船渦

Open Now

Now Closed

鍾意食海鮮蒸汽火鍋既朋友，今次介紹返銅鑼灣的特色蒸汽火鍋餐廳船渦，包你食過翻尋味。餐廳名正所謂船渦，就好似一間船屋一樣的餐廳，富有船上進餐的氣氛。呢度以一個個套餐做海鮮蒸汽火鍋套餐為主，今次就點左最抵價錢的九品芝麻套餐，海鮮包括蝦，魚，鮑魚，蜆，蚌等等，海鮮真係超級新鮮，D蚌仲識得噴泡泡呼吸，餐廳裡面也有好多飼養中的海鮮，對於海鮮的品質絕對放心。按照每樣海鮮的蒸煮時間不一樣，一切由自己親手來蒸，一人一鍋，更加放心。食完海鮮仲有肉類選擇的，我們都點左牛肉為主，有普通肥牛同美國肥牛，仲有三款肉丸配搭，肉類食完再到蔬菜，補充蛋白質再補充維生素。最後精華一定要食埋，就係充滿左海鮮精華的粥底，係南瓜芋頭粥底，另外加$ 升級了一款蟹膏蟹肉粥底，兩個各有風味，試曬兩個都好好味，岩曬鍾意食粥既我。

一人一爐海鮮蒸鍋，分別叫左一份九品芝麻(九)內務總管(內)餐，可以先蒸海上鮮後煮米線/粥品。前菜係蟹籽青瓜沙律，炸物小食分別為章魚燒(九)，吉列蠔(內)。一份兩件可以share。海鮮方面，兩份餐都有白蜆、蝦、扁蟶子、鮑魚。蜆肉蒸2-3分鐘食得，快熟鮮嫩，蜆汁有海水咸香。海蝦有3串，蝦身結實，肉質鮮爽蝦汁濃味。鮑魚熟左唔會縮水，厚肉彈牙。(九)餐另有鮮魚片切，厚薄適中冇碎骨又帶皮。(內)餐跟肉蟹帆立貝時間表蒸蟹建議7分鐘，開蓋橙紅色蟹殼好靚，先食最肥美蟹身，有驚喜超多肉，味道清甜，肉質緊實新鮮。嫩滑蟹羔、蟹鉗厚肉，食完有飽肚感。帆立貝亮白有光澤，放葱花、蒜蓉調味蒸，肉嫩多汁，味道咸鮮。海鮮汁精華，放入魚湯煮米線一流。預留蜆貝、肉、丸、蔬菜籃做配料，超豐富！又可以叫南瓜粥，清甜暖胃。肉類三選二叫左豚肉、雞腿肉。雞腿部位啖啖肉皮下脂少，薄切豚肉煮熟清香。丸類三寶丸：招牌墨魚丸、薑汁皮蛋貢丸、牛骨濃汁九丸。貢丸有好多皮蛋蓉饀，薑汁味香濃。墨魚丸爽彈鮮味又多墨魚肉。牛丸有濃厚牛骨鮮香。蔬菜籃有南瓜件、翠肉瓜、娃娃菜、甜粟米、冬菇。餐後有雪糕糯米糍做小甜點

九品芝麻套餐 $258前菜：蟹柳青瓜絲沙律小食：章魚燒， 熱辣辣都幾好味😋海鮮：白蜆、大蜆、鮮蝦、鮮魚片、扁蟶子、鮑魚肉類：揀咗美國肥牛、雞腿肉三寶丸：牛丸、薑汁皮蛋貢丸、招牌墨魚丸蔬菜籃：粟米、南瓜、金菇、冬菇、生菜、翠玉瓜主食：揀咗魚湯烏冬、拉麵甜品：每人一粒雪米糍一人一個鍋，夠晒方便座位有竹簾間開，私隱度高海鮮整體都新鮮，清蒸原汁原味👍🏻推介！船渦 (銅鑼灣)銅鑼灣謝斐道500號維安商業大廈3樓

上次食完蒸氣開海鮮之後就一直都念念不忘，今日難得放假就決定約下朋友食多次。九品芝麻小食有兩粒章魚燒，上枱都仲係熱辣辣嫁！入口外脆內軟非常美味。另外肉類可以選擇豬肉，雞肉同埋牛肉，今次就選擇咗牛肉同埋雞肉。海鮮方面就有三隻大大隻既蝦，一隻鮑魚，蜆同埋幾片魚片。海鮮全部都非常新鮮，食落去非常鮮甜。內務總管套餐小食就有兩隻炸蠔咬落去非常脆口。肉類方面我哋都係揀咗牛肉同埋肌肉，不過份量就比第一個套餐數量多啲，至於海鮮方面就更加豐富啦，包括有蝦，鮑魚，蜆同埋魚片，元貝，仲可以選擇要蟹或者蟶子王。今次我哋就揀咗蟶子王。蟶子王真係超級大隻入口鮮甜令人回味無窮真係必點之一。

有套餐亦可以散叫 價錢合理每個座位都有獨立嘅蒸氣鍋 更有竹簾分隔就算一個人嚟食都唔使怕尷尬😉我哋都揀咗九品芝麻套餐包括有蟹籽沙律作前菜章魚燒兩粒 熱辣辣好好味 外皮仍微焦脆海鮮有 6 款 都非常新鮮！活鮑魚同蜆仲識得郁好生猛白蜆及大蜆份量都幾多 而且處理得好好完全冇沙冇骨鮮魚片好嫩滑 魚皮位爽口仲有鮮蝦同扁蟶子 已經覺得好夠食👍🏻最緊要係新鮮 蒸出原汁原味超美味！肉類3 選2我哋都必點肥牛 豚肉片及雞腿肉均各一份配合蔬菜一拼蒸 捲起食更鮮美多汁三寶丸包括有牛骨濃汁牛丸、薑汁皮蛋貢丸及墨魚丸都好大大粒 爆汁彈牙最後嚟個蟹肉蟹膏粥底 吸收晒海鮮嘅精華 超正啊！甜品仲有雪糕糯米糍食

👉自費！［船渦］主打蒸海鮮鍋，由𥱊簾分隔開每個座位，所以1⃣️人嚟食都唔怕⋯.☝️套餐🈶️4⃣️款，由$218 - $598，掃碼落單，方便快捷。。。枱面已🈶️簡介各款食物蒸煮時間，電爐亦🈶️計時功能。不過我就無用到，目測大約時間就可以。🤭.📌九品芝麻套餐 $218 ～· 三點刺身（北寄貝,甘蝦,帆立貝）· 炸物 （章魚燒2粒）· 海鮮：白蜆、蝦、鮑魚、鮮魚片、大蜆· 肉類：美國肥牛/ 雞腿肉 / 豚肉 （3選2）· 三寶丸 牛骨濃汁牛丸、薑汁皮蛋貢丸、招牌墨魚丸）· 蔬菜拼盤.～～各款食物由海鮮🦐到蔬菜🥬都好新鮮，簡單蒸出食材原本味道。。《薑汁皮蛋貢丸》中心由薑蓉、皮蛋組成，味道特別，愛薑人士必試！.～～員工見你食完，就會上前幫你調較上湯煮麵，如果點咗粥底，就會幫你煮粥。湯底主要用之前蒸海鮮嘅精華加入上湯，所以湯底都係鮮甜無比。。.～～套餐無包飲品，汽水$15/罐.📌雞軟骨餃子 $18 ～ 皮薄脆口，饀料豐富！.📌日式炸雞 $25 ～ 外脆內嫩，無骨炸雞點上沙律醬，作為頭盤唔錯！.🏬 船渦 Boat Boat Steam🚦 銅鑼灣謝斐道500號維安商業大廈3樓.

同朋友黎咗呢間一人蒸氣鍋店食海鮮大餐。餐廳有唔同價位嘅套餐供應，豐儉由人，就算最平果款都已經有好多款海鮮。我哋就叫咗九品芝麻同內務總管兩款套餐。每種食材枱面都有指示要蒸幾耐，仲有埋計時器，幾分鐘就食得。九品芝麻 $258最基本嘅套餐，已經有齊前菜沙律、章魚燒做小食、6款海鮮、2款肉類、丸類、蔬菜拼盤同甜品，非常豐富。內務總管 $328上一個價位除咗基本有齊九品芝麻套餐嘅嘢食，海鮮仲多咗元貝同半隻蟹或者蟶子皇2選1。小食亦都升級咗做外脆內嫩嘅吉列炸蠔，蠔肉鮮味。先講重點嘅海鮮，用冰托住放喺船形器皿上面，賣相精美。海鮮種類多，好似鮑魚、扁蟶子、白蜆、大蜆、蝦、鮮魚片，仲有內務總管套餐嘅元貝同蟶子皇。海鮮全部都好新鮮，貝殼類鮮甜冇砂抵讚。元貝同蟶子皇味道鮮甜多汁，鮑魚大大隻爽口彈牙，蜆類肥美肉厚，隻隻都脹卜卜。肉類方面可以喺牛豬雞入面揀兩種，我哋就要咗美國肥牛同豚肉片，兩款都唔錯肥瘦均勻、肉質腍嫩。另外仲有三寶丸(牛骨濃汁牛丸、薑汁皮蛋貢丸同招牌墨魚丸)，其中牛丸唔錯，牛味濃郁又夠彈牙。食到最尾仲可以揀用個精華湯汁黎煮粥定煮粉麵，我哋就揀咗要南瓜芋頭粥底。店員會幫忙將粥底加入湯汁煮粥，滾一滾

前幾個星期家姐已經話想試吓，今個星期六有時間上去試吓食lunch。上到去未係好多人，大概兩枱客。我哋喺門口望住一段時間先至有職員過嚟安排我哋入座。餐廳入邊總共有四個職員，兩個喺樓面，兩個應該喺廚房 /水bar 位置。我哋每人叫咗個set, 其實食物質素係OK嘅，但職員嘅服務暫時令人咋舌，估唔到咁樣嘅工作表現都有人請。1. 樓面兩位職員-男嘅長時間企喺角落頭玩電話，女嘅好難得先見到會出現，有嘢想問都好耐先見到有人。2. 樓面嘅職員基本上唔會開口講嘢。我哋入座嘅時候，笑容對白（一般都會叫客人自己用QR code落單）欠奉，連眼神交流都冇。4 我哋兩個人並排坐，點嘅餐唔一樣。食物上枱嘅時候，侍應完全冇問過邊一個食邊一份，直接放低行開，零交流，更加冇介紹過點樣用過蒸氣爐。4. 食嘢過程入邊，有兩次家姐唔小心整熄咗個爐。由於比較難搵到侍應，唯有大聲叫後面玩緊電話嘅侍應幫手。佢只係走過來，撳着返個爐就行開。又係零交流。5. 食完海鮮之後，我哋點嘅粥就送上嚟…. 侍應又係完全冇講嘢。6 我起身去洗手間，出咗門口以為洗手間喺出邊，點知搵唔到。再行返入門口，問女侍應洗手間喺邊，佢全程冇望過我 （雖然正面

銅鑼灣食蒸汽海鮮火鍋🍲，一定要來呢間出名又獨特既——船渦。古老的裝潢，好似係漁船上食飯一樣，環境絕對引人入勝。呢度既一人一蒸汽鍋，全部有新鮮海鮮，不同的套餐配搭不一樣的海鮮，之後再有肉類同蔬菜，最後再來個面底/粥底，都咪話唔飽肚。我們二人都揀左最抵食既入門版海鮮———九品芝麻套餐，外加美國肥牛，鍋底以粥底為主，一個是南瓜芋頭粥，另一個改為蟹膏蟹肉粥。海鮮有蝦有鮑魚有蚌有魚，十分豐富，最後精華都落在粥底裡面，真的好鮮的海鮮味，超值的海鮮粥底套餐，值得一試。

鍾意蒸氣火鍋係因為可以品嚐到食材之原汁原味😋無添加嘅新鮮味道感覺特別養生又好味道🤝🏻🤝🏻是晚嚟到銅鑼灣呢度主打每人一鍋嘅蒸氣火鍋店🔥用手機自助落單就得！兩條友撐枱腳慢慢蒸慢慢食！唔使因為美食爭崩頭😝😝. ⭐ 九品芝麻套餐 $258@⭐ . ✨前菜：沙律🥗✨章魚燒 (兩粒) . ✨ 海鮮拼盤🔸鮑魚：非常鮮味彈牙💯🔸白蜆：每啖食得出濃郁海水味👍🏻🔸蝦：新鮮又肉質紮實🔸扁蟶子：迷你蟶子好可愛!! 🔸鮮魚片：😄軟滑鮮甜🔸大蜆：厚肉又無沙！！. ✨自選肉類🔸美國肥牛：肥美又色澤靚！🔸雞腿肉：厚肉又嫩滑🐔. ✨三寶丸🔸 牛骨濃汁牛丸：讚！一咬爆汁且濃厚牛滋味！🔸 招牌墨魚丸：彈口又唔粉👌🏻👌🏻🔸 薑汁皮蛋貢丸：幾有新鮮感嘅組合！. ✨ 蔬菜拼盤：有粟米🌽 南瓜 冬菇 金菇 娃娃菜 生菜 翠玉瓜😜😜新鮮度十足！✨ 甜品：香芋雪糕糯米糍. ✨ 南瓜芋頭粥：綿密濕潤！吸收哂食材精華！另一個套餐要咗✨原味魚湯米線😌爽滑彈牙！. ✨加一服務費

老友約我食一人蒸鍋夠衛生，海鮮夠新鮮的船渦，餐廳大缸有生猛海鮮，旁設有自助調味區。 九品芝麻套餐$258炸物：章魚燒2粒海鮮：白蜆、蝦、鮑魚、鮮魚片、大蜆、蟶子肉類：美國肥牛&豚肉片三寶丸：牛丸、薑汁皮蛋貢丸、墨魚丸蔬菜拼盤：蔬菜很嫩綠又乾淨甜品：雪糕糯米糍。章魚燒香脆內軟，蝦🦐鮮甜，鮑魚爽口鮮甜，蟶子味甜，薄切肉類快熟，丸類彈牙有汁。吃完海鮮和肉類後店員幫手加粥底有南瓜🎃芋頭很香，粥滑棉軟糯很美味😋內務總管套餐$328沙律：🥗蔬菜🥬很新鮮。炸物：炸蠔2隻海鮮：白蜆、蝦、鮑魚、蟹（半隻）、扇貝、大蜆、蟶子肉類：美國肥牛&雞腿肉三寶丸：牛丸、墨魚丸、薑汁皮蛋貢丸蔬菜拼盤：生菜🥬南瓜🎃娃娃菜、金菇等⋯甜品：雪糕糯米糍。炸蠔鬆脆可口，蟹🦀️新鮮味鮮甜，蜆清甜無沙，食完海鮮和肉類🥩加米線索左海鮮精華很美味

👦🏻👧🏻去左銅鑼灣行街，行完就一齊去左「船渦」食個豐富晚餐🍲。呢間蒸海鮮店最正係一人一鍋，各自揀返自己鐘意既湯底！值得一提餐廳既所有海鮮都非常新鮮，值得Encore！🌟內務總管套餐前菜（沙律🥗/吉烈炸蠔🦪）餐前沙律係蟹柳青瓜沙律，夠曬清新。而吉烈炸蠔炸到夠酥脆，蠔肉結實！海鮮類（蟶子皇/蟹🦀半隻)+白蜆+大蜆+扁蟶子+鮑魚+元貝）全部海鮮都極新鮮，最值得推介既係蜆同埋蟹.蜆身飽滿，食落去完全無沙，鮮美十足；而蟹就蟹膏明顯黏糯軟身，食落去甘香無比，蟹肉結實鮮甜，極為推薦！肉類🥩（美國肥牛/豚肉片/雞腿肉 三選二）肉類都新鮮，美國肥牛肥瘦均勻；豚肉片肉味濃，極香豬肉味；雞腿肉結實，咬落去彈牙。可能肉類係蒸熟既關係，三款肉類味道比水煮更香濃。雜項（時蔬拼盤/三寶丸）三寶丸有齊牛骨濃汁牛丸、薑汁皮蛋貢丸、招牌墨魚丸，當中薑汁皮蛋貢丸就令人特別深刻，各款材料唔會太搶味又平衡得好好，肉丸又夠彈牙！而時蔬拼盤就有齊南瓜🎃、金菇、生菜、娃娃菜、脆玉瓜，款式都算唔少。主糧(南瓜芋頭粥/魚湯米線)粥底/米線湯底有唔少選擇，喺食曬所有蒸鍋食物就可以叫店員幫手加湯/粥。蒸海鮮既精華全部都滴曬落鍋底，再混埋湯/

‌‍‍‌‍​‌‌‍​‍‍‌‌‌​‍‍‍‍‍​‍‍‌‌‌​‌‌‌‌‌​‌‍‍‌‍​‌‌‍​‍‌‌‌‌​‌‍‍‍‍​‌‍‍‍‍​‌‌‍‌​‌‍‍‌‍​‌‌‍​‌‌‌‌‌​‍‌‍‌​‍‍‍‍‌​‍‌‌‌​‌‍​‌‍‍‌​‌‍‍‌​‌‍‍‌‍​‌‌‍​‍‍‌‌‌​‌‌‌‌‌​‌‍‍‍‍​‌‌‍‌​‌‍‍‌‍​‌‌‍​‍‌‌‌‌​‌‌‍‍‍​‌今晚我想吃清淡一点的食物，但又想尝尝海鲜的味道。幸运的是，我找到了一家提供个人蒸汽锅的餐厅！在这里，我可以自己选择喜欢的食材，无需等待，随心所欲地享受美食。他們家有兩種套餐供選擇：九品芝麻套餐和內裘總管套餐。九品芝麻套餐只需要258元，包括沙拉、章魚燒（兩粒）、白蟶、蝦、新鮮魚片、大蟶、扁螺、鮑魚以及美國肥牛和豬肉片等海陸豐富食材。而內裘總管套餐則需要328元，除了沙拉和吉列炸蠔（兩只）外，還有白蟶、蝦、大蟶、扁螺、鮑魚和元貝等海產品以及美國肥牛和豬肉片等肉類食材。不僅如此，在這裡還可以品嘗到豐富多樣的丸子：三寶丸（牛丸、貢丸和墨 魚丸）。此外，他們還提供了蔬菜籃，讓我可以搭配自己喜歡的蔬菜。這家餐廳不僅提供了新鮮美味的海鮮和肉類食材，還能滿足我對清淡口味

前晚我們光顧了一家蒸氣火鍋餐廳，當然不免點了他們的招牌「九五至尊」，價格為$698，再加上一份服務費。開胃的前菜令人垂涎欲滴，有各式刺身，包括赤蝦、海膽、帆立貝和生蠔，以及炸物，其中包括美味的餃子和明太子雞翼（每樣都是1隻）。接下來是蒸氣火鍋的部分，裡面滿載了各種美味。海鮮選擇豐富，有海花螺、蝦、北寄貝、鮑魚、元貝、半隻蟹、蟶子皇、半隻龍蝦、鮮魚片、大蜆和斑馬瀨尿蝦。肉顃方面，他們供應澳洲M5和牛，而蔬菜拼盤則包括玉米、南瓜、翠玉瓜和冬菇。特別要讚賞的是他們的海鮮，尤其是那隻斑馬瀨尿蝦，在蒸之前還在動，確保了它的新鮮度，口感鮮嫩，滋味鮮美。同樣，龍蝦肉也相當美味，肉質爽脆彈牙，每口都讓人驚艷。最後，他們為我們準備了美味的蟹粥，它同樣令人驚喜，滿滿的鮮味。這次的用餐經驗真的是一場極致的美食盛宴。如果你也是海鮮和火鍋的愛好者，這家餐廳絕對值得一試！🍲🦞🍣 #美食探索 #蒸氣火鍋 #海鮮盛宴

餐廳：船渦地點：銅鑼灣謝斐道菜式：以海鮮為主既一人蒸氣餐廳餐牌：餐牌有午市精選套餐，午市粉麵泡飯同單點。單點餐牌有海鮮，肉類，丸類，菜類，刺身，炸物，飲品。今日叫左個八府巡按套餐，$468加一，包以下食物：前菜係青瓜蟹柳蟹籽沙律，好清新健康。炸物有芝麻雞翼同雞軟骨餃子各一。芝麻雞翼鹹香十足，外皮香脆，入面肉嫰多汁。雞軟骨餃子大大隻，炸皮香脆，入面仲有粒粒雞軟骨咬口，口感出色。墊有生菜絲解膩。八府巡按海鮮船包括以下海鮮：白蜆7隻，好嫩口而多汁，明顯係鮮貨。串蝦3隻，要自己剝殼，味道鮮甜。連皮鮮魚片兩片，好有魚味，近皮位置好肥美。連殼鮑魚一隻，肉厚而肉質彈牙，好鮮甜。龍蝦半隻，蝦頭有膏，肉質鮮甜，蝦鉗都有肉。元貝一隻，肉質都可以。北寄貝，肉質嫩口多汁，超juicy！扁聖子4隻：海水味超濃，質感嫩滑。蟶子皇一隻：可以選蟹，我當然揀蟶子。蟶子皇果然大隻，肉質有咬口，味道鮮甜。肉類三選二，包括安格斯牛肉，雞腿肉同豚肉片。安格斯牛肉同豚肉片各三塊捲得靚靚，安格斯牛肉牛味濃。豚肉片少少脆口，豬味都唔錯。三寶丸包括招牌墨魚丸，薑汁皮蛋貢丸同牛骨濃汁牛丸。招牌墨魚丸真係有粒粒墨魚粒，好鮮味。薑汁皮蛋貢丸