船渦

Open Now

Now Closed

終於有機會去食蒸海鮮！日式嘅裝修風格，坐得舒服！海鮮盤上碟時一齊嘩左一聲！大蜆還是生存的！大蜆一點沙都沒有，好鮮甜！係的海水的味道！帶子啖啖肉！將多餘嘅內臟全部清除，彈牙嘅帶子肉口感一絕！鮮蝦蒸出鮮味！蝦膏爆曬出來！鮑魚爽口彈牙，蒸5分鐘就可以了！豚肉肥牛各蒸蒸5分鐘！炸蠔同章魚小丸子剛剛炸好，入面熱辣辣！非常juice !當然唔少得菜同埋肉丸！平時次次都係打邊爐，蒸肥牛同埋豬肉片都係第一次!肉味不會流失在湯底內！重點係個魚湯米線！吸收了蒸海鮮的精華！吃飽飽！食蒸氣海鮮，最緊要是海鮮夠新鮮！呢度有自家魚缸！保證海鮮新鮮！下次會再嚟！

餐廳裝修係日系風，座位與座位之間有竹簾相隔，座位下面有竹籃可以放袋。🈶多款一人海鮮套餐以供選擇，客人係用一人一個蒸氣鍋嘅形式進餐。餐枱上有指示教大家每種食物需要蒸幾多分鐘，仲有計時器，按指示去蒸就🉑以食到最佳嘅質素。揀咗個九品芝麻套餐，都幾多嘢食，沙律係蟹籽青瓜絲，感覺好fresh章魚燒有兩大粒，熱辣辣，好好味。海鮮🈶白蜆、蝦、鮮魚片、大蜆、扁蟶子➕鮑魚，樣樣都鮮甜肥美。肉類揀咗美國肥牛，牛味非常濃郁。三寶丸有牛骨濃汁牛丸、薑汁皮蛋貢丸及招牌墨魚丸，我就最愛墨魚丸，口感十分爽彈。時蔬拼盤都非常豐富，食落新鮮甜美。食完所有嘢之後，職員就會將煮好嘅粥倒落鍋到再煮多陣，個粥食落都好鮮甜。最後每人有一粒雪糕糯米糍作為甜品💕

嘩嘩嘩蒸氣火鍋真係好正呀！最近去咗一間以海鮮為主打嘅船渦，真係勁好味！佢哋嘅菜單上有好多海鮮選擇，有好新鮮嘅蝦、蟶子王、帶子、鮑魚同白蜆，每一口都係海洋嘅味道，真係好正！唔止係海鮮，佢哋仲有豬肉、雞肉、牛丸同墨魚丸等肉類揀擇，每個都有唔同嘅口感同風味。豬肉好嫩滑，雞肉鮮嫩細緻，而牛丸同墨魚丸就有彈牙嘅口感，真係好好食！呢啲肉類同海鮮一齊下鍋，火鍋嘅味道更加豐富。仲有，佢哋都好著重提供各種新鮮嘅蔬菜，令整個火鍋更加均衡健康。有嫩綠嘅葉菜、甜脆嘅胡蘿蔔同爽口嘅豆芽，色彩鮮豔多樣。總括嚟講，呢間蒸氣火鍋店真係好正！新鮮海鮮、多款肉類同豐富蔬菜，令我食到個火鍋大餐既美味同埋均衡。如果你鍾意海鮮同火鍋，絕對唔可以錯過呢間店！

今日lunch time 食一人一個蒸海鮮鍋，都系第一次食😉。餐廳佈置特別，竹簾分隔對面枱及隔籬枱，私隱度好高😆午市套餐都有好多種，如果唔蒸海鮮，亦有粉面、泡飯餐選擇。 《 八府巡按套餐 》 $468🥗前菜：沙律🥟炸物：芝麻雞翼、雞軟骨餃子🦞海鮮：白蜆、蝦、鮮魚片、鮑魚、元貝、北寄貝、扁蟶子、龍蝦（半只）、蟶子皇🥩肉類：豚肉片、安格斯牛肉🍢丸類：三寶丸🥬蔬菜：時蔬拼盤（生菜、娃娃菜、金菇、粟米、鮮冬菇）🍜粉/粥：魚湯米粉 《 水師提督套餐 》 $138🍘炸物：章魚燒🦞海鮮：白蜆、蝦、大蜆、鮑魚、鮮魚片🥩肉類：美國肥牛🥬蔬菜：特選蔬菜（娃娃菜、金菇）🍜粉/粥：魚湯米線🥰一人一個湯底，首先可以蒸咗海鮮食，食完海鮮，就可以做打邊爐放湯底，烚菜、肉、粉面、粥底。仲有一個自助調味吧，可以任意調配喜歡嘅調味料。

最近成日陪男朋友食日本嘢，今次捉佢陪我食海鮮。呢度係一人一鍋蒸氣海鮮，我自己揀左最平果個餐，但係都已經好豐富。分別有六款海鮮，兩款肉，然後再加啲沙律，小食，丸，菜籃，再加一款主食。然後幫男朋友叫左個內務總管餐，因為有佢鍾意嘅蠔做小食。除左小食唔同之外，佢係多我一款海鮮-蟶子皇。組合上都會有小小唔同，我嘅鮮魚片佢會變左扇貝。兩個餐都會有鮑魚，個size都唔細架，蒸5分鐘岩岩好，夠鮮甜。佢啲大蜆都好鮮甜，粒粒都大大粒脹卜卜架，最重要係乾乾淨淨冇砂。今晚嘅魚片係龍等片，見到佢塊魚皮咁厚，真係膠原滿滿。佢每個餐都會有3隻蝦，港女男朋友喺街係唔肯食蝦，因為佢唔想落手剝。咁唯有我剝埋俾佢啦，好彩全部夠新鮮唔痴壳，我用筷子剝都算方便。肉類方面我最欣賞佢個雞髀肉，蒸5分鐘真係無敵滑嫩。三粒丸分別係牛丸墨丸同貢丸。當中貢丸係有內涵嘅，入邊係薑汁皮蛋，都幾特別，出面未食過。主食方面我自己揀左烏冬，佢啲烏冬都好彈牙，加埋乳白色魚湯，真係唔覺意食晒成個烏冬。男朋友就揀左南瓜粥底，啲粥係預先煲好，所以夠晒綿。食完咁多嘢，真係好飽。佢呢度有自己嘅海鮮缸，所以所有海鮮都係保持新鮮，唔同冰鮮嘢。

以為自己上咗隻船度用餐～ 用餐私隱度高, 店員會落簾將你同對面嘅尷尬食相和眼神分開。 午市套餐二選一，諗都唔使諗要八府巡按，食好啲！有半隻龍蝦、一隻鮑魚、三隻海蝦、一隻聖子王、象拔蚌仔、蜆、帶子、元貝等等。仲有時令蔬菜籃，三塊牛肉和豚肉，三粒唔同口味嘅丸。我哋另外叫咗個蟹膏蟹肉粥底，去吸收所有海鮮同肉汁嘅精華最尾食😋 海產尚算新鮮，根據提供嘅時間蒸完爽口彈牙。 牛肉豚肉味濃, 蔬菜鮮甜多汁。食完叫店員加上粥底，兩人食份量啱啱好。米粒粒飽滿，吸曬鮮味精華，非常濃稠！想要潮州粥質感，更可自行加熱水～

發現朋友居然未食過蒸氣火鍋，今次決定帶佢黎試吓銅鑼灣呢間一人一鍋蒸氣火鍋，啱晒鍾意食海鮮嘅佢😝我哋分別叫咗兩個套餐分別係九品芝麻套餐同埋內務總管套餐✨ 所有套餐有齊前菜、炸物、海鮮、肉類、丸類同蔬菜拼盤。最後可以揀粥底、麵底或者飯，真係好豐富🥰先黎講下我叫左既內務總管套餐，呢個套餐有齊我最鍾意食既海鮮，包括白蜆，蝦，大蜆，扁蟶子，鮑魚，元貝同蟶子皇😋 朋友鍾意食魚，所以九品芝麻套餐就岩哂佢，套餐裏面海鮮有白蜆，蝦，鮮魚片，大蜆，扁蟶子同鮑魚😍值得一讚係所有海鮮都處理得好乾淨！ 無論係蜆定蟶子都無食到沙、元貝更加係無黑邊！👍🏻所有海鮮蒸完出黎都好鮮甜，蜆就粒粒都彈彈肉好多汁、魚片更加係有滿滿既油香💕 跟住佢枱頭建議蒸煮時間黎蒸出黎既海鮮就唔會蒸到過龍啦🥰肉類方面除左有豬牛雞選擇之外，佢地既三寶丸都好有驚喜😍牛丸好彈牙有肉汁，貢丸裏面有薑蓉估唔到咁既配搭係咁夾，最後就係招牌墨魚丸 食落唔會好粉又有咬口👍🏻差唔多食到最後，由於我哋揀咗粥底，店員會黎幫手加粥去煮。 我叫左南瓜芋頭粥，加左南瓜既粥食落好甜😋 朋友就叫左蟹膏蟹肉粥(+$28)，食落每一啖都有蟹肉好鮮甜😝

秋天嚟到就好想打邊爐。但又唔想食普通的打邊爐，於是揀咗呢一間有新穎idea，就係一人一鍋。裝修好日系，座位與座位之間有竹簾相隔，安排大家對住坐，而且座位非常寬敞，坐得好舒服同有私隱度👍。餐枱上有指示教大家每種食物要蒸幾多分鐘，枱有計時器，按指示去蒸，蒸完出嚟食就係最好嘅👍。蒸好嘅海鮮汁會滴落下面嘅鍋，食完所有嘢之後職員就會將煮好嘅粥倒落鍋到，再煮多陣，成個粥底海鮮味十足，非常鮮甜😋。餐廳都有好多套餐，任大家選擇。價錢由$218-$598。我地叫咗： 内務總管餐$288❤️三點刺身（北寄貝,甘蝦,帆立貝）❤️炸物（日式炸雞3粒）❤️海鮮：白蜆、蝦、鮑魚、蟹（半隻）、元具、時令海鮮、大蜆❤️肉類：美國肥牛/豚肉片/雞腿肉（三選二）❤️三寶丸 （牛骨濃汁牛丸、薑汁皮蛋貢丸、招牌墨魚丸）❤️蔬菜拼盤❤️甜品食材新鮮，好鮮味， 新鮮打邊爐體驗，推介推介推介👍

今晚去左銅鑼灣”船渦”食一人一鍋. “船渦”以海鮮為主打嘅蒸氣火鍋，有單點及套餐選擇，餐牌更列出蒸煮時間, 非常細心. 6:30pm 入座, 都坐滿8成客.我地叫左內務總管套餐同埋九品芝麻套餐, 包括: 白蜆, 蝦, 鮑魚, 元貝, 蟹, 扁蟶子, 三寶丸, 美國肥牛, 豚肉片, 雞腿肉, 鮮魚片等等海鮮新鮮鮮甜, 由其係貝類, 肥美彈牙, 粒粒肉身漲卜卜, 超級新思.三寶丸 – 好多肉汁, 食嘅時侯小心D, 怕比肉汁燙傷個口.蟹 – 超多蟹膏, 蟹肉多, 亦夠鮮甜. 元貝 – 超大隻元貝, 肉身肥厚, 海鮮味充足.

呢間食粥底蒸海鮮🦞，同事食過，話放工帶大家去試下。門口見到2019同2020都拎過雜誌獎，雖然都兩三年前，但深信堅係有料到🤩。原來係一人一爐，裝修都唔錯，有日式feel，好多垂簾，即使一個人去食都可以間隔出獨立空間享受食物，呢個設計唔錯👍🏾。大家都嗌$328套餐，海鮮有白蜆、大蜆、扁蟶子、蝦、鮑魚、元貝、蟶子皇。其他自己睇相。講真，啲海鮮幾新鮮，話晒有水族箱活生生養住，蒸出嚟堅有海水味，醬都唔使點已經好重口味。滴埋啲海水鮮味落個粥鍋到，撈埋啲南瓜芋頭粥底嚟煲，啲鹹味真係好食到爆腎，連阿強都上枱想食埋一份。得呢度會有人提提大家，餐廳全自助斟水、拎醬料。

早排講完佢嘅海鮮真係唔錯。固然唔同海鮮用清蒸出嚟原來係特別鮮甜，比起平時打邊爐落海鮮，雖然已經好好食，但係原來用清蒸嘅方法會鎖住所有海鮮嘅鮮嫩海鮮味道，而且食物更加多汁，真係冇得頂，如果自己食淨嘅話都要揀清蒸嘅方法。今次呢一篇就講吓佢嘅南瓜芋頭粥啦，雖然佢主打係海鮮，不過都有好多人讚佢嘅粥整得幾好食。今次帶咗最普通嘅南瓜芋頭粥，雖然撈埋啲海鮮嘅味道真係幾清甜，不過店員整粥嘅比例嘅時候，落得比較多水，所以食出嚟有啲太稀，如果杰返少少就最正啦。

今晚特登出到嚟銅鑼灣呢間樓上舖，因為好耐冇食蒸鍋，而呢度就算一個人都可以照嚟食，一個人都可以盡興。食佢哋set好嘅套餐就食到最多嘢。就算係最平嘅”九品芝麻”都好鬼豐富。先有沙律、章魚丸做前菜。之後啲海鮮、肉、同埋菜都一齊到埋。海鮮有蜆、扁蟶子、魚片、鮮蝦、鮑魚。肉類就三選二，有牛、雞、豬，仲有三寶丸。菜就有生菜、紹菜、南瓜、冬菇、金菇、翠玉瓜、粟米。最後仲可以用蒸海鮮嘅水煮南瓜粥食添。食就好方便，放入蒸爐，跟枱面唔同食物較返唔同時間，夠鐘就食得。幾個人嚟仲可以拉開前面同左右嘅竹簾，咁就孌咗做大枱喇。成個過程都幾得意，同friend一齊嚟就仲好玩。

平時都好鐘意打爐，但又想食得健康 D，鮮味 D ，一定會擇蒸氣鍋之前食蒸氣鍋通常一大個爐，都要一大班朋友先去得，但今次去既餐廳每個位都設置一人一爐而且座位之間設有拉簾，即使獨自用膳也享有私密空間，一個人黎食蒸氣鍋都可以開心盡興，品嚐最鮮嫩的滋味另外店內設有大魚缸，所以海鮮都即叫即拎，夠曬猛新鮮餐廳係自助落單，枱面上仲有蒸鍋指引，用不同時間去蒸煮不同菜式，相當方便，夠曬細心食物方面 :九品芝麻套餐，套餐包括冷熱前菜、海鮮主食、兩款肉類、三寶丸、時蔬拼盤及粉麵一客前菜 : 有清爽勁多蟹柳既蟹籽沙律同埋外皮香脆既章魚燒海鮮主食 : 有白蜆、生蝦、鮮魚片、大蜆、扁蟶子及鮑魚，款款新鮮，味道鮮甜肉類 : 可以揀兩款肉類，有美國肥牛、豚肉片或雞腿肉選擇，滿足下食肉獸既胃口三寶丸 : 有牛骨濃汁牛丸、薑汁皮蛋貢丸及招牌墨魚丸，墨魚丸彈牙有嚼勁，牛丸同貢丸道出色，仲會爆汁，小心辣親個嘴時蔬拼盤 : 多款新鮮時蔬，食完甘多肉同海鮮，平衡一下，再食埋個粥粉麵飯魚湯米粉 : 蒸完海鮮之後加入鮮魚湯，米粉輕輕一剝就食得，再留返隻鮑魚做餸，夠曬鮮味蟹膏蟹肉粥 : 另外加錢選擇蟹膏蟹肉粥，蒸完海鮮之後店員會加入粥

一大班人除左燒肉/火鍋，可以嚟試吓蒸氣海鮮，健康舒服嘅選擇！銅鑼灣D4出口3分鐘左右就行到，維安商業大廈嘅3樓，門口放咗大大嘅船做裝飾🛶餐廳有邊位，二人單人都可以，又有中間長枱位，排排坐面對面，啱晒一大班人，播住台灣嘅音樂都幾舒適寫意。Menu簡單易睇，主要係有唔同嘅海鮮餐，最平$258 ，已經包晒海鮮、丸類、肉類、 蔬菜籃、小食、粥底或米線底，最主要都係睇你有啲咩海鮮唔食，另外加錢可以追加肉類，非常簡單。九品芝麻套餐 $258包：沙律 章魚燒（2粒) 白蜆 蝦 鮮魚片 大蜆 扁蟶子 鮑魚 雞腿肉 美國肥牛 三寶丸 時蔬拼盤 南瓜芋頭粥最平嘅餐都已經好多嘢食！一人一爐勁好唔使爭！餐廳好貼心地有張紙仔寫明每一種食物要蒸嘅時間而且蒸氣爐可以校時間，好方便！最初等食物蒸熟嘅時候，可以食住小食前菜先，有沙律同章魚燒。章魚燒新鮮炸起，雖然章魚腳唔係好多，但外脆內軟好好食。餐廳有魚缸養住海鮮，所以每種海鮮都新鮮，質素不俗！上枱前都洗得好乾淨。醬芥各樣都提供充足，可以喺出面自助選擇。除咗海鮮仲有肉類選擇，雞腿/肥牛/豬肉(三選二)，又有豐富蔬菜籃，食到最後職員會幫忙安排粥底/米線,粥底軟綿綿又入味，

一人份量，價錢合理，還可以選擇米線、烏冬等作結尾，絕對夠飽😋海鮮的種類頗多，啲蜆好大隻‼️餐廳是自動化下單、非常方便👍🏻而且蒸鍋有提示功能，設定時間，等幾分鐘就食得😍🍲九品芝麻套餐 套餐包括：🥢前菜：沙律🥢炸物：章魚燒（2粒）🥢海鮮：白蜆、蝦、鮮魚片、大蜆，扁蟶子、鮑魚🥢肉類：美國肥牛 / 豚肉片/ 雞腿肉（3選2）🥢丸類：三寶丸（牛骨濃汁牛丸、薑汁皮蛋貢丸、招牌墨魚丸）🥢蔬菜拼盤＋甜品