豚王 (新城市廣場) (Closed)

次次食豚王都係食拉麵，今次第一次另加豚王秘製燒叉燒，本身以為係好似豚肩肉咁薄薄幾片，點知上碟原來係一粒粒。一入口相當惹味！！估唔到佢係好似串燒咁，外層微微燒焦，好香口。碟底盛住既醬汁加左少許檸檬，令叉燒更入味！

行開新城市，得一條友，最方便又唔使等咁耐位，又可以好快有得食就係食拉麵喇。餐廳好迫，一張大枱坐八個人。如果有好多行李背囊都唔知擺邊好。好彩都唔會食得耐，忍一陣啫。揀嚟揀去都係揀番原味豚王($89)之前揀過秘製醬油同香味油偏多，成碗麵會好油膩。今次淨係叫咗普通分量，即刻清新咗。之前食揀過豚王唐辛醬1辛，覺得唔夠辣。今次揀咗3辛，辣粉多咗，湯底亦明顯惹味多咗。今次揀咗太麵(扁平麵)貪佢夠咬口，當然軟硬度梗係揀硬去配合返啦。湯底亦都係我最愛嘅豚骨湯底，比起“一X”真係好食好多。今次蠢咗唔記得加蛋 ，其實佢哋隻蛋都好好食。

其實咁多款味道 我最鐘意嘅係#翠王 係由芝士粉再加上㊙️制的橄欖油 再配上羅勒葉而成的😊☺️小妹揀了麵底係太麵🍜肩肉🐷多蒜蓉要有䓤 仲加左隻流心蛋🥚同木耳絲😄㊙️制油味道又真係幾好味好香 另外 成碗麵都幾大碗 開始食嘅時候 真係食到好大陣羅勒味😋🤤勁正～～～但食食下又好似無咁重味😅😅麵質適中 煮得幾好 唔會過軟或過硬👍🏽👍🏽流心蛋 🥚係必食吧 真係好好食呀😍🤩好流心好軟熟呀 好好好味👍🏽勁有衝動想加多一隻🤣😆豚王餃子王 有五隻🥟🥟🥟🥟🥟個餃子底煎得幾燶下😐😶但係味道都唔錯 係幾好食嘅👍🏽👍🏽值得encore喎～～～heehee😁😁

好耐無食過豚王喇，記得最初中環店每日都大排長龍，少d耐性同時間都食唔到。時至今日，香港愈來愈多過江龍。雖然選擇多咗，但係好多時候經過，都依舊要排隊。今日有閒情午市繁忙時間前嚟到豚王，唔駛排隊，不過未夠12點已經坐無虛席。熟手嘅職員快速咁放低個牌俾你自行剔剔圈圈，搞掂交俾佢就得。大約等咗10分鐘，我嘅赤王拉麵就上枱，等候時間係比想像中耐嘅。不過無法啦，真係人多，話晒日本豚王都曾經攞過豬骨湯底拉麵冠軍，要等下都無可厚非嘅。呷咗一啖，湯頭濃厚，麵條似另一間出名嘅拉麵店，都係屬於幼身種類。而豚肉就比較肥一d，柔軟程度算合格，不過就未能做到軟滑。旁邊還有辣芽菜，辣椒粉等等，都係任客人隨自己喜好添加嘅，我就落咗勁多芽菜，要勞煩職員refill.

平時都少食拉麵 今次就嚟到豚王試下啦~我都幾鍾意呢度嘅環境裝潢不過太多人啦 所以都冇影到相呀...侍應帶位嘅時候會俾個餐牌同落單紙可以根據自己既口味選擇呀!!除咗可以揀湯底之外  仲可以揀唔同嘅麵~如果好肚餓既話 下面仲可以再加嘢飲同埋小菜淨係食拉麵可能會有啲寡 同埋唔夠飽~今次我哋加咗糖心蛋同埋餃子  唔錯唔錯下次可以再黎食呢!!留意返如果約朋友黎食嘅話  要齊人先可以入去坐架~

兩個人叫番典型豚王同黑王，水準依舊，湯底好濃，係香港小有值得食既拉麵之一。兩碗都係叫左肩肉🐷，唔會太肥，又幾脆口，唔鐘意腩肉的朋友就岩岩好😋。不過芽菜就好似無左以前果種爽口，宜家好 “林”，以前的芽菜好食好多喎，呢個位有dd失望。😞

今天來到很久沒逛的新城市廣場，嚐嚐豚王。先看menu,另外，我們也可自由選擇拉麵🍜的種類，軟硬度等。最後，我選擇了幼麵，並另外加紫菜及湯。等了一會兒，拉麵🍜終於到了！賣相不錯，將紫菜及湯分開呈上，讓客人自行加配料。塊肉好大塊，湯底夠濃，好味！拉麵🍜我點了幼麵，份量夠多👍整體來說，豚王拉麵的份量多，而且湯底味道夠濃，適合我這種喜愛吃濃味的人口味～因為今次另外點了紫菜及湯，所以價錢會稍微昂貴。但總的來說，值得推介！

豚王 腩肉 四度辣+饺子下次想试赤王和黑王以及想和朋友来多点点小吃甜品因为不喜欢吃蛋所以没加糖心蛋总体汤蛮厚重不腻 喜欢吃辣可以多放点辣椒人挺多 饭点估计要取号排队 服务员服务态度蛮OK

yeah~yeah~yeah~去食拉面去~豚王係我拉面名單數一數二好味~所以今日去食又好開心幸福啦湯底一流，濃郁芳香，佢既配料剛剛好，唔會太少，有3塊肉，食哂D面仲有少少肉碎比你"襯"湯飲，可惜一點就無左隻拉面必備既糖心蛋，要獨立加配，仲要$18，有D貴，所以唔係好捨得加..好~去相!我地過左午餐繁忙時間黎食，所以等左10分鐘就有得入座啦基本上咩都有得按照自己口味黎揀~唔只係面既硬度，仲有肉既類別，蔥定椰菜等~快速圈圈圈，好快就有得食~黑王$96，墨魚汁做湯底，好味道!!!!!不過有樣野唔好，就係食完個咀邊黑哂...要抹好幾轉先甩哂...同埋，第朝起身痾poopoo，你會見到漆黑一片赤王$96，YOOOOOOOOOOOO~食完之後你會維持數個鐘既翻騰感覺，微妙到時時刻刻提醒你食左豚王豚王呀咁~~正!成佰蚊碗拉面，你話抵唔抵食?我覺得絕對抵食!!!!好味得黎仲會帶比你獨有既體驗，一定值呢個價啦

筆者食過豚王好幾次了，豚王的拉麵每次都沒有令筆者失望過👍🏼一個平日的下午，豚王依然人山人海，等了十五分鐘就有位置。可惜，裡面的食客大部分都是說普通話的，破壞了寧靜的食堂。筆者和男朋友分別叫了一碗拉麵，筆者叫的是赤王，而男朋友叫的是黑王。喜歡吃辣的朋友，筆者十分推廌你吃赤王，它比起黑王油膩感沒那麼重（雖然吃到一半也會感到好飽濟），但相對地比黑王單一的咸味較豐富和刺激。 另外，糖心蛋也是必點的！這是我吃過最美味的糖心蛋！蛋黃還是冷的！我和我男朋友各點了一份。值得一提的是，店員很細心。他們為食客提供紙巾，以防拉麵的湯汁直接彈到衣服去。👍🏼

因為今日去文化博物館睇展覽，所以同朋友泥左新城市廣場搵野食。之前聽朋友講泥間D湯底好正，所以就泥左泥度打算一戰佢個黑王。不過由於都多人等位，所以我同朋友等左成20分鐘先有位。都算係等得比較耐喇。係點餐紙果度你可以自訂湯底既醬油、香味油同蒜油既分量。由於我偏向食重口味，所以我全部都叫左最多。黑王係用墨魚汁做湯底。由於太黑，所以除左舊豬肉我完全分唔到裹面仲有咩其他餸。味道方面，湯底濃稠，但食完之後完全唔口渴，而麵條都好有咬口，感覺好真才實料。不過豬肉既味道就感覺無咩特別。我自己覺得唔洗加麵底都好夠食，不過大家如果想食多D既都可以加麵底既 (雖然我個人覺得泥度加麵底好貴)。

今日一家三口同埋個朋友行完街街，相公話成日見到豚王排長龍，想試吓有幾巴閉喎~~試啦！行得未？😏今晚可能係平日，所以等咗兩個no.就到我哋👏🏻👏🏻👏🏻湯底濃郁，偏淡唔太鹹，但油較多呢個係黑王湯底，係墨魚汁，非黑蒜味鰹魚湯底，唔會有腥味豬骨湯底日式餃子，一般餃子味，無特別糖心蛋，呢隻蛋都幾有蛋味喎👍🏻太麵，其實都係幼身嘅細麵呢塊係豬肉，肥肉比較多呢塊係肩肉，啱我多啲😬呢枝柚子氣水，飲落味道好清新，又唔會太甜，值得一試！總結: 可以再返兜😎

今日喺沙田放工，約左朋友喺新城市廣場搵食。放工時間周圍都好多人，但見豚王少d人，等左5分鐘就有位。入到去環境都唔錯，但我個位咁啱有條橫柱頂住伸唔到腳，唔太舒服😞。至於拉麵，叫左碗肩肉豚王（豬骨湯）幼麵，普通醬油走油走蒜。淨湯底巳經好香，麵條有韌度，兩塊肩肉唔太肥，夾埋一齊食啱啱好。平時食拉麵都覺得d湯好鹹，食完之後勁口渴，但豚王就唔會，可以自己揀湯底，少油少味精，食完都冇咁肥。😎😎朋友叫左碗黑王（墨魚汁湯底），少辣。碗麵上面有個類似黑色雪糕球的物體，朋友話食落去好似係蒜粒，湯底有海鮮味，徝得一試。另外試埋兩款日本啤酒🍺，惠比壽全麥啤酒（金色）和札幌啤酒（銀色）。推薦前者，麥味比較重😋。

因為就時間7點15分睇戲，得返45分鐘食個晚餐🙈本來一心去食Triple O但原來執左，行下行下見到豚王，見到唔洗等位又唔多人，應該食得切，就衝左入去😌同朋友一人叫一款，一個辣度3，一個芝士翠玉。先講朋友個辣度3，香辣味一流，刺激呀😆麵底都多，煙韌有口感，腩肉軟綿綿，整體唔錯。個芝士翠玉有一堆芝士粉，個人覺得有d膩，食到滯滯地😂肩肉肉味濃肉質鬆化，成碗既口味獨特，我都係鐘意豚骨湯底，會清d*我溝左d辣湯底去翠玉，真心溝埋係幾好

豚王曾經是香港一家超人氣人龍店，中環總店開業不久之時，天天在店外排着一條幾十人的人龍，食客為了吃一碗豚骨湯拉麵，每每輪候超過兩三小時，風頭一時無倆，亦因如此，不少過江龍拉麵店到香港開業，以圖分一杯羹，在這十多年間在香港牽起了拉麵熱潮。上星期路過沙田新城市廣場，見有一豚王分店在此開業，想起久久未有光顧該店，決定停下腳步，重温美味。點了他們的招牌拉麵-豚王，麵選了適中硬度，先喝湯，跟以前的一樣味美，有着稠濃的口感，味道甘香鮮甜，豬肩肉片的肉質爽脆，比較豬腩义燒的甘香濃味，我較喜歡前者。煎餃水準一般，餃子底部煎得香脆，但豬肉饀料太乾，沒甚肉汁。