熊小館 (Closed)

今日同屋企人係附近行街，見到依間將軍澳長期好評多多既熊小館🤪於是決定同屋企人試下！一入去已經覺得間餐廳好有心思，每一處都擺左好得意既小熊公仔，令到成間餐廳氛圍好溫馨🥰店員好好，介紹左我地食個好抵既二人餐，有前菜、湯、主菜同甜品，好豐富😍✨羅宋湯配蒜蓉包
羅宋湯味道岩岩好，包亦都焗得脆

✨法式香草牛油焗田螺
薯蓉好香有牛油香味，田螺亦都大大隻，配埋一齊食好好味😋✨唐揚脆脆雞翼我地當日叫多左個小食～雞翼炸到脆脆好好食，配埋個蛋黃醬真係停唔到口！✨鐵板肉眼扒
塊扒上到黎我同屋企人真係嚇親😂超大塊！而且鐵板熱辣辣上，食落亦都唔會過熟，真係抵食得黎味道都唔錯，值得一讚👍🏻✨意大利魷魚墨汁意粉
依個意粉就正正常常，如果再可以重口味少少就最好🤪

✨自家製心太軟配芒果雪糕
見到依個心太軟咁多好評都滿心期待，結果係無失望！心太軟入面好多朱古力醬，而且外面焗得好脆，配埋雪糕同cream好好食🤤建議一定要加錢轉心太軟！

成餐飯都好豐富好滿足，而且二人餐好抵食🤭同埋店員都好有禮貌，又會介紹我地簡咩好，值得一讚👍🏻

Bear bear 既吸引力對小朋友黎講真係難以想像 今朝同屋企人(小朋友)講會去今晚會去熊小館探bear bear 叫佢今日要乖最後全日都好合作 晚餐有bear bear 陪 好好胃口 食咗好多 完全唔洗餵 最後重食埋個雪糕 小朋友表示超開心超滿足講返間餐廳先 一入去已經有個大bear bear 歡迎你 每張枱都有個細bear bear 陪小朋友 而周圍都有好多bear bear 擺設 職員見我地有小朋友 重尊登抱咗個大bear bear 黎同小朋友玩 食物方面質素 價錢合理 食物質素高cp 值高我地叫左個二人餐$248 好多野食 2⃣️個人叫d 個歺都已經足夠 有餐湯 蒜蓉包 沙律 一塊扒 一碟意粉 2 杯野飲 全部野食都唔錯 特別一讚個蒜蓉包超脆 多蒜蓉 好味 另外個香蒜西冷牛扒 大塊 好冧 煎得剛剛好 蒜片辣椒煙肉芫茜扁意粉 因有小朋友， 要求走辣 服務員都好好幫忙跟進 食落唔油啖啖蒜味👍👍小朋友好鍾意食單球雪糕x2揀左朱古力味同雲呢嗱 加左彩虹朱古力碎 好精緻 小朋友好開心心太軟即整 中間有流心 個蛋糕重暖暖地 如果加埋個雪糕 咁就一流鐵板一口牛加咗d 蜜糖 香甜口味 配有薯蓉

新都城食肆有好多選擇，今晚揀咗一間高質打卡餐廳，全程仲可以同熊bear bear 共進晚餐添😍。餐牌有幾款二人套餐，揀咗個比較豐富嘅，當為勞下自己。餐湯配蒜蓉法包今晚餐湯係羅宋湯，味道濃郁，絕對真材實料，飲完仲好想追加😆，蒜蓉法包香脆，配湯一流。意式焗肉醬茄子面層嘅芝士已經加哂分，茄子🍆軟腍入味，與肉醬嘅比例合宜，味道香口。蜂蜜味bbq燒豬仔骨份量夠多，食完絕對夠飽。豬仔骨肉質軟腍，醬汁鮮甜。配有新鮮沙律菜和脆卜卜嘅薯條，非常推薦。露筍野菌意大利飯賣相平平但味道係有驚喜，仲會越食越想食。意大利飯用珍珠米，口感有嚼勁，露筍和野菌能提升其層次，而且好適合素食或者唔想食得太heavy 嘅朋友。自家製心太軟配曲奇雪糕雪糕味道係自選，上嘅時候係同心太軟分開，所以我自己將佢地mixed 埋黎食。自家製嘅心太軟好好味，內裡的朱古力漿像岩漿般傾湧出來，非常好味。特色飲品飲品選擇有好多，我就揀咗杯薔薇之戀，實情係玫瑰花茶柚子，它有濃郁的玫瑰花香味，而且柚子味道清新，甜度適中，認真不錯。

之前都去過幾次mega box 咗間分店， 今次就試吓將軍澳咗間， 雖然冇🉐️睇住其他人溜分冰同冇廚房俾小朋友玩， 但歺廳入面周圍都好多熊仔擺設， 好有氣氛， 同埋歺廳職員都好好， 見我哋枱有小朋友， 尊登抱咗隻大熊仔過嚟陪小朋友玩， 小朋友超開心， 一路食一路同熊仔玩， 好快好乖完成晚歺，全程自己食👍👍我叫咗個二人歺， 我地一家三口都夠食， 份量適中， 而野食味道都唔錯， 成個歺都只是$24x, 已經有兩碗湯， 二塊蒜蓉包， 沙律， 一塊扒， 一碟意粉， 二杯飲品，二杯雪糕，算經濟， 聖誕節假期都冇特別加價.沙律： 大碟， 加咗d 醋， 開胃牛扒：大塊， 肉質冧， 煎得剛剛好， 好味蒜香意粉：唔油， 炒得好香， 淡谈蒜香味， 小朋友好鍾意， 食咗二碗雪糕： 加左d 彩虹朱古力碎係面， 色彩繽紛， 小朋友好鍾意❤️

今日真係超級期待,係2022年既最後一日,一早就BOOK 左31/12帶小朋友一齊去熊小館。嘩,門口已經有一隻超可愛既熊仔,呀女真係超開心,一入去就攬住隻熊仔,成餐飯都超級開心。食野同服務都是一流,都要逐一讚。先講服務,餐廳職員服務好週到,而且好細心,見到我地有兩個小朋友,即刻攞左大熊仔俾呀女玩,呀女即刻攬住佢,真係超得意。由於今日係除夕餐,所以非常豐富,我地叫了2人餐之外,仲叫左唔同小食，好豐富，其實本身2人餐都好正,有歐陸式濃湯，雪糕兩球，香蒜西冷牛排，巴薩酒醋燻鴨胸意粉，我地仲加左特飲玫玫瑰花茶熱情果同埋橙汁,其實大人同小朋友都好開心。小食就叫左"1. 鐵板上的蝸牛:好有童年回憶呀,真係好好味;2. 意式炸烏賊:超脆、可口、而且份量十足;3. 脆脆雞翼:香脆可口，小朋友勁鍾意食帶住小朋友一定要黎,一定會是開心既回憶。

兩年前食過熊小館，今日再訪，二人套餐仲係到，好似無加過價，仲有就係一定要同熊仔影相，大人黎到呢度都會好有童真一開始歐陸式濃湯配牛油法包🥖，小食選左法式香草牛油焗田螺，鐵板上，仲有薯蓉添深海帶子拼燒醬汁牛柳七成熟，牛柳夠厚身又juice ，嫩滑仲有牛肉味，粉嫩既牛柳好吸引，而且仲有好多肉汁， 推薦👍🏻👍🏻👍🏻帶子都幾彈牙，仲配左薯蓉，夾埋個燒醬汁好正蘆筍野菌意大利飯好香忌廉味，好creamy ，小小甜甜地，又幾特別喎！甜品轉左心太軟，切開入邊d朱古力醬流晒出嚟，好似熔岩一樣，接都接唔住，朱古力味🍫好香，好好食😋豆腐雪糕淡淡豆腐既清香，而且唔係好甜，食完無咩罪惡感😝熱情玫瑰係玫瑰花茶熱情果🍹玫瑰味好香🌹，加埋熱情果又好夾，橙色派對係芒果橙汁，酸酸甜甜好開胃

好耐冇食西餐，係商埸揾到間有特色嘅餐廳，呢間餐廳一睇個名就知佢係以熊仔做主題嘅餐廳。入去坐低見到週圍佈置都以熊仔做裝飾，望見餐牌有個二人餐好似幾吸引，食物都好啱食，我地三個人都異口同聲決定叫個二人餐再加個白酒忌廉藍青口。先黎個羅宋湯配牛油法包，個埸都幾濃味配牛油法包食就好夾。法式香草牛油焗田螺，最好味係啲薯蓉，表面焗到有啲燶燶地就最正，田螺夠淋身，非常好味！加咗個白酒忌廉藍青口，份量都幾多，個汁調得非常好味，個人十分喜歡！二人餐選咗個卡邦尼煙肉扁意粉，賣相唔錯，但份量似乎少咗啲，味道較淡，但加咗啲先前個白酒忌廉藍青口嘅汁之後就覺得好好味！二人餐另一個主菜選咗個蜂蜜味 BBQ燒豬仔骨，豬仔骨味道ok， 配菜嘅沙律都幾好味，但啲薯條就麻麻地！雪糕選咗豆腐味，味道正常。

其實行過好多次都冇食到，因為有附近又有拉麵舖好多選擇。一入去見啲台都未執好，叫左個男後生仔待應（我估佢應該係太子爺，D態度有待改善🤨）相反兩個女待應態度好好多啦👍👍好細心👍。（其實都似家庭式經營）今日lunch buffet 完好飽。晚上小吃。叫左一份西冷一份肉眼（兩塊都多根，肥膏）。蒜蓉多士好出色，脆到暈（俾小朋友搶晒去食了），讚。羅宋湯估吾到佢咁辣， 而且只係得紅湯揀。甜品少選擇，飲品太另類亦都係揀唔落手。

熊啤啤親子餐廳🧸假日真係好多爸爸 媽媽帶埋小朋友一齊去食門口已經好多熊啤啤吸引小朋友🤩門口仲有隻好大嘅熊啤啤 好吸睛👀但因為太多客嘅關係 嘢飲去到就快食曬先有🥹店裡面到處都有熊啤啤嘅蹤影 好多好多隻連牆壁都係熊熊嘅圖樣🧸店內位置都算寬敞 有bb餐具同bb凳提供仲好colourful 好吸引小朋友 好開心嘅感覺假日嘅下午茶呢個價錢好合理 仲要包湯包嘢飲仲要啲嘢食好味 夠熱餐前湯每日唔同 今次係忌廉湯評分：👍🏻👍🏻👍🏻👍🏻👍🏻呢個湯啲料都幾多 有肉有啲蔬菜絲同有啲粉絲仲有塊蒜蓉脆包伴碟 就咁食同點湯食都好食田園野菌汁牛扒評分：👍🏻👍🏻👍🏻👍🏻牛扒即煎 好夠熱 牛扒邊仲有小小脆 好正牛肉嘅質地都好嫩滑 一啲都唔‘鞋’但可惜薯條似翻炸 好淋 一啲都唔好食下次都係揀飯/意粉 我諗會好好多香草洋蔥汁豬扒評分：👍🏻👍🏻👍🏻👍🏻洋蔥炒得啱啱好 有啲爽口 唔會太淋豬扒都好嫩滑 唔‘鞋’ 但都係薯條出事 以為會係即炸 有啲失望不過豬扒同洋蔥搭救 下次嗌飯/意粉

同咁多隻可愛嘅熊仔食飯真係特別開心！經過熊小館俾佢門口隻大熊仔吸引，所以就同小朋友試吓。餐廳周圍都放滿熊仔，從裝潢、擺設到餐具都充滿心思，未開始食都已經覺得好治愈！呢度嘅tea set都有唔少選擇，而且價錢平均都係$30-50，再加上有咁多熊仔相伴，性價比高。小熊套餐B有肉醬意粉、腸仔、牛油粟米及小熊啫喱，以熊仔餐具盛載，賣相已經夠曬吸引！個餐本身包左一杯鮮橙汁，可以+$8轉橙汁熊熊，有隻冰熊仔喺飲品度真係超可愛！烤雞肉羅宋湯螺絲粉味道酸酸甜甜好開胃，雞肉都幾滑烤棉花糖吐司呢個小朋友見到真係超開心，吐司上面鋪上滿滿嘅棉花糖及朱古力漿，食落甜絲絲，不過記得要趁熱食！

最近天氣開始凍，因為唔想出去吹冷風就去咗寶琳行，行過俾門口隻熊吸引咗就入咗去食返餐啦😆服務員仲好好人咁攞咗隻熊陪我地食飯添😍🥰真係食飯打卡兼備！👍最緊要佢仲有下午茶，價錢仲好相宜！👍👏🏻頭盤 羅宋湯+牛油法包🥖羅宋湯湯料充足，酸甜剛剛好😋法包直切開半，搽上牛油蒜蓉，烤得香脆，配湯一流😋😋😋千層麵賣相靚仔， 一層肉醬一層麵，好味又滿足，同出面貴價西餐差唔多但平一截！👍👏🏻鐵板薄西冷配雞扒西冷同雞扒質素唔錯👍🏻又夠大塊煎得啱時間，配上薯菜，飽肚又過到鋸扒癮🤪😋

依間餐廳全部擺設都係熊啤啤，店員仲攞咗隻大熊啤啤陪我哋食飯添呀🤣瞬間覺得自己充滿童真😆我哋就嗌咗個二人套餐👯‍♀️〈歐陸式濃湯〉🍄🫕蘑菇湯加上肉絲，肉絲帶出甜味，令到蘑菇湯味道更加昇華😍〈牛油法包〉🧄🍞蒜蓉包好脆，蒜蓉味又香🤤〈法式香草牛油焗田螺〉🧈🐌田螺份量都幾多，薯蓉帶有牛油香，所以又香又滑😋〈鐵板肉眼扒〉🐮🥩肉眼扒嗌咗五成熟，半熟狀態一啲都唔韌，又有牛香🐮薯條係即炸，熱辣辣脆卜卜🤪〈番茄奶油鮪魚螺絲粉〉🥫🐟🍝鮪魚份量非常多非常多，鋪滿晒成碗螺絲粉，而螺絲粉嘅形態又可以黏住好多鮪魚，係非常襯嘅配搭👍🏻〈自家制心太軟〉🍫心太軟係即叫即整，所以要預早15分鐘叫起，一切係流心朱古力呀！🤩🤩〈橙色派對〉🍹依杯係芒果配上橙汁，充滿夏日既感覺，酸酸甜甜好Fresh☀️

行過新都城搵食，經過時見到一間勁多熊仔既餐廳，由門口到餐廳入面都有大大小小既熊仔，唔好話小朋友，大人見到都心心眼，咁啱撞正下午餐時間，就入去試下。烤雞肉羅宋湯螺絲粉 $46先講湯底，好濃好香，酸酸甜甜好開胃，下午茶嚟講好大兜，雞肉嫩滑唔嚡。唐揚炸雞扒還飯配燒汁 $47炸雞扒啱啱炸起，外皮香脆，內裡多汁，大大塊加白飯，男士至愛。瘋薯 $40見到隔離枱叫，非常香噴噴，搞到自己都叫返碟，熱辣辣新鮮炸起，加上檸檬沙律醬及茄汁，好快就食哂。心太軟 $40香濃流心朱古力，加上忌廉組合，一冷一熱好正。

好耐之前已經同朋友去過mega box分店嘅熊小館食Tea，今次就嚟呢間將軍澳分店嘅熊小館回味一下，享受下豐富嘅晚餐！一向都知道佢哋餐廳好有特色，而呢邊都係周圍佈置咗好多小熊公仔，充滿童真！今次仲有兩個小熊同我哋一齊坐，好開心！而且餐廳嘅食物都有質素，性價比高！Set Dinner 2人份量係非常豐富，有前菜、餐湯、主食、雪糕同飲品，仲可以將雪糕升級做心太軟！二人套餐 （前菜＋餐湯＋主食＋甜品＋飲品）法式香草牛油焗田螺超好食嘅一道菜，牛油好香，田螺焗到剛剛好，鮮味同口感十足！意大利魷魚墨汁意粉係一個好足料嘅墨汁意粉！煮的時間剛剛好，口感爽滑，軟硬適中，再加上多汁又美味嘅墨汁同魷魚，味道鮮甜！燒汁西冷 點咗一份五成熟嘅西冷，食落去好有牛味，口感軟腍！甜品轉心太軟暖笠笠心太軟，蛋糕外層鬆軟，內裏滿滿都係朱古力醬，味道香濃！小食 - 肉醬炸薯條炸到金黃色嘅薯條好新鮮！薯條吃法有好多種，除咗點茄汁，係熊小館仲有肉醬醬汁可以點！更加滋味！熱情玫瑰係一杯以玫瑰花同熱情果製作而成嘅茶，淡淡玫瑰花味道，仲有甜甜嘅熱情果味，可以解肥膩

連續2晚的3號風球晚上，又要在屋企附近搵食，今晚到左新都城2期搵食，有隻熊公仔🧸跟我招手，就入去同下熊仔🐻‍❄️食個晚飯囉。Set Dinner 2人份量很豐富，包晒前菜、餐包、餐湯、主食，仲有甜點同飲品，很超值啊！ 是日餐湯🫕是忌廉湯，湯夠杰又creamy, 配合蒜蓉包都唔錯啊！卡邦尼意粉，意粉煮得好煙韌，再加埋蘑菇碎同埋煙肉粒粒啲口感，而且很creamy條條都索滿汁。迷迭香羊扒· 點了七成熟，切開呈微粉紅色，肉很嫩滑又夠羊味，尚有一片煙肉片同香草茄蓉汁，配菜有粟米粒跟蘆筍，食落清新不覺得膩啊。額外點左個凱撒沙律, 很鮮嫩清爽又健康，加上自制醬汁，很好味😋。飲品是薄荷青檸Soda同芒果🥭梳打，很清爽不太甜又解渴。