王家沙．花樣年華 (太古城中心)

Open Now

Now Closed

王家沙花樣年華同朋友想食上海菜，王家沙有訂枱服務，唔駛等位，所以就黎試下。口水雞份量少，而是麻辣汁帶輕輕的麻感，花椒的香氣溫婉地附和着嫩嫩的雞肉，雞皮爽口冰涼，即使不別辣的你都值得一試。賽螃蟹幾好味，滑溜蛋白舖上魚乾仔, 賣相唔錯, 食落都幾正喎, 撈飯食一流! 蘇州鮮肉小籠包（$54）小籠包的皮不厚裡面的湯不錯。皮薄易夾唔鬆散，而且好多湯汁香氣濃郁，鮮甜唔咸唔油膩。肉汁鮮清，不醮醋也好味蟲草花燉雞湯燉湯清而不濁，味道清鮮，感覺滋補，內有不少蟲草花豆沙鍋餅 網友推介菜式紅豆比例都幾高，幾好味最讚係賣相!! 作為王家沙的一員, 我偏愛花樣年華系列, 欣賞這浮華而不俗氣.茶水每位$8

天寒地凍的時候，一定會諗起食火鍋，但今晚突然間想食上海菜，便約了同事放工後去到公司附近太古城中心二期(王家沙花樣年華)餐廳設計優雅舒適，每逢食上海菜必定會叫招牌小籠包，王家沙在上海已是出名的老店，食物質素不用置疑非常有水準。黑松露小籠包，平時多數叫鮮肉小籠包，今次試下黑松露小籠包，金香味道的黑松露配上肉汁爆瀉的小籠包，食到雙層口感。王家沙牛肉餅，外面煎得香脆裏面牛肉汁豐滿。奶油津白~非常鮮嫩，好香奶油味，入口鮮甜。石鍋鮑魚飯，鮑魚爽口彈牙而每粒飯都掛滿鮑魚醬汁，十分惹味。

平時媽媽放咗工後還要煮飯太辛勞了，今晚決定請她去到家裏附近的太古中心(王家沙花樣年華)慰勞一吓她，怎知道她吃了這餐之後，大讚好味道，並立即說明天你還可會請我再嚟嗎？黑松露小籠包，小籠包最緊要就係熱辣辣，食的時候爆哂D湯汁出嚟，真是滋味。蒜泥白肉$62用了五花肉肥瘦適中，不會太辣充滿了油香。正宗酸辣湯$52湯料十足，味道酸酸辣辣，非常醒胃。健康炒飯~材料有粟米粒、青豆粒、紅米飯等，真是非常清新同健康。王家沙牛肉餅。

同大學朋友約左去太古溜冰，溜完去飯個dinner ，揀左呢間王家沙 花樣年華，裝修勁特別，好有feel，有曬花花襯托鮮肉小籠包有五件，粒粒都好足料，鮮甜爆汁 蟲草花螺頭燉雞湯平時屋企冇乜有得飲湯，出邊就咁叫一中都唔錯，仲好晒時間，螺頭雞湯都幾清，滋補之選。秘製牛肋骨呢個醬汁整得唔錯，好下飯，另外牛肋骨既肉整得夠淋，會咬落去好硬，送飯一流豆沙餅豆沙餅上面佈滿芝麻，食落都幾香口，芝麻同埋紅豆都幾夾，做飯後甜品好滿足

🔎 太古太古城道18號太古城中心2期1 樓101號舖*📍 王家沙花樣年華.鮮拆蟹粉豆苗($168)蟹粉豆苗層次豐富,火候亦十足.幼嫩豆苗好易入口.鍾意蟹粉的話,應該更會對呢道餸菜讚不絕口.京蔥爆羊肉($98)京蔥的確同羊肉非常夾,而且火喉依然好足夠,羊肉份量都唔少.呢款相信好多人都知係經典京菜,所以絕對唔可以係王家沙錯過呢.石鍋鮑魚飯($128)雖然貌似普通石鍋飯,但鍋底卻非常耐熱.食前攪拌一下,會更食到食物嘅鮮甜味.乾煸四季豆($78)呢款京菜可以話係蔬菜類講我最鍾意,四季豆都重量多,而且炒得好惹味,的確要一讚.

環境雅致，諾大的空間座位頗為寬闊，坐得舒適，店員服務亦周到。流沙奶黃包 ($38)把熱騰騰的流沙奶黃包撕開時，裡面的流心立即像岩漿般湧出，相當吸引！入口有濃郁的奶香和蛋黃味，味道鹹鹹甜甜，甘香可口，甜而不膩。蘇式鮮肉小籠包 ($52)小籠包內裡饀料足，湯汁豐富，汁鮮美味。原盅餛飩雞湯 ($58/位)味道香濃馥郁 ，餛飩相當大粒，口感鮮嫩爽滑，菜香清新，雞湯味道鮮美。蟲草花螺頭燉雞湯 ($68/位)香氣四溢，湯色清澈少油，而且非常足料。喝一口湯，甜美滋潤，頓時感到遍體溫暖。

來到太古城，突然有個衝動想食上海野，就搵到 - 王家沙花樣年華。進店後，因時間尚早，所以都未有大量食客，可選個靚位坐下。店內環境擴闊，位與位之間有一定距離，坐得相當舒適；而裝修設計得相當華麗，甚具氣派。看到餐廳內有一棵大大的櫻花樹下有枱，但可惜比人快一步，未能在此坐位坐上，下回一定有機會(櫻花下嚐餐)。流沙奶黃包流沙包造型十分可愛，輕輕撕開，香滑的奶黃餡便一湧出來，水汪汪的樣子，香氣撲鼻，幼滑細緻。蟲草花螺頭燉雞湯味道清甜，非常足料。冷冰冰的天氣，飲番碗靚燉湯，特別醒神。蘇式鮮肉小籠包味道非常好，內裡肉汁豐富鮮美，肉餡滑嫩適口，吃在嘴裏一點都不膩口。上海話梅骨話梅骨酸酸甜甜，食落非常醒胃；而且細細粒，方便一口一粒放進口內，真是色味俱全。

王家沙的頂級上海師傅創造出多款不同種類的特色小菜，今次就嚟試吓佢唔同嘅菜，同屋企人一早訂咗位店員亦都非常親切咁帶我地坐入，餐廳嘅環境唔錯，係花樣年華感覺就比較年古代情懷風格，都適合打卡。先講呢一餐我最喜歡嘅主角就係松子魚，相比我之前食過嘅上海菜佢嘅質素係我意料之外的不錯，啲魚非常有肉地，因為試過喺出邊食嘅話雖然好食但係魚始終太細當一炸嘅時候，表皮仲會比肉厚。但黃家沙比到我嘅驚喜就係魚肉竟然比起一般嘅大，所以非常唔錯而且醬汁份量亦都條配得很好。可以見到佢嘅份量同埋刀工亦都係唔錯、而且亦都有相應嘅擺盤，店員最後先上呢度錯亦都係非常合適因為佢嘅味道比較濃烈，所以先食咗前菜或者清淡啲再食呢個嘅話更加適合。另外好耐冇食過嘅牛肉餅亦都唔錯，表皮唔會太厚而且入邊亦都鎖到牛肉雞肉汁而且份量幾多。小籠包一樣分量大而且湯汁有驚喜，一口咬落去湯汁爆出黎真係非常興奮，而且兩個人食五件亦都啱啱好作為開胃亦都不錯。另外多點左啲涼拌青瓜、配上上面講嘅魚令感覺更加清新。

細細個屋企人好鍾意食上海菜, 有一排成日都去王家沙食飯。估唔到今日再去，佢竟然改左名，叫「王家沙花樣年華」! 個MENU大致上都係差唔多，但裝修靚左，服務又好左~千層峰係屬於頭盤既豬耳小食，師傅切到每一塊都好薄又均勻，顯得出刀功之作~加上特製既蒜蓉醬，真係好特別。蟹粉扒豆苗係秋冬必食之選啦，兩樣野都係秋冬當造既時候，蟹粉夠晒味之餘又襯托到豆苗既嫩脆~京蔥炒羊肉，都算係幾傳統既上海菜之一，加上王家沙既食康係會送埋面餅皮，好似食緊片皮鴨咁，濃得黎又唔會太難入口!乾扁四季豆，本身屋企人好鍾意食，去到邊度見到MENU有都係必點，不過今次炒得唔夠辣，四季豆唔夠乾身，差左小小咁。最後係石窩鮑魚飯，好濃味既炒飯底加上濃到黑既鮑魚飯，加上新辣辣既石窩不停熱住D飯，每一啖都係味道爆燈!!

2019年12月3日 星期二今日放工之後原本諗住同女朋友兩個人去太古食飯，點知中途遇到同事同佢老婆，於是就搵間餐廳一齊食飯行到太古城裏面突然間好想食上海野，又咁岩行到王家沙門口附近，就直接入咗去其實唔太清楚王家沙同王家沙花樣年華兩間舖有咩分別，不過入到去都係感受到一股中國風情，古色古香咁餐牌上面有好多食物可以揀，於是我哋每人點幾樣share黎食，費事點套餐，想食乜就點乜自由d先黎既有上海話梅骨，份量睇落都唔少，每一舊肉都包住醬汁，酸酸甜甜幾開胃跟住有我最鐘意食既賽磅蟹，蛋白炒得好分明，唔會有好多油，上面仲有好多瑤柱碎添之後係餐廳著名嘅蟹粉小籠包，一咬落去d湯汁已經多到漏晒出嚟，仲有好香既蟹味。食小籠包正確嘅食法應該係先飲裡面既湯，然後再一啖食成個包。無論係湯汁定肉都充滿蟹既鮮甜味呢個係砂鍋雲吞雞，睇到個鍋裡面最少有半隻雞，而湯底係奶白色，好濃雞味。除咗雞之外，砂鍋裏面仲有好多菜同雲吞，4個人都食唔晒甜品方面我哋叫左芝麻豆沙鍋餅，熱辣辣咁上脆卜卜，充滿芝麻香味仲有高力豆沙，軟熟既外皮裡面係甜甜既豆沙，好食到想再encore埋單每人大約$300左右，食得好滿足

今晚吃中菜，這家中菜餐廳裝潢得體乾淨，地方寬闊，環境沒有酒樓般吵雜。餐牌有不少選擇，匯集了中國大西南北的特色菜，也有甜品和飲品。向店員問及菜式時，店員也耐心回答，要加分。⭐️清潤柑桔蜜$24柑桔蜜有淡淡柑桔香味，味甜滋潤。⭐️滋潤菊花蜜$24菊花蜜下火滋潤。⭐️上海話梅骨$108話梅骨炒得很均勻，每塊都是酒紅色，入口外甜內香，帶點微脆，很惹味。⭐️紅燒獅子頭烤菜$88份量不少，有白菜、蘿蔔等配料，獅子頭有拳頭般大，吃起來富彈性卻又柔嫩而不韌，吃起來完全不乾柴，配搭蔬菜吃很爽口。⭐️招牌蟹粉小籠包$78小籠包大小適中，皮也有一定厚度，包裹湯汁。嚐一口，湯汁緩緩流出，吃起來特別鮮甜。

今晚和家人在太古城吃中菜，中菜老少咸宜，和家人吃最合適不過。餐廳燈光微醺，以卡其色等自然色為主調，木製桌椅，佈置了不少中國風的裝飾，例如窗花等。面積偌大，用餐有幾個區域，坐得寬敞舒服。翻開餐牌，正值蟹季，有不少以蟹入饌的菜式，另外還有不少涼菜、飯麵、魚翅等。茶水價每位$12，餐前小食每位$12。⭐️三絲粉皮$62材料有雞肉絲、火腿絲和青瓜絲。攪拌起來，再加入花生醬。粉皮加上三絲口感很豐富，時而煙韌，時而爽脆，時而軟腍，而且份量不少，令人十分滿足。⭐️蘇式鮮肉小籠包$52這道小籠包小小一個，裡面裹著香甜的肉汁，夾起來沒有破皮。咬一口，肉汁鮮美，肉很鮮嫩，吃起來特別鮮，一口就溜進肚子了。⭐️酸辣湯$52一小盅食材非常豐富，有筍絲、鴨血、豆腐、黑木耳、蝦仁和肉絲。嚐一口，果然沒讓我失望，酸酸的，略帶辣，非常醒胃。筍絲、黑木耳、蝦仁脆口，鴨血和豆腐軟綿綿的，搭配其他味道不複雜，酸香迷人。⭐️高力豆沙球$58第一次吃豆沙球，感覺很新鮮呢！以蛋白製成的高力球經過油炸，外面灑上一層糖霜。入口沒有油膩感，軟軟綿綿的感覺吃起來很過癮，內餡的紅豆蓉甜而不膩，一洗中式甜品死甜的印象。▫️用餐環境和食物都不俗，服務態度

今晚屋企人過嚟探我同老公，我地落咗樓下食飯揀咗王家沙！我呢度附近有幾間呢一類型嘅中餐廳，王家沙係我哋嘅首選，嘢食比較好食同埋餐廳職員比較有禮貌。前菜揀咗一個三絲粉皮，除咗有手撕雞仲有火腿，配搭得都唔錯。叫咗一個砂鍋雲吞雞，啱晒四個人share食。隻雞煮完都唔會太老幾好食跟住再叫咗一個小籠包，好好食最鍾意咬落去嘅時候啲汁爆曬出嚟。甜品係呢度嘅主打：豆沙鍋餅同埋高力豆沙，非常好味！唔會太甜啱晒我同我屋企人.熱辣辣美味嘅甜品為晚餐做過句號

今日收工同老婆去咗屋企樓下太古城王家沙食夜晚飯,對上一次去已經係轉手同埋裝修之前。嘢食同之前一樣，幾好食。小菜份量比之前更多。裝修之後卡位幾舒服，比一般中菜館更舒服適合傾計食飯。前菜我哋叫咗陳醋海蜇頭，呢一味餸係老婆最鍾意食。海蜇頭再加埋青瓜配搭得唔錯三絲粉皮亦係老婆最鍾意食嘅菜式之一，芝麻醬唔會太多的材料十足非常開胃招牌蟹粉小籠包係我最鍾意食嘅菜式之一，薄薄嘅皮包着熱辣辣嘅湯汁，正！溫泉蛋賽螃蟹加王家沙擔擔麵，兩個菜式都唔錯，我最鍾意食擔擔麵，擔擔面有得揀辣同埋唔辣老婆唔鍾意食辣野所以叫咗個唔辣嘅擔擔麵都好好食。最後再叫咗一個甜品豆沙鍋餅，非常好味。一定會再幫襯

對於喜歡中菜的我，全因手工精湛又多款式。未到過上海的我，對於上海的食物我極為喜歡。王家沙早於上海已是老店，以上海點心而聞名。特別以招牌菜有蟹粉小籠飽、生煎包、豆沙鍋餅更是家喻戶曉。全家都喜歡上海菜的關係，今日又舉家到訪位於屋企附近的「王家沙」，地方相當寬敞並以櫻花樹下的設計相當舒適。踏入冬季大閘蟹的季節不過其他點心更加吸引，都是選擇傳統的味道。無錫脆鱔 $78前菜方面有我至愛的無錫脆鱔，每次到訪必點之物。脆鱔的份量不多，不過炸至非常脆口又乾身，喜歡其香甜醬汁，相當醒胃。四喜烤麩$62不知道又何時開始對於四喜烤麩有份情義結。烤麩其實是豆腐乾醃製而成，軟身又入味的確令人愈食食想食。蘇式鮮肉小籠包 $52上海菜又點少得小籠包的出現，小籠包一客有5粒仍舊做到皮薄餡靚，入口時要相當小心燙口，滿滿豐盈湯汁包住肉汁，令人回味無窮。鮮肉生煎包 $48生煎包上桌相當吸晴，其底層煎得相當香脆頂層則軟身帶有雙重口感。一客三粒每粒都飽滿，肉質與湯汁共融，冬天入口暖載入心。王家沙牛肉餅 $45可能我吃過九龍城區有名的牛肉餅關係，這個變得相當平凡。餅底的麵粉製作恰到好處不會太厚，不過其牛肉帶不到多汁口感，稍微失