懷歐敘

Open Now

Now Closed

第一次趁Conrad 30周年去試試，出乎意料的好！食物水準高，食左香煎鴨肝好好食，外脆內嫩！蟹腳味道鮮美，龍蝦湯香濃仲好多龍蝦肉，而且服務態度亦很好！整體感覺非常好，下次再去試其他菜式！

今次Staycation嘅晚餐 有意式同法式揀我哋揀咗法國餐 用餐地點喺8/F嘅Brasserie on the Eighth我哋被安排6:30入座嚟到嘅時候都唔太多人 氣氛好好剛剛食完happy hour嘅我地唔太餓 由佢個餐前包慢慢warm up係新鮮出爐classic baguette 熱辣辣外脆內軟 配埋個homemade 肉醬好食個4-course set每樣都有兩個choices我同老公就兩樣叫晒 可以試多啲嘢Appetiser 係鵝肝同焗蠔個鵝肝好大塊又厚 煎到好香 食咗一塊已經有點滯😂 老公一個人食晒3隻蠔 因為我唔食蠔的 佢話味道正常 但無咩特別湯係忌廉湯同龍蝦湯龍蝦湯比較淡口 反而個忌廉湯香啲 好多mushroom 幾好飲Main係beef tenderloin & salmon Fillet牛柳係medium rare 切開顏色好靚面頭煎到有點鞋 不過唔韌 算有牛味 整體感覺不錯而個三文魚柳個皮好脆口 side係fettuccine 口感煙韌 但我嫌佢有點太油我哋仲加咗order 咗wine pairing $220 per head 有兩杯酒 一紅一白pet

六月嗰陣買咗klook個package入住Conrad, package包埋晚餐四度菜, 可以揀呢間餐廳或者另一間意式餐廳~ 我哋睇menu覺得呢一間啱食啲, 所以就揀咗呢間 Staycation package bought from Klook, the deal includes a 4 courses dinner at this restaurant. 上starter之前有麵包, 係暖笠笠嘅, 配埋佢個自家肉醬幾好食我哋有兩個人所以試曬兩款starter + main course Starter: 鴨肝薄, 但係大塊, 算係幾好反而焗蠔就比較失色 雖然有三隻, 但係超細隻, 個醬汁亦都冇味 湯我哋揀咗龍蝦湯, 幾濃味唔錯 🦞Main: 叫咗一個牛柳, medium rare, 做得幾好, juicy 但係grilled sea bass 就完全唔 好乾 調味料亦都完全唔出色, 成碟嘢冇乜味‼️甜品方面我哋叫咗個雪糕加雪葩, 正正常常啦~因為呢餐飯係 住宿package連埋嘅, 所以我哋又唔會要求太多... 但係見到佢話價值HK$888一個人, 就真係完全唔值呀...

我哋揀咗法式四道菜晚餐，買Klook package時仲可以揀意式的，我同朋友睇咗menu就覺得法式啱我哋口味多啲。想講依一餐係入住港麗第三餐，亦係最好味嘅一餐。餐前麵包我想留肚就冇試到，但朋友食咗話麵包外脆內軟，而且牛油好夾，其中粉粉地色嘅醬有啲燒肉味嘅好有趣。頭盤有焗生蠔，估唔到一份係有三隻咁多；試咗朋友叫嘅鵝肝超肥美啊！餐湯揀龍蝦湯，超級濃郁，飲到尾有少少鹹但係好味嘅！試咗朋友嘅蘑菇湯都係好濃稠啊。主菜揀咗牛柳，五成熟好嫩，配紅酒汁同拎咗個法國嘅芥末醬都好好味。試埋朋友叫嘅三文魚扒覺得仲正，煎得剛剛好肉質好滑，而魚皮好脆。食完主菜仲有甜品，係芒果雪芭配雲呢拿雪糕，或者朱古力慕絲，兩款都很可以啊。總結依一餐係似返五星級酒店嘅水準，唔係好似tea同cocktail交功課咁嘅hea嘢呢，朋友話遲啲有機會仲想再嚟試埋個意大利餐𠻹！

四個course menu友人嗌咗鵝肝薄而大件,入口即化;生蠔就剛合水準,冇腥味,不過海咸味亦欠奉.龍蝦湯出色,但亦飲得出龍蝦嘅煎煮味;味道濃郁,亦夠creamy,仲有小口龍蝦肉.至於主菜tenderionenderion都係剛合水準,係兩三百蚊西餐廳嘅質素.朱古力mousse甜品都係冇太大特別;至於友人叫嘅雪糕似乎整得更出色.如果話原價係900蚊就好似性價比不足.差d講漏，頭盤麵包應該係新鮮出爐，味道都係100分。

聖誕節🎄平安夜緊係要食好啲😋😋之前見網上介紹，試下佢間懷歐聚既semi-buffet。一開始係比佢啲海鮮吸引，因為semi-buffet 有阿拉斯加長腳蟹、生蠔、龍蝦、蜆等等。先講個 阿拉斯加長腳蟹，我無落任何醬料，咁就食，係超鮮甜😋蟹肉仲要拆好，好易離蟹殼。另外，龍蝦🦞夠大隻，成隻手掌咁大，而且啲肉十分紮實，仲好鮮甜😍😍忍唔住食咗三大隻。可惜個日既生蠔唔夠肥美，有啲瘦☹️☹️但都好新鮮，唔落任何調味👍🏻晚餐方面，頭盤叫咗自製龍蝦湯同埋紅洋蔥頭忌廉湯☹️個人口味而言，我覺得呢兩款湯都偏鹹，但好濃都幾creamy.主菜方面叫咗香煎比目魚同埋烤焗安格斯牛仔柳🥳比目魚都算鮮嫩，安格斯牛仔柳較驚喜。五成熟啲肉都入口即溶👍🏻成晚最驚喜係甜品😍😍😍試哂兩款，分別係特濃榛子朱古力餅配開心果雪糕🍦，開心果雪糕一般，唔太甜幾好。 特濃榛子朱古力餅味道超正，濃得黎唔太甜。而香粟蜜柑慕絲白朱古力蛋糕配香脆餅🍦🧁🎂🍰 蜜柑慕絲超好食，好滑唔甜，感覺清新，配香脆餅好飽，裝飾好靚，值得一試。

周六book咗呢度Burnch，地方吾太大，但全庁full booking，仲要在市况有的乱嘅情况底下，就知呢度食物质素有几高喜欢歺庁冇限量供应香檳🥂及有汽果汁，配上美食，真的物超所值！更值一提，系主菜多款冇限量供应，食过喜欢边款，欢迎随时encore小妹至爱牛柳伴鸭肝，鸭肝入口即融，难以抗拒，一定会再encore另磨菇湯磨菇味濃，湯濃而滑，实在系厨师用心之作。但歺庁咖啡，需要好好改进调较，冇咖啡味，加糖加奶亦释放不出好味道！！

不嬲都話金鐘有太多扮高級的地踎餐廳, 收費極高昂但服務低劣，食物超難食，呢個不知所謂的壞鷗罪就係當中的表表者 上次去傾公事都覺得呢間舖質地好曳，今次有人話要再去呢間舖頭已心知不妙。嗰度燈光極微弱，本座無遠近視，老花及散光都看不清餐牌寫乜，何況其他上年紀的人? 同枱有兩個人點了法國田螺，佢地一食落口立即吐出來，話鹹到嚇親人。我試其中一粒都覺超鹹，而所用的係下等幼鹽，一間自命高尚的法國廳只會用平價貨，認真趕客 當中有人向一隻不知所謂的經理人形物件投訴，佢就慌失失勞嘈大叫 “我唔係唔換畀你”，”個廚重手小小，我想話你知我會換” 等，一啲歉意都無還要想惡人先告狀，服務態度超差，小學生不如。唔講以為壞鷗聚係佐敦噢藕在conard的分店。比着我定必開口教訓呢類人形物 老婆補叫的三文魚係平價貨，無魚味，唔新鮮。付送的薯仔餅質感似擦子膠，唔好味.。冷盤和熱盤一樣下九流。Ribeye 的肉質尚可，但落入一班唔識煮野食的廚師手上又化為烏有。個廚為塊排落大量劣質幼鹽，又煎得唔夠香，仲要等成粒鐘先有得食，而白汁磨菇汁又凍又唔夾。老婆的銀雪魚雖然滑身但應該貯放好耐，有大陣雪櫃味，應該放係冰格好一段長時間，名符其

同學聚會有幸黎到呢度食飯，我都系第一次黎有小小開心啦！環境一流，裝修都幾好比較簡約，氛圍都唔錯噶大家都好開心，邊傾計邊食飯，呢度噶種類有好多，而且整體噶質素都唔錯，最中意噶系呢個cheese library，真系勁好味啊！

有朋友生日,所以黎左呢度食所有野食都相當唔錯😍咁岩嗰個月係以mushroom為主題啲菇真係好好食我地個個都覺得所有野都好好食尤其是個豬..好味到一個點..超級林雖然每樣野食既份量都細,但對女士黎講係足夠既第時會再約多啲人一齊食,可以食再多啲野😂環境超級寧靜,staffs既服務態度一流佢地既廚房係open kitchen,但完全無聞到任何油煙味我地仲要坐係廚房對開*想去食既你,最好就係去前打電話去book定枱,因為晚市都幾爆下*

晚餐餐牌嘅選擇都多麵包有好多款揀，全部都好味👍🏻如果烘得再熱啲就好啦🙂自製龍蝦湯 黑加侖子酒（$160）龍蝦湯濃，唔會太creamy，黑加倫子酒嘅味道唔係好強，唔會蓋過晒啲味。阿拉斯卡蟹肉二重奏 青蘋果 牛油果忌廉（$330）分量唔算多，但係蟹肉好新鮮有海水味。襯牛油果忌廉幾好味。蟹肉沙律唔會太油膩👍🏻法式蒜香焗田螺（$230）好香，田螺好腍，牛油味唔會太重。脆皮西班牙乳豬 蜂蜜芥末 燴德國蘿蔔（$390）係燒得脆嘅，但係肉唔係特別腍同埋我嫌個皮燒得黑得滯😓。份量對男人來講一定唔夠，因為冇澱粉質。原隻法國香草燒春雞 無骨（$360）切出來嘅肉比想像中少😅但係燒得好味，肉好腍，配上我最鍾意嘅煮菠菜😍同乳豬一樣份量對男人來講一定唔夠。香煎鴨肝伴牛柳（$520）真係啱啱好五成熟👍🏻牛柳同埋鴨肝都腍。煮乾蔥 黑松露汁：黑松露味好濃，襯個牛柳但係唔搭鴨肝薯仔麵糰［轉薯條］侍應好好人咁幫兩個細路轉薯條😬但係薯條唔脆，因為好粗，薯條嘅形狀都唔一樣。最後尾送上小小嘅甜品：朱古力truffle、Madeleine蛋糕、蝴蝶酥、類似椰子糖嘅糖🤣總括來講食物質素唔差，但係唔會話特別優秀。服務都好，始終係酒店

今天來香港找朋友玩,朋友就帶我來到太古廣場港麗酒店這邊的懷歐敘吃自助餐,我們點了好多菜。龍蝦湯,龍蝦略帶酒味，濃郁龍蝦香。普羅旺斯香草煎鱸魚,不會腥而且好滑。慢燒美國肉眼扒,肉眼扒火候控制得很好,而且分量不少。但是煙三文魚餅,皇帝蟹肉蛋黃醬,尼斯沙律,賣相較為平實，口感也一般!食物味道還可以,就是價格有點貴。

也许是情人节的关系，餐厅挂满了心形气球和红玫瑰，还是有点氛围的，虽然忙中抽闲吃个商务午餐，质素却出人意料的好，海鲜头盘非常新鲜，一点都没有雪柜味，香港吃到新鲜青口的机会也很少，一般冷盘的青口都充满雪藏味，这里的青口锅却非常鲜甜，生牛肉配上红酒醋是我自己发明的口味也超喜欢，鸡肝酱下酒很不错，主菜的三文鱼和牛肉，不得不说这个三文鱼惊艳到我了，脆脆的表皮，鱼肉一点没有粗糙感，保持了类似刺身的juicy，让重来不爱吃熟三文鱼的我吃的停不下来，甜品的朱古力当然也是餐后的超级大满足，配上sunberry酸酸甜甜的口感也是一种refreshment。

放假半天去大館閒逛，同妹子一起去食晚餐，金鐘港麗有間法國餐廳，會員有七五折，趁生日，有藉口食餐好嘅餐廳環境優雅舒適，燈光明亮卻又柔和，氣氛感覺都幾浪漫。侍應殷勤有禮，介紹各式食物，4月中至5月中是白露筍當造期，故晚市套餐也推介白露筍為主。二人叫了一個套餐，再加一個單點主菜，分甘同味麵包外表較韌，內裡軟熟綿密薄薄的脆餅好香，原來混了迷迭香，夾埋吞拿魚醬更好食德國鮮白露筍忌廉湯、煙鰻魚、脆麵包粒忌廉湯滿是軟腍的白露筍粒粒，加上軟中帶韌的煙鰻魚肉粒粒，口感複雜又香滑幾好飲。焗白露筍、阿拉斯加蟹肉、蟹籽沙巴翁簡簡單單，顏色幾靚。上星期在咖啡園吃自助餐，吃到新鮮白露筍已覺驚喜，今天吃的更粗壯，更鮮甜露筍無渣，入口不會太腍阿拉斯加蟹肉鮮味十足，蛋黃沙巴翁醬帶微微酒香實在太好味喇......香煎燻銀鱈魚、白露筍香檳意大利飯、青豆銀鱈魚味道似西京燒啖啖肉，肥美豐腴這枝白露筍比剛才的更大，味道更鮮甜，原來係德國頂級AAA貨據說未整理之前有5元硬幣大小意大利飯以白露筍粒加入香檳烹調，口味清新。慢烤羊鞍羊架、開心果仁碎、燈籠椒、迷迭香草汁羊鞍羊架外表煎得焦香，肉汁豐盈，帶少少羶香，醮碟上的醬汁，更加好吃套餐

年三十同幾個同事食團年飯,我哋幾位lady當然揀間比較lady嘅餐廳啦~ 呢度嘅環境就啱晒我哋喇我哋揀咗semi-buffet + main course + tea/ coffee. 麵包籃尚算okSemi-buffet算多選擇,有青口丶煙三文魚丶巴馬火腿丶無花果丶蛋批丶帶子丶雞尾酒蝦等等,沙律菜同沙律醬選擇多今日湯係忌廉周打湯,味道無乜特別至於個main course,由於上次試過個豬好難食(又鞋又硬),今次大家都揀咗魚. 賣相非常靚,點知食落又係又鞋又硬....完全overcooked,點解呢度啲main course次次都係咁令人失望 咖啡唔錯,而且付上小甜點palmier丶madeleine丶macaron丶chocolate truffle,總算令人開心番少少