小島•澳門菜 (Closed)

今日在銅鑼灣辦事，講開澳門，之後在附近食澳門菜，時代廣場有一間。特登來回咪於是乎叫了澳門啤酒一大杯，配葡式燒豬，非常匹配。先來前菜霹靂魷魚鬚，辣味中級，味道盡在祕製醬汁中，有進步空間，例如令魷魚更香，想起烤魷魚的香！一份葡式烤乳豬件五六件，豬髀位，肉厚皮脆，葡式乳豬的皮是平滑的，與我們有洞的不同，同樣酥脆冇所謂，伴大量薯角，一定夠飽。澳門啤酒其實未飲過，都幾好，剛好食完有油膩乳豬喝一口，甘香剛好中和。環境相比位於澳門的茶餐廳優勝，因為位於時代廣場內。

其實個劣評唔係比食物質素，係比員工服務質素，詳見下文：仲有商場coupon就緊係趁expire前用埋唔好嘥啦，今次就來食番個葡國菜，一解冇得過大海之苦專登偷偷地提早出發，未夠一點到咗就已有堆人係度等位，咁都要拎張飛等，因為真係好想食。望下門口張menu諗定order咩先？見到兩張set menu好吸引，用埋coupon咪好底食，點知。。。等咗十零廿分鐘後就到我no.門口位店員都幾友善咁問係咪用coupon?因為食set係唔可以用，只可散叫咁好啦，等咗咁耐唔通轉場咩，邊有咁long lunch。仲有計落減券後個價錢都可接受（本來一心想來個平靚正lunch）一於入坐。諗定咗搵人落單，叫下a la carte，再搭個set，點知個店員開始冇咩禮貌話唔得，用券唔準食set，但計過明明散叫都過$100咁我只用一張咪得，原來佢地條數唔係咁計，咁我地話分枱分單囉，佢又話唔得，咁麻煩唯有叫少份set仲好再慳D第一個馬介休薯球拼墨魚球，新鮮熱辣即炸，好味，係D配醬冇咩味，點咗只係食落冇咁乾身。而薯球有薯味冇馬介休味，墨魚球就煙煙韌韌，作為前菜係好。再來咖哩牛肋肉配脆豬，個脆豬好得，真係又脆又鬆化，再加D

趁幾日連假去Time Square shopping下👯‍♀️行到夜晚見到呢間葡國菜.. 見好耐無去澳門就試下都幾好食嘅，一試無妨😉澳葡小食雙拼 $82 - 呢個其實係炸墨魚丸同芝心馬介休球，墨魚丸好彈牙呀🥰 馬介休球就正常啦，略嫌無乜馬介休味香草芝士脆豬仔包 $42 - 脆，芝士味濃，同好重牛油香🤤 呢味餸won’t go wrong嘅澳葡鴨肝芝士牛肝箘焗鴨飯 $148 - 幾特別嘅飯，鴨飯係葡國菜嘅classic菜式，d鴨肉同鴨肝味溶入個飯度，好香。不過朋友覺得個飯太硬同乾，唔知係咪用左d特別米🤔葡式香烤乳豬件伴薯角 $228 - 主菜黎啦!! 乳豬烤得脆，又唔會好油，味道都夠，好食👍🏼 不過反而下面d薯角就淋哂同無乜味，鍾意食薯仔嘅我都無食哂😥

星期六晚市來說等候人數不多，坐位舒適坐位算闊落，食物觀感、味道非常好，_葡式香烤乳豬件件薯菜_真是值得推介，3個人食六百幾蚊，價錢都算合理；但一如大部分香港食市，不要對服務所期望，都是較差，找句多謝都有點困難，更不要期望有笑容。

澳門菜係點真係唔係好知，叫左個小食併盤普普通通，個煮蜆就以好食，蜆冇沙！個隻雞就麻麻地，有少少乾個醬汁感覺唔係好配搭。依烏頭就細條左啲同埋廋左啲，都唔係咁新鮮另外佢外佢個汁同蜆嘅汁一樣味，如果食咗蜆嘅話條魚可以唔使試！葡國乳豬皮脆都淋身，但係有豬臭味本人就唔係咁鍾意食啦

澳門一向是我的後花園，只需花費一二千元便可訂間心儀酒店渡過兩至三天悠閒假期；並且四處享用當地美食，確實一樂也。而今疫情關係世界各國皆封關，惟有阿Q精神找間葡國菜的餐廳當作一解思念情懷。時代廣場十三樓原來有間食葡菜食館，其裝修令我仿似置身於澳門。而餐牌上看見二人乳豬套餐正是我懷念的葡式食品，毫不疑地落單。是日餐湯(南瓜忌廉湯)買相OK,味道一般沒有太大驚喜。小食拼盤拼盤有辣蝦柚子沙律、墨魚球、芝士馬介休薯球和芝士脆豬包各二件。兩種丸子炸得金黄，買相吸引。墨魚球爽口彈牙，咬落好多墨魚肉。而薯球用了馬介休和芝士，有鹹香魚味和芝士味。爽脆鲜蝦配上些微辣椒粉能提升食慾。沙律菜亦新鲜。乳豬件乳豬以各種香料醃製，味道唔錯。以燒烤烹調不但能鎖住肉汁，咬落嫩滑唔鞋口；最重要是皮脆香口，配埋D醬汁十分惹味。蝦子松露意粉醬汁以蝦子松露調製所以味覺非常濃郁，意粉亦好有口感；混埋一齊來吃是唔錯組合，不過一定要熱食否則便會感覺會好漏。葡撻撻皮鬆化蛋味香，上面焦糖不會太甜是我喜愛。熱情果疏打甜甜酸酸的熱情果和冰凍疏打水混合一起清凉解渴，亦能舒解一下濃郁嘅味道，不致太滯口。

星期日早上1130來到，見到未開門，聽到門口外有其他食客打電話查詢開門時間，但聽到冇人應電話，算啦可能open rice 上面d開門時間唔準確。到咗1200點，門外都有10幾人排隊，但都仲未開門，心諗係唔係時代廣場最遲開門的店舖？大約1210先入到去坐，見到sofa 上有食物，禮貌地叫短頭髮女侍應清潔，佢只係將食物掃落地，油漬就當睇唔到。到了叫餐，想話點杯奶茶，就話要半個鐘後先有食物質素普通，服務質素普通，茶餐廳環境質素，但收時代廣場嘅價錢。就算用時代卷半價來食，都不是一個好選擇，時代廣場有很多餐廳選擇。如果原價來食，就很不智，我建議去茶餐廳，起碼條氣順啲。

食物質素一般，但服務態度我覺得好差。我哋首先問午市套餐加錢轉特飲有什麼選擇，都有簡單解釋，但知道我用coupon之後, 態度非常差。 不會再光顧，有更多更好的選擇。

這個商場成日都有消費推廣，這間食肆也有參與其中，所以即使平日也有不少人等位，等了個幾鐘，終於有位了，叫咗白酒煮海蜆、魷魚筒、葡國雞配白飯、帶子鮮蝦闊條麵、海鮮濃湯飯及經典木糠布甸，白酒煮蜆啲湯有啲酒味，但唔會過濃，份量也足，魷魚筒大大件，魷魚內釀了啲豬肉同香腸，幾飽肚吓，魷魚唔韌，葡國雞幾香，肉質鮮嫩，但就比較多浄雞皮，啲汁用來撈飯一流，海鮮濃湯飯，蕃茄味幾濃但唔會過酸，帶子鮮蝦闊條麵，闊條麵軟硬適中，個汁剛剛好，唔會過多好膩，最後個木糠布甸唔會過甜，甜度剛剛好，整體味道不錯.

甚少食葡國菜，得知時代廣場有一間專門店，去試吓啦！皇牌葡式香烤乳豬套餐抵至74折，超抵。拼盤：芝士馬介休薯球，墨魚球，辣蝦柚子沙律，芝士脆豬飽份量剛好，一人一件，啱晒胃口不大的我。是日餐湯南瓜金筍，質感濃稠。主角香烤乳豬出埸了，目測己感覺到乳豬皮脆。脆，果然卜卜脆。肉質嫩滑，肉香滿溢，做到外脆內軟效果。蝦子松露意大利麵中的蝦子原素，正正代表澳門菜的特色。呢個意大利麵最亮點係蝦子配松露，中西合璧，味道夾，口感一流。

在時代廣場買完野，望下水牌有咩食，好耐冇去過澳門，就決定食小島澳門菜。餐廳門口有個二人套餐，原價$630，特價$498。好似幾抵，即入。 每位加$15 可轉特飲是日餐湯：南瓜湯，好港式。如果這個湯換成薯蓉青菜湯，有多好。特色小食拼盤，包括芝士馬介休薯球、墨魚球、辣蝦柚子沙律、芝士脆豬包。炸得香脆，味道唔錯椰香葡國雞配脆豬包，葡國雞有葡式臘腸、橄欖、雞蛋、亦有用椰絲舖面去焗，其實味道唔錯，但係唔似澳門食開嘅葡國雞，唔知缺少咗咩香料🤔葡式香烤乳豬件伴薯角，乳豬皮唔夠脆，唔好食。總結：成個套餐都食唔到澳門嘅味道，似普通港式西餐廳嘅套餐。首先個湯，應該轉為薯蓉青菜湯，拼盤我覺得成碟都係炸馬介休球就可以了，最後最好加一碟炒椰菜。咁就似番澳門菜。

原本想去嘅鵝頸橋餐廳無開, 腦袋飛快運行閃出有times Square coupon , 所以就嚟咗食澳門野，都好，懷緬一下去澳門嘅日子。menu 有set lunch ,但原來用coupon 只可單點，前檯同waiter 都有提，幾貼心😘。《咖喱炒飯》138嚟到都炒得幾乾身，咖哩唔算辣，配料有蝦三隻🥰，橄欖3粒同大糧波蘿，啱啱炒起幾好食。《豬扒包》72上碟幾靚😃，除咗豬扒包外仲有沙律菜同薯角，仲有2個汁，豬扒包烘得唔夠，所以略欠香脆🤔，已有沙律醬，本人麻麻🙄，豬扒偏乾而且本身個汁唔太夠味。另外order 咗2杯奶茶。未加一278可用兩張coupon 😅值得一提有消毒濕紙巾提供，好欣賞，疫情持續太耐，好多餐廳都已經鬆懈，呢間做得唔錯👍

星期日、六點就去搵食，同朋友兩個叫咗三個餸，烤豬手、肉腸炒雜菜同埋釀魷魚。但係唔記得影相，釀魷魚啲魷魚好硬，不試也罷！烤豬手皮脆，但係肉冇咩味，炒雜菜反而最好味，真係有好多種蔬菜係裏面，椰菜、芥蘭、兩三種菇類、粟米芯、橄欖及肉腸。仲叫咗一壺西班牙紅血橙花茶，味道酸酸地，有啲橙皮香味，都算清新可口。環境都坐得好舒服，冷氣足。最奇怪就係，我哋未叫埋單，只係預備用優惠券找數，攞啲券出嚟數下嘅時候，突然間一個女職員伸出一個收錢嘅盤係我哋面前，就如叫我哋立即付帳，好唐突！好無禮貌因為我哋冇叫埋單！我睇返呢度嘅食評，好多都係批評呢間餐廳嘅職員，我諗佢哋真係要檢討吓！

難得平日放假，約左朋友去時代廣場行街，中午便黎到呢間食葡國菜，我地叫左：1）辣肉腸松露芝士豬扒包伴薯角2）沙利頭手打墨魚餅伴葡式辣醬3）脆香乳豬野菌牛油焗飯4）木糠布甸首先個墨魚餅內有墨魚粒，又彈牙，外脆內彈，好味！之後個豬扒包係fusion, 內配辣肉腸松露芝士非常夾，好有特色。相反，個牛油焗飯就有啲乾，乳豬都好食既，但個飯又硬又乾，吾好食。最後個木糠布甸同一般出面食無異，食吾出澳門木糠布甸既味道，只係一杯勁港式既布甸！

🌸銅鑼灣美食🌸小島·澳門菜🇲🇴今日趁住放假，去銅鑼灣行下街❗️突然之間心血來潮好想食澳門菜🇲🇴，但又冇得搭船過大澳品嘗當地美饌，之後比我搵到間係時代廣場食通天13樓既澳門菜❗️當去左一趟偽澳門旅行😃我地一行2人共惠顧了以下4款菜式：1️⃣經典原味葡撻$ $14平時多數都係KFC買葡撻，今日就試下主打澳門菜餐廳既葡撻❗️葡撻味道比KFC葡撻甜，葡撻都算香脆同埋充滿焦糖香味，只係感覺略為唔夠熱❗️美味指數：⭕⭕⭕❌❌賣相指數：⭕⭕⭕❌❌抵食指數：⭕⭕⭕❌❌2️⃣脆豬包 $18脆豬包好食❗️脆豬包非常香脆，配上野菌牛油，非常惹味😋有驚喜🤣值得推介比大家✅美味指數：⭕⭕⭕⭕️⭕️賣相指數：⭕⭕⭕⭕️❌抵食指數：⭕⭕⭕❌❌3️⃣澳門經典豬扒包伴田園沙律及薯條$72去澳門就梗係要食豬扒包啦❗️所以我都點左呢份豬扒包試下❗️份量都算多❗️味道唔錯，配料豐富，麵包香脆❗️仲配有香脆薯角同埋新鮮沙律👍🏻美味指數：⭕⭕⭕⭕️❌賣相指數：⭕⭕⭕❌❌抵食指數：⭕⭕⭕❌❌4️⃣脆香乳豬野菌牛油焗飯 $198用厚切香脆乳豬配以牛肝菌、洋蔥及葡汁等材料焗製而成既焗飯❗️配搭非常特別，融合了中葡美食特色，味道出奇地夾❗️焗飯粒粒分明，味道不俗❗️值得推薦比大家👍🏻