巴打廳 (Closed)

第一我們一行四個大人一小孩.其他餐廳無哂位,唯有入去啦,之前食過一次都ok既。但今次之後一定無下次!!!!!!首先入到去,其實坐位好多,但好多係一個人坐左四人坐位,兩個人坐左六坐位等等。我唔係話人地唔岩,但多數餐廳都會叫人讓一讓搭枱的。但當時職員立刻叫我們分開坐,我們可以的冇所謂啦。分開坐後,一對情侶見狀好心地想同我們換位,等我們一家人可以坐埋一齊。職員見狀立刻高聲呼叫:唔駛呀!唔駛呀.做埋身體語言阻止我們兩家人換位。我們兩家人見狀都莫名其妙,唯有乖乖保持原狀。第二突然一隻小強爬上餐枱,幸好對面的好心先生將其ko。不過我們當時太驚沒拍照大家都當睇唔到。快快趣食完就算。第三家人坐在近走廊位置被職員撞到至麵都掉在地上。唉,我們只想靜靜地快快食完就走,意外真多。第四當日下午全家人都痾了,我怒了!!!決定從來唔寫食評的一定要寫一寫。發誓唔會再去!!!!!!!!!

作為屯門街坊，見到有食評講到$60一碗米線不吃不可，又(雞)份量十足，襯假日就撻拖去試。大約2點，直接入座不用算，一點就是大愛的胡椒豬肚米線。一上枱，即時"ship"一下湯，ok微辣，面頭有淡淡雞油浮面，雞件大約5,6件，不過湯底雞味欠奉，可取的是豬肚越食越有，米線份量女仔還ok, 有如食譚仔少米的份量。沒有傳媒推到上天之感，味道一般，但相對價錢去評還算合理。同場加映葱油豬扒飯，食家話好一般豬扒。本OL表示豬扒經過份梳打粉醃製，好淋但好假。葱油味ok,不會過咸。

中秋節本身想同hubby去打一人火鍋，點知間分店無得打，最近又見有人推介屯門有間米線既湯底好正，咁就去試下啦*無味精靚湯米線坐底睇下有咩食，見到有類似台式既飯，又有自選米線，但我一心係想試佢個靚湯，咁就叫左個胡椒豬肚雞湯米線同棗王當歸雞湯米線啦～*套餐可以用半價叫一樣小食，呢2樣都係$10@， 拍青瓜好爽好凍，皮蛋就差d啦無流心*胡椒豬肚雞湯米線湯底睇落好清，但其實好濃郁的，非常好飲，但雞件比較鞋口，米線又太淋，有數條米線又太硬好似未煮好咁⋯但整體唔錯的！*棗王當歸雞湯米線呢個就咁睇相以為係咖哩湯咁😂 但其實係好濃好濃既當歸雞湯味！超甜！好有媽媽煲既湯的感覺！可惜小妹我減緊肥唔飲得太多湯，唔係真係同佢清碗啊🙈另外米線真係太淋⋯希望店主留意下食完返屋企真係唔口渴，一d味精都無為左個湯底我會再去食！不過下次會叫湯飯

今次由遠方的家專程到巴打廳，目的就係滿足自己想一嚐黨歸雞湯米線~而家諗起都想再食~去到夜晚七點幾度，店舖唔算大，坐滿客人，等左兩三分鐘就搭枱坐，即刻order左期待紅棗黨歸雞米線，蟲草花雞米線，皮蛋同巴打招牌雞亦。見到有客人係用湯配飯，仲有麻辣湯底米線，下一次試下先~黨歸雞米線一到，一口湯入口有黨歸味但唔會太濃，雞湯有點黏口，我好鍾意黨歸味，如果黨歸片可以多返d就好了(因為只有三片)~蟲草雞就清爽雞湯口感，雞嘅件數都算多，皮蛋配料好麻香但唔辣，雞亦好外脆內軟多汁，凍檸茶檸蜜都幾大杯下，叫左四樣食物兩杯野飲賣單百七蚊度，平均都唔錯，重點係食米線之餘又可以保身，味道唔會咸，食唔到味精感覺，舒服滿足而歸~後補一句，如果店內加返掛牆小風扇就更好了，因為我倆坐位置冷氣到唔到，汗流浹背呢～

之前睇飲食男女介紹新墟開咗間新食店, 標榜湯底無落味精, 見到好似幾啱食, 今日就去試下.叫咗兩個胡椒豬肚雞湯 配白飯 連熱飲 $46.00 x 2胡椒湯香味濃郁, 入口只是微辣,  連百厭仔都食到. 豬肚爽口, 雞件只係某幾件比較鞋口, 其他都算滑, 可能雞件位置不同, 口感會有差別. "畢"起啲湯落飯碗後, 發現豬肚同雞件份量都唔少, 全部食晒+飲品一定夠飽. 一個蟲草花雞湯 配白飯 連熱飲 $46.00蟲草花雞湯入口清甜, 蟲草花份量都好多, 食極都有咁. 但唔知點解蟲草花雞湯嘅湯底比胡椒湯肥膩, 面層嘅油都幾嚇人, 但老公一於少理, 照樣KO.三杯飲品都正常, 熱朱古力雖未至於濃郁, 但亦不至水汪汪, 唔使落糖都夠味.埋單$138.00

得知公司附近有新開既米線鋪，即刻黎個happy friday! 標榜唔落味精既湯底!蟲草花雞湯﹑黃酒雞湯都係特式推介! 而且必試巴打雞翼! 咁吸引，梗係要試下la!第一次食胡椒豬肚雞湯米線- 胡椒味既香辣剛好- 湯底無味精，係足料煲既湯底!- 豬肚同雞既份量很足夠，有至少5 件，而且雞件係雞脾肉- 雞肉略嫌有點總括，非常推介! 不過夏天食就會比較熱，店內冷氣不太充足巴打雞翼- 雞肉juicy 而且外皮爽脆- 即時炸起, 熱辣辣食口感更佳!

三號風球嘅早上 去到德政圍街嗰度諗住食個早餐 但其實基本上都冇選擇 只有呢間巴打廳開咗門 其實之前都食過一次 但嗰陣啱啱開張 味道認真麻麻 決定今次俾多次機會佢啦！！ 餐廳裝修係工業風格 卡位係硬坐 都幾唔好坐 我叫咗個沙爹牛肉米線配煙肉炒蛋多士飲好立克 29蚊 價錢算係中規中矩啦 沙爹牛肉米線嚟咗 唔算太大碗 望落沙嗲牛肉汁都比較濃郁傑身 沙嗲牛肉汁應該係自己調較 入邊有花生粒 好有東南亞風情 其他餐廳好難搵到 米線軟硬適中 另外配咗個煙肉炒蛋多士 個人喜歡將煙肉同炒蛋夾住麵包嚟食 食落牛油不多 但係口感上有啲奇怪好似有沙咁 但尚算有牛油既咸香 炒蛋嫩滑 煙肉不太肥但夠香 但係杯好立克比較失望好淡

見到新開的，就去試試，坐左出面，叫左海南雞飯，點解吾糸油飯，雞好似白䇰雞咁，冇咩味道及海南雞好少，但飯份量多！另外叫了杏汁雞米線，標榜冇味精！但係杏汁味道較少，湯底較淡，米線份量多

平時都好少喺新墟呢邊食飯，不過最近試左呢間餐廳，事緣我喺附近髮型屋剪頭毛，知我鐘意食雞翼，髮型師介紹我地黎試下的。店內裝潢較為新式，紅磚牆、木枱木櫈，加上光猛燈光，感覺乾淨企理，第一印象良好。週日晚飯時間去到，客人就唔算好多，大熱天時，先唔好理食物質素如何，冷氣夠足，啱哂我怕熱人士，驚太當風可以坐近門口位置。餐牌選擇唔算好多，有米線、湯飯、小食，有幾款米線幾特別：胡椒豬肚雞、蟲草花雞、黃酒雞，如果喜歡自選亦可，一般配料都有齊，木耳、豆卜、雞中翼、豬皮、肥牛、蔥油豬扒都有，設最低消費每位 $35。我地一人點左一客飯，再配上人地介紹叫我要試下嘅巴打雞翼，人均食左65蚊左右，可以接受。蔥油豬扒飯 $42飯嘅份量非常多，男士相信夠飽，女士怕食唔哂大可點少飯，不要浪費。豬扒方便食用，已經切成一片片，雖然較薄身，不過食落香口唔老唔韌。配上大量蔥油，送飯一流。不過男朋友係食開小巴黎果種蔥油豬扒飯，童年回憶地位難以動搖。口水雞飯 $48我點嘅係口水雞飯，驟眼睇會以為份量唔多，但食落其實已經相當飽肚，最主要係由於小店嘅雞件肉多。雞肉切得細細一件，肉多骨少，雖然稱唔上嫩滑，但都唔會鞋口。雞皮薄身唔肥膩，食

近排面書有個食谷講呢間，先至知原來已經開左...佢前身果間小窩米線好食，以前住屯市成日食，所以執左都期待呢間新既...一入去，望望餐牌，都係食米線為主，選擇不多，無左以前在小窩米線最鍾意既薯粉，只得米線同飯，餸方面想食多款就要逐樣加錢...我倆叫左去骨海南雞米線同蔥油豬扒飯。我唔好酸辣/麻辣，米線揀左清湯底～米線先來到，配料只有咸酸菜同幾粒蔥，比較孤寒，要叫小鍋先有多d配料...湯底幾清，真心覺得唔錯，但個酸菜真係好咸好咸，咸到撈埋米線同湯底一齊食都仍然好咸，就咁夾黎食根本咸到入唔到口，如果食晒全日個鈉攝取量一定爆晒錶！今時今日大趨勢食野都係少鹽，至少我在其他地方食過無咁咸既酸菜，無佢咁重口味，希望店方可以改善下...講番海南雞，可能隻雞比較細，雖然數埋叫做有七件但都好細碟，我係女仔食埋個米線都只係僅僅夠飽，男士建議叫飯否則一定唔夠飽。雞皮好滑但雞肉唔算好嫩，味道ok既但講唔上好好食～反而之後黎既蔥油豬扒飯有驚喜，豬扒醃得入味煎得夠香，雖然只得一塊但幾大塊，加埋個蔥油撈飯一流...見其他網友推介胡椒豬肚雞/黃酒雞米線，但三十幾度高溫下食胡椒豬肚我真係受不了，驚會燥到流鼻血，還是留番秋涼

今日因為考試既關係，屈小姐專程陪賴生入到黎屯門參加聚會，係聚會未開始之前，我地就把握時間黎到呢間新開既米線店試下佢地既出品！我地用openrice個map function搵到間舖之後，就拉開個趟門入去坐低叫野食啦！呢度幾好喎，超闊落，間舖都幾大間，眼見有5-6張卡位可以容納到6個人坐既，而中間更加有2張枱係可以招呼10個人既，我地2個坐張卡位真係超鬆動！今次黎既目的係要試下呢度出名既湯底 - 1）黃酒煮雞湯 & 2）蟲草花雞湯! 一碗好食既米線，湯底既重要性基本上已經佔左8成，只要湯底做得夠濃夠鮮，米線就會吸晒湯底既味道，變得份外好食！所以湯底真係要落足功夫同心機去整，米線先會成功嫁同埋叫呢2款湯底就可以選擇跟飯/米線，仲有1杯熱飲添，CP值都幾好，初初佢黎錯左飯，碗飯都好大碗嫁，同湯分開上嫁！好彩店主姐姐好好人，即刻幫我地換番仲無黑面，麻煩晒（要照顧我地呢2位麻煩同偏食既小朋友，辛苦哂啦，祝你生意興隆呀）屈小姐之選：1）黃酒煮雞米線 ： 4.5⭐️初初呢屈小姐就因為望落呢個湯好似有啲油，唔係好敢食，點知食食下同賴生交換左！不過呢個湯真係好好味，可以話係鎮店之寶！佢將薑同雞都分別煎香晒

很久沒在屯門吃米線，今天特意選了新開業我#巴打廳 試試看，不過好壞參半。如果光從服務態度來說都不差，店員都很有禮貌，但是下單方面有待改，因為錯了兩次。一次是我點豆漿，餐廳給我來了檸檬檬茶，第二次則想吃酸菜雲吞，卻來了豬皮。配菜我都沒更換，始終店員都是打工，而且他們挺有禮貌，本身我都會吃豬皮，那就算吧。酸辣米線雖然我選了小辣，可是湯底既沒有酸味，又沒有辣味。儘管湯底有加入花椒提味，但喝了兩，三口湯後那薄弱的花椒味亦隨之消失，不合格的酸辣湯。豬皮口感非常爽口，不會煮得過於軟綿綿，保持它原有的彈性。蘿蔔煮得軟腍，一點渣亦沒有，清甜度屬一般，整體算不錯。至於竹笙方面值得一讚，不是漂白的竹笙，應該是鮮竹笙來，如果酸辣湯夠濃郁的話，竹笙會更好吃的。巴打雞翼我極力推薦，外層雞皮炸得香脆，沒有絲毫油膩感，非常乾身。加上各種香料調味，令雞翼鹹香十足，內裡雞肉嫩滑多汁，淨當小吃的話也可以。

環境很新，很乾淨。食物水準很好，雞滑、湯靚、無味精。份糧足料，一定夠飽。服務態度十分良好，雖然他們很忙，仍然很有禮貌，招呼週到。我今天吃了「蟲草花雞米線」，我朋友吃了「黃酒雞米線」；再叫了小食--「巴打雞翼」。3樣也非常滿意一定會再來

新開店，咁岩又想試吓新鋪頭❤️❤️❤️咁就入左去先講裝修😎個環境好舒服每一張枱都夠晒闊唔似平時食開嘅米線店咁👍🏻👍🏻👍🏻同朋友黎食，分別叫左2個小食同2個唔同既湯米線呢個係我叫既，腩肉豬大腸巴打雞翼小麻辣米線湯低好夠味！非常濃郁，夠曬辣啊！豬大腸同腩肉都好夠味道，而且米線份量好夠，普通女仔會食唔曬😂如果細食朋友仔可以叫小米🤗呢個就係巴打雞翼炸得啱啱好，雞翼有夠大隻😍😍😍個皮好薄好趣啊！咬落去d雞油bi出黎👍🏻👍🏻👍🏻👍🏻👍🏻👍🏻👍🏻十分推介啊❤️🌟🌟🌟依個係朋友仔叫嘅普通小窩米線唔辣，餸係酸菜雲吞依個湯底係好好味嫁！估唔到唔辣嘅湯都可以咁濃郁😍😍😍而且個酸菜雲吞好特別❤️因為係店家自己包架！出面冇得賣嫁😃😃青瓜同豬頸肉都好唔錯，味道夠，唔係好辣❤️同場仲見到好多人都叫咗胡椒雞肚米線同海南雞飯賣相都好正！下次得一定要上埋佢個蟲草花雞米線😍😍😍好特別啊😮老板同服務員都好好人❤️最後最後凍飲特別大杯！正❤️😃

午餐時間 原本打算同朋友去隔離的食口福食醉雞 點知入面full哂要等位 但係我地又太肚餓 所以見到隔離有間新開又幾寬敞既餐廳就入去試下啦我叫左個海南雞米線 $45米線都幾大碗 湯底好好味 海南雞好滑朋友叫左炸豬扒米線 炸豬扒熱辣辣 好脆口