歷山餐廳

Open Now

Now Closed

今日下晝（18/5）去左歷山酒店到試下個半自助午餐 係同婆婆慶祝生日 本身因為見大家嘅食評都好似普通 所以都無乜期待感 我地兩個都食量唔大同要求唔高就去試下 但點知都好好食‼️真係有驚喜🥰‼️加上我用klook book位平左200蚊（原價743兩位連加一 而家兩位埋單533就食到）不論員工服務態度定環境同野食都超出每人二百幾蚊嘅預期🥰🥰每一位員工都好願意幫忙 想要熱水會另外提供茶壺同茶杯（員工話擔心客人用普通玻璃杯會燙手 好細心‼️）見到有好多檯都想影相 員工都好樂意 而且態度好好有禮貌 差唔多價位嘅酒店員工態度都比較差 呢間真係好好隔離檯都咁啱有人生日 員工（應該係經理 就準備左寫左生日快樂系碟嘅特別蛋糕仲點埋蠟燭 聽隔離講返應該係無事前request 只係入座時提起過 酒店就準備左驚喜🥰 我地見到都覺得好細心野食方面～ 因為係半自助 所以係頭盤同甜品自助 主食就另外order嘅我個人認為選擇都算多 有魚生 生蠔 涼拌小菜 湯 沙律 意粉等等甜品選擇都非常豐富 大概四五種蛋糕 窩夫 芒果拿破崙（超正🥹‼️）仲有熱嘅椰汁西米露都不錯 仲有唔同水果而主食我地叫左香煎肉眼扒 medium rar

話說北角海逸唔好食，我今晚食呢間歷山酒店（都係海逸集團）都不遑多讓。未至於難食，但無論食物種類：熱食種類很少，絕大多數只是較低價及飽肚食材，只有一款熱菜，蔬菜類幾乎只有沙律。味道：沒有一款有想再重吃嘅欲望。甜品好少少，尤其係麵包布甸。賣相：枯了的沙律菜也有放出來，不似酒店吧！裝修：部分有靚裝潢，但椅子質地及顏色令人覺得有發霉感。大致上屬三星級餐廳。優点：交通方便，完全不用冒雨，由炮台山站上橋過橋就到所以都有可取。洗手間：裝潢靚，只係水龍頭感應部分和水龍頭分開，有些奇怪。服務：非常好，有禮貌，周到。令人覺得未至於太失望。本人應該不會再來。

復活節連續四日長假期，唔同嘅網站都推出咗自助餐優惠。喺Klook上面訂，輸入佢哋嘅優惠碼仲有95折。餐廳位置距離炮台山地鐵站非常近，喺A出口上面仲有條天橋係直到歷山酒店。一入到去門口就會俾佢金色嘅大門震驚，為咗配合復活節主題，基成個餐廳都比工作人員裝飾到全部都係打卡位。食物種類非常繁多，一開始我就係拎咗沙律開下胃先。當中我覺得最特別嘅係蟹籽薯仔沙律釀雞蛋。我會食到海鮮嘅嗰種鮮味。之後再試埋佢哋嘅冰鎮海鮮，海鮮方面就冇佢哋嘅蟹。有新鮮嘅生蠔、凍蝦熟蝦、小龍蝦、藍青口同埋海螺。壽司有三文魚、魷魚同鯛魚。我比較鍾意嘅就係佢哋嘅三文魚刺身、甜蝦壽司同埋鯛魚刺身，食得出個味道好鮮甜。我覺得即場整嘅瑞士烤刮芝士伴多士係比較好嘅前菜之一。烤肉果方面我朋友就覺得蜜糖黃梅醬焗無骨火腿好食過牛扒。我就認為重頭戲就係在於甜品方面，去嘅時候正值復活節，甜品上面有少少造型朱古力都係擺上左兔囝或者係復活節蛋裝飾。當中我比較鍾意食嘅就係藍莓芝士餅，造型好可愛，拎嚟打卡一流。跟住就係柚子香草奶凍，柚子嘅酸甜味瞬間開胃。可以為之後嘅haagen dazs 雪糕同埋朱古力餅開路。除咗西式甜品之外亦都有中式嘅甜品，當中我覺

晚市重開，特登約班朋友出嚟試吓呢間新新地嘅酒店自助餐。雖然新開張嘅時候，好多報道blogger YouTubr都話呢個係一個伏，但係本住「讀萬卷書，不如中萬次伏」嘅心態，決定俾錢去試一試佢。首先講吓呢間酒店嘅裝修，的而且確可以話係富麗堂皇，至於風格都真係見仁見智。有啲人覺得係過咗火，土豪化，有啲就覺得非常之華麗 ，但係打卡都不失為一個好地方。言歸正傳，究竟呢個自助餐係咪真係傳說中咁伏呢？簡單來講就一半一半啦。先講菜式種類方面，都有數十款，以中式為主，西式就唔多。中式嘅菜式表現一般高過西式👍個人最喜歡嘅就係黃金蝦同埋片皮鴨。同行嘅朋友就覺得個羊架係最好。甜品方面有六款唔同嘅Häagen-Dazs，仲有啲cake 焦糖布甸同拿破崙餅，仲有炮谷添。但係冷盤就明顯失色啦….長腳蟹好似煲過湯咁，啲肉質好鞋而且好乾身。日式嘅刺身應該係來貨問題，普通去間放題餐廳嘅質素應該都好過佢🥲至於生蠔，味道普普通通啦，但係開殼可以沖乾淨啲……總結：如果你想搵間裝修好啲嘅餐廳，坐低同朋友傾吓計食吓飯，呢個可以係一個唔錯嘅選擇👍但係如果你對食物質素好有要求，又或者好鍾意食海鮮冷盤刺身嘅話，呢度你應該會非常失望。

不喜歡吃high tea嘅孖寶爸，竟然約我去食下午茶，我當然即刻say Yes😆！ 今次去遠啲，去到炮台山的新酒店《歷山餐廳》high tea！這裡的宮廷式佈置很美啊❤️！ 而且有多個超美的打卡位。店員亦很熱心幫我們影相，服務很好👍🏻。下午茶是每位計算孖寶爸唔食high tea，就可以另外單點食物，啱晒佢地🥰佢叫咗辣肉腸薄餅$118《夢幻至臻下午茶》雖然是1人份量，但食物也很豐富☺️。鹹點、甜點亦整得很出色，除了茗茶咖啡，酒店還贈送萄葡氣酒，真是很驚喜🎉！最後還有Häagen-Dazs雪糕添，這個下午茶CP值很高呢！𝕯𝖆𝖟𝖟𝖑𝖎𝖓𝖌 𝕭𝖑𝖔𝖔𝖒 Afternoon Tea🫖🫕鹹點 Savouries鵝肝慕絲脆多士配魚子醬日式蟹籽沙律鹽燒檸檬牛油帶子香煎花椒吞拿魚炆鮑魚酥皮盒帕馬火腿芝士牛角包🧁甜點 Sweets士多啤梨芝士蛋糕鮮忌廉朱古力撻白酒橘子奶凍栗子泡芙芒果拿破崙Häagen-Dazs雪糕🥧英式原味鬆餅 English Scone配果醬及牛油忌廉☕️自選Tea WG 茗茶 or 即磨咖啡🥂每份下午茶套餐贈送一杯店選紅萄葡酒/白萄葡酒/氣泡酒

🤑 夢幻至臻下午茶 $254/person———————————————🌟 夢幻至臻下午茶 $254 🌟朋友生日，好想去酒店食下午茶，於是喺kkday搵到一間幾靚嘅酒店，價錢又唔貴，於是去打卡📸 整體嚟講，食物精緻，味道唔錯👍🏻 最底層嘅鹹點值得一讚，麵包類鬆軟，肉質幾嫩😋 中層嘅scone比較硬，唔夠鬆軟，本身應該用quarter cream，但酒店可能用左無鹽牛油，好失望。最高層嘅甜品中靚中矩🧐不過，個人認為，食酒店下午茶食環境多過食野食🤔 酒店餐廳裝修華麗，坐位幾闊，幾舒適❤️ 職員服務態度好好，見我地環輪流幫大家影相，主動問幫我地影合照🙈 ———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️衛生：⭐️⭐️⭐️⭐️抵食：⭐️⭐️⭐️⭐️回購？會✅———————————————🚶🏻‍♀️ #youngcfood_hongkong🚶🏻‍♀️ #youngcfood_fortresshill🕵🏻‍♀️ #youngcfood_dessert———————————————📍歷山餐廳📍北角城市花園道32號歷山酒店大堂樓層👣 港鐵炮台山站B出口, 步行約2分鐘...#hkf

呢排疫情甘嚴重 盡量都少出街😮‍💨所以都四圍睇下有咩平台有優惠又方便甘岩見到有個平台okibook好多餐飲美食,staycations 等優惠 👍🏻所以又試下既takeaway tea set 🌟Dazzling Bloom Afternoon Tea Set 鹹點方面有鴨肝慕絲脆多士配魚子醬,日式蟹籽沙律,鹽燒檸檬牛油帶子,香煎花椒吞拿魚,炆鮑魚酥皮盒,Parma ham芝士牛角包每款賣相都好靚而且味道亦不錯👍🏻最中意係係炆鮑魚酥皮盒 鮑魚好軟腍而酥皮盒夠酥脆仲帶有菇菌香氣😋另外帶子亦好鮮甜配埋醬汁 口感層次再豐富左🙌🏻甜點方面有士多啤梨芝士蛋糕,香芒拿破崙,鮮忌廉朱古力撻,白酒橘子奶凍,粟子泡芙甜點整得好精緻特別係手袋造型既🍓蛋糕真係岩哂打卡,拿破崙層次分明 酥皮夠酥脆配埋好甜既芒果同吉士醬 真係好不錯😋英式原味鬆餅配果醬及牛油忌廉Scones 外表烤得酥脆 內層口感濕潤又鬆軟👍🏻每份下午茶套餐仲會配上即磨咖啡或Tea WG茗茶，更奉送店選既紅葡萄酒、白葡萄酒或氣泡酒整體來講價錢好抵食 味道亦不錯 性價比幾高🙌🏻

第二次來到這下午茶，今次值得一讚的是服務態度，當我們吃不完下午茶的時候，侍應主動提供外賣盒給我們帶走,貼心的態度值得一讚。食物方面,換上全新餐牌，鹹點方面，鮑魚酥皮撻，鮑魚美味可口酥皮撻也鬆脆。鵝肝多士，多士太硬了，如果可以令多士軟一點更好。甜點方面,一個像可愛手提包的紅莓mousse蛋糕，雖然造型可愛，但味道太甜了。另一帽子造型甜品，打卡度十足。可惜也太甜了。英式下午茶重點的scone 也太硬了，上碟後已不溫暖。整體來說，這裏環境勝過食物，還有很大進步空間。

環境影相係好靚！但個afternoon tea 好難食😥😥事後聽過係行內最難食嘅tea😵‍💫同埋個蛋糕支蠟燭好醜樣！又係唔好食嘅！唔會再去食！同埋影相打卡靚嗰個位係一條走廊位！如果唔係坐喺個走廊位，其實個位置都係好普通！

囡囡生日想食自助餐，由於接近聖誕節，所以選擇lunch buffet價錢比較相宜👍🏻 歷山酒店假日lunch buffet, 折實$441/位，聖誕期間算平👍🏻冷盤有即開生蠔，青口，凍熟蝦，生蠔呢個價錢算係OK。至於中式麵檔嘅喇沙湯都OK。頭盤類別我就鍾意鴨胸，蕃茄芝士，陳醋青瓜木耳，Parma ham，煙三文魚湯有忌廉南瓜湯，做得非常出色，囡囡飲咗兩碗。另外仲有爐火中湯，我都飲咗兩碗。至於熱盤，值得推介嘅係燒牛肉，火腿，黃金蝦，蒜蓉粉絲蒸扇貝，原條蒸魚，春卷。甜品我覺得係呢度嘅重點，超級多款蛋糕選擇，包保有一款啱你，至於雪糕係用Häagen-Dazs，我亦都好鍾意呢度嘅即製waffle及crepes，我加花生醬及煉奶，超正。聖誕節期間以呢個價錢，有呢啲食物，算係唔錯。但係當然，同晚餐buffet比，晚餐豐富好多。記住喺佢哋e-shop買voucher有折。

同朋友聖誕黎staycation， package 包tea set餐廳環境幾靚，侍應著埋好有迪士尼feel嘅圍裙，都幾有聖誕氣氛。一黎到就見到有大陸「網紅」set曬燈直播，好彩唔係安排坐附近🤣🤣tea set包一個WG Tea/ coffee同一杯酒我間左champagne 同蝴蝶夫人茶tea set詳細有咩我就唔多寫，主要寫好咩幾好食鹹點方面，帕馬芝士火腿牛角包，鹽燒檸檬牛油帶子同香煎花椒吞拿魚唔錯， 不過呢幾款食材都好難出事嘅🙊雖然用料唔係會好高質但係味道唔差甜品方面就一般，大部分甜品都好甜同多cream，食到好濟。不過佢個香芒拿破崙就真係唔錯，我見其他唔係staycation嘅客人多數都叫佢英式鬆餅就不了， 好似食緊光酥餅咁。

第一次去歷山酒店，揸車去要揸落一層先去到大堂門口，代客泊車服務好。入咗大堂直行大概一分鐘就行去到食自助餐嘅地方。一入到去職員已經問電話號碼查番booking，好過其他餐廳又要問你貴姓問你乜問你物。自助餐嘅環境好好(不過個人覺得聖誕節嘅自助餐應該要再加多啲聖誕佈置會更加有氣氛)，食物質素我覺得屬於中上，不過服務就簡直係超班，服務十分周到，收碟收得快，見到張紙巾用得污糟都自動幫我換，仲拎多幾張俾我，十分貼心。成餐我覺得最滿意嘅做嘅歌麵包蟹蟹蓋，不過每次出得唔多。最開心嘅係，佢哋有一棵佈置得幾靚嘅聖誕樹旁邊仲有兩張櫈，職員係嗰度幫我影咗張全家福，以為自己去咗studio 🤣總而言之，服務一流👍🏼

首先講裝修啦，根本唔係宮廷風係東莞骨場風，靠窗個邊還好少少，下面堆枱直頭似飯堂。講個tea先，-Parma ham牛角包，認真咸到要洗腎-帶子話哂火，好柴食瑤柱咁-燒吞拿魚，望色水都唔知條魚過左身幾多年-scone，好難食，冇牛油白唔熱又硬，係麵包嚟-clotted cream冇味冇奶香-奶凍冇味，個口感唔似奶凍-蘋果汁係溝水咁嘅質素都可以引到kol去食，呢班人應該係食屎大

這是一間比較新的酒店，由炮台山出口，行經天橋，完全不用經過馬路，既安全又方便。置身在高樓大廈當中，這裡卻是別有洞天，步入大廳，裝潢金碧輝煌，環境甚是有氣派。望眼四處，很容易就看到以自拍為記念的人，記錄著這時這刻這地這人，大家一定很明白曾經的感覺。今天吃了一頓，很飽亦很寫意。這裡的服務很好，服務員都很有禮貌，雖然未至樂而忘返，也令人感到賓至如歸。燒味略瘦， 荷葉飯太乾身是整頓飯不夠好的食物。燕窩羹雖然欠了圓厚的燕窩，竹笙及南瓜令味道很鮮美。食這裡的泡芙是最有意思，一口一泡芙，如果皮再做細緻些，口感會更完美。

食物種類好少，味道只能說是中等水準，服務算普普通通都過得去，只能講性價比好低，壽司完全唔得……………..從來未食過咁難食既自助餐…………算，都唔緊要，食完幾百蚊既自助餐…………..結果全部九成人急性肚瀉，屙足一晚，生既食物真係好唔乾淨，所有有食壽司生蠔既全部肚屙……….大家想去試真係要三思，要有入急症既心理準備…………..以後唔會再考慮幫襯呢間餐廳…………………..嬲到我要專登寫食評，真係食物衛生好重要…