Big John (Closed)

星期二晚收工去尖沙咀會合老婆, 又唔想食太飽, 就試咗呢間, 見佢門口餐牌寫住下午茶時間3-8pm, 正! 就算唔係附近做嘢, 放工過來都食得到, 真係抵讚, 唔駛諗, 一於坐低!老婆要咗下午茶餐 : +吞拿魚飛碟 – 烘得啱啱好, 吞拿魚份量都好足!+中湯(+$2) – 係眉豆蓮藕湯, 都好夠火候唔係味精出品噃!我就大食D 要薑葱撈丁餐 :+炸豬扒薑葱豉油撈丁 - 薑葱豉油嘅天仙配係無容致疑嘅, 出錢一丁亦煮到啱啱好(註:而家好多茶餐廳都係煮唔透出錢一丁嘅, 絕對係失敗, 以為浸喺湯就可以浸熟, 其實只會”偶林”啲麵咋, 所以食茶餐廳出錢一丁我會要叫煮”林”啲), 炸豬扒雖然好熱氣, 但唔會乾柴柴, 唔錯!+蒸燒買 - 蒸得唔係好透, 麻麻地!+馬蹄露 – 唔會太甜, 馬蹄粒都唔少, 唔太稀或太杰, 煲得幾有水準!評語 : 一定有下次!

心情不太好，早點起了床，打算在上堂前吃個豐富味美的早餐，為自己打打氣！第一次來，心情有點緊緊張張的。偷看其他食客才知道要先走去ｃｏｕｎｔｅｒ落單付款，然後找個位置坐下，隨後會有人為你送上早餐。又一次貪心，想盡量多試點食物，就要了個Ｂｉｇ　Ｊｏｈｎ　Ｎｏ．１。　有炒蛋，火腿，腸仔，和一塊多士。飲品除了一杯熱飲，還有一杯橙汁！忽然想起這裡的名物是格仔餅，就加了＄２把多士升級做格仔餅。這個店的椅子都是高櫈，不愛吧枱的人士可能會辛苦一點。而牆身就掛滿了小狗圖片，怪怪的，卻可以讓人解解悶。炒蛋，火腿，腸仔都是不錯，夠熱。重點美食格仔餅看上去份量不太大，但塗滿了奶醬和花生醬，也是幾ｈｅａｖｙ。但不可否認，格仔餅的脆口和ｔｏｐｐｉｎｇｓ的香甜的確把我的正能量都找回來了！可以再回來吃，不過下次，我會ｏｒｄｅｒ份量較少的餐了！

30-1-2010呢間店路過好多次都想試, 但次次唔係無位就係「閉門造車」, 見是日兩樣都唔係, 立即同朋友衝了入嚟試試.大家各自叫了撈丁餐, 跟自選「小食」 一客及一杯飲品:-「小食」係「涼拌青瓜鳳爪」-- 鳳爪已去骨, 食得方便, 質感爽滑, 仲有紅蘿蔔絲及青瓜, 配上超級勁爆酸及少少辣的醋汁 (還是魚露來的?), 夠晒開胃. 芝麻就落咗對味道都無乜幫助, 存在價值不大.凍奶茶勁多冰夠晒凍, 不過 (1) 無茶味, (2) 無甜味, (3) 只有少少奶味, 我幾時叫了「凍奶茶全走」!? 主食係五香肉丁煎蛋雞翼撈丁(薑蔥豉油汁) -- 豉油汁份量夠, 薑絲蔥絲亦唔少, 將蛋黃拮穿拌勻, 食落丁麵多一份蛋味及黏口, 不過本身淥得太腍, 再加埋蛋黃汁, 都真係好腍吓 -_-" 五香肉丁唔多夠辣, 而鹵水雞翼就幾好食, 鹵水汁夠香, 雞翼就肥大入味, 雞肉嫩滑有肉汁, 幾好食.朋友食照燒汁雞扒撈丁 -- 試了一件雞扒, 雞皮十分香脆, 不過雞肉乾到「起絲」, 真係 -_-"朋友個餐的「小食」就係格仔餅 -- 屬「散叫」的一半份量, 食了一啖係覺得好脆, 不過好乾, 無蛋香又無牛油香,

之前返海港城好多同事都話呢間D格仔餅好食~今日行過見無咩人~入去試下先牆度貼左好多狗狗照片~好WARM AR~我同男朋友簡左餐廳轉角GE位置,二人世界~~SWEET招牌炸豬扒麵豬扒酥脆,麵身唔太腍正~!!雞翼蛋撈公仔麵公仔麵太乾,雞翼下次唔會再叫`格仔餅名不虛傳-------煙韌得黎有咬口正正~!感覺好矛盾GE:藍莓CHEESE CAKE點解咁矛盾!?因為-------雖然佢係藍莓CHEESE CAKE,但係佢係檸檬味~而且佢嗰種係好似洗潔精GE檸檬味~~~~唔好諗住係好難食~~~係好好食先真酸酸甜甜勁開胃好好味GE----檸檬洗潔精味藍莓CHEESE CAKE~~係咪好矛盾呢?!

這已是食過不少次的了，尤其是三四年前中學時期啊。家人在這區工作的，中午會來食。都常十二點半來，會很多人的。店子自助式的，自己前往叫野食，食物會由店員帶到臺上的。推介的是招牌炸豬扒，我會配米線。跟餐飲后會加個藍莓芝士餅！招牌炸豬扒是分碟上的，幾脆幾香，肥糕不是很多，但是有的，不會太硬的。米線其實就普通，不太特別。重點是藍莓芝士餅，這是我第一次食芝士餅的地方，印象特別深。芝士餅味道很濃郁，十分有料子有厚度，有咬的勁！而藍莓甜甜酸酸的配合芝士的香濃味道！十分好食，跟餐也只是加十幾塊錢而已！

食咗兩日Big John, 真係無諗過呢間小店嘅野食咁啱食!! 原來除咗一向有好評嘅格仔餅同芝士餅之外, 原來有驚喜嘅仲有水餃同糖水~尋日食咗淨冬菇雞肉餃轉蕃茄湯底($25), 另加$5有是日糖水係紅棗蓮子百合圓肉糖水... 冬菇雞肉餃轉蕃茄湯底:食過幾次, 水餃size都幾大隻, 一碗有8隻, 我第一次食個陣佢用嘅皮係餃子皮, 皮比較厚, 所以個次食到最後兩三隻都已經好飽, 唯有棄皮食餡...不過最近再去食, 佢已經改良咗, 改用咗薄身嘅水餃皮, 但係size依然頗大隻, 一個女仔食會好飽!! 初初會擔心水餃餡嘅雞肉會"鞋", 不過食落就一d都唔"鞋", 加埋冬菇, 好味升級!! 蕃茄湯底好清, 仲有好多蕃茄薯仔同甘筍粒, 好清甜嘅蔬菜湯, 味道偏淡, 飲埋d湯都唔會涸喉! 對減肥嘅人來講, 呢個lunch都係幾好嘅選擇, 即係我, 哈哈!! 紅棗蓮子百合圓肉糖水:第一次食Big John嘅糖水...呢幾日天氣開始乾燥, 好想食個滋潤嘅糖水, 見跟餐加$5就有, 所以就試吓啦...好足料呀!! 成半碗多都係材料, 好多圓肉同紅棗大大粒, 只係對我來講甜咗少少! 雖然已經好飽, 不過都

太座一直是這兒的頭號粉絲，相隔約差不多兩三個月就會到訪一趟。自己相對上沒有那麼熱衷，每次來的原因大多是作陪客而已。不過這次可是例外，因太太最近不斷盛讚她的撈丁做得很不錯。一直沒有吃到認真出色的撈丁 (就算是所謂名店如蘭芳園的也只是不過爾爾)，既然得到枕邊人如此青睞，那就更要主動提出要來跟它碰碰面了...集中火力將注意力放在撈丁之上，跟太太各要了一份，自己要了五香肉丁、鹵水雞翼及煎蛋作餡的，太太則要了牛扒。兩碗內的丁麵皆淥得乾爽彈牙，用作撈麵的豉油汁亦調得微甜可口而不太鹹，這種甜味卻並非來自人工調味品的，很有家庭風味。肉丁用的只是由細吃至大的罐頭貨色，當然不會吃到甚麼驚天動地的滋味，但不知怎的，總覺這種帶香辣的東西跟即食麵 (特別是米粉)一向是天仙配來的，所以仍是吃得津津有味；太陽蛋稍嫌蛋黃部份煎得熟了點，但勝在邊位弄得帶少許燶脆，是小弟一向的偏愛；雞中翼細細只容易吃，鹵得相當的夠味，用來伴飯或伴麵都可以....牛扒看上去顏色好像是漂白過一般，很不"靚仔"，但醃得算是夠入味，也吃不出一大咲雪味，可算是抵消了樣子不漂亮的罪名.....很欣賞作為餐前小吃的甜酸鳳爪，是醬得味剛好的，不過酸也不

知道好多人都寫過格仔餅,當然試試怎樣好吃。一入到去,有四位人客已有野食緊,但係店員們仍忙著!?沒被理會既我,想叫野食,終於有位哥哥仔同我講,係前來order。Ok!行到cashier櫃台前,也是要企一陣才聽我既order!坐低左,聽到佢地係咁蹹街名,原來係忙著N個外賣,犀利!誰叫佢地食品種類咁多!?又粥,又餃子,又cheese cake,又麵,又糖水….如果公司裡,每人叫唔同類型既野,真係一腳踢。講番格仔餅,好驚訝是沒有蛋味,好似以前冬天街邊,車仔檔的舊式冷糕(只加麵粉和自發粉),質地有點煙韌,唔脆既。每格都載滿粗粒花生醬、鍊奶、牛油,可能怕太heavy,所以唔落,或者落得好少蛋,餅身又薄,所以四片都食得晒。餐飲,熱檸蜜,e......菜蜜黎o既!

差點把這間小店遺忘第一次來這裹,是4年前 是因為LASTＤＡＹ老闆請的!!好像是食早餐其實當時我在尖沙咀了工作一年也不知道有這間小店的存在番看食評, 才知當時只開了4個月老闆的選擇,當然有她的道理她在我們員工心目中係精打細算, 的人(難聽D係刻薄)以她的身份 , 請我到這間SHＯＰ　ＦＯＲ 歡送一個員工我是覺得寒酸的不是在openrice的十大好評中 search 餐館我不會重臨老闆當時真叫獨具慧眼,在眾多平價餐館選出最好食的...今次再試一試食評中最多人推薦的格仔餅味道果然不錯另外再叫豬扒飽---豬扒好大舊兼好入味, 都好得一咸一甜都各有千秋四年前係冇認真試味道 , 因為之後要做野好忙碌今次 雖然都係要趕睇波但唔係同老闆食可以嗒真D價錢好實惠食物連飲品都係$22

在檢查之前，和太太吃個早餐打打底。人在尖咀，想起了Big John的格仔餅，就走了進去....從未試過來吃早餐，想不到原來這裡的選擇是那麼多的 ---- 既有中式的粥麵，也有西式的ABC。來得此處，當然不會吃甚麼皮蛋瘦加炒麵了。格仔餅一份嫌太多，吃不下其他東西，看見有半份叫，那就求之不得再加上腸仔炒蛋及奶茶一杯，這頓早餐也算吃得過....平常喝茶走喝得多，今次揀了奶茶來試。茶味比想像的濃，奶味不過重，夠滑，還喝得過....所謂的腸仔其實是切剩一半的法蘭克福腸，沒有完全的煎透，有點失望；蛋是炒得裏面仍剩下蛋汁的，挺滑，okay....格仔餅雖說是這裡的名物，但一向都不覺得有何出色之處。邊位烘得不夠燶脆，中間部份亦是腍腍的，蛋香亦不算特別突出，好在花生醬及煉奶還算重手，不然就不值一吃了....吃着忽然想起當年尚未走紅的牛下格仔餅，又想起自從聲名鵲起後水準之急降，心中感慨不已.....

1) 菠籮雞絲什菜沙律 -- 幾好, 唔覺肥膩2) 喳咋 -- 有料, 但比較hey3) 格仔餅 -- 硬, 小許桅, 但由12:20等到12:50.....不值 而且見面不如聞名...三十三元算很便宜.下次試撈丁

昨天出左去,朋友說好想食big john,已講過多次都冇機會去到,昨天終於去左呀!環境小小,全店都有好多狗仔的相框及攞設,都幾得意及特別呀!每人叫了一個沙律餐,我叫了吞拿魚雜菜沙律配夾餅,飲橙汁,朋友叫了一個雞絲雜菜沙律配夾餅,飲低糖豆漿,其實小食可配好多唔同款式的食物,我見食評有好多都說夾餅好味,所以就想試下,等左一陣沙律就嚟,都幾大份,好多吞拿魚,但好好味,生菜好多好新鮮,有些青瓜,蕃茄,有些麵包粒,提子粒,嘩,食極都好似仲有好多咁,朋友的雞絲沙律都好吸引,我們等左好耐,但夾餅還未到,後來問仕應,原來是要叫他來才會弄的,朋友說上次都是這樣,但他忘記了,這樣都幾好,因怕你未食完會凍了不好吃,夾餅有兩件的,是半份,是花生醬及牛奶,好味呀,好多醬,脆卜卜,如果再熱d更好味.這裏還有好多其它選擇,有麵飯,下午茶等

今天早餐和午餐都在Big john吃首先這個豐富早餐煙肉腸仔磨菇炒蛋配多士橙汁和咖啡好抵食$26好大份好飽真係好似外國早餐又橙汁又咖啡，個蛋好多洋蔥同磨菇好好味。午餐今日吃酸辣湯餃子麵$24加$5配章魚蓮藕湯好好好味，今日太飽沒吃格仔餅。間中都黎依度食其它食過炸魚薯條唔係一般雪同無味炸魚薯條，同上素餃麵都好好味，值得一讚我食樣樣食物都份量好十足，超值。

原本諗到去食日本o野，不過睇完食評心思思，於是改咗o黎呢度。同太太兩個都唔諗太多，同樣叫咗招牌炸豬扒拉麵，熱檸茶。小食一個要咗格仔餅，另一個加錢轉藍莓芝士餅。炸豬扒同平時食到o既好唔同，佢俾我o既感覺唔係脆而係鬆化，而且係入口溶化o固種…肉質偏腍，而且肥膏比較多，但整體仍然超班！拉麵好幼身，有啲似天使麵。麵本身較淡，好彩湯底夠濃郁，互相配合之下總算可口。飯後甜品上場，藍莓芝士餅真係好滑，雖然芝味唔濃，但配上藍莓剛剛好。餅底用上消化餅，感覺上好似好正宗咁，而且Home made感強烈。格仔餅幾好味，仲好似細個街邊檔o既口味，但唔算太特別。不過係即製，總算熱辣辣。檸茶用茶包，所以唔係好夠味，勝在檸檬幾新鮮同唔苦澀。p.s. 店裏面好多狗仔相片，以為自己去錯寵物店...

成日聽家姐話樂道呢間big john好食，今次0係海運睇完戲就黎試試，時間都7點左右，好彩未收舖，因為家姐話呢度唔做夜市。我見仲有下午茶餐，就叫左好味格仔餅+熱朱古力，朋友就叫左cheese cake+熱奶茶，呢度d位都係面壁0既，好似專做獨行客生意咁，叫完野食，有位姨姨送過黎，服務都算唔錯啦!我一見碟格仔餅就好開心，因為原來係咁大塊，即刻叉黎食，woo~好鬆軟，d花生醬同鍊奶又足，好sweet呀﹗我食到冇停，朋友都爭左一塊黎食，因為佢件藍莓cheese cake細細件，幾啖就食完，我都試唔到添杯朱古力同熱奶茶都ok，我諗我會再黎