百份百餐廳 (Closed)

首先令我不佳係我話要凍檸水少冰，但拎到黎係一杯全杯係冰既凍檸水😡第二係身為一間餐廳連供應紙巾都無，問佢有無紙巾，侍應竟然講本公司唔提供紙巾，可能我語氣差，佢走去拎左幾張比我，但我一直係不同時黎呢間餐廳食野，都會主動附上紙巾😡😡第三有時我試過同朋友黎食，我只係叫咖哩豬扒飯，我朋友叫焗飯，但我朋友個飯比我個快上，最後連我朋友都食完，我個飯都未到，要催先得😡😡😡唔知係咪得呢間係咁，真係激死人，係長亨要食午餐或者晚餐真係好少選擇，真慘

只定野吃，歺蛋治，公司三文治都沒服務極差，同剛開張差有遠，中午太小野吃，食物品質差到沒野好講，沒要求，吃個白飯底套餐白飯冷的，問樓面追野食，等左20分鐘以上叫佢幫手看看都係同你講等下啦，追都唔追下，甘服務態度。

食晚飯叫水煮魚67蚊好普通冇咩辣味水煮魚風味欠奉木薯粉好易斷魚肉明顯唔係片出來所以肉質食落唔爽普通茶餐廳始終唔係專做辣味菜式既專家質素黎講係咁上下叫左杯凍奶茶真係吹漲成杯野冰多過奶茶起碼八成係冰飲左三啖已經冇哂質素愈做愈差

沙嗲牛肉出前一丁，味道比以前進步左，沙嗲濃郁左，以前係淡而無味的，但加啲葱上去係咩玩法？味道即刻差哂，好似食緊魚蛋河咁如果有啲客人唔食葱，你係咪要重新再整過碗？

如果你居住於青衣山上，即曉峰園、長亨、長宏的，那你一定深深體會到食物荒島的感覺。🏝以我所知，青衣山上，應該只有長亨以及長宏是有食肆😕。當然，長宏的只有一間茶餐廳，所以山上大部份人應該都會擁至長亨商場／街市到填肚。🚶🏻‍♂️🚶‍♀️🚶🏻‍♂️🚶‍♀️位於長亨商場的百份百餐廳，看起來是比較企理的，始終都屬於連鎖集團的食肆。但是，食物質素又如何呢？🧐今次，我就一早來到長亨那邊，打算先食過早餐再做自己的事。我來的時候應該是10點45分左右，可能是假日的原因，比想像中來得多人，基本上早餐時段都已坐滿人😯。（或者街坊都沒有其他選擇？！）所以我都要與街坊們搭台。看看早餐MENU，基本上都是一些例牌的早餐，沒什麼大分別。但係，我個人覺得百分百的早餐定價亦不算便宜，沙爹牛肉面配熱飲都要$33，仲要沒有餐包。對比起出面一般茶記，實在係較為昂貴🤜🏽。我就選擇左蘑菇鮮奶炒滑蛋、多士配迷你火腿通粉，$32。叫左之後大約等了十分鐘左右就到，件多士都頗大件，而且多士上面有蒜蓉同牛油，閒起來幾有蒜香味。可是，食入口既時候，發現塊多士已經係凍凍地😰，嚴重影響多士既軟硬度。不過，炒滑蛋就做得較好。份炒蛋我估計用上超過2隻以上蛋，

秋高氣爽，假日最適合去登高，今次去左青衣行山，行完岩岩3點3，無理由唔去tea 下，立即尋覓附近餐廳，見呢間拎過某雜誌的獎項，就試一試佢-百分百餐廳 cafe 100%。一入到去餐廳，其實感覺不太好，眼見好多檯都係無抹，好污穢的感覺，諗住都好快食完就走，快點選餐算呢間餐廳既下午茶餐都幾多款式。男朋友點了 白汁吞拿魚三文治 。一上檯，Eeeeee,有驚喜！三文治會烤底，仲要落左蜜糖先烤，令到麵包食落脆脆的，帶一點蜜糖既甜味，大家都知麵包同蜜糖係^完美配搭^所以裹面夾著普通的白汁吞拿魚都覺得味道不錯。而我就點了原隻炸雞脾配脆脆薯條。雞脾是即叫即炸，個日我地食完三文治，大概等多15分鐘就有得食。雞脾一上場，個皮仲會發出炸炸聲，勁香噴噴，聞到已知道等·也是超值得的食埋第一啖，嘩巧巧食呀！！！！皮脆卜卜，肉好鬼J U I C Y ahhhhhh薯條仲要係鋸齒款，太正了吧！！雖然環境唔算太乾淨，但食物不錯，尤其是原隻炸雞脾，同場有人食緊Q版一口西多士（煉奶），感覺也不錯似的，留待下次再試了

這餐廳已在長亨邨迄立了好幾年，剛開業時食物質量及味道也算不錯，暗中滿心歡喜， 在家樓下難得有間像樣的餐廳，真是太好了，至少在十多年內都未曾出現過。剛開業時的質素，可惜只能維持了一段很短的時間，起初減少樓面的人手，坐了很久沒有人幫忙落單， 漏單情況自然也少不了，侍應生做得辛苦，自然脾氣也變差，後期連廚師的廚藝也飄忽起來了，慢慢地食客多了投訴及怨言，但長亨邨裡也沒有其他的選擇，因為長亨邨的其他食肆…………都不像樣。我已沒有光顧了一段長時間，他們的服務態度我真的受不了，廚師水平也不斷下降。隔了一段時候，不好的印象有點淡忘，今日一人又去踫踫運氣!印象中吃過幾次海南雞餐也能保持水準。安全起見都是點了海南雞飯。肉質口感帶韌，也出了不少牙力和它鬥一番。雞油飯沒有一㸃雞油香，飯還帶點硬，放了一些炸過的蒜粒，像過了氣的感覺，一點也不脆口，黐牙的感覺一點也不好受。醬汁也是平平，也取回不到什麼分數。以前這個餐是奉送清湯，擺設也講究，蘿蔔也是分開上，現在感覺隨便了，變成普普通通的一碟“碟頭飯”。以前所打造“大廚推介”素質高的感覺也消失了。奶茶的靈魂就是茶膽，整杯奶茶完全是靈魂出竅，奶茶中這杯算是極品，果然是

我食晚餐叫左鐵版牛扒黎食 首先搞笑既係 我叫多汁 佢黎左多飯都算啦 無咩所謂 點知 多飯會無左炒飯 變左完全白飯= = 我為左炒飯先叫 , 佢話無得換 ,廢事浪費食物算啦之後鐵版完全唔夠熱 汁倒落去時 完全無聲... 呢個餐廳特點?=0=餐牌既薯王..係好大件...最後上黎既係比m記更差既薯條 硬得黎一d都唔脆=0=基本上無咩事應該唔會再食.. 我好少俾差評= = 但服務 味道 抵食 咩都俾唔到高分= =

星期六是但搵間茶記食早餐。因為我係蕃茄控，叫左蕃茄湯餐蛋米粉，跟餐有餐包同熱飲。餐包極難食，似係多次翻叮嘅餐包，又硬又冇味，最大問題仲要唔暖！即係叮左好多次啦？？想要牛油又要另加錢，咁我寧願唔食個包了！再講蕃茄湯餐蛋米粉，蕃茄湯其實只係筆左一湯匙蕃茄蓉落清湯度。不過都算食得落口嘅！總括真係唔想自己煮，是但搵間茶記充飢！

路經只見有兩間大型連鎖快餐。只見呢一間餐廳仍在努力，就試一試幫襯下，入到去，服務員都好有禮貌，座位舒適，不會有壓迫感，上食物速度很快，雖然過程有啲錯漏，都不用我出聲服務員即時跟進讚！好醒目。價錢亦可以接受。

早排有朋友黎左青衣搵我，於是帶左佢去長亨商場食下野填肚，其實長亨商場既餐廳就真係一隻手數得哂。我就帶左佢入下午茶都幾抵食既百分百啦。入到去環境都幾好幾舒服。我朋友一睇餐牌見到下午茶既價錢都話算好平下，而且選擇都好多。我地就叫左個西多士同埋口水雞配米線。個西多士算係不過不失，整體夠熱，細細粒咁炸岩岩好係一口size，份量十足，作為下午茶已經夠哂飽有突。至於個口水雞就真係估佢唔到，本身以為茶餐廳水準應該好唔得去邊，不過佢又真係整到個味道出黎，係有小小唔夠辣咁解，不過整體黎講都好夠味，唔錯唔錯。

星期日清早，打算同屋企人食個美好早餐，為假期充充電。今次近近地，落左屋企樓下的茶餐廳—百份百餐廳，叫左個漁人碼頭($30)同早晨全餐($26)漁人碼頭既係魚柳餐，有煎蛋、焗豆同芝麻包，跟餐仲有飲品，好似幾吸引幾抵，不過餐到就完全係兩碼子的事。魚柳：極度細件，炸粉包住哂舊魚，橫切黎睇係上下兩份炸皮加一份魚肉。而且炸到反哂光，啲油多到你唔信。食落口唔單止無魚肉味，仲有一大陣萬年油的味道！就好似返大陸食劣質炸物咁，非常可怕。煎蛋：同樣係反哂光，感覺係以一大鍋油煎成，無賣相可言。食落口係好鞋既口感，非常老，食多兩啖都會起渣。焗豆：上碟只得六粒，唔多唔少。同侍應反映先俾多一小碗，大約有八粒。食落口係凍既，應該係就咁係罐頭焗豆度裝出黎，缺乏誠意和心思，差！鬆軟芝麻包：一睇就知係麵包店賣兩蚊個個啲，又凍又硬，睇到都唔開胃，唔想食的情況下決定拎黎餵屋企的小狗。無諗過百份百餐廳的質素可以變得咁差，希望餐從速改善，免被大集團餐廳壟斷。

不知道有否讀過「百份百感覺」的漫畫嗎？又或者有沒有看過「百份百感覺」的電影嗎？在下兩者都沒有看過，或者在下並不特別鐘情漫畫或港產電影吧，所以都沒有特別留意。在下知道有間百份百餐廳的連鎖店，不知道是否與漫畫或電影有關？這不得而知，反而令在下很容易地把兩者扯上關係。不過在下看到餐廳的名字，也不會令在下立即驅身前往。進入餐廳，沒有使在下感受到如漫畫或電影中的情節，只是一般茶餐廳而言，座位也有別於其他茶餐廳，全是有椅背的座位，坐得也較舒適而言。餐牌中，有台式的食品，如魯肉飯等，也有炒粉麵，也有個別的上海粗炒等，與一般大路茶記的食品有別。其實當中也是來自茶餐廳的。犀飛利肉絲炒麵。這炒麵一如在茶樓和茶餐廳都能吃到的，只是名字多了幾個字吧。在上桌之前還以為是把肉絲放在炒麵上，可是一上桌，就可見到炒麵這麼的高，而且炒得如此飛舞，肉絲就連献汁放在大碗之內，怪不得說是犀飛利啦。還未把肉絲放在炒麵之前，先嚐一口炒麵，確實是脆口，可是卻沒有預期的熱和燙口吧，遂把肉絲舀在炒麵上，炒麵隨即被熱辣的肉絲溶化，由高處慢慢也被壓低了，炒麵雖然或者已被献汁弄到沒有之前那麼的脆，但是那些還未沾上献汁的炒麵仍有脆口。除了以肉

12-4-2013(五)老朋友 CK 於星期日便要返回慕尼黑，噢～大家見得一面得一面吧！我始終覺得好朋友的話，有時間應該要多些出來見面，多些傾談，否則感情很容易會變淡！♬ ♪ ♩～ 難重遇，疏遠易；臨別釋出的善意，明日或輕得彷彿一張信紙。。。～♬ ♪ ♩是日早上， 我的感冒仍未清，他著我不要去遠處，於是他便乘車來了青衣和我吃早餐。我們隨意選在「百份百餐廳」吃個早餐。鬼仔性格的他先來一碟雜果沙律。 他說這裡的沙律也不俗，就算上桌後五分鐘依然夠保持冰凍。沙律汁酸酸甜甜，很滋味，薯仔、蘋果粒吃起來加上沙律汁的，他稱完全不覺得肥膩，很好吃。自從移民慕尼黑後， 他說很久已沒吃過出前一丁麵了，所以他點了一碗美式餐肉出前一丁麵。他可能真的很久沒吃了！ 竟說從沒想過出前一丁餐都可以煮得這樣出色，值十個讚！上桌時熱燙燙的，他說那片美式餐肉很像越南扎肉的味道，但質地較為腍身，上面撒有少許黑胡椒粒，連麻油湯底一起吃最是滋味；而出前一丁麵則煮得剛好，不硬不腍，有爽口感。而我吃些甚麼？感冒，很想吃粥呢！唉！ 原來今天沒有粥餐，那我唯有只喝那杯熱檸蜜。它是用一個大杯裝上，檸檬也有四、五片，絕不寒酸呢。整體嚐起來是

今日我先知道一直叫開的$25-$30湯麵類，唔知幾時開始已經停售了，好失望 睇完D餐牌，發現依家所有湯麵都要$30以上，好貴，就只好叫左個牛腩拉麵，相比其他係較平的。味道不過不失，只係D蘿蔔同拉麵都較硬，我鐘意食淋身D，可能我地趨單，趕住出爐，所以就煮得唔夠淋~話說我地有個湯麵等左好耐未到，叫侍應幫我地CHECK有無漏單，對方話"無得CHECK" 隔左陣，黎左一個重複的食物，但我地只叫左一個，我地想話叫個侍應埋黎問清楚係咪俾錯左，可惜好耐都無人應，人手完全唔夠! 由於個朋友趕時間，我地就叫佢照食~再過多陣，屬於個朋友叫的食物終於到左，我地向侍應解釋，要求取消左呢樣食物既單，佢呢個時候就攞到張單出黎同我們對質，態度好唔友善 奇怪的係單上真係有我地以為俾錯左的果樣食物，原來係落單的侍應寫多左~ 之後我地堅持要取消個order，佢就好唔情願咁攞番樣食物入去~ 雖然證實唔係送食物的侍應出錯，但我覺得佢既態度都唔駛咁差啩!!! 全程扁咀又黑面!!!依家呢度D食物的價錢跟得上高檔餐廰咁高，不過食物既質素同服務員既態度就無提高到，變得好唔抵食!