巴辣仔烤魚雞煲 (翠怡花園)

Open Now

Now Closed

呢間野服務態度真係好x差，一入門口坐低比張出菜口位比我又細又迫，明明餐廳仲有4-5 張卡位枱無人坐。叫烤魚果陣明明先7點，話鯇魚同烏江魚賣晒，焗住要食曼貴果條魚，好心如果無晒嘅話，一早電訂訂位果陣講明啦。服務態度方面，個女侍應黑面對客，叫極唔應又黑面。又要紋每位醬料費$6，明明烤魚啲汗都多漏都唔洗再出去加醬料餐廳9成客都有紋身同大隻佬，應該係大埔區內有勢力人士開，生客唔想食得唔安樂，去前請三思🙃🙃

好差 未試過叫一隻雞可以得十舊有肉打電話過去叫佢處理問題佢同我講唔關佢事好差嘅服務態度食咗咁多次第一次咁樣我而家叫一隻雞唔係叫10件雞比成$300執啲咁嘅嘢一個字過分

心思思想食麻辣嘢，既然屋企附近有一間食麻辣烤魚，一於去試試佢啦！我哋嗌左一個「麻辣烤江團魚（中辣）」🐟，入面除咗有我哋揀嘅四樣配菜之外，仲有洋蔥同芫茜魚好大條，好多肉，肉質較實淨，魚皮有半煎炸過，魚幾好食👍🏻 湯底方面，雖然夠辣，但麻味欠奉，只係不過不失😐另外仲嗌左瀨尿牛丸同炸響鈴，瀨尿牛丸一啲爆汁都冇，響鈴唔似係即炸，兩樣都係係超市/街市求其買到果啲，比較失望😕最後再加左薯粉，薯粉份量好多，索哂湯汁，味道唔錯🙂總括而言，呢間餐廳嘅水準中等，下次要食嘅話我未必會再食烤魚，menu仲有雞煲等其他鍋類，可以再試下嘅😉

平時都有去食開呢間大埔嘅雞煲，有質素保證，今日係屋企叫外賣，同埋屋企人一齊食😋😋😋 雞煲份量好多，雞肉識落幾滑，夠晒一家四口食。另外佢仲可以order買唔同嘅配料，例如：肥牛、生菜、丸類，打邊爐嘅配料應有盡有，食完雞煲就可以落配料啦！雞煲個汁好龍，就算之後加水轉左打邊爐都好入味。今次叫咗小辣，但係食唔到辣味，所以鍾意食辣嘅朋友，可以試吓中辣。😇

🐾 巴辣仔烤魚雞煲 (大埔) 🐾-深海大班原條烤魚(香辣味)$368✔️-深海大班原條烤魚(香辣味)：呢個可以加4樣配菜嘅，我哋加咗紫洋蔥、豆卜、蓮藕同埋金菇，四個配香辣汁超好食，豆卜勁索味！條魚勁大條，啲肉勁厚實，而且個香辣汁真係做得好出色！不過佢份量真係好大，我地兩個人食都食唔晒🤤—————————————(非專業,完全跟據個人口味☺)食物:8/10環境:4/10服務:6/10人均消費:$200———————————————▪店舖名稱: 巴辣仔烤魚雞煲 (大埔)▪店舖地址:🔸 大埔翠怡街3號翠怡花園C座地下14A舖-----------------------

剛才我係首爾餐廳揸住頭位飛等三個位足足 35 分鐘！睇住四五枱兩個入膠晒都唔比我，老闆您有無心做架，火都黎！見巴辣仔有位即轉場，行緊走先叫住我，啋您都傻﹗新產品江團魚，什麼來頭啊？梗係要試試。兩日返唔到公司要請假，兩日由朝碌社運新聞視頻碌到晚再碌天光，精神崩潰！點都要出街透透氣，見見朋友圍圍爐，食下勁辣飲下啤酒減減壓。新入職位美少女侍應好標緻可愛喎。坐滿食客，仲有棒場客等位，生意興隆，恭喜發財！邊個話無人出街無人打邊爐？注意衛生加強抗炎，香港人加油！師傅親自到廳面招呼，受寵若驚辛苦晒！泡椒雞腳，濃咸中帶點辣，皮滑筋脆食得過癮！涼拌豬爽耳中辣，馬馬虎虎將汁淋面就出貨，全部豬耳膠質黏在一起，成塊豬耳餅上檯？完全無撈過無拌過，自己撕開再動手撈勻吧，夠辣無麻有澀味。炸腐皮蝦卷，師傅大大力推介新作品！捲得實淨塞得滿滿，新鮮出爐熱力四射，炸得金黃鬆脆！蝦餃鮮甜彈牙，肉汁豐富，乾與濕的反差別有風味！炸鮮蝦雲吞，從來未遇過炸得圓碌碌乒乓波一樣，不是普遍張牙舞爪的炸雲吞，賣相可愛，師傅真有心。多間食肆炸後濃縮會過咸，但眼前蝦波波完全無此問題，直接入口不用點醬，香口脆脆甜美可愛。小辣香辣味烤原條深海大斑，

深海大斑酸菜味小辣$368揀好湯底同魚之後仲可以揀四款配菜。金菇、萵筍、娃娃菜同蓮藕。條魚可以夠四個人食既份量，好彩叫咗小辣，因為都已經好辣，加上菜放係煲入面一直煮，好入味，當日既深海大斑唔記得係咩魚，但肉質好滑，好新鮮，食完條魚可以一直加其他配料打邊爐，比較可以飽！涼拌豬爽耳$32呢個小食都好大碟，豬耳多過莞茜，味道好好，加上汁料調配，整個配搭好好，中意辣既朋友必叫。最後，食物味道唔錯但座位就比較逼迫，但整體唔錯！

呢排無辣不歡😂早左收工特登渣車入大埔食烤魚事關出面食過好多間好多都不值一提呢度係我第三次食呢間配料足 價錢抵食 沙巴龍躉料靚又大條有分大中小辣BB辣雖然個人覺得大辣黎講都唔算太辣不過屋企人都食到滴晒汗睇圖不解釋啲配料係多到瀉出面好多都係求其敷衍。通常都會另加鴨血 鵝腸 烏冬 芫荽 午餐肉 菜 睇人數喇 兩個人係唔洗叫咁多都飽到上頸野飲似係出面食雞煲大大杯嗰啲size夠飲一晚 屋村生意有時要book枱洗手間係會無咁企理。

青島啤酒，沒有日本啤就唯有飲國際品牌啦。差點取消的約會，幸好最後能夠成行。與至愛一齊嘆啤酒格外開心愉快，幸福快樂，有著陽光與空氣。泡椒雞腳，甩皮甩骨唔夠凍，肥美不足，雞皮不爽脆，咸味強但辣味不夠，非常平凡麻麻地，上水巴辣仔好食多倍。 大辣香辣味烤原條深海大斑，萵筍、蘿蔔、冬瓜、娃娃菜、大量芫茜、大量辣椒，還有少少紫洋蔥。請耐心等候滾起一刻，不時要淋辣汁到魚上，給她一點溫暖，白煙升起就是開動之時，殺呀﹗堅大條的斑，必定有斤半左右份量。立即滅掉面珠登，跟女友分甘同味，堅實爽彈的肉質唯獨只有這部位。厚厚啖啖肉的大斑，那鯇魚、魽魚不能相比，魚肚魚身全部都係寶，魚頭魚尾魚鰭都是我囊中物，魚皮烤得焦香格外索汁，香辣汁惹味刺激震動我的味蕾。魚肉斑味濃帶著天然鮮甜味，烹調出色香辣味得宜，難開分店開完一間又一間。挑選四款都是吸汁高手，萵筍、蘿蔔、冬瓜、娃娃菜，將香辣魚汁毫無保留地帶到舌尖上，爽甜出眾，簡單就是美。水魷，硬係覺得特別淡茂茂，是否過份啤水啊？灼兩灼就好食喇，否則縮到變魷魚乾咯，爽爽脆脆平凡合格。竹笙，天生無味的野菌類，海棉體吸盡辣湯整條塞入口，一趙爽脆索索聲，辣汁全開爆出，辣味升華好幾倍，震

是咁的~呢間位於大埔嘅烤魚店其實之前已經同班同事食過一次覺得幾好食 所以今次就帶埋女朋友仔同幾個朋友一行5人一齊黎食 呢到個位置已經係太和 未至於好唔方便 但過黎都要d時間 咁我地五個人就叫左烤鯇魚小辣同一鍋醉雞🐔（一隻）如果叫烤全魚嘅話佢會送4款配菜 咁炸全魚雖然只得鯇魚同石班兩個選擇 但配料選擇多而且亦有唔同嘅煲可以選擇（就好似我地叫嘅醉雞鍋咁） 所以以小店黎講呢到嘅選擇都唔少 除左佢送嘅四個餸（好似要左豆卜 鮮支竹 金菇 仲有樣唔記得左）我地仲叫左好多配料 豆卜支竹吸曬個炸魚湯之後真係好正 同埋我地叫呢個小辣酸菜烤魚一定要叫碟豬肥腸黎配埋一齊 慢慢將d肥腸炆淋佢又可以吸收曬d湯汁 咬落又食到肥腸嘅肥油香 好正上面好似壽包咁嘅其實係墨魚滑 淨係個賣相已經要加分跟住佢仲要唔係得個樣字 食落真係有粒粒嘅墨魚粒喺入面 加上鋪滿左卜卜脆蟹籽 令到彈牙嘅墨魚滑口感更加特別 又好味又有口感 呢個真係值得一試另外我地叫嘅醉雞鍋d雞都好滑 而且係見住職員將碟斬左件嘅雞落去個鍋到滾 啫係你叫一隻雞真係見到佢落一隻 唔係就咁一鍋打開就食跟本唔知佢足唔足料而且醉雞鍋個湯頭好正 真係搵到有藥材喺入面（佢好

六行人食晚飯打邊爐係最好的選擇烤魚點了酸菜味深海大斑配了四款配菜：蓮藕 金姑 娃娃菜 蘿蔔等了十分鐘 大大條魚新鮮上菜有大量芫茜 洋蔥 蒜頭 增加香味大斑啖啖實肉 骨少 容易食魚皮煎過 十分脆口 充滿魚香好食到停唔到口二個人食一定食唔哂 要打包所以食哂魚先好叫火鍋配料雞煲少辣 大量芫茜 洋蔥 十分滿意醬汁味濃 夠麻夠辣雞件份量足可惜雞件唔夠入味 而且比較乾身食完烤魚同雞煲另外點了薯粉 唐生菜 美國肥牛 黑豚肉片 芝士丸 雙拼餃 蝦滑 墨魚滑等火鍋配料新鮮 份量夠 下次一定會再叫酸菜烤大斑大推

今晚同舊同事一行十人喺太和對面翠怡花園新開嘅巴辣仔食烤魚雞煲，初頭諗住普通嘢啫!點知食落有驚喜，好入味!酸辣魚同雞煲都好正，仲有小食雞腳同皮旦都唔錯，個人較鍾意嗰個麻辣朱耳夠爽口!埋單每人150蚊，都合理!下次會返頭食!大埔友鍾意食雞煲嘅可以一試!聽個老細講上水仲有分店

開頭以為會好辣，但食落先知原來可以唔辣，少辣或大辣選擇，小朋友都食得好開心，朋友聚會又多一個好地方。今晚食酸辣烤魚好香口，加上酸菜及香菜等配料味道更出衆，魚又滑又香，另外可以再追加其他配菜，如蝦滑、肉丸、牛肉等……直得一試價錢又合理，開胃菜款式亦有多種選擇，麻辣雞腳、麻辣豬肚、手拍青瓜等。試業期間不但無收加一，更有八拆優惠，重有巴辣鮮雞煲味道亦唔錯，我哋12個人每人消費百二蚊左右，個個飲飽食醉捧住個肚走。

雞煲係大埔區有很多地方都可以食到﹐這間巴辣仔烤魚雞煲前身前前身都要以雞煲作招客的﹐正因已經很多﹐競爭很大﹐加上高昂的租金﹐如果沒有高品質很難站穩的。這間多了烤魚來招客的﹐平日我和老公想食烤魚煱都會出去荃灣、佐敦或旺角﹐因大埔區好像沒有的﹐今晚剛好經過見到門口告示試業期間晚市一律八折﹐便吸引我們想試一下﹐據服務員說昨天是第1天開業的﹐進入門口有一個櫃擺放好多醬油給客人自取的﹐菜單上都有很多選擇﹐而我們只想試一下魚鍋﹐便order 酸菜魚﹐但服務員回應已估清﹐我們只有2個人也不停遊說我們食原條烤魚﹐晚上7點左右已沽清？環顧四周的客人﹐都是原條烤魚﹐沒有一張枱是酸菜魚﹐真有點懷疑要一個局。最後只好 order 深海大班原條烤魚﹐而每款烤魚附送4款自選配菜﹐而湯底也有6款選擇：香辣、泡椒、酸菜、蒜香、蕃茄及鮮青椒味﹐我老公點選了紫洋蔥、豆卜、金菇及雞脾姑配泡椒鍋底﹐可能魚是烤過火的原因﹐令魚肉質感有點乾及粗糙﹐口感不好﹐而泡椒湯底並沒有泡椒味且辣度不足﹐要求服務員代為加多一點泡辣來增加味道﹐但該服務生叫我老公自行在門口的醬油枱上加辣椒﹐試想如加辣椒這樣原有的泡椒