小島•澳門菜 (Closed)

2021年5月10日 星期一今日同老婆去咗銅鑼灣時代廣場呢一間餐廳食飯，由於疫情關係，實在係太耐無去到澳門，所以好想食返餐正宗嘅澳門菜，呢間餐廳打正旗號就係食澳門菜一坐低睇見餐牌，就見到好多澳門特色食物，例如豬扒包、馬介休薯球、葡式烤乳豬等等，仲有葡式香烤乳豬套餐提供添，不過最後我哋散叫，因為可以自由選擇鍾意嘅食物點完餐等咗大約十幾分鐘，第一道菜色就送到，係小食雙拼，分別係馬介休薯球同墨魚球，兩款都炸得熱辣辣，而且可以點兩款唔同嘅醬汁，一個係辣醬PP sauce，唔算太辣，幾惹味，至於另一個就係herbal green sauce，類似沙律醬咁，酸酸甜甜幾開胃墨魚球我覺得整得幾出色，因為咬落去好彈牙，似手打墨魚丸咁，而薯球就食到好濃郁嘅馬介休味，甚至食到魚肉添呢一杯係我點嘅飲品，芒果柚子沙冰，好重芒果味，而且夠晒凍，每一啖都係沙冰，味道好足夠，透心涼之後有主菜葡式烤乳豬，乳豬皮烤得好香脆，裏面唔算太多肥膏，肉質都幾幼嫩，食落去一啲都唔韌，配埋辣醬PP sauce一齊食簡直一流，下面仲有唔少薯角同配菜添呢一個係砵酒燴牛尾配脆豬包，牛尾煮得好腍，好入味，而且酒味唔算太濃烈，就算唔鍾意飲酒嘅

經過時代廣場，見到有澳門葡式菜餐廳，懷念在澳門覓食的日子，就去了回味一下～澳葡小食雙拼（手打墨魚球拼芝士馬介休薯球）手打墨魚頭非常彈牙，而且炸得非常酥香，到入面有一粒粒的墨魚肉，配上沙律醬食，提升味道有減低熱氣～另外芝士馬介休薯球非常特別，咬開醫生發出馬介休的香味，見到入面有芝士香充滿著薯仔，配上餐廳秘製的辣醬一起吃，即時惹味十足，比起平時吃的普通咋薯波更加令人食不停口～砵酒燴牛尾配脆豬包首先脆豬包真的非常香脆！一咬麵包碎散落，好鬆脆！是非常高質的脆豬包！表面塗了一層薄薄的牛油，蘸上砵酒牛尾的汁一起吃，砵酒汁滲入麵包中，好正！牛尾的部分住得非常之腍，骨和肉非常容易分離，牛味非常濃郁，肉質好香好嫩～送飯一流！葡式烤乳豬非常期待的一道菜～這個葡式烤乳豬的外皮烤得非常香脆！而且乳豬的肉和脂肪的部分分佈非常之好，不會太肥，而且全都起骨了～肉的部分不會乾，食到有香烤的味道～佢想餐廳秘製的辣醬，令整體更加滋味！另外看似普通的薯角也是非常好吃，跟平時食的有少少不同，外皮比較薄和鬆～這個非常特別的菜色，平時很少會叫烤乳豬食，值得一試～亞蘇爾雪山十分特別的一款甜品，外面圓筒形有類似用蛋白造成的鬆軟口感，

好耐無去澳門啦！在時代廣場行街，無意中見到這店，被它的葡撻吸引咗入去。3人坐卡座，好舒適寬敞，店內裝修也不錯，叫了3個餸👇🏽燶香砵酒燴牛尾伴脆豬包$158牛尾份量算多，有6件，炆得好淋好入味，用刀叉已經好容易骨肉分離，脆豬包好鬆脆，點砵酒汁一齊食，簡直係絕配，牛尾的配菜都很好味（車厘茄、洋蔥和薯仔）👍🏻👍🏻👍🏻葡國腸菠蘿蝦黃金咖哩炒飯$138咖哩炒飯好香咖喱味，飯炒得夠乾身，蝦仁大隻爽口😋葡國辣肉腸炒雜菜$72雜菜都炒得好好食，一碟可以食到好款菜加埋橄欖，正！話說好想食葡撻所以入咗嚟，但叫餸時侍應哥哥建議我地可以食完啲餸先叫甜品，最後因為太飽食唔落葡撻😅所以下次要再嚟食。整體第一次食這店，感覺好好，菜式、服務和環境都好滿意，會跟繼試其他嘢👏🏼👏🏼👏🏼

前排時代廣場做緊購物劵優惠，我都去望下有咩買。夜晚就諗住搵間近近地嘅餐廳食晚飯，因為疫情關係都好耐冇去澳門，所以思前想後揀左澳門菜。裡面環境都算寬敞，燈光光猛，限聚4人一枱，入座前都係用「安心出行」或者填紙仔。因為我5點幾就已經排隊，6點入座，所以編左個卡位俾我。通常我自己去澳門一定食【葡撻】，但香港最易買到葡撻嘅地方一定係K記，其次就係一啲連鎖餐廳兼麵包店。所以，我排隊個陣已經眼甘甘係櫥窗到望住個葡撻。到入座之後，一口氣點晒所有想食嘅菜式之後，就等【葡撻】作為我嘅前菜，但可惜等左好耐都冇，於是係我催促之下先食到。經典葡撻（$14／個）第一點：外貌唔吸引，焦位唔多第二點：常溫至微暖，應該係一早放櫥窗個啲第三點：咬落完全係蛋撻，一啲葡撻味道都冇第四點：價錢唔平綜合以上四點，我唔會推薦大家食。繼續落黎又係一失望之作，鴨肝芝士牛肝菌焗鴨飯（$148）外表睇落好似幾唔錯，食落先發覺伏。成兜飯，一個字形容：硬我真係未食過啲飯硬到咁，硬過隔夜飯，硬過risotto,完全係媲美到煲仔飯飯焦個種硬。如果夾埋啲鴨肝食，啲飯有返少少油份，先食得落。飯入面有些小鴨碎，芝士可惜唔係一片焗溶，係芝士粉，食唔到芝

而家去唔到其他國家！澳門都未能通關！如果想食葡國菜就一定要喺香港搵啦⋯⋯表弟話帶一間位於銅鑼灣時代廣場嘅🥢🥢小島.澳門菜🥢🥢餐廳襯托藍色和白色格仔花☺️充滿葡國風情🇲🇴⋯⋯葡式燒乳豬乳豬皮非常香脆！上一次我哋喺澳門嘅葡國餐廳🍴一客大約要六百幾蚊！但係仲係唔香脆又唔好食！今次呢間就做得好香脆啦⋯⋯仲有大量薯角！非常香脆添！仲有翠玉瓜伴碟⋯⋯仲可以加$35有餐湯和飲品⋯⋯辣肉腸松露豬扒包呢個真係必食👍⋯⋯加咗辣肉腸和松露昇華左一個層次！豬扒非常鮮嫩多汁！麵包🥯得非常香脆！係我食過最好食嘅豬扒包！食葡國菜點少得葡撻啊⋯⋯Signature😋😋非常香脆！充滿蛋香！原來仲有套餐⋯⋯

差唔多兩年冇去到澳門啊🇲🇴！有時悶悶地會同老公兩個去澳門兩日遊⋯⋯去食下野住下酒店仲有我老公鍾意玩兩手！即是賭錢！🙆‍♀️☺️好懷念澳門嘅美食！今日我老公話帶我去呢一間位於銅鑼灣時代廣場嘅🇲🇴🇲🇴小島.澳門菜🇲🇴🇲🇴餐廳澳門風情！開放式嘅廚房非常有feel😍⋯⋯餐廳非常好乾淨！小食雙拼3⃣️馬介休3⃣️墨魚球馬介休薯球裏面加了芝士！外層香脆裏面軟綿綿仲有芝士更加好食😋墨魚球因為係手打嘅關係所以非常彈牙爽口！而且好鮮味！白酒煮海蜆海蜆賣相非常吸引⋯⋯份量超大⋯⋯而且鮮味十足！用白酒去烹調味道唔錯⋯⋯我哋連啲湯都飲埋！配有牛油香氣！有橄欖和檸檬襯托下相得益彰⋯⋯葡撻熱辣辣☺️撻皮非常香脆😋充滿牛油嘅香氣👍蛋漿仲好滑添🙆‍♀️芒果柚子冰沙芒果🥭加柚子！配搭非常清新！甜度剛剛好！唔使去澳門都可以嚐到葡國菜！一解我哋嘅思念葡國菜之情⋯⋯原來仲有優惠套餐添⋯⋯

今天在時代廣場食通天不幸地及有眼無珠地選擇了光顧這間餐廳。侍應必定是受了特訓，務必要令食客不會回頭光顧，可令他們做少好多嘢。例子一，當我問menu中某部份的top-up小食可否配搭某套餐一起叫，女侍應用軍官的口吻說：「不可以！！」。 例子二，叫餐飲的時候問可否要latte，男侍應報以不屑的表情並沒有尾音地回答：「冇！得普通咖啡！」這麼普通到不能再普通的餐廳，光顧一次都嫌太多了！

今天中午點餐等了18分鐘叫經理睇一下有沒有漏单，經理話要等20分鐘才有嘢食，咁我唯有等啦！但隔離枱遲過我入來同樣叫乳豬他已經食完一半了，等完全不是一個問題，但食品來到時不是熱的，這樣是甚麼玩法呢？當第二碟送來的時候我叫黑鬆露豬扒包，個樣子好像不是我叫的那款，於是我查一下餐牌及服務員，服務員當時反問我一句點解送來的時候你唔知道睇清楚？！😤😡聽到這句說話我已經著燈了，她還不斷自言自語話我們是cheap 精！！！

疫情雖然緩和了許多，但始終未能出外旅行散心。最近特別想念澳門的萄國菜，所以便打算在香港的萄菜餐廳中選其一止止口癮，吃了當去了。但在香港經營萄菜餐廳實在寥寥可數。但老公寶寶在銅鑼灣時代廣場搜索萄菜餐廳，便隨即預訂座位過來享用。澳葡小食雙拼小食雙拼顧名思義是有兩款菜式，分別為手打墨魚球、芝士馬介休薯球，兩者皆製得色澤金黃，賣相吸引。手打墨魚球外觀圓滾，咀嚼時爽口彈牙，墨魚味道濃郁，配搭上附隨的醬料同食，更有另一番風味。相較之下，芝士馬介休薯球則顯得略為遜色，雖然外層香酥爽脆，但內裏空心無餡，而且品嚐不出馬介休的魚味鹹香，只得淡淡輕微的芝士氣味。經典原味葡撻葡撻外層的酥皮蛋撻底製作甚佳，豐富的層數令口感更酥脆香口，而內餡可見表面有著微燶的焦糖，食用時鹹中帶甜，蛋味濃郁，香滑不膩，並有着出眾的芝士氣味。香草燒半春雞伴薯菜配野菌奉上時賣相色彩繽紛，配料眾多，讓人垂涎三尺。主角燒春雞肉質大件飽滿，雞皮香脆惹味，但內裏肉質過於軟腍，雖則易於方便切開，可是較為乾身嚡口，導致咀嚼需時才可吞嚥，唯獨幸然其整體仍保留有葡式風味。旁邊伴碟的配料分別有薯角、翠玉瓜、馬鈴薯、菠蘿，各款皆製得脆口鮮香，濃郁滋味。葡

食左5樣野，簡單講幾句個意粉太多醬，好「流」沙律好普通馬介休馬鈴薯球同墨魚波波尚可以牛尾幾好食但個人氣主打的乳豬令人非常失望。好唔掂，乾身，份量又少。啲薯角仲要一啲都唔脆

係銅鑼灣睇完戲，見到呢間小島·澳門菜，冇人排隊，決定一試。🍴辣肉腸黑松露豬扒包，一上桌好細心咁已分開兩半，方便食用，份量好足夠😍。包皮外脆內軟，一咬下去，口內淡淡黑松露味，豬扒厚切，番茄🍅好fresh。另外，仲配埋薯角，同沙律🥗菜，性價比好高呀！🍝芝士黑松露意粉麵，麵上都幾多黑松露，仲有勁香既芝士片，意粉味道昇華左唔少，值得推薦🥰葡萄牙尤加利葉茶，味道清新，非常甘香，最重要有消炎同潤喉既功能❤️

是日team lunch特登去試，結果食左成肚氣。1）追左幾次先話落漏單（九個字後）2）於是我話可轉其他快餐（最緊要快，因其他同事都食完），佢話無問題可幫我轉3）再等左幾個字問情況，貌似經理既同我解釋，話之前我既餐已經準備中，突然取消要重新整過所以要時間（我心諗，明明我話最緊要快，同埋你地無提過已經準備中）4）終於等到餐，我食緊時突然聽到有個員工（佢企正係我地張枱隔離）用walkie takie大大聲咁討論我地，原句：「呢四個人都幾搞笑，有時用英文講野，其中兩個人又用中文講野。」我呆左咁望一望佢，佢可能意識到即刻轉身扮無野對呢種服務態度，我真係嚇左一跳。加上食物質素好一般，真係無下次了。如果想體驗下差既服務態度，不妨一試既。

一行五人（分兩枱）周日六時半不用等位因有著時代廣場大量Happy reward優惠卷就隨便找間餐廳吃晚飯我們點了以下食物⋯葡國雞味道不錯最好食的⋯⋯⋯⋯⋯是包😂非常香脆豬手皮脆肉滑多汁唯分量真的太少 每人只分到一舊（差不多二百元）豬扒包一般魚很普通 不值那個價這個魷魚筒 內裏是豬肉碎皮太硬 肉碎沒有味道 十分一般這個炒菜 味道還好 不過太油了 整體食物份量比較小我地另外再加了兩個白飯五個葡撻（有一個因即時入會免費）葡撻有點失望不夠熱 感覺有點油因著有海量時代廣場coupon 而在這裡吃飯一行五人（分兩枱）用優惠卷則不能使用套單 必須單點使用九張卷後 （-$450）仍要付七百多元可以試一次但未必有下次

之前lunch試過這間澳式葡國菜餐廳，乳豬，豬扒包和焗飯的味道都還不錯。今晚突然想食，加上近幾日疫情緩和，就決定收工後去試。六點半左右到達餐廳，門口好大個牌寫著外賣85折，當時餐廳內用餐的人唔算多。入座後馬上落order，一個豬仔包同一份乳豬件。首先上的是乳豬件，見到薯菜好燶，點知個豬仔包的薯菜更加黑！於是問職員可唔可以換過d薯菜，點知佢答唔覺得燶～喺咁。聽到後真心O嘴。食落口好明顯唔喺新鮮，喺返炸。最後離開餐廳大約七點十分，看到其他檯的乳豬件，份薯菜擺明唔燶，正常金黃色。而且全程食飯唔覺得有service lor，仲好意思收10％服務費。建議大家唔好咁早去食。大推豬扒包～個麵包底超級鬆脆，咬落香口，豬扒不會過厚而難咬，可惜搭配的醬汁少咗d。香烤乳豬件～今次的乳豬件唔夠香脆，肉比較多的部位騷味特別濃。配菜可以忽略，因為全部烤到有碳臭味，嚴重懷疑廚房冇洗乾淨個烤架。

好彩係用時代廣場買嘢送的100蚊減50餐用卷,因為如果唔係食lunch set ,單點每樣都偏貴，除咗個飯鵝肝飯係比較出色之外，之前食過佢的葡撻，本來係味道係OK，但佢翻叮都唔熱，個底仲好油如果要我用正價俾錢去食，我未必會返嚟，呢個價錢大把野選擇