大街小館 (Closed)

食完個下午茶，唸住行多幾個巴士站消下脂🚶🏻‍♀️，但又經過見到呢間大街小館，比佢門口貼左嘅椰皇吸左我入去🤪，見到白雪雪嘅甜點我就很開心🥳，餐牌上嘅甜點都多元化，樣樣都想食，最後都係叫左個養顏嘅杏汁燕窩鮮奶燉蛋白。燕窩比較碎，但份量都多，杏汁唔太甜，啱晒我口味，蛋白滑嘟嘟，食完就好似做左個Mask咁正😚食完都買番個薑汁番薯湯丸比家人品嘗，佢食完都話薑汁夠辣，芝麻湯圓同芋圓好滑，蕃薯🍠熟度剛剛好，咁下次經開都一定要再食下佢其他產品先得😚

食左成個月終於出到post🤣 呢間糖水鋪主打港式新派甜品，椰皇、榴槤同芋圓系列都好多人食🤤🤤 今次就試左佢地既芋圓！呢間仲係黃店黎架💛💛💛⁣⁣黑糖芋圓仙草凍（$38）⁣呢碗糖水好足料😋配料有紅豆、仙草、小丸子、椰汁啫喱、雪糕等，仲有點少得既主角👉自家製芋圓😍 芋圓分別有紫薯、蕃薯同玫瑰三種口味🤤 食落煙煙銀銀，口感夠曬彈牙，都幾食到餡料本身嘅味道👍仙草食落都口感都幾滑，但略嫌硬左少少😛 但加埋黑糖底個味道都唔錯既😋 雪糕有好多款特別口味揀，包括：玄米茶味、海鹽味等 。今次就試左海鹽味，味道都唔錯😋 整體黎講都值得一試，同埋真係好大碗呀！食完覺得好飽🤣🤣

近排疫情影響放工無得在外吃飯，為有自家煮不過想食甜品當然就要買外賣回家吃啦！這間甜品款式繁多有中式、西式、熱凍、燉品等樣樣齊，梗有一款啱你吃。今次我就外賣了三款回家吃，杏汁雪燕燉蛋白配湯丸，芒果腸粉，榴槤西米露。杏汁雪燕燉蛋白配湯丸，聽個名已經知勁啦！杏汁香濃雪白而雪燕幼滑如絲很養顏加上燉蛋白真的超級滋潤，芝麻湯丸夠煙韌。芒果腸粉有驚喜，外貌很像炸両腸粉，外皮是用椰漿做腸粉皮，餡料用芒果扮油炸鬼很特別呀！加埋忌廉同芒果醬一起吃口感妹豐富。榴槤西米露，一開蓋即刻漂來榴槤之香，芬香撲鼻而榴槤肉很厚身啖啖肉，西米露很幼滑。今晚個個食到舔舔脷好滿足。

留家抗疫咗一段時間， 有時真係食到悶悶哋 今日食完飯之後特登同屋企人去到附近嘅甜品店買甜品返屋企食 一齊在家品嚐甜品滋味😋榴槤腸粉 榴槤控嘅我見到呢款甜品非常興奮！ 薄薄嘅腸粉外皮 包住香郁嘅d24榴槤餡 咬落去係啖啖嘅榴槤肉 整體口感香滑 而且唔會膩 食完榴槤香仲縈繞不散 ❤️❤️❤️椰皇芋圓燉蛋白原個椰王呈上 椰汁充滿住椰香同有好厚嘅椰肉 甜度啱啱好而且蛋白仲好滑溜小丸子同芋圓大大粒食落煙韌彈牙 食完感覺滋潤飽肚👏🏻紅豆沙紅豆唔會煲到碎晒爛晒 口感稠稠沙沙 入口糜糜的 味道清甜柔滑 加埋百合 清香有口感！

近排疫情所限，少左出外用餐。適逢今日放假，親自落廚煮左幾味。飯後想食d甜品，就去左大街小館外賣左幾款糖水返屋企食。椰汁芋圓西米露- 濃濃的芋頭香，芋圓煙韌韌的口感，非常唔錯。芒果拿破崙配雪糕 - 酥皮富層次，夠脆口，口感鬆化。吉士口感香滑，甜而不膩。兩層吉士都夾雜好多芒果粒，果香充沛。雪糕口味眾多， 揀左荔枝味，夠曬清甜。芒果紫米露 - 紫米露好有咬口，配上香甜的芒果同香噴噴的椰汁，軟糯香甜。椰汁湯圓 - 湯丸皮薄餡多，軟熟煙韌。

雖然而家疫情之下夜晚無得堂食，不過我都鍾意夜晚同屋企人一路食糖水一路睇電視㗎💛今日收工係佐敦附就去咗大街小館就買外賣糖水😋甜品款式選擇多，而且價錢又唔貴，而且份量都好豐富同多，真係非常抵食👍🏻榴槤西米露$38榴槤味香濃，甜甜地好消暑黑糖芋圓仙草凍$38原來有雪糕配埋，我揀咗朱古力味，外賣會將雪糕分開，真係夠晒貼心👍🏻雪糕溶溶地撈埋一齊食好夾💛芋圓夠煙韌～薑汁湯圓芝麻餡$22湯圓皮薄料多，唔算太甜合桃糊$23好滑～唔會太甜

禁堂食冇得出街食飯又冇訂蛋糕，今日屋企有人生日，走咗去公司同事極推佐敦附近嘅甜品店去買阿媽嘅心水糖水，外賣返歸。一去到門口就聞到榴槤嘅清香，佢menu有大部分香港主流嘅糖水，主打有好多自己親手做嘅雪糕而且啲口味都幾特別唔係周圍都食到。 外賣我叫咗椰皇蛋白燉桃膠，芒果撈河粉同黑糖芋圓仙草凍。第一次買呢類甜品做外賣，開初有啲唔好意思，又好驚要等好耐或者會pack得唔好會好麻煩。但係成件事超級快速，喜出望外。唔使5分鐘即刻整好，快速將三碗嘅糖水整得靚靚畀我。番到屋企即刻將佢擺落個雪櫃凍住佢，食完飯之後我哋都好興奮好開心喺屋企有幾碗咁高質素嘅甜品食。真心超級推介，超足料 性價比超高。佢唔似出面啲糖水，食完面嗰陣就冇料到。而且甜度適中，冇個種甜爺爺甜到漏嘅感覺反而覺得清甜新鮮，口感豐富有種幸福嘅滋味。芒果撈河粉裏面好多新鮮嘅芒果粒 全部都好甜又夠厚肉 另外仲有啲小丸子煙煙韌韌。最鍾意同最特別嘅最正值得推介嘅係佢嘅河粉，真係極度好奇想知佢係係點整得 又滑好濃椰香嘅味厚度適中 配埋本身跟嘅芒果汁底好好味 總之就好特別好夾另外黑糖芋圓仙草凍裏面有啲大大粒嘅三色芋圓非常煙韌 亦有咬感滿滿豆蓉嘅紅豆 加埋

一直bookmark咗想試好耐，西式甜品有拿破崙窩夫心太軟燉蛋，港式就有西米露椰皇榴槤嗰d，連中式都有，好多選擇😙⠀🍧 黑糖芋圓仙草凍 $38份量比正常大d，而且芋圓仙草系列有雪糕真係好少見🍦 雪糕仲要係有好多特別口味，我去嗰日有玄米茶、海鹽、榴槤等🍦 我揀咗海鹽，有少少鹹又有奶香，好吃～ 成碗甜品一入口超重花奶味，佢落咗超多花奶好香，配埋紅豆小丸子同仙草正😙 唯一敗筆係芋圓😣 芋圓偏硬亦冇乜味，有個係茶味但唔太夾，除咗芋圓其他都100分😚⠀🍨 榴槤至尊 $50有榴槤雪糕、西米、涼粉、黑珍珠、紅豆、榴槤肉三嚿😙 榴槤迷要揀呢個呀～ 成碗都好濃榴槤味～ 榴槤肉都好甜，而且又足料😌⠀見到佢仲有handmade ice cream，有鹹蛋黃同黑糖奶茶味，好想試不過太飽了，唯有下次😣

日日叫人唔好岀街 唯有岀去買嘢食輕鬆下👊🏻👊🏻再次幫襯香港人嘅本土良心小店！！支持自己人！疫情嚴重 無得堂食！ ！咁就唯有外賣啦！！我無乜所謂！唔知叫乜嘢😂 咪睇下OpenRice 啲人推介乜囉！！咁我就叫左個幾多人推薦嘅椰皇蛋白燉桃膠！！！老闆好細心～～外賣佢有冷水碗浸住！！！拎到返屋企仲好凍！！！！！個椰皇好多料！！！！有蛋白芋圓西米露桃膠等等！！！啖啖都係料呀！！！椰汁好香濃香棉密！！！好滿足哈哈！佢有啲料咸咸地幾特別 唔知係蛋白定桃膠😂 太多啦我分唔到係乜嘢黎🤣 抱歉！價錢五十幾蚊有個椰皇甜品又好食又足料！真心推介好食！香港人加油！頂住！

甜品選擇多，價錢親民。椰皇蛋白燉桃膠 ($52)材料豐富，桃膠份量多，仲有蛋白、西米同小丸子。椰汁入口有香濃椰香味，桃膠口感有啲似啫喱，小丸子煙煙韌韌，蛋白非常滑溜，口感豐富。加湯丸(芝麻餡) ($10)大小剛好，湯圓皮薄，軟熟煙韌。芝麻餡有流心效果，咬一啖就會洶湧流出，而且有光澤，香甜幼滑。榴槤腸粉 ($36)腸粉皮爽滑Q彈，包住滿滿嘅榴槤蓉同cream，再喺面淋上自家製榴槤醬，榴槤味道甘香濃郁，榴槤控一定食！

大街小館 (佐敦) 📍佐敦吳松街93-103號德利樓地下C舖食飽飯當然要食糖水為生活加甜💕黎到廟街附近，當然要到黃店「大街小館」光顧，人龍不斷，十分利害，等了大約十分鐘先入座。榴連至尊 （HKD 50): 西米、涼粉、黑珍珠、紅豆、榴槤肉、榴槤雪糕🍦、奇亞籽。啖啖香濃榴槤肉，好焾身，其程度可以臭死隔離，加埋自家製榴槤雪糕🍦，雙重享受。奇亞籽有食用纖維，有助通便。🤭紅豆偏甜同焾，配番無咩味既涼粉同西米加椰漿，一流。❤️黑糖芋圓仙草凍 （HKD 38): 雪糕口味眾多， 不過我決定簡玄米茶味🍵，茶味出，淡淡茶葉香，最驚喜係芋圓不只紫薯味，仲有自家製茶味，好有咬口，不過粉多，偏硬，味道可再濃同重手點。總結：佐敦飯後必食甜品🍮推介榴槤至尊❤️#佐敦#飯後甜品#榴槤#真材實料#實而不華#黃店#大街小館#自家製茶味芋圓

友人成日捉人食糖水呢間係佢同我都好喜愛的 就黎變糖水飯堂架喇💛😍♡ 榴連椰皇燉蛋白（凍）$59👧🏻必食之選 我由第一次份鋪店就嗌呢款之後次次都必嗌返呢個 專一😌今次已經去到食第三次榴鏈齒頰留香 同啲丸子蛋白好夾次次食完滿足感💯 ♡ 椰皇湯丸燉蛋白 $59友人食呢個都好香好滑熱食椰皇味會濃啲😌值得一提 黎到呢間最推介都係嗌椰皇系列試過帶其他朋友黎食 佢冇叫到椰皇發現好似冇咗好食咗🤭**因為疫情來貨價貴了 椰皇先漲價到$59 原先是$52的

無無聊聊三條友想去食甜品又唔想食咁飽所以揀咗呢間嘢諗唔到食咩好所以就揀啲最基本最原始嘅勞勞大家睇下呢幅相 實而不華 三條友諗唔到叫乜嘢所以叫埋一樣 首先有一嚿榴槤雪糕跟住有三篤純正榴槤蓉下邊仲有好多一粒粒嘅嘢就先有涼粉跟住就紅豆 在跟住有山粉圓 跟住仲有啲白色透明珍珠另外仲有奇亞籽全部都係一粒二粒其實分開獨立食都冇乜所謂撈埋一齊易唔見得有咩問題創意就冇乜㗎喇正在幾樣嘢倒埋一齊又唔會覺得難食其實榴槤嘅甜品只要榴槤係靚嘅話點樣都會好食

工作日專門一試這家小店，位於廟街附近，點了一個冷的，芒果的，小丸子味道不錯，雪花冰也還算芒果味道濃郁，熱的是綠豆湯，我沒有吃，朋友說也可以，下次去試試椰皇系列！

佐敦以前食開松記, 而家唔食啦睇apps搵到呢間野, 未去到門口都見到條龍, 個心爭札左十秒, 走唔走呢, 最後見翻台都快就等下啦芋圓碗野$38蚊, 好大碗, D仙草夠solid, 雪糕你可以自己簡而佢有好多口味, 簡左玄米茶. 都ok個人覺得好味過康瑞 (夠做喇掛)芒果至尊, 你唔會話可以有幾好食, 但份量夠大又無hea我. 我下次會試下有個西瓜果個, 見到人叫都唔錯唯一就泊車煩少少, 吳松街你諗都唔使諗有位泊, 我要落到去廣東道泊低行過去先搞得掂. 又咁講, 當自己係地鐵行過黎囉, 都acceptable嘅