BU Healthy Dining & Gathering (Closed)

賣相同味道都唔錯，明顯系有用心系食譜同烹調過程減少油、糖。食材品質抵讚，沙律菜十分新鮮處理得很好，青口鮮味軟滑，煎鱸魚外脆內滑非常好味，薯蓉系手造的感覺不多牛油但仍然十分好味；只可惜牛扒工夫就有D失望，medium well變左well done，不過好彩唔靵。

Happy Friday接老婆,知道佢要K11買野,一早已經睇定食咩好,訂定檯~ 最後訂左位於K11 - 3樓既呢間BU Healthy Dining。因為商場翻新中，所以要上左電梯轉個彎先見到~ 我地坐單邊梳化位, D檯都唔算好迫。先點焗釀牛肝菌雞翼，平時釀雞翼只係得雞中翼＋雞翼尖部分，呢度有埋雞鎚，而牛肝菌就釀入去左骨既雞中翼。咬落去陣陣菌香，口感爽脆有咬口，下面仲有薯蓉。話明healthy dining, 當然要點個黑醋蕃茄烤有機雞扒啦~ 上檯時已經聞到陣陣嘅黑醋香味，份量都唔細，有兩件雞扒~ 因為用41日自然走地雞上髀嘅關係肉質特別嫩滑! 酥炸軟殼蟹墨魚汁意大利扁麵 麵質偏硬,如果中意軟身d, order時要講聲啦~ 軟殼蟹唔會好多炸粉都唔錯!黑松露芝士醬焗薯條, 略嫌唔夠脆, 同埋咸左d~ 

下雨天☔️心情總是麻麻的，所以要找好吃的🤩🤩🤩因為實在太大雨了，黃雨😵😵😵本身約左朋友尖沙咀食晏既，但未諗食咩好，但因為唔想拎住把遮周圍行，唯有去K11食，地鐵上蓋，直接到達既🤗🤗🤗原來K11大裝修，好多地方都圍去左木板！行到去三樓見到哩間日系西餐廳，見到唔多人，又好似座得幾舒服，於是就入去食啦。。。。哩到既侍應好似無咩禮貌咁既？定係佢地太眼訓？見到menu都幾多款式喎，又有紅米飯，一定係sell healthy 路線，果然間餐廳都有嗰Healthy哩嗰字😍😍我同朋友一人嗌左一個set lunch，我就嗌左嗰原味烤雞腿配紅米飯，朋友就嗌左烤三文魚扒配白飯。。首先黎左碗南瓜湯，不過我唔飲南瓜🎃既，所以求其試左一細啖，還可以既。到左我嗰烤雞腿上枱啦，老老實實真心大份喎啲烤雞，仲有兩大份，不過嗰紅白米就細得可憐了吧，食落啲紅米飯有啲怪味，所以要求換番碗白飯啦，侍應即係俾左碗白飯我，碗白飯應該有紅米飯既一倍多🤟🏻試下嗰烤雞先，正常味道既，好健康，好清淡！仲有啲薯蓉配埋，，嗰薯蓉好難食呀，點解薯蓉會配埋蒜頭？咩組合？至於朋友嗰烤三文魚扒都係普通野，烚完嗰魚扒然後輕微煎了兩三下，行健康路線不要要求太

飲嘢前同姊妹們去K11食個晚飯，想食西餐所以揀咗呢間，人均消費都二百幾，食物整體平均都OK , 可惜牛扒質量確實麻麻叫咗兩個set +1個main, 跟餐沙律都幾fresh幾好食，有脆麵包同三文文魚虎蝦辣椒蕃茄意大利粉少少辣，意粉冇煮過龍，番茄打爛左撈埋一齊都幾好食，蝦唔係好大隻，而且得2隻，確實比較少豬扒稍嫌太乾，唔夠醬，配菜好可憐咁得幾條係旁邊，完全唔似係一個二百幾蚊set入面既main牛扒配菜仲少，個底有一啖薯蓉，一個人都唔夠食🙈，而且肉質好韌完全咬唔開好多筋，真心覺得唔值得食

午餐時間，食客只有3-4枱，進去有2個侍應。舉手叫人至少5次，有個原本無乜野做（只幫其他客加水但無幫我加過一滴水）阿姐應左我之後竟然走左去serve另一台客！完全被忽視！真係一肚氣！臨走先見到另一男侍應！投訴一直沒人落order後已沒心情在這餐廳用餐！轉移去pizza Express, 人家服務簡值天淵之別！服務態度極佳！由門口招呼坐下，未叫餐已有人自動加水！待應醒目一叫即到！奉勸各位不是來此餐廳Bu Healthy Dining!商場內有大量優質餐廳可供選擇！本人也只是第一次到想試一下，結果卻得不到應有招侍!

K11 的餐廳不少，但晚飯時間卻只有兩枱客，見環境不錯又靜，便試試吧～點了兩個套餐：南瓜湯 - 用上透明玻璃碗，好像甜品一樣，夠可愛，味道也不錯，不會太稀水牛芝士沙律 - 好味西冷扒 - 比想像中大塊而且夠淋，墊底的薯茸會有粒粒薯仔肉，好食煎比目魚 - 煎得太濃，如果不是應該不錯坐得夠休息又夠靜，絕對適合傾計聚會；不過食飯中卻有烏蠅飛來飛去 😅但容易搵位又坐得舒服，絕對會再encore,味道其實不錯，衛生方面改善就更好

病咗好耐都冇食好嘢，今日終於同朋友出街，但係仲戒緊口好多野都唔食得。搵左呢間感覺上似日本家庭菜嘅餐廳食。😋😋餐湯係南瓜濃湯，感覺上不過不失，南瓜味唔夠濃，如果可以配埋有南瓜肉或者南瓜蓉一定會為呢個湯加好多分。😆我叫左呢個香煎比目魚扒配五穀米，比其他西餐廳健康，比目魚扒比起三文魚扒更加有魚油香同埋較小機會煮到乾爭爭。食得好滋味，魚油香味令我食慾大增！☺️☺️因為每個人有最低消費$70，但我朋友已經食左野，佢係我個餐度加左個朱古力蛋糕食，好可惜朱古力係我戒口期間其中一樣唔可以食既野，不過我可以話你知，我朋友5分鐘內食哂🙊❤️

在此祝大家新春大吉，如意吉祥，繼續食得是福，心身啟泰。是日年初四，去尖沙咀睇完賀歲片，再去找間食店坐吓食吓輕鬆吓。尖沙咀一向人多，所以決定去較人小的商場K11手搵食。呢間餐廳Bu之前行街經過，店面看上去幾適合hea吓傾計，下午茶價錢都唔算貴，下午茶burger餐70幾蚊包飲品，京燒銀雪魚餐90幾蚊，包埋飲品，餐湯。(南瓜忌廉湯，好夠熱，掛住飲忘了影相)銀雪魚煎得好焦香，不沾沙律醬都好夠味，飯嘅份量不多，但勝在有2塊有水準嘅京燒魚，我自覺餐廳好闊綽，有2塊魚，第一塊趁熱大口吃，第二塊要嚟慢慢回味，凍咗都覺得唔錯! 在日本餐廳吃，呢個價錢包飯，湯，飲品應該唔得。魚下面喺有薯蓉的，適合輕食午餐。

Was going to find a random place to dine in at K11 but everywhere else was full so we ended up checking out this place on 3/F. The place was only half full at the time and we were being seated right away. Servers at the restaurants were in general very nice and polite. The ambiance of the place is also very decent - though an open area, it’s very quiet and isolated.For starters, we ordered truffle and cheese fries. The fries was solid and I really appreciate the fact that it’s freshly made. When

和朋友於星期六在尖沙咀午飯，我們選擇了這家餐廳，位於K11商場內，餐廳環境寧靜，座位舒適。午餐選擇約有十多款，有西式和日式的美食，價錢大約$100。點了菜後，侍應送來餐湯，這是南瓜湯，呈鮮橙色，熱騰騰的，味道清甜。我點了七味粉牛肉西冷溫泉蛋配紅米飯，我先把溫泉蛋倒進飯中再拌勻，讓每顆米粒都沾了蛋汁。牛肉西冷約有6至7片，肉味不算濃郁，而肉質較為結實。另一方面七味粉的味道蓋過了牛肉的味道。紅米飯的紅米不夠多，因此口感一般。食物質素不過不失，但勝在環境舒適。

同舊同事食飯, 唔想打邊爐, 就揀咗食西餐, 而K11搭車方便, 就試吓呢間餐廳.  入座時只有4成左右客人.  裝修同擺設都令人舒服. 非常光猛. 我地只得3個人, 所以點咗好小嘢食.  我地最後問侍應攞咗份甜品menu 睇, 有6-7款甜品, 但當我地想落單嘅時候, 佢話今晚只有雪糕, 其他全部都冇.  令人失望. 其實佢可以俾甜品menu嘅時候講清楚, 我地唔會介意只有雪糕亦唔需要考慮咁多, 但當客人落單嘅時候先講,令人有D失落.總括嚟講, 食物質素中規中矩, 但招呼有待改善. 薑檸檬蜜糖梳打 $43 (冇影相) 

與友人係呢頭附近上完堂又係搵地方開餐既時間, 想坐得舒服D就去左呢個商場搵食, 望見呢間餐廳門口既餐牌見價錢岩數, 人客數量唔算太爆, 環境幾清幽, 一於試下!黑白配色餐具, 枱面上没有多餘擺設, 簡潔我鍾意!!今晚我地肚餓程度唔太高, 少試呢幾款菜式 : 烤有機黑醋鷄肉蕃茄沙律伴果香黑醋汁 ($118) - 擺盤顏色好靚, 以柚子味既黑醋汁伴沙律, 減底沙律汁/芝麻汁既膩感, 微酸甜感覺更能增加胃口, 清爽既沙律菜配以黃色小蕃茄, 綠配黃好靚仔; 主角烤有機黑醋鷄肉一客有兩件, 質感嫩滑, 皮烤至少少焦香, 相當唔錯!頭盤點了呢客炸軟殼蟹配蟹籽沙律醬 ($108), 一客有2隻炸至金黃色, 切開幾件而每件都唔細件, 點少少沙律醬一齊食, 增加香滑感, 咬落夠晒熱, 唔會食到一口油, 炸漿唔太厚, 可輕易食到隻蟹, 呢味要快D趁熱食, 唔係凍左會有少少腥味!見佢既鷄做得出色, 咁主菜就叫呢款原味烤有機鷄腿 ($138), 輕怡D唔駛每次都食牛!  擺盤簡而清, 一客2件既有機鷄腿, 用刀切開時已經感覺到佢既柔軟度, 肉質嫩滑多汁, 味道帶少少甜味; 鷄皮燒烤至有少少硬脆感, 無骨啖啖肉

剛剛同朋友去完Bu gathering，其實已經係第三次去，平時多數去食午餐. 今次係同舊同事晚飯平時午餐已經很滿意，食物水準不錯，所以今日約埋舊同事來試下晚餐。好彩今晚水準保持到，舊同事都讚我好介紹，以後我們就再多一個地方聚聚。今晚的牛排水準超高，煮得剛好。仲有好好好脆的軟殼蟹墨魚麵. 法式焗豬扒亦煮到剛剛好，肉一啲都唔"鞋"... 仲好juicy 嫩滑。朋友相聚特別開心，而且食物又好味。yeah! 一定再來

食物水準一般，價錢合理，但服務勁差。今日一行四人去食lunch, 之前聽朋友講這間店上菜慢，於是揀左好普通的菜式。今次竟然衰係漏單，叫左4個set lunch, 泥左3個，唯獨一個意粉追左好多次，都未有。最激氣係服務生完全冇正面回覆我，只係扮吓野，行去廚房傳菜的窗口，望一望，跟住又走開，連一聲交代和道歉都冇。真心以後都唔會再食佢。

與表姐同月生日，每年都要來過生日飯一起慶祝，談心；今年亦不例外，選了一個環境舒適，大家又喜愛的西餐廳慶祝我倆的生日。這裡的食物款式不算太多，但應有的種類都有，個人應為貴精不貴多，好吃最重要。最後我們選了幾款食物，分別是炸蕃薯條，炒雜菌野菜，燒粟米藜麥有機豆腐沙律，美國安格斯西冷 (7安士)和朱古力芝士蛋糕。燒粟米藜麥有機豆腐沙律的份量比我想像中多，沙律菜頗新鮮爽脆，豆腐的豆味甚濃郁，加上藜麥和粟米粒增加口感，粟米份量可再多一點，整體來說不錯，吃起來感覺健康清新。再來是另一盤菜，份量亦不少，椰菜和菇菌類一起炒，簡單的調味已足夠，就是清清的吃一道蔬菜。然後是小吃炸蕃薯條，這個真的超級驚喜! 剛剛新鮮出爐炸起，熱辣辣，吃下去完全是很特出的蕃薯味道，吃到蕃薯的原甜味，而且頗為厚身，真的越吃越滋味，停不了口，必叫!表姐亦要了一道主食，安格斯西冷扒，吃了一小口，味道不過不失。最後的甜品亦令我喜出望外，以為是普通一件蛋糕，卻層次相當豐富，厚厚的一層像雪糕的朱古力芝士蛋糕，口感硬實之餘亦不失幼滑，然後是綿綿的蛋糕和底層的脆脆撻皮，不會過甜，加上香草雪糕，絕對是邪惡之選! 雖很想多吃幾口，卻控制慾又控制