雞鎚更為香口，肉質嫩滑的，不錯啊！Assortes juice (orange)：吾飲酒既朋友也有果汁選擇呢！

翻完幾日工，o左幾日t, 想同朋友食下飯chill下，想食德國野，醒起有朋友推薦呢間，於是就決定試下。呢間嘢都幾易搵 喺太子地鐵站行幾分鐘就到喇。有張枱畀客人可以喺度吹水relax下幾正， 環境幾舒服啱曬成班friend吹水。首先嗌咗個脆皮豬手唔記得叫咩名皮脆肉嫩加埋啲醬汁其實真係幾好食 價錢唔貴，值得推介。比亞荷夫烤腸拼， 個拼盤都幾多款腸， 分量都唔少，味道唔錯。尤其係個墨魚汁腸幾特別係其他德國餐廳好少見味道幾特別，幾新鮮 幾好味。啲職員嘅服務態度都幾好，今次服務我地個職員好似叫Ray，好細心咁介紹啲酒，同埋啲嘢食。 食完啲薯片，都會主動幫我哋refill。 太多早多幾親切，我哋都食得幾開心。

收工同朋友搵地方飲杯野，openrice見到地點就腳去試下。環境幾舒服好啱同朋友黎傾計食野，食物質素不錯，雖然白酒款式不多， 但店員Ray仔細介紹及推薦，揀咗支唔錯嘅白酒配埋個拼盤一流！！ 真心推薦！

早排見到呢間德國餐廳做緊晚市腸仔放題，見到食物都幾吸引，可惜細食嘅我任食真係唔多抵，所以決定選擇a la carte 去叫唔同款式嘅野食。坐低之後店員比餐牌我地，同時間亦都送上一碗薯片，呢啲薯片仲係無限量添加嘅添，係等候食物上檯期間可以慢慢食。原只招牌德國燒豬手：食德國菜有點少得叫鹹豬手呀，見到差唔多台台都有叫，我就知道味道一定唔會差。鹹豬手採用燒既方式炮製，豬皮燒得好香脆，肉嫩而香滑得黎又唔太油膩，顏色呈嫩紅，配埋芥末食，味道相當吸引。配菜嘅酸菜入口非常清新，令整體油膩感減低。燒汁炆燴豬手：有別於燒豬手，用燒汁炆過嘅豬手味道一d都唔鹹，入口好淋，亦都唔乾身，同燒豬手簡直係兩種唔同嘅風味。配菜仲有甘筍、青豆同埋小椰菜，令到整體顏色鮮艷，賣相非常吸引。比亞荷夫烤腸拼：德國菜餐牌上有香腸拼盤係理所當然嘅事，拼盤有分大同細，我哋人數少，要咗個細嘅，一共有四條，分別係牛肉腸、芝士腸同埋兩條墨魚腸，配酸菜、酸瓜、蒜香沙律醬同埋蜜糖芥茉醬。三款腸中，我最喜歡嘅都係墨魚腸，味道非常香， 入口好似墨魚丸，非常彈牙。芝士腸咬開後有大量芝士流出，非常適合喜愛芝士嘅朋友。至於牛肉腸，肉身軟滑又唔騷，味道香濃