米杍冰室

Open Now

Now Closed

出街食早餐，去到邊，都係去茶記最好。今次經過一間新式裝修嘅冰室，都要排隊，即刻想試。睇下餐牌先。等緊嘢食果陣，發現舖頭環境幾好幾舒服。今次我地比較肚餓，所以兩個人，叫三個餐share食。沙爹牛肉麵 配牛奶炒滑蛋 牛油多士$42沙爹牛肉麵湯底好濃，有花生香，牛肉都算多塊。公仔麵係一個驚喜嘅地方，呢款麵比較粗，又煮得爽口，有少少出前一丁嘅感覺。炒滑蛋有奶香，留有好多蛋汁，點香脆嘅牛油多士就好適合。(歐陸早餐)牛奶炒滑蛋_炒什菇_茄豆多士  拼牛扒 $45呢個早餐好豐富，有埋沙律，各種營養都齊全。什菇炒得好香，可以炒走本菇嘅苦味，又唔算太油，非常用心。不過牛扒可以俾少少汁會再好啲。餐蛋治 $28餐蛋治一樣普通嘅食物，都整得用心。雖然都係車餐廳版本圓形大罐午餐肉，不過放落麵包之前，有煎過；同埋雖然都係滑蛋，但有炒得硬啲，唔會太多蛋汁，方便俾麵包夾住🍞都係注重細節嘅表現。凍檸茶＋$3甜度茶味酸味都平衡到，最欣賞係仲有金屬匙羹，可以舀走檸檬核。Total:$118

見到個晚餐牌有香蒜翡翠腰果炒一口牛睇個名好似幾吸引咁就叫咗個C餐同埋熱奶茶試吓個餐牌寫住奉送白飯+嘢飲點知返到屋企打開見到得個餸同嘢飲 竟然漏咗個白飯諗住就咁食就算啦點知啲牛肉冇牛味都算 仲要勁鹹又好韌有兩嚿牛韌到咬唔爛咁濟冇白飯根本就食唔到啲餸又加咗好多蒜 啲蒜又係好鹹搞到啲配菜同腰果都好鹹不過好彩啲翠玉瓜唔鹹都叫做食到 個餐$88但係一啲都唔好食呢個價錢 應該都有好多其他選擇不過杯熱奶茶就正正常常 冇咩特別

係正值周末晚餐嘅時候嚟食，啱啱好入咗做最後一枱，之後都開始見到出邊有人排隊了福建炒飯因為近排唔食得雞蛋嘅關係，就叫咗廚師幫手走咗雞蛋，但估唔到佢變咗白飯，連炒都冇炒過雖然配料係好多，有蝦仁、香菇、翠玉瓜、帶子、蘿蔔等等，睇落健康又豐富，但調味略顯普通，食唔到香濃嘅醬汁味，適合較鍾意清淡口味嘅人。魚香茄子肉鬆炆米粉反而魚香茄子炆米又幾出色，鑊氣超足嘅同時茄子軟糯入味，魚香調味料岩岩好，唔會太鹹又唔會冇味，而米粉嘅熟度都啱啱好，唔會太腍，下次嚟可能都會再嗌佢！

呢個土魷馬蹄蒸肉餅真係太好味！肉餅滑腍，土魷的鮮味配合馬蹄的脆口，口感層次非常豐富。蒸出嚟香氣四溢，每一口都能感受到海味和肉香，絕對唔會膩。加埋啲醬油，送飯一流，係茶餐廳必試嘅經典選擇！如果你鍾意海鮮同肉類，呢道菜一定要試！

入開元朗打波，約埋波友食飽先出發，就嚟咗米杍，第一次嚟，幾驚喜，質素比一般冰室高雲彩拔絲咕嚕黑毛豬頸肉($108) - 好特別，好少見咕嚕肉用豬頸肉，口感爽脆，調味唔錯，擺盤又靚芭堤雅菠蘿炒飯半蒜香龍蝦尾($128) - 大大件龍蝦炸得啱啱好，炒飯夠鑊氣，配埋菠蘿、雞肉、腰果同提子乾，味道有層次，賣相亦好吸引蜜椒金薯一口牛柳粒($92) - 牛味香濃，調味好好，甜甜地帶少少鹹辣好惹味，完全唔韌，口感唔錯，薯仔好綿密好好味雜果賓治($30)、凍奶茶(+$9) - 滿滿嘅生果，梳打水，好解渴；奶茶茶底香濃，口感順滑，甜度啱啱好餐牌提供嘅選擇好多，特色小菜好吸引，想食簡單啲嘅一般茶餐廳常餐、炒粉麵飯等等又有，總有幾款啱你口味，試完就明點解咁多人等，好彩我比較早嚟到，晚飯時間可能要排一排隊，餐廳坐滿人嘅關係，唔係好方便影環境相，下次嚟開呢附近一定會再嚟食

諗住夜晚搵地方食飯，見呢間新開左一排，去食下睇下o吾ok，估吾到都有啲驚喜，食物仲有擺盤，份量都足。椒鹽四季豆炒豬扒 $82炒得幾有鑊氣，椒鹽味香濃，豬扒一啲都吾乾，幾腍，四季豆炒得幾入味。旁邊仲有啲沙律菜做伴碟，望落去完全吾似一般茶記作風。銀芽肉絲炒麵 $62炒麵用個鐵鑊仔裝住，keep到溫度，令我印象深刻。整體味道吾錯，個芡足夠撈勻啲麵，有芽菜、冬菇、韭黃、肉絲呢啲基本材料。菠蘿炒飯 拌蒜香龍蝦尾$128呢個菠蘿炒飯有啲驚喜，用成個菠蘿裝住啲飯，吾講以為去左泰國餐廳食飯。炒飯夠乾身，有提子乾、腰果、翠玉瓜粒、雞肉、菠蘿等配料，配料都幾豐富。重點系配龍蝦尾，無諗過茶記會食到龍蝦😂雖然吾系游水個種，但過下口癮都幾滿足。紅豆冰由於天氣太熱，突然口痕想飲紅豆冰，就一人一杯，估唔到啲蜜紅豆幾甜同幾腍，幾好飲！下次會再黎encore，見佢早餐同下午茶都幾多野食！餐牌：

元朗又新街又開一間新舖喇🥳呢間米杍冰室定位親民，選擇多元化，吸納到好多街坊客，似乎係附近居民嘅新聚腳地喎😬芭堤雅菠蘿炒飯拌蒜香龍蝦尾以茶記/冰室嚟講，呢份炒飯嘅賣相造型的確係幾震撼😁龍蝦尾蒜香味十足，真係好惹味🤩千島醬蝦球拼西蘭花蝦肉肉質非常之爽口，配上千島醬又好開胃，西蘭花啱晒我夠晒健康😝蜜椒金薯一口牛柳粒近年喺大排檔掀起一輪熱潮嘅一味餸✌️薯仔粒做到外脆、內軟😋蜜糖味非常誘人，牛柳粒又好重牛味🤪凍檸茶食咁邪惡嘅嘢，要配返杯凍檸茶先夠過癮😜

見佢開咗一段時間都keep住人數幾多，所以今晚試吓佢嘅小炒晚餐。叫咗三個set。是日精選嘅椒鹽海蝦海蝦，都算新鮮有大約十隻左右，跟餐有白飯同飲品。 另外再叫咗魚香茄子炒雞柳份量都幾大，而且味道不錯。再叫咗一個馬拉盞通菜炒爽肉，本身expect佢有泰式嘅味道，但都係比較似廣東炒菜。呢啲份量嚟講都算多。整體嚟講餐廳環境舒適，價錢亦都合理。個人比較鍾意呢啲茶餐廳食小炒有冷氣嚟講又可以飲到凍檸茶。🫶🏼🫶🏼

今日午膳去左冰室食飯，實在係令人難忘既一次用餐體驗。呢家位於元朗新開既冰室，傳統冰室佳肴應有盡有，令人回味菜單上亦有是日特餐晚餐，每日唔同，日日有驚喜呢到到服務十分周到，侍應態度和善，一入坐就好細心介紹今日餐單。用餐環境亦乾淨整潔，就算係冰室都唔會令人覺得好殘舊蒸土魷肉餅非常鮮嫩多汁，肉質緊實，入口即化，肉餅吸收到魷魚既鮮味。選用左優質肉料同秘製調味料，每一口都感受到肉餅既鮮美滋味。菠蘿炒飯，粒粒乾身分明，飯粒柔軟，充滿香氣，同菠蘿既甜味交融，口感豐富。面頭仲要放咗勁大量嘅肉鬆同埋腰果最後蝦尾係一絕，平時都唔會有咁靚蝦尾放係到，食落面頭竟然係脆入面肉質新鮮彈牙，加埋調味醬汁同大量既蒜後更添風味每一道菜式都展現了左冰室的廚師功夫令人驚嘆套餐附送兩杯飲品，我哋叫咗兩杯凍咖啡，發現係用大家耳熟能詳既「荷蘭乳牛」牌子既杯，仲要係用不銹鋼，凍飲用不銹鋼先係最正嘅冰室用法，無論係飲落定摸落都凍冰冰，超正！

之前嚟過食午餐一次都幾好💫記得佢個肉餅🐷飯都好正今次就試吓佢哋嘅晚餐今次就叫咗佢哋一個晚飯同套餐再加一個小菜, 兩個人食分量啱啱好, 雖然茶餐廳但係我覺得味道好過好多間酒樓🤣🫶🏻今次叫咗佢哋黃金蝦🦐又大隻又新鮮而且好惹味， 仲要食到啖啖鹹蛋黃🍳嘅香味，而且炒到起晒沙好鬼正😍一定唔少得叫的菜我哋就揀咗小炒王， 裏面有有蝦有帶子魚仔乾仲有腰果添， 呢個真係好好送飯🤩價錢相當親民真係可以街坊做飯堂😀👍🏻

同家人買完野，近近地去附近的米杍冰室食個便飯，正正飯市店內十分熱鬧，好彩有張卡位坐，都幾濶落呀。點左份晚餐再加啲其他野食，好多野都想食添🤤⭐瑞士汁牛肉炒河先來個炒河，上枱已聞到香噴噴，好夠鑊氣呀🤤河粉煙韌彈牙，仲有唔少牛肉、洋蔥、芽菜等，香口又好食，正。⭐米杍小炒皇見隔離枱好正咁又叫左一碟，超大碟好足料！有鮮蝦、蝦乾、白飯魚、帶子、腰果等，用上XO醬炒香口惹味，勁好下飯。⭐鹹蛋馬蹄蒸肉餅即叫即蒸保證熱辣辣，呢度個肉餅好受歡迎，幾乎枱枱都叫㗎。賣相好似無乜特別，但原來係手剁肉餅，食到肉嘅口感，同機械挍碎豬肉係有分別，而且中間仲有粒粒馬碲更爽口了🤤⭐紅豆冰 & ⭐檸檬利賓納好耐無飲紅豆冰就叫左，紅豆好綿唔過甜，正。仲有凍檸賓，酸酸甜甜啱晒咁熱嘅天氣。價錢親民碟頭大，加上味道唔錯，有下次👍

元朗新開左間冰室，位置都易搵幾方便。食物選擇都有好多，晚餐set每晚都唔同，仲有D固定既菜式可以簡。今日叫左佢晚餐餐牌入面既薑蔥蜆蚧雞煲，一上台已經好香，仲熱辣辣。蜆蚧味一D都唔腥，食落仲有種咸咸香香既味道。店員仲會比定骨碟裝雞骨，好貼心。雞肉食落好入味，肉質嫩滑，食到好想配飯食。蜜椒金薯一口牛柳粒次次去大排檔都一定會叫既餸，原來冰室都有。薯仔粒好香甜，仲有焦邊好惹味。薯仔同埋牛柳粒比例一半一半，唔會大部分都係薯仔咁唔良心。醬汁甜甜地，又係撈飯一流。芭提雅菠羅炒飯拌蒜香龍蝦尾呢個上台時都嚇親! 勁大碟! 菠羅好香甜，加埋落炒飯到食起來冇咁油膩，炒飯入面有D海鮮粒同埋肉鬆，好好食。龍蝦尾表面既蒜粒好香好惹味，外皮好脆，龍蝦啖啖肉!

元朗又新街開咗間新嘅茶餐廳，裝修採用木係裝飾，感覺清新亮麗！今日又同同事去試吓先焗豬扒飯一上枱已經見到滿滿嘅芝士鋪咗喺蕃茄汁上面推開醬汁見到有三大塊豬扒，底下飯底係粒粒金黃色嘅蛋白炒飯非常有誠意泡菜醬油腩片拼炸蝦飯朋友試咗佢哋個創新餐，泡菜醬油腩片拼炸蝦飯，腩片半肥瘦相間外層仲有脆卜卜嘅外皮，炸蝦係天婦羅口感非常唔錯朋友食完未夠喉，仲食埋個牛油西多士，牛油勁厚無得頂！難得有間水準，收費，服務都正常的茶餐廳，食晏又多一個選擇

米杍冰室今次要介紹一間冰室叫「米杍冰室」，呢間冰室人多到癲咗，入面冰室嘅通道比較窄咗少少，好彩我輪椅都啱啱好夠過，冰室門口有一級，好彩嗰日我有帶斜板咁先入到去，見人太多，求其點咗幾樣野食，食完快快脆脆讓返個座位比人！1.瑞士汁牛肉炒河粉$68+凍檸茶$3（9/10）河粉被瑞士汁吸收哂，自己覺得呢碟炒河粉比較油左少少，不過味道就啱啱好，仲加咗好多白芝麻粒，牛肉嘅數量都超過十舊，牛肉唔韌，炒得啱啱好，我加杯凍檸茶只係加$3，好唔錯！2.牛油果雞蛋沙律排包$40（9/10）呢個排包比較新穎少少，出面好少見到，排包烘過，咬落有少少脆，面上加咗勁多切咗片嘅雞蛋同牛油果，加咗勁多沙律醬，好好味！3.粒粒西多士 拼 時令沙律及美式薯角$43+凍鴛鴦$3（9/10）西多士一共有4舊，唔使你切開，廚房出嚟已經幫你切好咗同已經淋上咗蜜糖，咬開入面食到花生醬味，在拼埋如你沙律同美式薯角，沙律有雜果同沙律菜，呢種配搭沙律菜多汁同雜果清甜，薯角每舊都大大舊，一共都有5舊，我加杯凍鴛鴦只係加$3，呢杯凍鴛鴦咖啡嘅酸味比較出少少，都幾好飲！2人總共價錢$157個人口味總評分：9/10@maphk2021地址：元朗又

🤩沙嗲牛肉公仔麵，冇諗過佢呢一個沙嗲牛肉公仔麵咁出色，沙嗲牛肉肯定係自家製炒得非常香，而且佢個味道非常濃郁，同公仔麵嘅味道非常match, 牛肉亦都唔會好硬，整體嚟講成個沙嗲牛肉個評分，我覺得都非常高，冇諗過呢一個價錢食到呢一個質素，真係做得唔錯，鍾意食沙嗲牛肉嘅朋友真係可以過嚟試一試，同某幾間好食嘅有得比較！🤩牛奶炒蛋亦都好香，典型嘅一個茶餐形式套餐，再加埋一杯凍檸茶咁樣嘅形式，呢個價錢嚟講我都覺得正正常常，$52，都係正常嘅價錢，份量如果茶餐嚟講我覺得都可以接受，最少我覺得都飽，唔會份量太少，輕量嘅話大家可以選擇茶餐！🤩小炒王，佢嘅小炒王都做得非常好食，有兩三隻大蝦，非常入味，加埋韭菜腰果嘅配料，仲有帶子！成個小炒王感覺上非常有鑊氣，食得出廚師嘅工架，口感嘅配搭上亦都非常多元化，咬落去味道上亦都正正常常唔會太鹹，再加埋蝦同埋帶子，令到成個小炒王嘅級數更加提升，我同朋友都非常鍾意食，如果諗諗吓外賣用嚟送酒都一流，下次可以考慮吓😂🤩菠蘿炒飯，菠蘿炒飯再加埋提子乾肉鬆同埋腰果，口感嘅配搭上其實同出邊泰國嘅泰式炒飯完全冇分別，而且佢嘅炒飯粒粒分明，非常乾身，加埋菠蘿食，簡直就係正，整體上覺