Bistro Lobby (Closed)

星期六下午又同老婆找地方食飯，經過門口覺得幾吸引，坐低試下!入到店內方知係夫妻檔經營，負責招呼嘅女店主先問想要暖水定凍水，夠細心，一讚。因為係星期六嘅關係，只有a la carte 嘅 menu。但有3款好似set咁，老婆要咗c款，係雞扒飯。我就要咗個係餐牌上嘅蕃茄醬海鮮Linguine($52)，另外老婆要咗個焦糖燉蛋，我就要咗個咖啡。太太嘅雞扒飯我試咗d雞扒，味道比較普通，唔係咁突出。而我嘅Linguine要稍等一陣，不過味道真係幾得，茄醬味道唔太酸而有番茄香味，同麵加埋d茄醬好食，而且份量頗多，我食量唔細都夠飽。另外海鮮有蝦、青口、帶子、墨魚仔同魚。先食d 魚，魚唔係大厚身，但保持到嫩滑而有魚味，比出面一般嘅魚柳厚身但冇乜味而又"鞋"好食得多，而墨魚仔、帶子同蝦都好好味，唯一比較失色嘅係青口，青口係帶殼，size較細，但問題係太鹹，係成個菜比較差嘅一個環節。但總體可以食得出厨師嘅心機。個燉蛋我冇試，但老婆話係凍嘅，見佢食得幾滋味，味道應該幾好。我杯咖啡水準都幾好。呢到嘅價錢幾抵，只係比快餐店高一d，但食品味道高出幾班，可見店主真係想做d好嘅食物，並非只係以賺錢為目標，值得支持。

十月食過一次，上次太餓唔記得影相，所以冇POST，驚得個「講」字冇說服力嘛今次其實都差D冇影架喇~不過……有DD小意外，令我有空檔記得影低上星期五晚，竟然大忙人朋友抽空陪我食個DINNER，我後到，非常appreciate佢先為我order左一杯熱水，到我後來有「需要」時立即好好去利用~我地先叫左個特式墨西哥煙肉鮮菌莧菜薄餅+美國蜜糖豬肋骨配飯。最先黎0既係莧菜薄餅，估唔到係辣0既，因為千島沙律醬0既關係，anyway，呢個就係有影相0既關鍵位喇~因為辣到要慢慢飲水—已經由滾滾0既熱水變成好易入口0既暖水—真係不得不再次欣慰有熱水供應，當然，事實上好似普通連鎖快餐店都有熱水任飲咁wo~之但係我可以講0既係好多間d水都有d怪味，我通常都係浸餐具多囉結論係，lobby冇呢個問題，所以唔食得辣而食到辣0既我及時有「冇怪味」0既水解辣係件好值得讚0既事~亦都係因為飲水期間，我記得要影相喇~我地見個美國蜜糖豬肋骨遲遲未到，就叫多樣煙三文魚鮮菌莧菜軟芝士飯，冇錯~又係莧菜，其實都幾想問個老闆娘點解咁鍾意用莧菜呢??我有個朋友唔食莧菜架~唔知佢黎食0既時候有冇得換另一種菜呢??估唔到遲0的order

前幾天見到不眠王子介紹1間在鰂魚涌海堤街18號D2號舖的食肆,Bistro Lobby前晚去完1個活動後就同bf & kanix去試試它3個人可以試多點食物嘛~哈哈!!先來"軟芝士千島醬焗廣島蠔"1人1隻 $54/3隻食下去多粉了一點, 應該是炸完再用芝士焗的,不過外層的芝士真係好吸引 (芝士怪)黎個重點推介"沙煲焗海鮮飯" $49又有芝士~~好味!!!有魚柳, 八爪魚仔, 青口, 蝦, 算多配料, 分量十足,而且魚柳是用蛋炸tim, good!連飯既味道都不錯!!再黎特別推介特式墨西哥煙肉鮮菌莧菜薄餅 $58平時食金銀蛋莧菜就多, 真係未試過用黎做薄餅,係咪好特別先?而且配上面的醬一齊食, 真的好夾!! 多醬真係好食好多!!主菜"美國蜜糖豬肋骨配意粉" (唔記得左幾錢...)厚厚的一層蜜糖, 又不會太甜, 但有d焦焦的,2大塊 , 易切又易咬, 我都食左3件呀!!值得一讚的是意粉, 比較一般意粉幼, 咬落爽口,而且蕃茄汁都好好味, 唔會太酸, 好美味!! 最後就是甜品"法式脆焦糖燉蛋" $26我同kanix 1人1碗雖然是Bistro Lobby推介, 但覺得唔夠滑, bf話可能有生

小小的一間食店，確實不太起眼。坐位不多，不算坐得舒服，但捧場客亦不少。Menu內食物有salad、小食、飯、pizza/paste、main course同dessert，每種類有幾款，加加埋都唔少選擇。今次兩人點了(1) 煙三文魚鮮菌莧菜軟芝士飯 – $49 (2) 鮮蝦、雞肉意大利粉伴菠菜茄茸汁 – $48兩度菜都比較濃味、而且味道都十分豐富。真係食得出廚師係有心思去調較個汁底，一讚! 最後點了個crème bulee，happy ending!!同場加映：薄荷七喜 – 老公話有小時候的感覺~

吃過好吃的蛋麵後…本來想到另一家位於鰂魚涌的麵店再吃麵的…只是中途被這家店吸引住…打算先來這裡吃吃看…其實我是被店內那個大大的banner吸引住…因為左手角有一幅拍得很漂亮的creme burlee….看到門口的牌子掛住關門…幸好有一位女店員出來說如果是吃甜品的話亦會招呼的…我們商量後就決定來試試…這家店在附近有一家同店的…看店內的雜誌稱只做午餐的…而這家除了午餐外還會做晚餐…我們坐下的時候已經九點了…店裡還有一檯八個客人...這家店少少的…坐位大概只有不足二十個…只進來吃creme burlee好像有點不夠喉…一問之下原來其他東西也可以點…就選了焗廣島蠔…焗廣烏蠔看起來好像很好吃似的…這裡是用先炸後焗的方式…把蠔炸至半生熟後來再加芝士去焗…坦白說我覺得只用焗的生蠔好像更juicy….蠔的外層是脆脆的沒錯…不過如果再薄一點會更好…而且千島醬汁有點過濃…酸味蓋過了部份蠔的鮮味..不過芝士下了很多…很好吃~Creme burlee一上檯的時候聞到有少許燒焦的味道…而且賣相一點也不討好…通常面層的焦糖應該是一片金黃色的…但這裡黑色一個個圈的…未開始吃就先擔心味道會怎樣…第一口我們都吃邊邊的位

成日去呢度食Lunch,見到個dinner menu, 成日都好想試.因為抵好好味, 所以愈叫愈多:- 龍蝦湯 (優惠價 $20) - 唔會太杰, 有d酒味, 好好味, 抵飲~! - 忌廉汁海鮮意粉 ($49) - 好多海鮮, 仲要隻隻都煎過, 好有心機~! - 芝士千島汁焗蠔 ($26) - 好大隻, 好味~!! - 羊架 ($98) - 唯一唔好味, 太熟了. 不過其實好大碟. -法式燉蛋 ($26) - 好滑好有蛋味, 不過唔夠熱~ 食左咁野都係$230, 算係好抵. 睇得出佢地真係好有心思, 值得支持~~

平時星期一至五lunch time時段,我一定不會來此店食嘢!因為此店實在太細了!!!今次星期六tea time,見不是太多人,入到店內還可以任選座位坐其實最想試的是甜品 - 法式脆蕉糖燉蛋今曰菜式1)法式龍蝦忌廉湯配迷你脆多士 - 有龍蝦味但鹹了一點 (2)黑胡椒脆薯角 - 好脆 (3)煙肉磨菇意大利粉配芝士忌廉汁 - 好有芝士味,不錯 (4)法式脆蕉糖燉蛋 - 燉蛋上面熱下面凍,都好味,但沒有"薑雄"整得咁你味!只可惜"薑雄"巳結業

一場來到鲗魚涌,緊係搵d獨門店食o野。店子小小,佈置得很warm,老闆娘出來打招呼,ok啦,都可一試。更招呼我睇雜誌。除左幾款午餐外,還有是日推介─鰻魚豚肉蔬菜飯$39。饅魚和豚肉份量不少,而且汁都好多!不過一揭開兩件又硬又無味道的大白菜,底下無汁gu wor!?汁是得半邊,咁奇怪既?有汁o個邊當然好好食啦!豚肉都好腍,但鰻魚就出奇地多骨!紅蘿蔔粒,又未夠腍。去自家小店食餐,我一定飲咖啡。咖啡好快來到。吓!!!?乜咁既?佢唔係咖啡同奶分開都算喇!仲用d茶餐廳杯,而非矮白的咖啡杯!?同間鋪既格調非常格格不入!飲一口,嘩!!!咩事呀?唔係即蘑?仲要係奶啡!!?多奶少啡,我寧願飲茶餐廳的酸咖啡好過喇。飲左兩啖,真係過唔到自己o個關。報紙上報導,老闆跟Harlan稱兄道弟。可能我揀錯野啦,我見有兩個客人食,ribs+薯條,都讚好食。但我就被杯咖啡嚇呆了收尾。埋單時,更是氣憤!!$39+$10, $49!!!?個飯唔係餐黎既咩!!?杯野飲要收錢gar!?真係只怪自己無睇清楚,店外黑板,零舍舍,寫左一款「是日推介」,有無包飲品?無從"契"考!食完真係頂/飽足全日!p.s.設每人最低消費$33。惠顧

今日下午行到海堤街揾食，見店員落力推介，於是一試。一貫附近食肆的通病，座位非常之迫。店員推介「珍寶帶子蟹子鮑魚拼鮑汁雞粒荷葉飯」。聽落好吸引，其實都無乜特別。所謂珍寶帶子其實好細隻，一般雪藏貨，無乜鮮味口感可言。蟹子唔彈牙。「鮑魚」實是鮑魚菇。雞粒荷葉飯落得太多汁，鮑汁本身唔夠香，亦無荷葉香味。如是推介就真係有D失望喇！

前幾日去食dinner..d野食真係差到不得了..見佢係報紙話係酒店級就去試下la...點知..價錢唔係平..d野食唔得..老闆娘d態度更加要改一改...個忌廉湯...完全係好多好多水..淡而無味...晏就係就係多人食..但係好似當d客係狗咁..特登比錢登報紙..但係結果出到黎完全係兩回事...個三文魚軟芝士飯..食落口一堆野咁...意大利飯根本就唔係咁樣..仲有衛生清潔呢方面...見住個老闆用野試味擺落口之後再叉番落去人地d野食到..我都知出面好多都係咁..但係衰在比我見到...個燒豬骨..咸到飛起..羊扒un到好似食橡根,,10成熟咁..真係比d動物去食..都哼一聲走開...坐又坐得唔舒服..食過一次之後下次真係咪搞我...之前好多朋友都介紹我去...但係佢地而家都black list左佢..大家去食之前真係要停一停..諗一諗la!!

今個禮拜已經第三次幫襯這間餐廳，勝在食物好吃，而且企理乾淨！今天點了挪威三文魚火腿白汁意粉 ($40)，跟昨天的龍蝦海鮮脆米泡飯 ($38)，各有千秋。食物幾新鮮，至少食唔出好大陣雪藏海鮮的味道，而且份量剛剛好。由於舖子比較小，最好都係等人流開始散去時才去幫襯，而且一點四十分後會，部分午餐會減五元，幾抵食！

小店搵食難，但其實打工仔都辛苦ｇａ，食lunch係我地輕鬆減壓ｇｅ時間，偏偏香港有個不成文規定：食食下都要你調位！仲係迫你調個隻！就算走西餐中高格調都唔例外．係內地或任何其他地方都無咁ｇｅ條例．話說周五食晏，二人坐四人桌，已經醒水坐埋一邊，讓了對面兩人位比佢做生意，但都未夠，剛剛想食，即比個老闆娘喝住，叫我地坐係走廊臨時加ｇｅ摺桌度食，原因係有四人係外面等緊，而唔知點解呢四個遲來的客人係唔可以分開坐食飯ｇe！咁老闆娘就過來問我地可唔可以調，我話：唔可以得唔得?野食都到晒了．結果梗係唔得啦，佢仲想叫我等另一張二人位再調過去添呀！你估真係遊樂場玩轉轉茶杯呀！！呢度食物一般，平時都係貪好坐至來呢度，但經過呢次後，決定blacklist佢！?

去了QB,光顧了bistro lobby!上openrice先發覺未有食評,可惜我無影相! (我見有張枱個女仔不停影,佢食RIBS,希望佢會POST上黎)-龍蝦湯, 好味! ($28)-海鮮飯偏濕 (有青口,蟹柳,魚柳,蝦,但好味! ($58)-焗蠔(有芝士同千島汁一齊焗).好味! ($26)-法式燉蛋,好味! ($26)我們2人細食,以上食品,各叫一份,價錢唔肯定,TOTAL$139,隔離枱的RIBS好抵食,有兩大塊,再加薯菜,兩個人都夠食雖然店舖細小,但食物水準高,當我們在門外觀看報紙報導時,貌似報導中的老闆娘話係酒店廚師創業,又唔收加一,所以我地就入去試下。結果: 真係幾好食! 值得一試!