小島•澳門菜 (Closed)

疫情未散, 今日一如以往都係去買外賣做午餐, 行到時代廣場的食通天, 13樓, 見到 小島. 澳門菜 好多人,  想想妹妹 好喜歡 澳門菜,  於是我停下來看看. 先看看門外餐牌.  全日外賣自取有 七 折.  要試吓！餐廳裝修有葡萄牙藍色藝術磁磚, 好有葡國風味.妹妹一定仲意食澳門出名的 豬扒包,  及 燒牛仔骨,  於是落單等等.店員話須時15 分鐘,  我乘機去九樓商場睇睇.好準時, 回來已一袋包裝好.回到家,  急不及待打開那四盒食物, 仍然暖.豬仔包, 分兩個盒裝, 妹妹幫手轉放於碟上.  伴著新鮮沙律菜, 薯角及醬汁.豬扒包, 大大份, 夾著好大塊豬扒, 蕃茄, 賣相不俗. 又已切開一半, 方便分嚐, 真細心. 法包烘得外脆內軟,   豬扒煎得香, 唔油膩, 肉質稔滑,  口感極為討好, 我喜歡小辣, 加點醬,  好滋味 ！燒牛仔骨,  也分兩個盒裝.   連豬仔包, 打了七折, $200 有找, 抵食 !  自用請客也不失禮.牛仔骨, 配車厘茄, 燒菠蘿, 青瓜及烤菇.   連薯角及醬汁.   好大份, 又豐富 !牛仔骨, 肉質厚, 廚師煎到恰到好處, 表面坑紋煎得好靚

在時代廣場購物後，又要休息一下，飲杯凍飲、食個包。我的下午茶是午餐：南瓜忌廉餐湯，忌廉湯又綿又滑，南瓜蓉又香又甜。松露芝士辣肉腸豬扒包， 香脆麵包、松露、芝士醬與辣肉腸粒是美味組合，不濃味的芝士醬很適合我，還有香脆薯角、沙律，午餐份量分作兩人下午茶是挺好。焦糖葡撻，皮酥、蛋香滑、焦糖美味，甜而不膩的葡撻，百吃不厭。 蜜桃梳打&芒果梳打，味道清新又夠冰凍，消暑佳 品。嘆完下午茶，八五折外賣很吸引，買埋晚餐回家又慳功夫，何樂而不為呢！外賣到！沙梨頭手打墨魚餅，是墨魚膠混合蝦膠手搓而成，外層鬆脆，入口彈牙。椰香葡國雞伴脆豬包，加入椰絲的葡國雞更香濃，濃郁香滑的葡汁無論下飯或伴脆豬包吃都很受歡迎，塗上薄薄的牛油脆豬包更是我的最愛。 橄欖馬介休炒椰菜，馬介休的鹹鮮與椰菜的清甜爽口，是美味的組合，簡直是絶配！

CWB 銅鑼灣 • 小島•澳門菜 🇲🇴📍銅鑼灣勿地臣街1號時代廣場13樓1302號舖 ➰以地道澳葡菜為主題的「小島•澳門菜Cafe Terceira」，裝修以藍綠色為主調🟦🟩，葡萄牙花磚帶著一種澳門懷舊感覺 🇲🇴➰脆香乳豬野菌牛油焗飯 $188🍄🧈🐖東望洋芝士鮮茄焗豬扒飯 $108 🍅🧀🐷➰上菜時已經陣陣香味，乳豬皮脆肉嫩🐖牛油焗飯🧈混入野菌碎🍄，味道濃郁，口感豐富香口，略厭份量偏少和價錢偏貴，好食但性價比不高🧐 焗豬飯較普通，可讚之處是鮮茄🍅和芝士🧀份量充足，豬扒去骨方便食用👍🏼➰👅 味道：🌟🌟🌟💫👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟———————————

成間鋪分左邊同右邊，佢淨係開其中一邊，係門口等咗差唔多20分鐘，啲員工完全係慢條斯理、慢動作！我地一行3個人，因為限聚令問題要分開兩張枱坐，我同A朋友入咗去坐10幾分鐘，B朋友仲係門口等緊，重點係間鋪有超多位，大部分都有保持1.5距離！係啲員工慢吞吞，又唔執枱。入到去見到佢promo 緊入會葡撻買一送一，我第一次用會員app，唔識用好合理，我同佢講我想用呢個優惠。佢態度極差、極不願意咁問我：你扣咗張coupon未，你會員號碼幾多？好似我欠咗佢咁落單個陣我有叫埋餐飲，等到個飯差唔多食完，我杯野飲都未黎！我一直望住佢幾時出野飲比我，佢就慢條斯理，逐杯逐杯出。我望住其他枱既人，佢地比我遲入黎，野飲都到咗，我忍唔住問佢，我杯野飲究竟幾時到？ 佢問我：你地落咗啲咩？可想而知，佢地啲服務有幾差，野食差都唔在講！啲飯乾到爆，超難食！啲好評都唔知邊度呃返黎！我咁耐以黎第一次寫食評！請大家千萬唔好幫襯

一份遲來的午飯，今天雖然Home Office但相約了同事出來吃飯兼談一談公事開個會。葡式嘅磁磚，時尚新穎嘅裝修，新派＃小島。澳門菜戲院門口，之前睇戲都有經過，但冇吃過。午市套餐，跟羅宋湯，完全香港茶記味道。令我好想過馬交走轉，唔係因為個味道好正宗，而係因為味道唔夠澳門味🤭，但整體都唔太差。同事話一般般問咗服務員top-up offer有什麼好介紹，佢話呢個比較多人嗌，即係比多人中伏😣PS. 兩個人食咗人一百幾拾蚊，坐咗幾粒鐘一直開會，服務員都冇炸個型，直到五點半last order埋單走人。～～～～～～～～～～～～～～～～～～～～～～～食物賣相＝(滿分20) 14食物味道＝(滿分20) 12服務質素＝(滿分20) 17裝修整潔＝(滿分20) 15性價比率＝(滿分10) 7回頭指數＝(滿分10) 4總評分 ＝(滿分100) 69分

我覺得食到好味既餐廳，個人心情會開心一整天。相反如果食到唔好味既餐廳，個人一整天心情會跌到落谷底。 今日去銅鑼灣做完野，上網睇下有無好野食，見到Time square有得食澳門菜，雙眼已發光，因為好耐無得去澳門。去食澳門菜都好其實門面裝修都頗有澳門feel。我叫左lunch set 葡國雞芝士焗飯，賣相係靚，而且個飯熱辣辣， 不過味道真係唔好食。我可以講同快餐店既焗雞飯完全無分別！何為葡國雞？！何為澳門菜？！個汁同雞完全無味個飯最好食係片菠蘿，可能我抱太大期望，價錢仲要$98 另收加一 ，價錢與食物質素不成正比！我唯一要讚係杯奶茶夠滑。 如果餐廳想經營，真心希望會檢討下食物質素！

出去食多數都係揀中式、西式、日台韓菜式好少係揀澳門菜，見好多無去過澳門就去times square小島回味下澳門菜澳門菜離不開葡撻，焗鴨飯，馬介休，葡汁飯 今次試左香脆乳豬野菌牛油焗飯同小島拼盤 香脆乳豬野菌牛油焗飯同平時食開燒味鋪既乳豬有d唔同，皮脆多肉用左野菌同牛油焗飯所以好香，菇味偏重，味道略鹹小島拼盤分別有黑松露芝士脆多士、芝士馬介休球、魷魚、乳豬手、紙米卷最好食紙米卷先 味道較淡>乳豬手>芝士馬介休球>魷魚>黑松露芝士脆多士

今日去完海洋公園去咗Times Square食飯，佢哋做緊好多優惠券，好似好抵食。我哋去咗13樓的小島葡國菜吃飯，同行四個人點左二人餐，此套餐會有忌廉湯及前菜-炸馬介休球，麵包、大蝦沙律同炸墨魚餅，味道不錯，剛剛炸起好，很新鮮熱辣辣，不算油膩，馬介休球中有溶化芝士，個人覺得最好吃。主菜有非洲雞，但係味道同之前吃的不一樣，是黃色的有黃姜粉味道但不辣，雞是焗出來的雞身上有好多脆脆，好似怪怪的！另外有個黑松露慢煮火焰牛柳，味道不錯，有牛肉味，因慢煮關係口感亦不乾，加上黑松露的點綴，味都幾配合。此兩個餸都會配薯菜，薯條炸得香口，蔬菜有翠玉瓜，菠蘿及其他豆類，配料豐富。我們另外在點了一個乳豬野菌牛油焗飯，豬皮上有芝士碎，水準不錯，加上芝士鹹香幾神奇，但感覺味道有點搶。托底的野菌牛油焗飯，黑黑實實的，很有味道菌味。最後上的有木糠布甸，木糠感覺不俗，中間忌廉很滑。套餐還有兩本杯飲，買單$720，Times Square來說尚算實惠，餐廳裝修挺新穎感覺幾舒服，是一些新派的葡國菜，帶點西餐上碟！侍應服務剛好，除咗白開水亦可以選擇溫水給老人家用，幾細心！

普通餐廳格局，冇乜特別，但就腳，係市中心少有嘅葡國菜/澳門菜餐廳。菜式係一般餐廳水準之上，所以平日都甚多人幫趁，需要輪籌。菜嘅份量足，因為已經嚟過幾次，所以我哋4個人只係叫咗個二人餐，有兩個黑松露野菌蘑菇湯、特色拼盤(馬介休球、墨魚餅、多士同一小杯沙律)、松露乳豬意大利麵同慢煮牛柳連煎鵝肝，另外再加兩個菜：燒沙甸魚同辣肉腸炒雜菜，跟餐甜品有木糠布甸，自己加咗葡撻。乳豬雖然賣相唔算好靚仔，但係味道唔錯，做到皮脆肉嫩，唔輸廣式乳豬。沙甸魚煎得好靚，不過要鍾意食魚嘅人先至會鍾意，因為魚刺頗多。其他菜式都冇投訴。跟餐甜品木糠布甸水準亦甚高，唔會差過澳門官也街嘅甜品鋪。

晚上黎咗time square嘅小島澳門菜～ 乳豬野菌牛油焗飯未送到已經聞到好香。乳豬厚肉同時皮嘅部分好香脆，飯底粒粒分別，份量唔算大女仔食岩岩好。乳豬包加左生菜蕃茄令整體感覺好fresh。雖然豬有小小韌但包身好脆，以light weight三文治角度睇做得唔錯，醬汁都好夾。總括來講十分推介大家試吓乳皮乳豬菜式，乳豬包冇澳門豬扒包感覺，想懷念澳門美食都係食返乳豬👍🏻

喺隔離戲院睇完戲， 見食評好似唔錯，順便過嚟食晚飯， 四個人嚟食叫咗五樣嘢，1）馬介休球淨係得薯仔得丁碎咁多馬介休2）大家樂嘅葡國雞都好食過呢度啲葡國雞3） 鴨飯細得可憐， 一百八十幾蚊個飯 都係淨係落芝士粉，連真芝士都慳4）個乳豬皮都ok脆， 但係唔似係乳豬，好似好大隻5） 個仔話個豬扒包好好食但係我冇食到啲餸出得超級快，啲侍應生不斷收碟，好趕咁樣咁嘅食物質素都要成兩百幾蚊一個人 ..... 完全唔知啲好評點嚟，或者落好平啲人從來未去過澳門食飯？！ 幾時可以開番關係澳門食番真正澳門葡國菜！

因為上網見到有朋友食過啲相影出嚟好似幾好食。咁啱又要過嚟時代廣場，順便諗住用咗$50優惠券。嗌左三樣嘢，乳豬焗飯，葡撻，同埋沙甸魚。先唔講味道，全部嘢食都係凍嘅，或者係微暖。葡撻好似自己整咁樣，一定係炸雞嗰間好食好多。沙甸魚好難形容。乳豬焗飯個飯冷冰冰，乳豬ok 既， 多肉，但係$188 真心貴。 對唔住，真係唔關口味事，不推薦。

星期三晚出動刺激經濟。 見到呢間嘢都幾多人幫襯，所以就排隊試下， 星期三晚都坐滿。食物係唔錯嘅推介葡國雞同埋葡撻，價錢如果冇優惠嘅話都幾貴 。但係香港好少見呢啲葡國菜，所以都算係值得一試。問題係服務態度真係令我唔會再返去。 入去前話九點鐘order九點半閂門， 大家講清講楚冇問題㗎。 問題係你最後變咗八點半last order， 九點鐘 就有下圖嗰位侍應喺你隔離抹餐具，然後大力揼落個膠兜。 好嘈真係好嘈，我以為自己得罪咗佢。最後9點10分忍唔住離開，佢完全冇視我哋嘅存在。 我諗過食完餐飯落得頭痛嘅下場。我放張圖出嚟係證明自己唔係講大話 ，但張圖我就唔顯示個侍應嘅樣貌， 佢唔尊重我，但我都會尊重佢。唔會再嚟幫襯。

食物幾好，豬排包真心好食。午市價錢好實惠。有免費配湯及飲品。但今時今日的服務態度，唔可接受。我們坐在入單機旁，不是繁忙時間，那個女侍應，不斷大大力放回本Menu 在架內，擘擘聲！其實佢想點？（帶黑色眼鏡框的@女侍應@沒禮貌，而且騷擾食客。時代廣場）

首先呢間店嘅防疫/衛生意識令人有點卻步！等位時，見到櫥窗葡撻，原本都覺得好想食！但突然見到店員係徒手拎啲葡撻上碟比客人，係徒手！就不敢叫了！另外，佢哋嘅餐具係成盤無遮無掩擺枱面。好喇講完衛生，講食物。我哋單叫一個焗豬扒飯，同焗鴨飯，仲有湯。焗鴨飯嘅份量係令我嚇親！同菜單上張圖爭好遠！鴨胸飯係$168，但係佢個size係同個湯碗差不多。男士係完全唔夠食！焗豬扒飯份量比鴨飯多約10%(同快餐店比就份量少大約一半！) 但味道其實同快餐店差不多，稱不上好食。結論: 食之前上OpenRice睇時代廣場入面最高排名就係呢間，所以先去食！食完就係好驚訝，到底佢啲好評係邊度嚟？10分奇怪！