紅蔥頭 (Closed)

平時都有同大班同事去哩度食lunch,間中都有食下晚餐㖭，早兩晚同父母食飯，試左個新推出既安格斯套餐同一個二人套餐，羅宋湯就咸左少少，但件安格斯就真係唔錯，有牛味，豬仔骨係就係鞋左啲，但味道都幾好，卡邦尼都保持到水準，係個心太軟焗到變左朱古力蛋糕，咁我諗住算啦。點知部長話同經理問聲，換過個俾我啦，當堂開心曬。咁我地平時都有食開哩度，又唔覺得服務同食物有問題喎，可能自己都係做服務業，都頗了解事情。作為一班熟客，我地都希望你地長做長有，加油，我地係會繼幫襯既，希望食lunch唔洗等太耐位啦

真的很難得遇到一間咁差勁的餐廳，食物差，環境差，服務仲差，真的物非所值。 星期六與家人滿心歡喜地來到始創中心吃晚飯，每間食肆都排滿了人等位，以為幸運地到此餐廳剛好不用等待，原來竟然是噩夢的開始，我們點了二人套餐，包括餐湯，蒜茸包，原條豬仔骨，香草忌廉龍利飯。另外點了三文魚凱撒沙津，地中海風味雞翼及心太軟甜品。 首先，餐湯味道都算ok，但蒜茸包吃不到蒜茸味，雞翼又過鹹，原來地中海風味只、得個「鹹」字，三文魚凱撒沙律沒有跟沙津汁，也沒有沙律汁撈過，只吃到芝士粉的味道，豬仔排骨得個樣，味道極差，又騷又淡而無味，口感粗鞋，湯渣好食過佢，薯條又腍又韌，個龍利鱼柳飯，飯就很多但是凍的，魚柳又是偏鹹，心太軟還可以。 服務方面更加令人生氣，起初都可以的，落order的部長落完單後還提醒我們因心太軟制作需時，必須預早15-20分鐘叫起。期間，落餐的員工落餐時就咁放下就走了，不知為甚麼落了一個我們沒叫的茄汁焗飯，於是便叫侍應生檢查是否是我們叫的order, 侍應生取走了焗飯又沒有交代清楚，但我們叫的龍利柳飯等了二十五分鐘還未到，便再叫侍應生幫手追，並說可以起埋個心太軟，當個位冇禮貌的落餐員工落個心

一看到它，我就已經流曬口水了！雖然得5粒，但每一粒都好大，好厚肉！正！牛肉是用鐵板上的，油的上面，還有蒜頭，所以很香！看到牛肉一邊有點焦，而且上桌時油還有點濺時，便知道另一邊還在被油煎，肉汁已被封鎖在內。我將會吃到新鮮滾熱辣的一口牛！真係好激動！切開，內裡還有點紅；咬下去，外皮的焦很棒，很香口！內裡沒有很多的調味，應該沒有特別醃味，我想這是想讓我們吃到牛肉的肉味吧！就是因為肉沒完全熟透，吃下去還軟稔，不會「鞋」，也不會「韌」。除了外脆內軟外，還吃過帶juicy肉汁的牛肉！真是一大享受！伴菜的是薯蓉，它本身有少少鹹味，我嘗試把牛肉跟它一併放進口裡，這又帶來另一種風味！就像在吃媽媽煮的薯仔煮牛肉！XDD 雖然5粒看起來有點少，但畢竟吃肉類會長肉，份量少點對我來說也是好事。加上，美食嘛，從來都是貴精不貴多，品嚐過就好了！（吃完這個，我極速對厚厚的牛肉上癮了！）

Lunch好抵食，食過牛柳粒紅飯好味，牛肉好食，紅飯夠濃番茄味，整得仲好食過越式ga牛粒紅飯。白湯不會太希不會太鹹，另外卡邦尼意粉都吾錯。而肉醬意粉就一般，期待下次試旦包飯

行開海馬，見又肚餓，就事但揾啲嘢食下，一坐低，就有人攞水黎，咁我地飲啖水，睇餐牌。過左冇耐，就有位部長過黎推介食物，佢同我地講話試下二人套餐吖，有湯，有甜品，有嘢飲架，咁睇下，又覺得好似幾好咁，就叫左個豬仔骨同卡邦尼嗰個套餐，首先，紅湯，白湯同多士嚟到，紅湯都幾濃味，白湯就鹹左少少，到主菜䊍喇，豬仔骨配薯條，豬仔骨肉質，味道都幾好，九十分，卡邦尼，芝士味濃，正合心水，可惜分量少左啲，食完主菜，有人嚟收碟，加水，仲問我地食咩旦糕同飲咩，我地要左紐約同士多啤梨，芝士餅味道好麻麻，係一大敗北，可惜，飲飽食醉，埋單走人，走時，店員都有講再見，服務同食物都幾好，下次我應會再黎。希望下次旦糕會有進歩吖。

７點前落柯打有折呀我地去到門口係６點５６分哈哈唔理三七二一衝入去明知都係趕唔到，殘念唔緊要我唔餓只係陪朋友黎食叫左個芝士茄汁焗煙肉腸長通粉明明唔餓但對食物自制能力奇低既我吉左食左幾條之後又覺得幾開胃酸酸地芝士又唔膩而且通粉焗得乾身又唔會過淋仲ＫＥＥＰ到彈彈地牙，我最鐘意既口感耍改善既就係食到最底會多Ｄ油不過以整體黎講算係大碟抵食喇

去太子始創中心本想去和花亭食日本菜，去到才知道裝修停業。為有另找地方食嘢！面前有間紅蔥頭餐廳就入去試下。地方都算干淨，燈光暗淡，最合適情侶吧！食西餐一般都離不開据扒，但是自己又怕肥。所以選擇不是太多肉的食物。法式香草牛油焗田螺。軟滑薯蓉吸收了香草牛油的精華加上田螺肉，味道特別新穎，好好味啊！芝士焗南瓜忌廉汁鮮蝦意大利闊麵。忌廉汁加南瓜用芝士焗香，鮮蝦大大只口感一流，加上闊麵的軟硬度適中，真是很奇妙的配搭！食唔到日本菜，試下西餐的食物都是不錯的選擇！

這塊所謂 menu 上"店主推介"的 6成熟的靚牛扒, 除了size 像 M 記漢堡扒咁細之外, 成塊都是"筋"!!以為叫待應俾些芥辣, 希望可以食到, 但待應說用時間整, 以為拖到我們食完, 就不用給我們!!我們仍然是切不開, 用九牛二虎之力去切, 切了一小塊出來, 但最後咬唔到!!我們再次認真投訢, 以為待應會換, 竟然入去叫廚房用大刀切開一舊舊, 實在無法忍受, 最後我們成碟都冇食, 就埋單, 返屋企再食野~如果大家去呢間野食, 勸大家千奇唔好"叫扒"吖

喺始創中心買完嘢諗住求其穩嘢吃，目的都喺可以免費泊到車 睇見哩間都ok就試下lo..坐低v咗侍應同我地講仲有10分鍾order下午茶我地求其嗌咗3個嘢食，環境5錯歌好fit個環境可以聽住歌等哩嘢食来，嗌咗個卡邦尼汁唔够濃稀咗D可以改善 暑條好深色 ，食咗幾條算喇，，，埋單個侍應話200先碌到卡灰咗 商場要電子單先可以泊到就同佢講帮我碌想要張電子單侍應最後帮我地碌咗仲好nice個女仔應該話得事啩行到一半唔知喺邊度泊車去返間餐廳個女仔咁Q喺門口問佢點去估5到佢戴埋我地去添。。。讚讚最後我地順利完成

星期日陪媽媽去始創中心海馬購買床上用品，媽媽說腳痛要坐下，剛好看見有間西餐廳便進入休息下。由於先前已經食過米線，所以不是太肚餓。但是沒有理由齋坐就算的，我就看看餐牌，這裡的小食看來很吸引。媽媽喜歡食$36(4件)青口體積算大，蒜蓉牛油夠味道足，加上芝士香味，看見媽媽食時滿足的樣子已經足夠。我就要了$39(2件)單純看這的黑松露煙三文魚沙律卷買相夠吸引(好像日式的花之戀)，試一件看看如何！原來黑松露配合煙三文魚加上沙律汁味道原來出奇(甘甲)喔！好味！還有其他小食想試，媽媽說不要食得太胞，所以為有下次再來食啦！

好少寫食評~同朋友求其搵間餐廳食飯~點知......叫左1個2人餐~羅宋湯酸到飲唔到~跟住個蕃茄乜乜墨魚麵~1樣咁酸~發生乜事~要酸到咁嗎？個麵係凍~@@~跟住個牛扒~叫做可以吞落肚~甜品心太軟~唔太流~好似乜都錯晒咁~~唉~~侍應個個係亞呆咁~~你叫佢聽唔到~~睇風景！樣樣都太差~1定唔會再黎~

星期日的中午..與好友到始創吃個午餐. 這里選擇不多最後就定了這家"紅蔥頭"這個忌廉汁看著是很稀的姒為味道會較淡 但食落味道頗香濃的! 忌廉味好重 香甜 不太咸 而且忌廉好creamy 算香滑~至於所謂的海鮮 就是 有2隻雪藏蝦仔很細很細的.. 另外有6-8小塊鮑片 (大約手指公塊指甲咁細..)還有一些菇片 這些雪藏的配料都是沒什麼味道可言的.. 失望朋友點的是這個西冷牛扒 試了幾口 奇怪牛扒只是微溫 不夠熱不出煙 稍為傾幾句計 牛扒都已經凍曬 黑椒汁不夠濃 不夠惹味牛肉較"鞋"口 不夠幼嫩 牛肉味也不重 略嫌失敗另一奇怪的事係, 侍應先端上的竟是主菜上主菜後5分鐘 我問侍應 "請問garlic bread & soup"是否會上侍應也緩緩送上 好啦~ 最後一樣奇怪事係熱咖啡是冷掉的,我估起碼放了10分鐘才給我的

咁我同女朋友係附近拎團購野, 順便食晏啦中午一點幾, 唔洗等就有得入座, 我同我女朋友兩個人霸左兩張枱坐單邊, 雖然服務員提我地, 如果人多會要求我地坐返一張枱, 但其實一真都有吉位, 坐得都鬆動野食叫左呢啲cream soup好飲啲, 同平時茶餐廳食開果啲唔同, creamy 啲, 好味啲我覺得我叫既餐, 都唔少雞扒, 但肥好多, 肉就好少, 唔多健康我女朋友叫既牛扒, 肉質好林, 林得有啲奇怪, 但唔差既選擇因為坐唔滿, 但都有唔少食客, 傾計都唔錯, 環境舒服, 同女朋友食下野傾下計, 飲下野, 係一個幾好既選擇

知道始創中心三樓開了間新書店，相約老同學一起購書，我本身喜歡看書外同樣喜歡食好味的食物，老同學同樣是我的好朋友，我們的興趣都是一樣，購買了喜愛的書，走出門口看見有間餐廳，我們眼神交流，知道是時間醫肚了。當時人客都幾多，等了約5分鐘，經理安排我們入座，餐廳本身光線比較暗，可能這就是所謂的情調吧！我對番茄比較喜歡，所以叫了，朋友叫了，味道酸酸甜甜，帶有少許辣，裡面有三色椒，汁裡種獨特的香味不知道是不是加上金不換，墨汁意粉口感一流，最好食是三只鮮蝦，用了牛油蒜容煎香，而且剛好熟，味道不錯！，聽朋友的說忌廉汁有Wasabi味，闊條麵軟硬度適中，用上新鮮的雜菌，汁的分量0岩0岩好不多不少，巴馬火腿炸香和闊條麵一起食，令人難忘！估唔到紅蔥頭Pasta都幾好哦，下次再試下其他食物。

試過朗豪坊的紅荵頭，但已經o係6年前ge事，當年仲未有中文名，覺得都ok。事隔6年，星期六中午周圍都無位所以去始創搵野食，發現紅荵頭，就諗住重溫下la。一坐低，台面有紙巾和餐具，紙巾上有少量黑色灰狀物體，我未出聲，waiter已經發現，但佢唔係幫我換左佢，而係用手指捽走佢......話明係灰狀物，相信正常人都會知用手捽只會令佢吸左入紙巾入面......算la，費事叫佢換喇，反正自己有紙巾。叫左個45蚊的蒜蓉牛扒餐跟薯菜，跟餐湯餐飲。餐湯未黎，主菜先黎，隔離o個台都係咁，真係食咁耐野都無乜試過lee個情況，雖然45蚊ge牛扒唔會expect有幾好食，但佢塊扒實在醃得有少少過龍，有極輕微ge酸味。餐湯係南瓜忌廉湯，食到有南瓜的，味道尚可。食完成餐，但1早落左order ge餐飲都未黎，吹左2次都唔黎，見到人地d熱飲勁細杯(唔好expect好似茶記o個d size)，所以算喇，唔飲喇，埋單喇都好耐無試過食到個感覺咁差，希望朗豪店唔係變成咁la