Cafe&Meal MUJI

Open Now

Now Closed

Cafe Muji 98元一份三品午餐，實在不便宜，但好奇怪地，間中就會想去食返餐。其實几好食，我通常揀三品 / 四品餐，好像多點選擇開心D。我多數會選四品餐，有兩個冷盆兩個熱盆選擇。這裡的冷熱盆各有10-12款選擇，應該唔會揀唔到自己的喜好。選好菜色，再選白飯 或 十瞉飯，我喜歡十瞉，煙煙韌韌的，再加上一個清湯，就是一份四品午餐，成為$118。喜歡甜點的可以加錢要個cake。哩個價還要自助買餐，好似唔抵咁，但勝在菜式多且好味，環境也舒適。間中文青下都唔錯。

Boxing day 來到又一城行街街，已有心理準備會好多人，離遠望到大大個牌寫住 muji cafe ，在香港開店多時，一直已經好想去試下但又未有機會，今日喺時侯了。攞左飛仔後，望下店內的裝修，貫徹無印的作風----簡約 （掛住傾計同食，完全忘記左影下個環境）。坐位空間感都充夠，可能樓底夠高，就算坐滿人都唔會感到焗束，適合情侶傾計。等左唔夠 5 分鐘己經有位，知道自己坐邊後需要再行去出面排隊落order ，模式有啲似以前學校canteen。 由於選擇實在太多，有熱和冷盤，午餐都未食就已經到tea time，所以我揀左個 4 餸set （HK$ 108），啱晒我眼闊肚窄，心多多想試多幾樣野食的我。先介紹12 點方向係芝麻醬拌菠菜冬菇 ---芝麻醬係一樣非常惹味 但又極度邪惡的醬汁，但佢沒有加上太多芝麻醬，只是剛剛好而已 ，菠菜清甜冬菇亦算香滑 。3 點是甜椒醬炸雞---外層只是輕輕炸過，保留肉汁，所以沒有厚厚的炸粉包圍，每一啖都係雞肉，酸酸甜甜，所以佢即使是全雞胸肉，亦唔會太滯。6點是牛蒡豆腐沙律---將牛蒡刨成幼絲，夠晒爽口，再加上大量的 baby spinish  同埋碎豆腐 。9

之前係九龍塘上堂，本來想在food court吃午餐，但無奈太多人。。不想去麥當勞，食物太肥膩了，於是第一次光顧位於地庫的Muji cafe有set lunch, 數個餸加飯或面包加面鼓湯/茶/咖啡 -.- -.- 😓餐廳以自助餐形式經營，要自己點餐和拿餐盤面豉湯，四餸(二冷盤 二熱食)，五穀飯 (超過100元）因為沒有理由俾這麼多錢吃面包🙅，所以不選擇面包，選擇五穀飯面鼓湯的份量不算太多，味道普通冷盤(菠菜和水果沙律)的味道不錯肉(豬仔脾和黑醋醬豚肉)的口感有點乾，豬仔脾的份量和味道還可以，但豚肉的份量太少，太咸五穀飯味道很淡😓，很健康。。。😂整體很有日式便當的感覺，cafe適合間唔中high tea🍮，專程吃午飯就唔抵🙅，距離產生美

可能是假期將至，今天去九龍塘工作，所有餐廳都需要排隊。本來想去simply life, 原來裝修中。朋友介紹過Muji Cafe, 就即管試試吧！取票後大概等了十分鐘，店員安排入座後，會放一個reserve 牌子及餐牌。點餐是以自助形式，大部分客人點了三品或四品餐。就好似日式的車仔飯。三品是兩個冷盤加一個熱盤，四品是兩個冷盤加兩個熱盤。餐會跟一個湯及白飯/十穀米。由於很肚餓，最後選了四品。冷盤選了麻油菠菜及比目魚薯仔沙律，熱盤選了甜酸毛豬和味噌比目魚，再加十穀飯追加一個熱咖啡（+$15）。賣相十分簡單、整齊，這就是中國餐廳需要學習吧！魚沒有很老，味噌份量剛好，豬肉很香及很好有口感。十榖飯用的是日本米吧！既香又滑。湯是值得讚，菇味香而且很甜！稍嫌咖啡沒有炭燒香亦太淡口。否則完美！

下午不太餓又想吃點較健康的輕食, 又一城新開了Muji Cafe又未試過, 不用等就試一試好了。Healthy Meal: 選了這個healthy meal, 有一個麵包(是日指定麵包為粟米藜麥包), 另可選一個熱盤及一個冷盤, 再配一杯飲品。熱盤選了味噌烤比目魚, 魚肉油香很足很嫩, 冷盤則選了蜂蜜芥末醬汁帶子沙律, 汁醬清新帶子是刺身帶子, 很鮮味。粟米藜麥包店員焗熱了, 包面的藜麥帶一點香脆, 麵包有淡淡香味, 很好吃。再配上一杯熱烏龍茶, 完滿了。

The first time having lunch in muji cafe It wasn't full during lunch time. My friends helped me order this 🍛 curry chicken rice.They have 8 cold side dishes to choose from And you can search it online on their website. That's very convenient ! It costs $98 with a soup(with lots of mushroom inside ) , and you can choose either having rice, wheat rice or bread! It will be better if it's cheaper Lol

對自己的工作厭倦到只想辭職不幹，可我又沒有父幹，只能默默搵工吧。見工令人沮喪，不吃點好一點的都止不住眼淚啊。終於，在萬念俱灰的情況下試了一直想試的MUJI CAFE，果然食物會令人心情變好(一點)呢。2人午餐，點了一客三品料理套餐($95)和蛋批套餐($88)。三品料理套餐可選冷盤2款及熱食1款，我選了抹茶凱撒沙律﹑烤雜菌伴半風乾蓄茄和蜂蜜烤豬仔髀配有機磨菇。主菜出乎意料的好吃，豬仔髀又「林」又入味，下次可以再戰。

喺又一城食完一個唔想再提嘅brunch之後， 我哋都係想飲杯咖啡再食件cake彌補一下 嗰種失落感， 無印cafe開咗一段時間其實都想去試好耐， 所以逛咗一陣街之後我哋就直接走咗落去飲咖啡同食件cake一行到埋去蛋糕櫃， 畀兩件忌廉卷吸引咗我哋， 我哋一人點咗一件， 再加一杯咖啡忌廉卷外面嘅海綿蛋糕質感啱啱好， 好軟熟亦都唔會太乾， 我先食咗一啖宇治抹茶忌廉卷 ，入口唔太甜，當然忌廉亦都好creamy喇 而我朋友話佢嗰件無花果忌廉卷亦都超級好味 仲要好細心地其實每一件忌廉卷都有相同大小嘅一件無花果喺中間， 應該造餅師傅係將每一個無花果最闊嗰部分留低放喺忌廉卷中間 ，咁啲頭同尾攞出去邊呢？？最後順帶一提佢哋亦都有熱盤同埋麵包鹹點供應，下一次一定要試一試先

又一城終於有新野食，就梗係要試下啦。呢度係先等左位，有位再行出去自助式揀食物然後比錢。今次決定揀三餸飯，可以選擇兩款冷盤同一款熱食，全部都show哂出黎比你慢慢揀。全部都好似好吸引，冷盤分別揀左芝麻醬拌菠菜冬菇同烤雜菌伴風乾蕃茄。2個都清神開胃，做前菜真係一流。而熱食就揀左西班牙馬鈴薯奄列，反而呢個就有d失望，比較乾，d蛋好老，又冇咩味，下次會揀d有醬汁既撈下飯。飯方面都有得揀，我揀左十榖米，健康d吖嘛，以為會好硬但又冇，反而仲有d黏口好好食。總括黎講係好食，但價錢略貴，份量亦對男仔黎講都唔太夠。

九龍塘呢間Muji Cafe樓底特別高，感覺好寬敞。下午茶時2:30pm開始，今日星期五去到唔太多人，唔洗等位👍🏻侍應會安排座位，入座後再自己去買野食。蛋糕種類好多，而且全部都好精緻😍某啲蛋糕連指定飲品可以跟飲品（$68）一set。但我揀嘅白桃撻（$40）就要散嗌🙈好靚😍雖然都幾迷你，但食完都飽飽地。主要原因係真係好甜🙈食到滯。杏仁碎好多，連埋撻食好感豐富。撻嘅最底係脆嘅酥皮，上面有好甜嘅軟蛋糕，同埋白桃☺️。白桃唔係超多，仲有焗完只後點都會乾左，同埋真係好甜🙈😂食完成個有少少喉嚨痛😢。好彩可以嗌杯水飲👍🏻另外呢個鬆餅（$12），比較多牛油，食落油膩。侍應好細心，見到我拎野食返枱即刻幫手執走枱上嘅野👍🏻總結黎講坐得幾舒服，但再黎嘅話會試其他蛋糕。

Finally got a try on the greentea cake !We ordered it around 6pm with the teaset $68. We had this slice of cake and my friend got a cup of tea. Luckily the tea set was still available at sharp 18:00. The seats are comfortable and not much people there during weekday. It's a self-served restaurant. You have to get the table first and order the dishes from the counter

#fridayla_klt⠀⠀⠀⠀⠀⠀⠀⠀⠀⠀⠀⠀⠀⠀⠀🇯🇵DELI SET 四品料理套餐🔸🔸🔸🔸🔸🔸🔸🔸🔸🔸🔸🔸🔸🔸🔸🔸🇯🇵Choice of 2 Cold Delis & 2 Hot Delis🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀已經食左好幾次，終於抽到時間介紹比大家😍😍 ⠀⠀⠀⠀⠀⠀⠀⠀⠀⠀⠀⠀⠀⠀⠀每次去完日本之後，其實都好掛住佢d日式家庭料理😫用料樸素得黎又有心思😳😳⠀⠀⠀⠀⠀⠀⠀⠀⠀⠀⠀⠀⠀⠀⠀好味之餘又溫暖😍😍 ⠀⠀⠀⠀⠀⠀⠀⠀⠀⠀⠀⠀⠀⠀⠀而香港既Muji Cafe就比到呢種窩心我😍 ⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣環境開揚，設有開放式廚房，及堂食區，設計簡約而潔淨，簡言之姐係無印風，有種賓至如歸既感覺🤤🤤 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣Cafe主張考究原產地季節食材，用簡單烹調既方法，保存食材原味；依家就主打緊秋季食材，想品嚐健康又豐富既日式家庭料理既你，重等咩呢😎⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀

我之前已經幫襯過尖沙咀的無印良品餐廳好幾次了，而尖沙咀的是坐低後有人幫你落單及有人送上食物。而又一城的就像 Food Court 型式，要先㩒飛仔攞枱先，有枱後再出去排隊揀嘢食，揀完後再俾錢，過程就唔似得尖沙咀的舒適。而職員所俾的餐牌內的食品，(指的是幾品料理)同出面所見的款式可能不一樣的。所以如果是想食三四五品料理的話你等位時親自望吓好過。食物質素保持一貫日本風情，精緻美味，餐湯內有好多料，夠鮮味。整體好味但熱食物品唔夠熱。而另外加一個酥皮菠蘿撻，這件可以唔使試，因為$40唔低食，普通到唔普通。最後值得一提是職員好有禮貌，尤其是一位又高又瘦的年青男，有禮貌外亦相當有責任，但唔好意思睇佢名牌貴姓，真係好想讚揚佢。

放工之後約咗fd去食，其實都好耐無行街，亦都唔知muji開咗間餐廳。因為本身個地方都好大，同埋周圍以啡、白為主調，所以個環境都好好、好舒服。不過由於空間感強，以致位置唔多，所以都等咗應該有15分鐘先入座。佢嘅叫餐方式係：入座、出去點餐、之後收銀。我地三個叫咗：1. 牛油雞肉咖哩十穀飯（配一個冷食） $98 + 香糖布甸 $30感覺其實係碟頭飯咁，不過唔辣，好食就好食嘅，但就貴好多，所以真係勝在個環境。冷食叫咗個菇菌，有少少酒味，OK嘅。至於個甜品，本身係$40，跟餐$30，都算大個，好滑，好好食。我諗黎呢度都係食甜品好過食餐2. 黑毛豬 $148 + 洋甘菊 $48/壺呢個無影到，不過真係唔會飽，因為佢無跟飯嗰啲，只係有少少薯仔，同一塊唔大嘅黑毛豬肉。至於洋甘菊就好大壺，好夠三四個人一齊飲3. 四品料理 $108 + 琉球紅茶 $15/杯呢個其實就係四餸飯，兩個冷盤兩個熱食，再配碗白/十穀飯。叫餐時唔好睇餐牌，要去到counter簡先會係最update嘅。圖入面唔係三個餸，因為佢有個餸係沙津咁，放係碟上面。至於個茶就係一杯用muji茶包沖嘅紅茶就係咁，當係cafe傾下計唔錯，不過專登去

呢個係小妹寫嘅第一篇食評，大家多多指教呀😉因為朋友身體響起警號，於是小妹我就一齊去搵d健康野食，成日都話邪惡野係最肥但最好食🤣🤣今次就去左muji cafe睇下健康野可唔可以都好食先因為muji cafe係自己點食咩，簡單來說就是高級canteen喇，價錢唔算貴，但份量少左d，好似小妹我普通女仔嘅食量就夠嘅，但如果係男士黎食，都幾肯定唔夠，可能要叫多幾款餸喇～～味道呢，其實幾唔錯，薯餅、紫薯沙律都幾好食，值得一試