Cafe 1950歐陸餐廳 (Closed)

食友小聚。選址大圍。心諗又係去楓林食炸物宴。又或者係係食雞粥。點知竟然係食西餐。拾派！用Google Map 定位黎到美林村。唔算遠只係火車站行十數分鐘。係一個屋村入面見到大家樂大快活唔奇。有間空間感咁大既西餐就幾不平凡。唔似椰林閣咁啲位排到密質質。位同位之間有充足既空間。仲有board game 同card game 可以借玩。真係似足香港既cafe 。幾適合一大班朋友聚下玩下。食物訂價係區內算中上了。但CP值奇高。忽略地區因素既話算抵。食物份量足。亦適合多人分食。男子組有唔同既肉食可以滿足一聚食肉獸同摵粒化。食得勁過癮。一黎就係咸豬手。熱辣辣拎到上黎。豬手烤得皮脆而內裡滿滿肉汁同骨膠原。餐廳已代為去骨同切件方便食用。當然如果你喜愛膠原蛋白就唔好放過連係骨上面既筋膜啦。再黎係牛尾農夫包。牛尾大大件。炆得透身。肉淋膠質豐富。農夫包烘得脆口。沾上微辛既咖哩汁。除左個碟就剩返啲骨。啤酒烤雞視覺效果好好。春雞企係啤酒瓶上面唔知屁股痛唔痛呢？皮脆肉嫩唔足以形容。因為最吸引係當我一野扯開隻雞脾既時候啲肉汁竟然係啤啤聲咁流出黎。勁JUICY！仲未夠喉咩？仲有個一黎成枱都嘩然既拉芝士鐵板泡菜雞。食正

雖然住在沙田, 由於沙田太多食店, 只能選擇性去食, 上星期便去了位於美林邨商場Café1950歐陸餐廳食晚飯.我地幾個朋友點了咖喱牛尾配德國農夫包, 西班牙海鮮飯, 德國式咸豬手, 黑松露忌廉燴義大利芝士雲呑和韓式拉芝士辛辣泡菜雞肉石板飯.依加這店新張期內, 凡晚餐點主菜奉送餐湯, 仲有自助水吧任飲, 直到下午12時至關門, 真係可以一邊傾計, 一邊慢慢食. 餐湯是羅宋湯, 料幾多, 我自己較偏愛濃郁一點的羅宋湯, 這個較為淡味.自助水吧款式除了咖啡, 茶外, 仲有茶包, 我就選了無花果茶. 咖喱牛尾配德國農夫包上枱已香味撲鼻, 我本身唔多食辣, 擔心咖喱會好辣. 但這個只是微辣, 咖喱味幾香. 我是愛食牛的人, 牛尾是我愛食之一. 牛尾好稔身, 完全唔覺得硬, 配上咖喱好夾黑松露忌廉燴義大利芝士雲呑的醬汁尚算可以, 雲吞入口有淡淡的黑松露味, 但芝士味卻不太出.德國式咸豬手上枱的賣相好吸引, 而且已經切好. 豬手皮好脆好香, 內裡的肉夠嫩滑又唔會太硬, 味道適中, 愛食豬手的朋友要一試.而且薯條是較為粗身, 口感相對會較佳.西班牙海鮮飯有不少海鮮, 例如魷魚, 蝦, 青口, 帶子等

大圍是我兒時居住和上學的地方，雖然已是多年前的事，但今日來到大圍卻發現轉變並不是想像中的大，仍然尋找到兒時的記憶。在那裡等校巴，在那裡玩耍，仍百歷歷在目。特別是美林村，更是我常來的地方，從前拍照的地方仍在，只是沒有了流水，欄杆也加高了。收工後坐同事的車來到美林村，真的很方便。就算是在火車站走過來，也是大路一條，不到 10 分鐘就踏進美林村的範圍了。美林村無疑是在轉型中，但未必是領匯最進取的屋村商場模式。今夜來到新開不久的餐廳，單看設計和擺設已感受到店方的用心，打造出屋村也可以有歐陸風味，走進店內，嚴如另一個新天地，不說也覺自己在美林村吧！而且這裡更提供雜誌和 Board Game，似乎是一個不錯的消閒地方。餐廳有不同的用餐區，以木色為主調，而且有很多小擺設，挺精緻的。還有這個自助水吧，更是大圍分店獨有的，新張期內，自助水吧更是任飲，而且選擇也不少，汽水，咖啡，朱古力，花茶等，相信總有一款合你心意。先點一個溫泉蛋凱撒沙律，沙律菜新鮮爽脆，拌入了溫泉蛋，多一份蛋黃香味，加上沙律醬和芝士，確是很好的配搭。朋友說這個德國式啤酒焗雞是必吃的，我又怎可以錯過。以啤酒樽為支撐，完隻焗雞置在啤酒樽上，

鑑於這個政府做事素來有雙層魚柳包之威名，加上領匯旗下的商場都被轉成連鎖店（當一個政府信奉Cash is king，這個政府不是poor guy就是pop guy，感動七百萬人關心他們全家 )，故從沒有想過屋村商場可以搞得有多出色，所以當我聽到有食友說有間價錢划算水準不俗的西餐廳在領匯商場裡，心裡只有一句：「係真唔係呀？」。OK，既然是食友介紹，我相信一定比那個中伏朋友的推介來得可信，而且大圍算是方便我，去試一下都無妨的。門外就有一塊大大塊的餐牌，相片看起來當然不錯，但吃過才知是不是只供參考，另外價錢亦算厚道，其實旺區食肆價錢那麼貴還不是那班poor guy搞出來的？老實講我沒聽過小人物小商戶是撐政府的。入去裡面就看到一部留聲機，還有很舊式的木造擺設，營造出懷舊感覺，這種氣氛不錯。一坐下就被告知新張期內飲品無限添飲，跟某日本的意式連鎖店一樣，有汽水咖啡茶類可供選擇。但聽說只有這一間店和快將開張的長沙灣店有。這麼說原來這間鋪也算是連鎖店了？因為款式不少的緣故，也花了好些時間去鑽研餐牌，吃一餐就少一餐總不能讓肚子受罪。同樣是新張期內，點主菜會送上羅宋湯，但看湯色似乎是雜菜湯，喝起來味道很清不

一開始俾裝修吸引而黎，環境確實唔錯，重點係夠闊落，坐得舒服。因為係新開，都幾乾淨。叫左啤酒雞同黑松露豬骨湯鴕鳥肉火鍋，野食好快黎。黑松露湯底真係有好濃黑松露味，好足料！但鴕鳥肉就麻麻地，好鞋。啤酒雞睇落幾得意，之前聽人講喺馬鞍山分店既啤酒雞得個空樽，冇酒。我今次食呢間係有酒既，但得幾滴。隻雞既啤酒味極淡，淡到唔覺有，雞肉好鞋，冇味。唯一可取係雞皮夠脆。新開張優惠可以無限添飲，都算多野揀，有咖啡、朱古力、汽水同茶。無花果茶聞落好甜雲尼拿味，飲落口反而好淡。紅莓肉桂茶就唔係幾啱我口味。個人覺得白咖啡最ok。價錢唔貴，坐得舒服，裝修都算有特色，但食物就好普通。

前排睇雜誌見美林開左新餐廳，大相個芝士雞排好似幾好味咁，既然住沙田咁近，就去試試啦! 首先個裝修以屋邨嚟講真係唔錯，臨走仲見到門口有個game corner, 同朋友食完又玩應該唔錯! 牛肉石頭窩飯：飯底太濕，就算上枱等等，都燒唔乾水。肥牛太厚太「un」太肥。芝士雞排飯：芝士少左啲，上枱好快燶，雞肉唔夠辣，不過少少多滋味啦。燒豬脾：好多枱竹都有叫，上枱前廚房會切好晒。皮好香脆，筋好軟好味，係肉乾左少少，最好味係呢個!最後想讚讚負責餐廳右邊區果位姨姨，服務態度好好，主動介紹有咩好食，個燒豬脾好耐未到，又主動幫我哋催。

香港的溫情小區之一 - 大圍。一出大圍火車站，或許覺得是舊街橫行，沒什麼特別？沒有沙田的大商場、名餐廳，但卻擁有人情味！看到的都是街坊鄰里，在談天說地，沒有藥房、沒有看見行李箱，就是喜歡這種感覺，對於我來說，就像找回上水以前的感覺。由火車站走到美林邨，只需要短短6、7分鐘路程就行到了，意想不到的是有一家富有歐陸情懷的Cafe，有懷舊的風情，喜歡木製的枱凳，而且樓底高因此放置了不少歐陸的罷設。暫時只有大圍此分店有免費水吧，原來因為大圍是新開分店。店員說由於水吧需要在裝修時特別製作出水電位，所以其他分店沒有水吧~溫泉蛋凱撒沙律 $52 溫泉蛋伴入沙律當中，加上沙律醬，菜全都沾滿滿的沙律醬，食指大動！還能嘗到爽口多汁的沙律菜~泡菜豬頸肉石鍋炒飯 $68 已經用泡菜伴好的石鍋炒飯，泡菜的淡淡酸和辣融入飯之中，完全適合這郁悶的季節！酸辣的味道停留在口腔超強，停不了的美味。咖哩牛尾配德國農夫包 $85用農夫包放滿咖哩和牛尾，而農夫包被烤得非常脆口，所以入面的咖哩放了一段長時間，麵包也沒有軟化的跡象。不覺得咖哩辣，反而覺得帶有咖哩香，軟腍的牛尾連同咖哩汁放上麵包，特別美味。韓式拉芝士辣泡菜雞肉石板飯

今日Lunch行過商場見到有間新開既餐廳，睇鋪面好似行中檔路線，同附近平時d餐廳既格調唔同，於是就決定入去試下。入到去坐低，環境唔差，同餐廳名都有d關係，真係有d歐陸風味。我叫左個意式海鮮炒飯，加杯野飲。個炒飯d料都唔少，起碼又有魷魚又有青口之類，加埋d蕃茄，有d酸酸甜甜，都幾開胃。宜家新開張仲可以無限添飲，以咁既環境同食物質素黎講，其實都抵食。得閒會再黎食下，試下其他野食。

尼個區住左甘耐都係得返老街坊，係週六日先有啲後生返來陪親人食個飯，本人亦是個例子. 自從“拎回”尼個大業主終於肯改善下環境，重新整理個商場，居然加入左好多新店，尼間 cafe 1950 的確另個商場年輕化。 價錢大吾大眾化就見人見至，不過我叫既焗雞排飯$46 埋單就可叫中位數，而塊雞扒就的確外香內嫩滑，但裏面並非粉紅，煎得十分通透。肉醬亦好有口感，啖啖肉，同飯一齊食至正！而餐茶亦好多選擇，仲要係任飲，不過就係自助型式。吾知係米咁，佢地既廳面條路相當濶，如果比一般餐廳一定會放多幾張枱做生意。