王家沙．花樣年華 (太古城中心)

Open Now

Now Closed

嗌左個酸辣湯麵完全唔辣唔酸，仲要收我$78。酸辣湯內嘅份量很少，酸度亦都不足，非常之起稀。另外叫了一個口水雞價值$98，份量非常之少，雞得雪藏雞味，辣到亦沒有。似普通烚雞加豉油，辣醬可以完全唔辣，真係好另外上海素餃$58餡料OK但是皮很硬。及蟹粉小籠包味道正常但蟹味偏淡，另外都是皮偏硬即是乾身，上黎的溫度是暖，沒有小籠包應該的熱度，但價錢合理$78 5隻。幫襯大集團 連鎖店就希望有一定正常質素，價錢唔平但質素又無，咁真係非常失望

講真唔使等位，都預咗一般，無唸到多年之王加沙系列搞成咁酸辣湯麵$78⋯⋯味道較淡，唔可以話難食但又唔係好食😐蘇式鮮肉小籠包子$58望到都見到好厚皮，絕唔係皮薄餡靚，不過肉汁都鮮甜，勉強合格😌鮮肉生煎包$52圓轆轆好得意😎⋯⋯咬落好多肉汁，呢餐飯最好食😋蒜茸拍黃瓜$42估唔到手拍青瓜咁普通的小菜，真係做得咁普通....無蒜茸味，差😡唔喜歡食中式餐之原因是俾埋好多雜費花生$12⋯⋯無食都要俾茶費$24😞可惜二人餐$288唔啱食，無人排隊都係要小心😢

未食過質素如此惡劣嘅上海菜 - 王家沙花樣年華@太古等位時見佢有海量嘅外賣開始猶豫 - 一係出菜會好慢，一係質素變差。但仲有一張枱就到，行到好攰費事周圍搵嘢食又要再等過，食過佢其他分店覺得不錯，於是繼續等。好不幸俾我估中，結果係後者。兩個人食四百幾蚊垃圾之作，食到一肚氣！所謂炸黑毛豬扒擔擔麵，係柴皮薄削冇豬味只有咸味嘅豬扒（真係黑毛豬扒？），上菜時賣相已經唔開胃，加上溝到好淡冇哂味嘅擔擔麵，係冇花生味完全冇辣味，麵質差。之後嚟個又乾又瘀嘅雪菜毛豆百葉，大量乾柴百葉，冇乜雪菜冇乜豆。小籠包都唔掂，大小不一，扁扁榻榻，完全沒有滿足感。紅油抄手沒有紅油，係豉油底，加啲辣醬喺面，餃子都係乾乾的，化食物為腐朽，莫過於此。環境：昏昏暗暗服務：差，人手不足，遞手沒人理，侍應見到別過臉走開，結果見到有人入單就自己行埋去遞紙太劣質，不會再光顧。

去太古城買首飾，順便喺度食埋飯，發現呢度有王家沙花樣年華，都真係有好多年冇食過王家沙，見佢有個特價嘅窩仔飯，原價$498，特價$349，梗係點特價菜。上到枱先發現份量真係足夠三至四個人食，好大煲又熱辣辣，睇啲飯色加上梅菜仲以為好鹹，但食落去鹹度適中，啲飯仲好乾身，粒粒分明。黑豚肉果然比普通五花腩靚好多，肉味濃，又唔會太肥，就算肥嘅位食落去都唔會覺得太肥膩，加上梅菜一齊煮，香味吸引。梅菜亦算高質，少少甜更能帶出梅菜嘅香味。

年近歲晚，與家人到了太古城逛逛辦點年貨，順便在「王家沙．花樣年華 」用午膳。飯店內裝潢古色古香，環境雅致舒適。最近氣溫驟降，冬日暖鍋仔飯系列，自然是最吸引的冬日必食之選，梅菜黑豚肉扣肉鍋仔飯，除了鍋仔飯，我們還加一個小菜：上海話梅骨。梅菜黑豚肉扣肉鍋仔飯，打開瓦煲蓋香氣立刻撲鼻而來，切得不薄不厚半肥瘦的黑豚肉扣肉，剛好一口一件，扣肉肥的部份香滑，入口即溶，扣肉瘦的部份甘香入味。濕潤的扣肉炆汁，包裹著粒粒爽口飯香與蛋香，味道剛好而不鹹，伴有甘甜梅菜與稔甜菜心吃，暖鍋暖胃又窩心。上海話梅骨，甜甜酸酸味道極開胃，嘗到肉鮮皆因甜酸話梅汁味道掛得剛好。飯後甜品：奶黃小麻球外皮香脆，黃澄澄的奶黃饀清香甜潤，我們很小心慢慢嘗，因為很熨啊！薑茶湯圓，很暖胃驅寒的香薑甜湯，綿糯的湯圓，幼滑的麻蓉，感到心滿意足。

呢個星期真係凍到人都癲🥶， 食個暖笠笠嘅養生鍋係必須的😈。 🥘養生花膠滋補全家福: 主要食材一眼睇到， 有花膠， 海參，蛋餃，蝦滑，雲吞雞 ，發菜， 基圍蝦等等， 藥膳豬骨湯底用12個燉成🤤， 齋飲湯都好好味， 一家人圍住個沙鍋暖笠笠咁食飯真係好幸福❤️。~~~~~~~~😋味道: 8/10📸賣相: 8/10🛋環境：9/10💁‍♂服務: 9/10💎性價比: 8/10💲人均：$300⏪回頭率：80%~~~~~📍王家沙．花樣年華 太古太古城道18號太古城中心2期1 樓101號舖

今日去食過快飯，見到門面幾靚，便中入去。叫了小籠包，粗炒和牛腩担担麵，嘢食真的一般，似茶餐廳貨式，小籠包厚皮，粗炒無味無火喉，係牛腩較為出色，食完好似食碟頭飯咁，可以不試。

王家沙相信未食過都聽過個名😌我本人就食過兩三次架啦，印象都唔錯🤤一直以為創辦人叫王家沙，所以取其名，原來王家沙係上海一個老社區，地方名黎架🤣🤣🤣🤣🤣🟧蘇式鮮肉小籠包 $52呢到既小籠包比平時食開既的骰😂小籠包裝滿濃濃既肉汁及嫩滑既鮮肉😋😋咬落去相當滿足，而且皮唔會好厚，唔錯呀😆🟨四喜烤麩 $66室溫既溫度，四喜有烤麩、木耳、花生、花菇🤤🤤烤麩已完全索晒香濃既汁醬，非常入味非常稔！🟫上海話梅骨 $108熱騰騰既話梅骨😳份量對得住個價錢，酸酸咪咪好開胃，眼見有兩三粒話梅核，但話梅味又唔係好出😅肉質唔會乾唔會硬，幾惹味，用黎餸清淡既煨麵就岩啦🤣🤣⬜️嫩雞煨麵 $78絕對係清淡之選😌😌分到4-5小碗，有啲雞件及菜粒，煨麵夠晒稔🤣岩晒我😉

Next store 春水堂long queue, so try this average Shanghai noodle joint. Unfortunately, hygiene +service +quality (oily dumplings & meat taste not fresh) all POOR. Waitress only interested to keep fixing empty tables and not interested to take order. Will definitely not come again & will also tell my village not to come. No wonder no need to queue during lunch hour during public holiday.

今日黎太古城搵食,天氣涼涼地,突然好想食辣,就周圍搵有咩辣野食之前只係食過佢既擔擔麵同埋小籠包,未食過水煮魚,所以試一試.另外想講一講呢到職員真係好擅長隻眼開隻眼閉.係面前舉手,可以幾個人都當睇唔到.拎罐可樂可以拎15分鍾..追問時,態度又差.唔怪得dinner hour都咁多吉台同埋無咩人幫襯.$88 麻辣口水雞雞皮略厚,油脂多.但肉都算多. 肉質都OK唔太鞋. 咁岩係雞胸部位.好神奇,明明底下全部都係辣油,但我真係食唔到有辣味.$88 魚湯蒜子時蔬其實就係魚湯浸菠菜正常野 不過不失 只係覺得食飯要有碟菜先叫.川味水煮魚 中辣其實都唔係話好辣  我本身唔係話好食得辣既人魚片都算多,已經肉質OK, 新鮮既.入面有好多薯粉, 好好食,係粗身圓個款.仲有D木耳青瓜係入面.另外叫左蟹粉小籠包,但無影相.只係一個普通小籠包,食唔到蟹粉有咩特別.叫番普通就OK. 無咩分別.

比以前差好多，沒有以前真正上海風味。雖然佢話都係王加沙管理。但味道差好遠好遠。我唔會再來。價錢跟以前差唔多都唔平，服務也差了很多，得個兩三個人做嘢。叫好多次無人理，十分失望。

我份餐係1點1個字落单 显示1點46分做好.本來好开心,因為平常未留意太古城中心里面居然有王家沙.怀着期待心情 1点45分到該店門口.門口未有客 未有人等 心想先問一聲 因為見外賣餐有兩份已好就在迎賓身後 但迎賓態度敷衍 睇完果兩份卻話唔係我果份 仲鬧我未夠鐘 唔識睇APP 而且來一個客教訓客一次 連同我在內接連兩個客都卑佢梗樣鬧 結果未到半分鐘 佢就嗌我號碼 一睇即係佢身後果份 問佢点解 佢仲話自己只系係睇错 一句道歉都欠奉 態度囂張 真係過份來你家是幫襯你 卻給客氣受 依家個市道 仲未有服務意識 真係离执笠不远 此家來一次 不來第二次 態度差到不卑5星差評真係封唔住黎條友

勁耐無食過上海菜，心思思掛住小籠包就決定同老公去食，太古城呢間地方好大，好適合一家人聚餐。陳醋海蜇頭 $78海蜇頭好爽口，仲有青瓜墊底，加左陳醋酸味味，好開胃。三絲粉皮 $66醬汁分開上，份量多少自己喜好，但花生醬不夠香。蘇式鮮肉小籠包 $56皮薄餡靚，小心燙口，入面勁多肉汁，肉汁鮮甜。石頭鮑魚飯 $128好好食，味道適中，飯粒粒分明，原隻鮑魚爽口唔會好韌。芝麻豆沙鍋餅 $48勁多芝麻，好香脆，豆沙唔會太甜。流沙奶黃包 $38香甜嘅奶黃包，好柔熟，流沙餡爆出黎。

王家沙花樣年華主打年輕路線上海菜重新演繹傳統滋味餐廳裝潢美侖美喚，天花板上的大桃花裝飾更是浪漫。自助點餐方便清晰，輕鬆下單。上菜速度亦很快。涼菜相當消暑，推介蒜泥白肉及三絲涼皮。蒜泥白肉非常惹味，十分開胃。涼皮配上雞絲及火腿絲，別具風味。蟹粉小籠包皮薄餡靚，配合薑絲和醋，陣陣蟹香隨之爆發。原盎雲吞雞湯底乳白，雞味濃郁突出，滋補養生。雲吞皮薄，充滿湯汁。排骨菜飯則份量十足，排骨肉嫩鮮味，菜飯帶油香。

好耐冇黎衣度食，一入商場見到好多人唱歌，所以快啲叫嘢食，食完快D走。今晚叫了肉丁加薄餅，肉丁有少少咸，但加埋薄餅都可以。雞煨麵，麵比往時多，味道好過翡翠。另加了素鵝，味道唔錯。