大婆牛肉麵 (Closed)

入到餐廳，大約坐咗一半人坐。我同友人想打橫坐，冇哂２人位，所有位都要搭枱。最後揀咗坐八人枱的最左邊兩個位，張枱仲有１個人加佢個袋"坐"响度。個員工（應該係睇場級數的阿姐）走埋嚟話一定要我地打對面坐。我地話坐住先，一陣多人先調位，我地拉鋸咗一陣，佢都唔肯俾我地坐响度，係都要我地調去四人位度，最後調咗啦。ＯＫ，我就信你一陣全場爆滿。點餐，點了細牛肉麵（＄５１）同埋雲吞上海麵（＄４５）。牛肉麵啲牛肉都幾腍同入味，個湯就好油，麵質好似浸太耐了，好腍；雲吞上海麵：哇，得２粒雲吞，仲少過十幾蚊一碗嗰啲喎！佢仲要價值＄４５，嗰兩粒雲吞真係貴，又唔好食。侍應放低碗麵時，就咁放响一邊，唔係放去我地面前，仲要好大力咁放低　當人地仲有成半碗，佢都可以唔問一句就收人地啲嘢，見到唔止一次添，幾個侍應都係咁！冇再幫襯的必要，食到一肚氣呀！

來到當然係一試馳名既大婆牛肉麵喇！湯底味道果然好，略嫌油膩，微鹹。麵爽滑有咬口，不過就無咩蛋味或者麵味～件件牛肉勁厚，燜得夠腍但保留口感，即刻感覺好著數抵食！而且牛肉既肉同筋均勻分布，雖然食多左會有點膩，但依然覺得好好味！不過食完碗麵覺得好口渴，睇來味精唔少～店鋪內有電視，照顧到食晚飯人士既需要，唔錯！

星期二我同屋企人突然很想吃牛肉麵, 於是我地一行五人就去了屋企附近的大婆牛肉麵試試。我地點了一大碗牛肉麵, 担担麵, 椒鹽排骨麵和鹽酥雞麵。首先說說牛肉麵。牛肉好淋都算入味,而且個湯好濃。不過食完覺得普普通通。沒有令到我有一試難忘的感覺。而且沒有台式牛肉麵的味道。所以牛肉麵下次可以不叫。 相反我覺得担担麵煮得不錯。味道辣辣地很開胃。這碗担担麵都值得一試。此外, 椒鹽排骨麵和鹽酥雞麵....麵和餸是分開送上。令到湯不會把炸物浸淋。椒鹽排骨和鹽酥雞不錯。特別是椒鹽排骨炸得不會過火。而且排骨好易咬開。不過最最最可惜就是椒鹽排骨麵和鹽酥雞麵的麵完全沒有味道。 下次叫這個餐時還是不要伴麵好了。最後服務方面我覺得勁差。首先我們想share食物, 於是點餐之後我地就叫員工比5個碗我地。那個員工只是送上3個碗來。仲話3個碗夠。好...這個都算。之後員工不停好趕地收晒我地D食物同飲品。當時我地都仲未飲完。員工更加冇問我地飲完未就收。我地當時有向餐廳負責人反映, 可惜她當聽不到就算。 之後我地未說埋單員工已經自動送上來, 佢地完全想趕客一樣。( 當時係沒有人等位.....) 食完這間餐廳感覺超差。總括來

I am not a fan of beef or beef noodles but this place offers noodles with prawns, so for people who do not eat beef, they can order this dish.I have not tried Taiwanese style prawn noodles before, so I was not sure what to expect.When it came, the broth was red, and the noodles were topped with lemongrass, prawns and tomato and there was a layer of oil on top.I am not sure if they have this in Taiwan, but it reminds me of Tom Yum Kung which is Thai.The noodles were yellow and thinner than the on

跟朋友到灣仔唱K, 等朋友放工~~~本來去華星食, 但勁多人, 結果來了這間!! 原來是食評家李生開的...環境又幾平民喎, 價錢也不貴, 試試味道如何~我點了清清地的, 排骨大大舊, 而且肉好林, 最怕那些要用牙扯的, 這件用筷子就可拆肉了, 汁也不錯!! 加埋清清地的麵~~加了個白菜仔, $7~~都OK...幾嫩~~~仲有熱的羅漢果蜜, 唔太甜~~~好飲有益!!!朋友叫的, 個蕃茄湯好濃啊, 有少少胡椒味, 但好香~~~~有幾隻大蝦同蛋, 不錯~~~蠻經濟實惠好味的一餐~^^

9月6日, 成日行經灣仔呢條街, 都冇機會試呢間牛肉麵~ 今日終於特登嚟到食, 平日lunch時間都幾多人, 因為有lunch set好似平d~::: 牛肉雲吞麵 + 熨清菜 + 凍檸茶 ::: $49 + $5 + $3當然叫個牛肉麵食啦, 加埋雲吞可以雙拼, 湯底濃就濃, 不過就冇乜台式牛肉嗰種香料味, 似味精湯底, 不過好處就唔算好油… 麵底亦唔太煙韌, 反而仲似上海麵. 雲吞貨色普通, 冇乜好講. 而牛肉好大一舊, 好似冇切咁, 一舊牛肉應該可以切到3-4片牛展, 肉質好似牛腩, 太過淋亦都冇咗台式牛肉嗰種爽口感. 整體唔係差, 不過冇台式風格, 變咗$49一碗就唔係好抵…小白菜好夠爽, 幾新鮮, 加少少豉油已經好吊味~凍檸茶夠凍, 只係檸檬味唔夠…::: 肉碎伴麵 + 凍羅漢果蜜 ::: $36肉碎伴麵望落材料簡單, 但其實味道就都幾豐富~ 肉碎即係肉燥, 仲有加入少許菇粒, 煮得都頗入味, 撈麵食都還算唔錯. 隻滷蛋就反而無乜味~ 一般般~ 凍羅漢果蜜有啖啖羅漢果味但又唔會過甜, 呢個餐飲都算特別, 其他地方都好少見~食完之後, 感覺呢間似茶餐廳多過台式牛肉麵, 如果唔係l

一碗大婆牛肉麵雞湯底作午餐，牛肉以牛展及牛根參半為主要配料，牛展都炆得幾腍及入味，牛根亦頗為糊口滋補。麵條是白色幼身北方麵條，質感硬度剛好。以雞湯作牛肉麵湯底，組合挺特別，效果亦不錯。吃畢不會太口乾，足見師傅份量可接受。連羅漢果蜜或豆漿五十餘元結賬，確是貴了一點。

男友仔提議一齊食大婆牛肉麵, 我話好啦.大婆牛肉麵在灣仔灣仔道,一般茶記格局,內有一部電視我要了乾筍冬菇麵, 涼拌青瓜和涷豆漿, 男友要了招牌大婆牛肉麵, 牛肉有兩大件厚切和一件牛展, 都炆得入味,深啡色的湯有點辣, 麵是白色的 涼拌青瓜要二十元一碟, 男友認為青瓜有點硬, 我吃到有辣椒油味,索價二十大元其實不太值得乾筍冬菇麵有頗多筍乾和冬菇,清淡得來都ok, 我覺得不值三十二元, 套餐要加八元才有珍珠奶茶,外面只要十元一杯!

超級迷你，收你$20，計起食一碗貴過北京樓，另小吃老肉豆腐和良伴朱耳肉兩碟 珍珠奶茶！太迷你，老肉又硬豆腐太少啦！朱耳肉切功一流，一條條好似蝦子麵。最衰五記得影相！

週六下午經過灣仔克街想吃少量水餃作下午茶。經過此店有餛飩下午茶餐，便不防一試。店內只有數位食客，有一位男侍應及一位女侍應在收銀處。我叫了那位男侍應不下十次，他仍然背著我收拾餐具。到第十一聲，終於等到他望著我落單，但他的面色極不耐煩。我點了餛飩下午茶餐跟熱羅漢果蜜。他很快給我熱羅漢果蜜，但用大力扔在檯上，他的超凡技術沒有令飲品倒在我身上。之後等了十五鐘才有餛飩，餛飩與在超級市場買的沒分別，湯是味精湯。羅漢果蜜亦不好渴。我真希望劉德華的廣告“今時今日這樣的服務態度是唔得”可在這店不停地重播。

這只是一個平常的晚上，忙了一整天，在灣仔接了弟妹，之後想要找個地方吃晚飯然後一起歸家去。我們隨意地走著，走到了一個街口，見到有好幾間餐廳，便去看一看。走了一趟，看過數間餐廳後，決定在此吃一頓簡單的台式晚飯。看看餐牌，其選擇也不少，然後還有一些套餐供應。我們最後點了一份二人套餐、一份麵餐及再加了一份小食。先來了東坡肉麵，肉質稔及鬆，亦煮得頗入味，只略嫌汁有點兒油及咸了丁點。隨來的那碗麵份量足夠，麵質煙韌、嚼口，造得不錯。另一份是大婆牛肉餛飩麵，先說麵質，就如上述所講般水準不錯。牛肉很入味很稔，份量亦不選少，但其餛飩則相對沒什麼驚喜，只是普通。其湯底的味道也挺濃，雖然我承認覺得這兒的牛肉麵不算正宗，但個人認為也算煮得不錯，至少也能讓人吃得津津有味。隨餐小食選了酥炸排骨，排骨炸得香口，肉質又稔，而又不太肥膩，小孩子們很喜歡吃。另一跟餐小食就要了春卷，送來的時候看似是新鮮炸的，熱烘烘的，挺可口，可是也就略嫌有點兒油膩。另外的一個麵餐就要了大婆牛肉麵，牛肉麵的味道和水準就如上述的大婆牛肉餛飩麵大致上一樣，只是當然有多點牛肉。最後我們還多點了一份小食，選了黑油雞翼，看起來不錯，可是只有兩件，就由兩

夜晚九點幾, 同angelmami上完堂去搵野食, 原先想去華星冰室, 不過見個餐牌無咩揀, 留番下次再試, 所以就去左隔離呢間大婆牛肉麵涷豆漿, 味道一般, 不提也罷大婆牛肉餛飩麵, 所謂既牛肉其實係兩舊厚切既牛展加幾條牛根, 炆得都重算入味, 不過餛飩皮就太厚, 麵一般, 湯唔夠濃似飲味精水台式肉碎飯(小), 真係好"小"囉, 半碗飯都無加一羹多D所謂肉碎, 個飯重要係唔凍唔熱咁, 記住係18蚊!! 18蚊啊!!大婆春卷(小), 又係好"小"囉, 真心果句, 兩條春卷無肉無剩, 呢D茶樓仔質數既食品唔駛18蚊掛, 重要炸到咁燶滷肉豆腐(小), 都係好"小"囉, 五舊半寸大小既肉加一磚寸半大小既豆腐開二, 20蚊!! 20蚊啊!!問心一句, 有時食野, 好食, 貴有咩所謂, 但係又貴又唔係特別好食, 真係一次就夠囉

今天又是美食星期一。本來大伙兒想試華星，但人龍實在太長，結果改去大婆牛肉麵。大家議論了很久，應該吃牛肉麵或者是蝦麵。但既然是大婆牛肉麵，沒理由不試牛肉麵。大家非常同心的叫了五個（小）牛肉麵加羅漢果蜜套餐，再另叫一客獅子頭。由於照片上的牛肉麵賣相吸引，大家都很期待一碗熱騰騰的牛肉麵。羅漢果蜜先上。嗯，淡淡的，無論羅漢果味或者是蜜味都不夠，像一杯暖水with a hint of 羅漢果，一衆的心也隨着涼了一截。牛肉麵來了，跟照片上的有點相似，也頗香。可惜，跟羅漢果蜜一樣，令人失望。首先，麵條太軟，入口像一團麵粉 。牛肉用了牛蹍，炆得腍，但和湯一樣，有調味品的味道但沒有鮮味。小蝗蟲說得對，是一碗沒有靈魂的湯。。。最後的一客獅子頭非常一般，不提也罷。埋單每人要＄50，這個價錢，這個水準，實在不值，浪費了我們的美食星期一！離開後去了再興分享了＄20美味的叉燒，心情才得以平伏！！

友人即將遠行，抓緊時間跟她餞別。晚上到來，人客不多，正適合詳談。看了一會餐牌，大婆牛肉麵是必然的選擇，另點了涼拌青瓜和鹽酥雞。牛肉麵先上枱，湯底色澤深厚，略帶些微酸辣。牛展入口溶化，牛筋既軟且滑，合我心意。麵條較為粗身，浸久也不覺腍。涼拌青瓜清新爽口，酸酸的令人胃口大開。鹽酥雞份量頗多，炸得熱辣辣，脆卜卜。略嫌味道稍鹹，很易口渴。說著說著，又要與友人說再見。臨別依依，實在不捨！願你一路順風，好好享受新生活。

When it comes to quick bite, I have my own theory. Quick bite does not always equal cheap, but it has to be filling, satisfying and worth the money and time in a short meal - it's not easy to accomplish all. In fact, lots of quick bites are my comfort food Felt like a quick bite today... my friend and I decided to stroll down the street to try them: The dishes are definitely filling – we ordered 牛肉麵，臺式蛋王肉飯 and 豆腐鹵蛋 – they are all reasonably big dishes. The soup for noodle is too light, 無肉味, I al