牛脾氣

Open Now

Now Closed

太和又多一條街漸漸變成食街依間店鋪位置同八號花園好近新開鋪新裝修，環境衛生都做得不錯雖然佢叫自己牛肉專門店但係其實仲有好多唔同既日式食品，刺身，蟹肉，日本蠔等等前菜-明太子雞翼燒雞翼大家都鐘意食依隻無骨雞翼更加好食雞翼包住明太子燒，咸香配合前菜-室津蠔蠔質結實，味道偏濃在生蠔上會配上柚子醬調味不過想試試室津蠔真味既朋友落單前記得要事先通知店員走醬正餐-美國牛柳粒套餐點餐已包飲品沙津白飯飯素都好味牛柳粒份量充足不過偏細細粒正餐-石燒和牛牛見肉黎到牛肉專門店既主打牛肉近期新推介牛見肉跟據店員介紹位於肉眼下方油花均衡，肉味充足亦都有入口即溶既感覺鐘意石燒，因為可以自己決定熟度有時鐘意煎香少少又得有時鐘意生少少嫩滑口味又得總結最值得讚係個石板既火Keep 到全餐甚至雞翼同牛柳粒變凍左我地都用番塊石板燒熱番餐廳有圍裙提供職員有善，一d都唔牛脾氣

又一間新既街坊店, 7點黎到, 餐廳都比較靜, 不過外賣客非常多~~MENU唔會好多野, 不過樣樣都有花心思, 行平民路線, 非常貼地呀!同老細傾左幾句, 佢話食材90%都係日本貨, 小如一隻雞蛋佢都有堅持, 宣傳唔多, 希望靠口碑做起, 好有HEART~~雞皮餃子 $38好特別呀, 睇得出係自己包, 粒粒唔同大細, 雞皮唔會好油, 但係好香脆知道身邊都有幾個好鍾意食燒雞皮既朋友, 好想同佢地黎試下日本室津生蠔 $55/ 2隻味道比較淡, 加埋餐廳配既醬又幾好食WO以日本蠔黎講, 覺得都算大隻厚肉, 老細話呢隻都未算 不過都睇一水水, 有時黎到太細, 佢地都會俾多隻客人, 好細心又唔計較蟹肉甲羅燒 $68滿滿既蟹籽同蟹肉, 下面仲有層好香既蟹膏完全冇加任何配菜令佢望落大份D, 啖啖都係精華呀!!燒牛舌定食定食有跟沙律同埋飲品, 可以轉湯牛舌多到睇唔到D飯! 仲要唔算薄, 好香又有咬口, 超抵食!!吉列芝士豬扒飯 呢個真心勁出色, 未夾起D芝士已經多到走晒出黎拉絲可以拉到成呎高, 但係又唔會太濃太漏!! 連老豆都大讚整得好好食 街坊生意都咁有心做好, 要多多支持!!

小編由細到大都住大埔，大埔真係愈來愈多美食！而且價錢比外面其他地區更實惠。要食爐端燒係大埔平有平食、貴有貴食，呢間【牛脾氣】嘅肉類有好多選擇，日本A5和牛定食都係$218，平嘅$128就食到佐賀名水豚肉，最重要餐廳係用日本出產嘅食材。今次我揀中間價位，又可以食多啲用嘅：【美國prime牛小排－特盛$208】美國prime牛小排油香濃郁，每塊肉地好鬆軟，點啲啲鹽，牛油夾住鹹香， fantastic 👏 食爐端燒嘅好處係可以控制每塊嘅熟度，一餐5成熟到10成熟都可以滿足到🤣👍🏻 爐端燒嘅套餐有沙律，入面有火龍果、蝦肉，令到口腔清爽，唔洗成餐都咁油膩。餐廳亦十分貼心咁攞圍裙、濕紙巾畀我地用，唔洗食爐端燒嘅時候啲油彈落自己度。淨係服務態度都值得食客揀【牛脾氣】食飯。【吉列豬扒飯定食$58】呢間嘅吉列豬扒唔簡單，扒入面有芝士拉絲，上面又淋咗明太子沙律醬，好邪惡！而且吉列豬扒個皮又薄又脆，好好味😛想講58蚊套餐有嘢飲有沙律，咁嘅價錢，但份量依然十足，crazy😭呢間雖然係小店，但啲嘢食真心係感受到落足心機，大家係大埔食飯不妨支持下☺👍🏻blue cat rate :😻😻😻😻😻＊為咗呈現食物最真實嘅

行過偶爾望到間叫 牛脾氣 嘅餐廳，比個名吸引左好奇係咩餐廳。有個牛字，一定主打牛啦~望左門口嘅餐廳，原來係賣日式飯類，端爐燒，仲有一d日式小食。好似都幾多野揀又唸唔到食咩，一於就試下！餐廳細細間，一邊係二人枱，另一邊就係四人枱，位置都幾闊落。晚餐我叫左黑椒牛舌飯，配前菜同汽水一罐，仲叫左個小食，雞皮餃子。餐點用托盤裝，牛舌飯擺盤好靚，一揭起有煙出，仲好香嘅日本米飯香。牛舌厚度平均，帶少少筋位，咬落好爽口，唔韌。而且有好香濃嘅牛味，用黑椒調味，突出左牛嘅香味，唔會搶哂味。份量仲好多，有八至九件。日本火嘅飯粒粒飽滿，食落有口感亦好飽肚，大食d都肯定夠份量。而前菜係柚子汁沙律配紅火龍果肉。甜甜酸酸好開胃，份量都啱啱好。食食下我唔小心跌左隻筷子，我未開口店員已經拎左新筷子心我，反應好快，值得一讚。小食雞皮餃子有四件，咬落超級脆，有油香，裏面嘅豬肉同蘿蔔絲餡料調味唔算濃味，夾返雞油嘅香味啱啱好。係新鮮整好仲幾出色雞皮餃子！

今日行街見到有間新開嘅餐廳叫牛脾氣，睇名以為淨係得牛食，原來餐牌好多元化😍仲有刺身飯，日式小食同期間限定 menu, 一於入去試下。極尚刺身飯🐟 : CP值極高，有吞拿魚蓉，蟹膏，帆立貝，甜蝦🤩最特別係飯底加左左囗魚邊，蟹肉同蟹籽，為成個飯增加鮮味，又唔驚食曬 d魚生就會變冇餸飯鹽燒和牛飯🐂: 呢度主打牛，一定要試下。睇餐牌見到呢度可以揀唔同 grade嘅牛，我叫嗰個已經係最低 grade, 但係個牛嘅油香已經好正🤤想像唔到如果叫再靚 grade d嘅會有幾好食佐賀名水豚🐖: 呢個豚肉夠特別，係係佐賀用雪山溫泉水飼養，真係唔係度度有🙊肉質彈會好 d, 亦都冇平時豬肉嘅腥臭味。佢係用石燒爐上，自己燒啱啱燒到熟可以食到 juicy嘅肉汁，燒耐少少燒到脆又好香雞皮餃子🐥: 又係一個好特別嘅小食，用雞皮包住左餃子，上枱嗰陣仲滋滋聲，由於新鮮整起，個皮好脆，又唔驚油膩紫薯甘栗餅，一口芝士，一口忌廉蟹肉薯餅 🥔: d小食全部都新鮮炸起，外表非常脆，炸粉又夠薄，唔會好厚。紫薯餅一塊初初以為好少，但原來係剪開可以夠 4個人食