友麵館 (Closed)

午餐常選之一, 因為附近自從無左大大碗之後, 都無咩車仔面可以選擇…通常都外賣回公司食,因為有9折但今日懶洋洋咁..都係堂食而且食返麻辣湯底.. 之前試麻辣湯底..一試難忘…有豬大腸, 羅白同手打墨丸, 豬大腸同手打墨丸係必叫…因為真係好好味, 豬大腸好夠味, 手打墨丸好爽滑, 其實羅白都唔錯…有好多配料都好味..講返個湯底, 明明之前食開小辣, 係好香同辣度係一般人都接受到既, 但今次來到, 見到勁大條辣椒又好多辣油, 入口…嘩中辣來嫁? 雖然我食得辣姐….但我5鐘意辣味over的野食味……. 其實係咪廚房個人隨心俾辣呢??因為食過幾次叫小辣..但次次都5同……

食過好多車仔麵,呢個麻辣真係好堅;不過就嫌佢油咗些少。蘿蔔+冬菇+韮菜餃幼麵麻辣湯底大辣蘿蔔 好林好入味冇渣，不過就好細粒,如果個 size 大番一倍就 good good la冬菇 size 唔係好大粒，但都厚身同有好香冬菇味韮菜餃 d 皮有少少爛,個餡份量適中,好香韮菜味同食落有少少肉汁麻辣湯底 真係夠晒麻辣嘅香同辣味

炎夏，艷陽似火，中午時分更是爆曬火燙非常。沿著天橋走，突然想起早前路過OK旁的友麵館，決定一試。裝潢走新派型格西餐廳格局，誰知，不過是車仔麵罷了﹗友麵館選擇看似極多，但不過是麵配餸，除了18款由$26-$50不等的麵食外，還可自選湯底、麵類和配料，也有數款小食提供。樓下已坐滿了人，被安排上樓上閣樓用餐。樓底矮，且空氣不太流通，環境強差人意。 老爹揀了清湯招牌大碗麵$38，分別有蝦丸、墨丸、西洋菜餃、韮菜餃、滷水蛋和牛腩配米線，以一大瓦煲上枱，賣相甚佳。以三十八大元來說，有六款配料，且包較貴價的牛腩，再加湯底的芽菜、腐皮和韮菜，份量多且夠飽肚，抵食之選也。據老爹表示，丸類鮮爽彈牙，但size 偏嬌小；菜餃屬一般之作，味道普通；較有驚喜的是牛腩，軟腍入味且不粘牙，遠比九記為佳。小妹貪得無厭，要了清湯八寶大碗麵$46，甫見以一大黃色膠碗盛載，小妹已不太高興了﹗根據餐牌，配料應該包咖哩魚蛋、墨魚丸、魚片頭、西洋菜餃、肥牛、豬皮、蘿蔔和滷水蛋。然而，找遍全碗，仍不見原打算用來孝敬老爹的肥牛蹤影也。貨不對版，極為不悅﹗ 只見豬皮處處，以豬皮代肥牛，濫竽充數嗎？還是，忙中有錯，忘記了？也懶得與店

點了牛骨湯三重奏（$37）、自家製韭菜餃（$26）。三重奏有牛丸墨魚丸同西洋菜餃，二重奏係油麵米粉兩溝。老實講，雖然冇味精好健康，但牛骨湯底沒有太濃牛味。所以唔好expect湯底好似九記咁濃。

今日喺呢頭做完野~~就諗住搵個地方坐坐醫醫肚~人生路不熟就只好周圍望!路經此舖本無意入去一試~突然眼尾一望見到舖頭門外有几頁報紙的食評,望多兩眼就決定入黎一試~喺出面睇到的沙煲麵又有咖哩麵相當吸引,入到坐下見到有麻辣麵~只得一個人~未能試好多款式所以決心叫左個大麻辣牛腩雲吞米線再加紫菜,仲要叫佢多’青’~!上枱啦~睇個樣以為只係一般的車仔面~個樣冇咩驚喜一飲啖湯真係令我意外!極刺激的麻辣味在口腔口遊下遊下~入了喉嚨再回到咀唇麻麻吉吉的~感覺真係好爽~!!絕對唔需要另加辣椒油~米線質地好爽~唔會煮得太淋,服務員哥哥自稱係自家制的雲吞, 雲吞皮略嫌佢厚了少少又硬了少少~饀料有肉汁可惜唔夠飽滿, 麻麻地~相信真係自家制!!,牛腩睇佢一舊舊好硬身咁,食入口有種講唔出的柔軟而且相當入味~!!總算見識過佢地的出品...~~如果有機會都會再食~ 

今日LUNCH，懶懶地想留響公司邊食外賣邊煲劇，所以揀左友麵館。其實想試左呢間好耐，因為佢個外賣紙上面自選車仔麵中有好多配料選擇，湯底亦有分清湯／招牌牛骨湯／沙爹湯／麻辣湯選擇，算頗多元化了。對呢間餐廳有期待，但最後個LUNCH只可以用灰字黎形容！！！ 先講價錢：　單拼＄２８，雙拼＄２８，三拼＄３３，四拼＄３８；是可以接受的價格今次共order了3碗，綜合同事們的意見----湯底味道濃，粉麵份量多，配料很少牛骨湯底-魚片頭腩肉紫菜米線本來只係諗住食雙拼，但見到三拼都需要＄３３，所以加埋紫菜。但是，大失望！一打開先試試個湯底，也不錯，不過有點像日本醬油湯底。之後再看看配料……是不是有點太少了？最過份是我加了＄５要多一款配料，但結果一夾只得一少撮…有點無奈……. 不過值得一讚的是魚片頭，蠻彈牙的！沙爹湯底-手打墨丸紅腸腐皮米粉至於沙爹湯，聞落好香但飲落好咸，無乜辣味。手打墨丸也可以說是另一招牌，要另外+＄２，但只是得兩粒，SIZE比一般的小，彈牙。另外要注意的是紅腸，它的SIZE不是煎釀3寶的那種(其實那是玫瑰腸)，請自己評價是否值得點，共兩塊半。 腐皮， 跟紫菜的份量差不多，一小

今日打單泡，午飯未有着落，經過灣仔軒尼詩道「友麵館」，見它裝修都新淨，鋪面不大，故且一試，入內打開餐牌，主打係車仔麵，無論係配料，麵底和湯底，都幾多選擇，見它有招牌大碗麵，內有6樣配料，就要咗佢，麵底就一定係要油麵，湯底要牛骨湯，和多葱。無幾耐，大碗麵就到，原來係用煲上，慣例係先飲啖湯先，，啖湯幾甜，幾好味，跟着試油麵，都有d彈牙感覺，再試d配料，但發覺d料基本上是每款一蕉舊，無法試得好真，感覺上只是及格。值得讚是湯底有芽菜、韮菜和腐皮，豐富了湯底，平添了很多口感。不過招牌大碗麵係$38，感覺上，性價比有點兒不高

和這間「友麵館」都算是有點一面之緣，要不是這天我要來灣仔，就在這店子前面的巴士站下車；要不是我這天一早起身沒有吃過任東西，來到灣仔的時候已經甚為肚餓，我想我也未必會在這裡吃早餐。其實這店子主打應是「車仔麵」，從店內的推介主要是「車仔麵」便可知道，但來的時候是早上，還是吃個早餐吧！吃的是「瑞士雞翼和沙嗲雞絲公仔麵」的雙拼粉麵早餐組合，不過麵就加錢改成出前一丁，飲品也從熱飲改成凍飲，所以原價 $24的早餐一下子便變成了盛惠 $28的早餐。出前一丁當然比普通的公仔麵好吃，瑞士雞翼有板有眼，是及格的出品。常見的沙嗲牛肉換成了沙嗲雞絲，雖然雞絲肉質難免粗嚡，都算是特別些的配料在瑞士雞翼和沙嗲雞絲以外加添一點粟米粒、紅蘿蔔粒和青豆粒，也予人多一點的好感。這麵的湯是稍鹹了點，但麵條索了湯之後，味道都不錯。與這間「友麵館」難得有緣見面吃過這早餐後，這天的節目正式開始。

喺附近返工嘅我，多次lunch time經過呢間舖頭都有一堆人等位，又見佢裝修得幾“骨子“，終於的起心肝試下....由於懶等位嘅關係，我選擇左外賣，睇見張外賣紙都幾多選擇，但經驗話我知試新食店都係叫番普通野穩陣，我揀左大腸+墨丸+牛腩+油面+沙爹湯底。返到公司開黎食啦，飲啖湯先.... 味精+鹹，有辣但無沙爹味，食餸... 大腸同牛腩都唔夠味，墨丸最ok，因為同自己喺超市買嘅一樣味.... 個面食左大半已經放棄左，仲有成個下晝飲左N杯水黎沖淡d味精.... 總之呢間舖頭唔會再幫襯！

噚日Lunch 食呢間外賣，但一時忘記影相咁我噚日食咗韮菜餃，手打海蝦丸，冬菇幼麵，麻辣湯底(勁辣)湯底夠辣夠味，本身我都食得好辣，但我都覺得好辣，個湯仲要另上，唔會浸林d面韮菜餃超好味，餃子入面仲有汁手打蝦丸真係彈牙，有蝦味冬菇係嗰隻厚肉大大隻冬菇，又係超好味同有口感

Buddy Noodle House is a new noodle joint that I discovered recently.I was attracted to this place because one of their noodles are served in a retro CHINESE ceramic POT!!It reminds me of that cafe in Sheung Wan.The menu is the usual.It is interesting that if you choose one or two items the prices are still the same, ie $28.For a noodle joint, the decor was quite modern.Here were the noodles I tried★☆★☆★☆★☆★☆★☆★☆★☆★☆★☆★☆★POT noodle:Basically it has a mixture of items, beef, wontons etc.I quited l

趕住去睇陶喆演唱會，唯有係附近食d野，見佢好似有好多雜誌報道咪試下。我叫左手打墨魚丸、九菜餃、紫菜米線，牛骨湯底。朋友就叫左手打墨魚丸、魚皮餃、蘿蔔米線，清湯底。手打墨魚丸彈牙，若果大粒d就更好。九菜餃比想像中好食，九菜夠多，皮夠薄。不過個牛骨湯底就無乜特別，不過佢d米線比平時食果d，好似爽身d,無咁軟。

呢日去會展開會，行出條軒尼詩道，就想搵野食下先。行到電腦城對面，見到有一間外表新淨時尚的麵店，就去看看。外面貼左好多雜誌介紹，我諗都應該唔錯。加上是我最鐘意的車仔麵，所以決定一試。我叫左個招牌大碗麵$39。好大碗，好多料。內有豬腩片，西洋菜餃﹑ 韭菜餃﹑ 滷水蛋等等，用煲仔飯的煲裝起來，感覺很新派。都幾抵食。滷水蛋的味道剛好。好入味。其他餃我都好鐘意。湯底好入味，唔覺有味精，依家好難搵得到！我後來見到有撈麵同埋麻棘，有好多款式。睇來我有大把機會來試食了！見到隔離枱食雞尖，好像好好味咁！不過因為太飽食不下了！下次再來試過啦！

一向都好鐘意食車仔面。公司附近開左間新店，上次又見雜誌刊登過，今日心血來潮就lunch去食下。我order左個三餸面，有雞奕尖，肥牛，同埋豬紅。外賣仲有9折。$30就有3餸面了！向灣仔食真係好抵！佢將面同湯分開裝，好細心 ！好！要開始食了！先食我最鐘意食既奕尖！好食喎！好入味！我好鐘意！再試下個湯，好清甜，感覺唔到有味精，仲好有牛味！再來個肥牛，車仔面有肥牛真係好少有。正！啱晒鐘意食牛既我！到豬紅了！唔太鹹，味道剛好！平時我好少食晒，今餐太好味！我成碗食晒囉！下次等我去堂食試下。因為等外賣時見佢入面裝修比較特別！要參觀一下先得！

途經灣仔軒尼詩道，發現一間門面裝修頗特别的車仔麵檔，決意今天試一試……嗜辣的朋友可以嚐試下唷！ 拍青瓜，微酸加一點點辣，而且青瓜爽脆；略嫌不夠凍 雞翼尖，魚片頭加幼麵配沙爹湯底，沙爹味足以蓋了整碗麵的味道，而且非常咸又辣，有少許失敗之處。魚片頭夠彈牙，但不足以取回高一點分數！因個人認為，車仔麵的湯底很重要哩。