老三火鍋 (Closed)

打邊爐係咪一定要食肥牛麻辣咁濃味呢？其實打邊爐都可以食得好滋補。最近好多台灣養生火鍋崛起，其實要食得養生，港式鍋都有好好嘅選擇。主打老鴨湯嘅老三就係表表者，湯底落足材料煲，仲係用鴨肉煲出嚟，湯頭清甜得嚟又唔會肥膩。喺正式打邊爐之前店員都會幫手舀湯，等客人可以喺大吃大喝之前滋補一下，暖一暖胃。呢度亦都有煎炸小食，我地叫咗炸椰菜餃，即叫即炸，好香脆我地冇叫肉類，事關呢度嘅海鮮都係好高質素，馬貝(北寄貝)用嚟打邊爐真係冇得頂，非常之鮮甜。仲有蟶子皇，不過相比起馬貝就稍為遜色少少，但係都係海鮮首選店內裝修一般，有種港式大排檔嘅感覺，不過地方夠大，都坐得舒服，絕對係值得一試

琴晚一行6人去老三打邊邊，由於我後join所以唔知洗唔洗等位 店唔算得非常大，見到都算密密麻麻～～不過我地坐房。。所以舒服好多不過環境都算嘈的！叫左兩個湯底，一個豬肺。。一個老鴨湯！食之前指定動作飲淡測湯先真的不錯！牛肉都好食，仲有聖子好鮮甜！不過貴妃旁就可能不是新鮮關係，加左好多調味。。太重麻油之後叫左碟田雞。。上枱仲不斷抽動因為我唔食的。。但就好新鮮囉。。。最後叫埋啤酒（不過唔記得幾多支了）埋單每人425 仲要折左所以e到都唔算平食。。。不過間中食下都ok ge

平時去親打邊爐 9成9我都係會選擇去一啲任飲任食嘅地方。今次終於可以一試單點嘅老三火鍋。。。環境比較狹窄 枱與枱之間好密密麻麻。如果一家大細或者有小朋友老人家就唔係咁建議！講返個湯底先。平時打邊爐通常一係沙嗲，一係麻辣，第一次用菜乾豬肺湯湯底打，估唔到佢咁好味🙈淨係湯都飲幾碗！ 平時我係唔會食豬肺，但呢度啲豬肺真係好好食😂之後仲叫左好多唔同嘅火鍋配料，令我覺得有驚喜嘅係佢哋首創嘅醉雞丸，牛骨髓，仲有即炸新鮮既魚片頭🤡真係好好食！不過坐位有限 建議先訂位！

見到facebook成日有人打卡讚湯底正，一於來試試湯底都算多選擇，但無理由唔試招牌湯底架秘製老鴨窩-湯底清清地帶小小甜唔油膩好濃肉汁味，建議食法先飲湯我當然跟，飲左2碗後大件事啦，先一口氣飲左罐加多寶，朋友一樣飲完一罐飲品仲好渴所以叫左渣蘆薈蜜飲，個口乾到呢～鴨肉已經煲到冧晒一扯就離骨,仲有小小肉味醉雞丸-食唔出雞肉好爽口但子然粉太重手啦連酒味都食唔到,淨係得中間爆汁但食唔出主提炸魚皮-魚片薄大部分都脆但厚食位太硬金莎墨魚丸-金莎好香咸蛋黃味墨魚丸爽彈但死實左小小,蝦丸有鮮甜味仲有小小蝦粒肉眼根-一D都唔爽冇肉味好似食柴咁,而且分量小脆骨腩-肉爽脆有甜味冇泥味墨汁芝士魚餃-芝士味唔夠濃,魚餃爽口唔腥,好新穎魚旦夾芝士但唔係話好食而且賣相肉酸招牌水餃-食完除左知道係肉餃就食唔出咩菜同主題,又唔覺得好食總結-其實好奇左好慢先去試,湯底飲時覺得正但之後飲到成肚水,返屋企仲咁頸渴就好唔鐘意,而且食物雖然種類多但覺得一試難忘,我就試一次算

我想講，呢到既招牌老鴨湯底真係好正！未開始淥野食就飲兩碗湯先！好夠味，不過朋友話味精重😂叫左幾款海鮮，大蜆、桂花蚌、鮑魚（無影到）仲有牛肉、魚蛋等等呢度嘅海鮮都好新鮮！價錢又唔算貴，埋單每人差唔多三百蚊！不過呢度環境比較嘈雜，似大排檔feel

每個月中學同學既生日之⭐飯局又黎喇, 打邊爐好多時都係我地首選, 今次就揀咗呢間老三, 地點好近旺角地鐵站都幾方便。湯底當然揀咗招牌老鴨湯(半隻), 先飲湯後打邊爐, 我都飲咗兩大碗😍 仲有隻鴨都有好多肉, 朋友仲講笑話要叫碗飯做鴨湯飯😂🔸象拔蚌刺身🔸呢度大約$8xx夠新鮮厚切🔸金沙墨魚丸🔸醬爆丸, 中間有咸蛋汁, 好邪惡😂幾特別🔸手切牛🔸應該係牛頸脊, 夠牛味我鍾意💕🔸韮菜餃🔸係勁多韮菜少肉餡, 勁香。🔸淮山麵🔸未食過就叫黎試下, 有少少似幼身上海麵其實仲有叫咗其他好多野食, 食物都新鮮好食, 朋友都話有下次💕值得一提, 店員每次加湯時都會幫我地走面頭的泡泡, 夠細心。👍👍👍

“老三火鍋” 係我打邊爐食店至愛之一。因為佢個老鴨湯幾正，每人飲完碗湯之後先至打落雞湯打邊爐，但今次食咸左少少，但唔錯既。佢既所有火鍋配料都好抵 👍🏼廣島蠔 $68 六隻，其他火鍋店真係食唔到。牛肉叫左手切靚肥牛$178 唔錯，佢有推介話加多$50 碟牛會再靚d，個人覺得$178已經不錯，又係個句，其他火鍋店應該依個價錢食唔到 😋其他配料都係平時打邊爐d野，但值得讚既就係佢既丸類，叫左金沙墨魚丸$62，同埋醉雞丸$62，丸唔係細細粒咁，仲要有9粒。👍🏼 金沙墨魚丸入面真係有咸蛋黃，而醉雞丸都好味，但要小心熱，因為食落去會爆汁出黎。😂評分：8.5 / 10整體抵食又好食，6個人叫到成枱餸，仲要有位係生日，請埋佢再切埋蛋糕，每人先$267，好抵食😆 佢切餅費先有$30，姐姐好好人仲要幫我地清哂枱、抹埋枱，拎新碟比我地食蛋糕。👍🏼👍🏼👍🏼👍🏼👍🏼

老婆話呢間火鍋店的老鴨鍋系長沙灣已經出嗮名，講左好多次話要去食都無機會，終於昨天系小弟生日，旺角分店難得訂到枱一行四人就簡單地去品嘗一下. 出乎意料之外，叫左招牌老鴨鍋，服務姐姐話要先飲啖鴨湯再開始打邊爐.....個鴨湯不油膩，火喉十足，到而家還回味無窮中.....火鍋料食材好新鮮，手切肥牛肉好正，誠意推介醉雞丸，味道鮮美，同埋味道像大陸食品棵條....醉雞丸內系空心，裡面有花雕酒，味道濃厚！價錢中肯，服務哥哥姐姐態度誠懇，值得一提，服務哥哥會不時走埋來幫我個鍋隔油脂，呢樣野真的要比個like佢

朋友們話好耐無一齊食過飯，所以happy Friday，大家一齊去食餐好嘅。打邊爐就食得多啦，咩清湯、麻辣、沙嗲都食到唔想食，所以今次揀嘅餐廳，係為左個湯底而黎。呢度出名就係個秘制老鴨鍋，幾乎枱枱都點佢。個鍋黎到，我地一人裝一碗湯飲下，個湯好鮮味，個面無乜肥膏浮面，飲落有少少藥材味，但明顯非常真材實料嘅鴨湯，果然唔錯，愈飲愈想飲。至於鴨肉亦算嫩滑，輕輕力已能撕開，唔會話好硬好乾，肉味依然濃郁。我地個晚都叫左好多料打邊爐，有幾個比較出色，可以講下。首推本地手切肥牛，細油分佈細密，唔會話一舊舊肥膏，然而厚薄適中，肉質香嫩，咬薄油香陣陣，輕輕滾一滾就食得。另一個推介係醉雞丸，望落去成舊橙色，睇唔出係舊雞，但熟左一食，認真過癮。一咬d汁噴出黎，要小心睇熱，佢個味香茅味非常濃烈，但肉質彈牙，確實係有趣。仲有個魚卜，非常新鮮，一抽拎出黎先剪開。食落一d鯹未都無，咬落膠質非常重，好似花膠咁滑，值得一試。總括黎講，d料都好新鮮，個鴨湯由其出色，黎到一定要一試。

話說星期五 想happy hour 突然又肚餓 朋友介紹左老三。7:30 上到來岩岩有位 之後就叫左個出名既鴨湯。一開始飲左湯先 都好暖胃 而且鴨肉都唔會太老 都算開胃。值得一飲之後就叫左火鍋必叫既牛 手切牛 size 岩岩好 一口過 而且佢既牛切牛係苦5-7 秒就食得 雖然牛味不算太重 但入口即溶 必叫到左海鮮 我最喜愛佢既脆脘 又鮮又甜 有我最愛魚卜 即叫即剪 好鮮 整體來講佢既海鮮 CP 值好高 又唔算太貴 而且上菜速度極快重點推薦 醉雞丸 食個時要小心 因為佢入邊有湯 一定要丸加湯一齊享用 先食得出個精髓至於蔬菜 我特別喜愛羅白 因為由一開頭就落左 到最後個時吸收晒所以味 又夠 淋 加個烏冬 簡直絕配！整體來講 性格比高 地點又方便 聚會之選！

醉雞湯底味係有的 但雞一啲都吾滑 刀法手功麻麻？拎到出黎啲雞未斬開曬要另外剪開牛方面— 一定要嗌手切靚肥牛 因為安格斯肥牛絕對會令你後悔同失望！😓海鮮全部都好新鮮 不過個日去到冇花甲硯、聖子、蝦兩個人$800幾埋單

8月9日同朋友諗住去打下邊爐傾下計開心下一上到去帶左我地去廁所門口坐。。我地當然行去第二張枱。。之後女經理問我地點解唔坐個到（第一張枱）我地話唔想坐廁所門口。。之後佢黑黑地面行左去。落單後舉左手見到冇即時行過離。。食物離到海鮮唔新鮮。。牛又係。。出面火煱放題d肉仲新鮮仲好食。。

放工凍凍地兩條友去打個邊爐，咁啱見鴨煲唔使等，叫咗半隻鴨湯底，先飲兩碗鴨湯暖下胃，啲湯清甜，伴碟雲耳酸酸地都好好味。炸腐皮點茄汁又得，浸落湯度當響鈴食又得，浸完炸腐皮個湯都唔會油，白鱔片爽口但得幾塊，都知道白鱔片比較貴，但呢個價錢相對唔太抵食，叫咗個招牌餃，細細粒，一啖一粒，手打蝦丸好食過蟹粉手打蝦丸，蝦丸好彈牙，其他食物都好好味。可惜佢個超級肥牛冇貨食到七點幾差唔多全場都full晒，正價時段冇特價400蚊落樓，都算ok

三人飯局，臨時決定打邊爐，但book唔到尖沙咀某軒，喺同事介紹之下去咗老三火鍋。今次忍唔住要conclude咗先...服務：🌟🌟🌟🌟🌟 (喺今時今日食肆嘅服務水準來講，眞係非常意外嘅好!)味道：🌟🌟(其實每一款食材嘅整體味道都不錯，但調味方面太重手，一個字，鹹，嚴重影響整體評分)食材質素：🌟🌟環境：🌟🌟🌟衛生：🌟🌟🌟價錢合理：🌟🌟🌟再次光臨的可能性：🌟總括來講，應該係海鮮類還可以，其他就...

阿媽話聽朋友介紹好想試，咁就同阿媽仲有舅父試吓。原本想訂7.30，佢哋話一定要7點或者最遲7.15，因為佢哋7點開始，做兩輪，不過唔知點解7.15去到，其實好多人都係7.30先到。環境唔係豪華打邊爐嘅地方，而且算比較逼。嘢食就真係唔錯，湯底佢哋出名嘅老鴨湯底，另外我哋叫咗花膠鱷魚肉湯底，其實我對湯底要求唔低特別高，我覺得打邊爐最緊要就係食材新鮮，而且打邊爐嘅靈魂「牛肉」要好食我覺得佢哋嘅手切牛肉OK，未有驚喜，不過佢嘅日本豚肉、手打丸同餃真係唔錯，餃係自家制，食落皮薄餡新鮮，另外其他嘢都唔錯。最後記住要叫淮山麵，出邊買唔到，口感彈牙，而家吸晒湯嘅精華，好味$1200三個人，食得超飽，有叫大碟牛、美國蠔、鱔、日本豚肉、豬潤、牛栢葉、必叫甜粟米(每枱都叫，超甜)、四式餃、四寶丸(鯪魚球一般)..... 其實4個人都夠食，所以以份量又唔係食cheap嘢，每人$400(大食量計)都算唔貴