老三火鍋 (Closed)

幾個舊同學聚舊，想去打邊爐，有人介紹黎呢到打，咁咪試下囉。秘製老鴨鍋: 坐低之後例牌揀左湯底先，咁多個湯底真係唔知揀咩好，店員話呢個秘製老鴨鍋係招牌菜，咪揀呢個囉。呢個老鴨鍋有半隻/一隻鴨揀，我地人唔多，所以揀左半隻，湯底有淡淡既葯材味，裡面有紅棗片，素翅，蘿蔔，杞子等等，加埋鴨的甜味，湯滾左而未落配料既時候我地都試左半碗，都幾好味。手切肥牛: 因本人唔食牛，所以同行朋友叫左一碟細本地手切肥牛，牛切得薄，賣相唔錯，脂肪均勻，好新鮮，碌一碌就食得。蟹子鮮蝦滑+ 蟹子墨魚滑: 蝦滑加左蟹子，好特別，食落好爽口，都好重蝦味，送黎既時候仲會幫你將蟹子撈勻，都算細心墨魚滑就幾好，煙煙韌韌，係湯底中碌左好耐口感都無變。黃沙豬潤: 其實豬潤好有益，因為含有大量鐵質，女任食多d可以補充返每月流失嘅血量 ！呢到D黃沙豬潤爽口唔會太鞋，唔錯。鮮蝦雲吞: 鮮蝦雲吞都幾大粒，餡料有蝦肉同豬肉，食落鮮味爽口。四寶丸: 四寶丸有牛肉丸， 蝦丸，鯪魚球和墨魚丸，每款丸類都係手打，牛丸有點實，可能碌得耐得滯，墨魚丸外色十分之雪白，肉質鬆軟爽口，蝦丸口感最特別，食落內暖外爽。什菇拼盤: 什菇拼盤有金菇，雞脾菇同埋冬菇，

好朋友生日,一大班朋友約定星期六晚去食火鍋! 今次再選老三火鍋。我們一行八人, 意見多多! 今次不叫老鴨火鍋反而叫來香茜皮蛋魚片鍋及青木瓜雪耳豬骨鍋, 也是不錯的選擇, 青木瓜清甜, 雪耳潤喉! 至於香茜皮蛋加上很多的魚片非常降火及甜味十足! 火鍋配料多的是, 我們極速地叫到成枱都是:各有各精彩, 我選擇最好味的頭三位, 第一味當然要選手切肥牛, 肉質鮮甜加上牛肉味濃厚, 已被我們極速秒殺了! 第二位是鵝腸, 半肥不瘦的鵝腸, 放在滾湯中, 彷彿只需十多廿秒, 拿上來, 鮮甜的肉汁,以充滿了整個口中! 第三位是秋葵, 其實我也是第一次在火鍋吃秋葵, 但是真的沒有想到會那麼鮮甜美味, 味道清新的那種新鮮味美! 停不了口,下次火鍋也必定Encore !

老友聚會最岩食火鍋, 老鴨湯底好一流, 有D藥材味, 仲有幾件鴨食, 都OK滑牛胸爽肉同蝦滑最好味, 仲有雞丸一咬爆汁液溶後彈出, 又熱又好吃, 同鴨湯味道都好夾鮑汁螺片, 味道幾好味爽呀, 但螺片太軟, 無口感海中蝦上枱時他們仲識郁, 超新鮮仲有肥牛好新鮮, 好有牛味另外落左個象拔螃.又係勁鮮味, 又大份, 好正, 滋味仲有鮮飽魚超正, 極新鮮, 必食。花甲同樣新鮮花膠又多又平, 只係68蚊聖子也是極新鮮魚蛋都超弹牙情人節開心咁樣食一餐每人都係300蚊度

-老三火鍋為食朋友推介下一試旺角道的老三火鍋。有名獨有的老鴨湯底，有淡淡的藥材味，感覺幾補身的，也有幾件鴨件食下。不過話明老鴨所以唔好有期望。用黎打邊爐都好特別。醉雞丸，呢個出面好少見。入面有好香的酒味，而且成粒丸都好彈牙，淥完一咬就會有酒爆出黎，所以食嗰時睇熱。呢個真係無推介錯，都係必點之一黎。後面的鯇魚片就普普通通。總結，兩個人去打邊爐真係試不到太多，所以下次都係一班人去仲開心！

老公今晚約埋個朋友食飯.所以第一時間就系打邊爐.因為可以嗌多d.食多d野.第一時間就諗到老3.呢個鴨湯真系好正.打邊爐的材料又新鮮.真是我的打邊爐首選.去旺角呢間地點就方便d.但都多人架個場.你們要打邊爐.一定要來試

查查係個幾中意打邊爐的人，同朋友踢完波都會再一齊食埋飯先番屋企老三火鍋食過幾次，個老鴨湯底真的值得推介每次黎都點呢個湯底次次都係飲碗湯先，話曬老鴨肉對身體好排除毒素、清熱降火、恢復元氣甘多功效。不過個湯底藥材的味道幾重，唔係個個都中意。仲可以選擇其它湯底既。對於尼類型的餐廳，尼度既侍應算態度好好啦，值得一讚

一坐低已上餐前小食。。<br style="line-height: 1.6;">微酸辣雲耳。。味道還ok。。因尚有5位人兄未到。。我和老公先叫碟炸招牌餃頂住先。。順便叫了渣盧薈蜜餃子40幾蚊有成8.9隻，雖然細細粒，個確實香脆可口！這蘆薈蜜好飲！至後還叫了鳳梨汁。味太甜太假。。另有4種配料伴士油。。價錢原價也不貴。。再上9點半後有85折更抵！本身老公想食水魚湯底。。點知要年尾先有，唯有要返招牌鴨湯。。先喝鴨湯再打邊爐確實不錯！鴨湯很夠味，鴨肉也很滑我地叫左都幾多野食。。無影曬出來。。但整體都係大碟新鮮。。特別推介牛胸爽肉同蝦滑！連埋飲酒。。最後7個人食飽飽都係1200左右。。確係抵食！Ps。年尾一定要黎試佢個水魚湯

老三總是幫襯長沙灣，與朋友二人今次到旺角店一試。20:00到達沒訂座仍可即時入座，但大部份檯已坐滿，旺角店沒甚裝修，牆壁貼滿食品介紹。開始點鍋料，老三的鍋料大部份也可以雙併，可以試到較多款式，1. 老鴨湯(半隻) - 老三的老鴨湯好味沒話可說，今次店員較詳細介紹湯料，除杞子、紅棗、素翅等，還有酸蘿蔔，令湯底幫點點酸味，火鍋前先加蔥喝湯，好喝。2. 超級靚肥牛 - 賣相不錯，脂肪均勻，但吃入口除有牛味外就較韌，一般。3. 大蜆 - 好大隻夠新鮮，甜美肉滑，好吃。4. 花枝片併水魷魚 - 花枝片夠甜，水魷魚夠爽口。5. 牛柳粒併白鱔片 - 牛柳粒略嫌不夠肥仍牛味重，白鱔片不脆帶點腥。6. 牛胸爽肉 - 我的至愛，外觀像肥膏食落爽口像軟骨，牛味重好食，但切得太大片。7. 肥鵝腸併午餐肉 - 鵝腸厚膏入口滑溜帶爽，午餐肉火鍋一流，湯底滲透入午餐肉，好食。8. 花膠筒併廣島蠔 - 只得三隻蠔及三件花膠筒，看上去像很小，廣島蠔很重蠔味，花膠筒一般。9. 炸腐皮 - 一放入鍋內立即夾起，仍帶脆又有湯汁，不錯。整體食品水準不俗，與長沙灣店品質一樣。內在環境雖然簡單但感覺乾淨。另外叫了多支啤酒。 

近來的天氣時涼時冷，飲食時選擇打邊爐是最適合，今次試過的是旺角分店的「老三火鍋」。旺角分店的「老三火鍋」是在旺角道33號凱途發展大廈三樓，地點上十分方便，在旺角港鐵站A1出口一出行去砵蘭街轉右行到旺角道就到，食店樓下有很多的裝修公司，人流十分之旺。在大廈乘升降機到三樓，開門一出全層都是這間食店，望落這店都幾簡約清潔，和一些新穎的火鍋店不同，這些是有一些「麻甩」的食店，感覺比較粗豪。全店的椅子都是紅色的膠椅，牆上都是貼滿了食物的相片和一些的餐牌，格局上和很多港式食店差不多但不會給人污穢和亂的感覺，地板望落也十分之清潔，沒有很多打邊爐地方很多水漬的情況，整體格局感覺可以。由於已經已經留了位，晚上六時來到時仍然沒有客人，當天天氣轉冷，整間店的位置也已經有人留了坐，沒有留位的就要等下一輪才有得食。來這店打邊爐都是為了它們的老鴨湯底火鍋，而從餐牌上見到其他還有十多二十種的其他湯底，而望餐牌配料上驚喜度不太大，大路的丸類、肉類、海鮮類、蔬菜類和餃類都有，較特別的就是個醉雞丸和駱駝峰，還有一些牛的特別部位可以選擇，其他的食物就沒有什麼較特出了。用膳當夜我們早到而有些朋友還未到，餐前小食叫了泰式蝦餅、

同兩個朋友經常嚟呢度今晚宵夜時間都好多人其實呢度湯底都好多選擇是晩清清地由朋友叫個普通清湯手切牛肉兩款都好淋，充滿牛肉味我地喜歡灼幾秒即刻食鮮味十足，連醬油都不用沾豬爽口弾牙，肉質比較爽實還有點了好多菜同丸類全部都係好新鲜企理環境光線充足地方企理招呼亦吾錯，最好地點方便容易約朋友在此宵夜

有日心血來潮想打邊爐,就想起老三既老鴨湯底,上網找到深水堡店既電話打算訂位,點知已經Full晒,店員話可以試下打去旺角店可能有位,咁我就打電話去旺角店好在仲有位,當晚9點鐘去到店外,在門口已經感受到香噴噴既老鴨湯底味.當晚9點鐘左右,都差不多滿坐,但好在下午打電話來訂左位.來到老三當然一定要叫老鴨湯底,有老火湯飲有鴨食,飲完仲可以打邊爐,我地叫左招牌既本地牛同醉雞丸,等等,因為仲有位朋友未到,所以仲叫多左個燒雞泡魚干送下啤酒,雞泡魚干好香口配左個沙津醬,十分開胃,作為送啤酒小食真係唔錯,大約十多分鐘所有打邊爐配料已經到齊,牛肉一份168元份量都不小,抵食,其他配料如貴花蚌都好新鮮,整體上同我經常去開的深水堡店水準一樣,唯一樣唔滿意就係樓下沒有車位,所以駕車去就要泊得遠小小

早在去年揾食點時看到這家火鍋店，一直很想試其老鴨湯，難得今日假期，一於跟朋友試試看。老三火鍋店有點地踎﹑排檔feel，但地方光猛，環境乾淨，枱與枱之間尚算濶落，坐得幾舒適。我們先點老鴨湯，很快就上桌了。等待湯滾時，我們再點其他火鍋料，包括本地手切牛﹑牛粒﹑潮州魚蛋﹑醉雞丸﹑鯇魚腩﹑蜂巢豆腐﹑黑豚肉﹑油麥菜及萵苣。湯滾了，喝一口，味道不錯，幾清，但我又說不出是什麼味道，燉雞湯？總之蠻好喝的，另外鴨肉尚算嫩滑，但其實沒甚特別。由於心急試飲，故差不多見底才記得拍照，不好意思。接著我們加湯打邊爐，本來對手切牛充滿期望，可惜牛味欠奉。反而牛粒牛味超濃，烚得剛好時肉質不錯，如沒有過熟肉不嚡而又嚐到肉沒經梳打粉嚴重洗禮。醉雞丸算是唯一驚喜，雖然一點酒味也沒有，並且充滿孜然香，但味道反而不錯，雞肉丸以鮮雞肉打成，很彈牙。其餘如蜂巢豆腐﹑潮州魚蛋等屬一般之作，不用多提了。最hea是飲品，什麼蘆薈椰果﹑小麥草蘆薈﹑菠蘿椰果等都像色素水，只有甜味，飲汽水啤酒好過。總的來說，食物質素真的不如預期的好，只是價錢不算貴，每人約$140(共4人)，可能沒點海鮮吧！大概由於人客不多，店員竟然幫忙片油，好貼心咁呢！不過

一直都想試老三，但長沙灣老店又唔就腳，好開心比我發現係旺角有分店，於是拿拿聲約friend試吓，點知好失望咯!! 先講餐前小吃，鮑汁螺片，味道都ok，但d螺片好淋，沒咬口。我地兩果人叫左半隻老鴨湯，d湯味道都可以，但唔夠濃，有d清，似加左水帶有鴨味既鼓油汁感覺，反而最好味係d煲湯鴨肉。飲左兩碗湯之後服務員就加左d奶白色唔知乜湯比我地開始打火鍋啦! 但係我個人覺得，既然老三係以鴨湯打火鍋聞名，點解甘孤寒唔可以加番鴨湯比人打火鍋呢?? 用其他湯打，甘我不如平平地叫清湯再加碗鴨例湯飲，洗乜特登來幫襯呢?? 因為打出嚟既野都唔會帶有鴨香味，最主要係d湯唔夠濃，根本唔怕會有加番鴨湯打火鍋會過咸既問題發生!!全晚除左呢個湯同牛肉可以叫合格之外，其如全部野都差差地。打火鍋最緊要睇d料新唔新鮮，查實d料全部都算新鮮，但最大問題係味，除左口味之外，仲有一陣"拿"過內臟果陣"怪水味"仍然氣留係度，一入口根本吞唔落。最嬲係果黑牛柏葉，我係牛柏葉fans嚟架麻，次次叫黑牛柏葉都係黑色既，有咩理由來碟唔啡唔白既"黑牛柏葉"來呀，而且仲要同佢切片，點解唔係一梳梳架，果d鬚鬚去晒邊?? 甘樣切一d口感都沒

說起旺角道的「老三」，最馳名名的就是它的「老鴨湯底」，我們也是為它而來。老水鴨湯具滋陰養胃、補中益氣的功效，比起甚麼沙嗲湯底，芫茜湯底等都要有益百倍。「老鴨湯鍋」$108原隻老鴨湯底上桌，中間夾雜著藥材的香氣，深啡色的湯水充滿鴨鮮。未打邊爐，先喝一碗靚湯，滋補又清甜。喝罷湯，加入豬骨湯，打邊爐正式開始！「醉雞丸」雞肉被搞成肉丸，內藏一粒花雕啫喱，猶如「醉雞」的份子料理版。雞丸一咬爆漿，花雕汁溶後一湧而出，熱燙好吃，而且味道與鴨湯出奇地夾，小心淥親咀仔！「蟹粉墨魚丸」手打墨魚丸，內包蟹粉，又是一咬爆汁。相對之下，我個人就不太喜歡這個。墨魚膠算彈牙，但就嚐不到甚麼鮮味，餡料似鹹蛋黃多一點。「駱駝峰」這個我也不喜歡，熟了後口感肥肥潤潤，有點似肥豬肉，也沒有甚麼肉味。另外也點了一道「招牌餃」，像是迷你版的水餃，餡料有木耳絲、肉絲等。平心而論，還可取。整體而言，此店最掂的讓是老鴨湯及醉雞丸。其實食肆未必需要瓣瓣精，有精彩的代表作已值得令人將它記住。

已經吃過老三好幾次，基本上仍能保持水準，海鮮 (abalone, seasells, oyster) 都不俗，不過今次份量明顯少了。服務一般，不要求什麼。註 : 醬油$12 per head, 小吃 $8，no 10% service charge。