臨記

Open Now

Now Closed

其實此店已經和女友來了差不多四五遍，但每一次也是沒有營業，仿佛是天意弄人，還是時也命也，沒有食緣的我和女友好生的期待。剛巧星期六路經此地，遇着它開門營業，當然要一次過試勻雞蛋仔及格仔餅，看看其格仔餅是否真的那麼無敵，又看看雞蛋仔是否真的那麼不濟，店員一有柯打才即製，格仔餅的烘烤機是可以轉動的，讓蛋漿分佈得平均一點，不因地心吸力的影響而弄至上輕下重，這與雞蛋仔的原理其實是一樣，但不知為何外邊的店子，永遠也是雞蛋仔的發熱板是可以反來反去的，但弄格仔餅是沒有這個功能的，莫非就是此處的秘訣？先來吃的是格仔餅，如之前的食友所言，是厚身大格仔的款式，吃之前，忍不住打開來看看，嘩！真的下得很多花生醬及煉奶，棒！也一大口咬下，外層確是非常香脆，而內層很鬆腍軟熟，而且有蛋香及牛油香，加上流流的花生醬及煉奶，不用說其他了，簡單美味。雞蛋仔也是即叫即做，熱騰騰的散發出不錯的蛋香，缺蛋香之說究竟是真的嗎？暫時不知對錯，也真的要吃入口才知，咬下是外層真的挺脆，而且蛋餡甚豐，奇怪的只是蛋香味低了點，不知為何會是比格仔餅的蛋味薄，明明也是用上相同的蛋漿吧，但坦白說，又真的不是薄得如沒味，只不過是沒有格仔餅的蛋味濃罷

早已o係OR睇過其食評..想黎試好耐喇~因為好既雞蛋仔易尋~但格仔餅並唔係間間都做得出色架~~坊間多是唔夠脆,食落似hotcake既質感; 有d夠脆但又唔夠厚~哈哈~難得今晚要過北角拎野~佢既名物當然要成為我晚餐之一啦…7點幾到~唔駛排隊..要左份格仔餅…5mins後到手~細心地用紙巾包住紙袋…影相後即食~外脆內軟…充滿蛋味~好厚身~但放心大啖食唔會脆到割到口…..雖然只係微脆但冇失望喎…食落有種有別於平時食開既味道~總而之就係好味啦~略嫌係唔夠醬…食完紙袋竟然乾乾淨淨…冇汁留o係度..?!可能因為厚身既關係~需要既花生醬同煉奶亦會想多d~食完唔覺漏~唔係好飽但好滿足….好期待下一次再黎食過~嘻嘻~有d驚佢出左名之後要排好耐隊呢…

又要喺做運動前食d嘢,jan 19,10嚟試吓呢間新新哋嘅格仔餅店,叫咗 : 1) 格仔餅 (hk$12)-呢個喺最多人讚好嘅item-我其實好少食格仔餅,所以唔知點樣嘅格仔餅先叫好食/整得好-佢喺無+牛油嘅做法,之後唧上花生醬,煉奶同蜜糖-我要求多d煉奶,佢當然無問題啦-我呢件只喺微脆,大部份咬落去都喺軟熟嘅質感-望到banner上寫住用日本麵粉,喺都似因個軟熟度真喺不錯,唔會1味得個腍字 2) lemon squash (hk$12)-呢個檸檬水是有點氣(co2)的,直腳似喺現成嘅lemonade,佢酸度不強,有種微微嘅檸檬皮味-勝在不太甜-不過還是喜歡紅磡媽x雞蛋仔住家同好飲好多 3) 雞蛋仔 (hk$12)-都試埋佢-佢嘅雞蛋仔吹風不足,所以無嘜脆度,而且比較薄同空心,呢邊比較飽滿.........實質另1邊都是平的,沒有卜起-而且比較軟熟,所以挺不起來-如果當蛋糕小食都可以,但作為雞蛋仔,就唔喺主流雞蛋仔嘅質感-用上呢種麵粉,會否做成鯛魚燒/判燒餅/叮噹餅好d呢?* 男店主斯文有禮..........

當晚七點九,去了臨記買格餅,剛剛聽到雞蛋仔已經賣完但格餅仍有蛋漿,這樣說雞蛋仔同格餅的漿應該不同了,看來店主花了心機研究,很有誠意而且店主不會多整蛋漿,應該是每天新鮮製造,抵讚即叫即做的格餅,不會預先做好再賣,加上新鮮蛋漿,製品當然是既新鮮又熱烘烘的格餅是厚身的,外脆內軟,味道剛好,吃得出真是較其他店少油少糖配上適量花生醬,練奶同蜜糖,味道恰到好處我個人也頗喜歡北角利強記的,不過利強記的雞蛋仔同格餅我吃了一半,就會有生厭的感覺但臨記就沒有,所以我認為臨記比北角利強記出色,而且臨記外貌看來也較衛生,店內光鮮整潔朋友曾說見過北角利強記店內有蟑螂,想起都怕怕最後,店主哥哥都很親切有禮,我見到很有禮貌又斯文地向客人解釋雞蛋仔已經賣完,找續也堅持用雙手的,下次會再來試雞蛋仔

星期一，與太座於天后辦一點事，也順道吃一點甜東西。月前於附近幫襯了「知味屋」嘅大格格仔餅，原來只是轉一個街口，有一間更加出名嘅「臨記」。有比較才可以知高低，筆者又怎會放過此機會呢。舖頭雖少，但佈局很光鮮企理。只有店主一人打理，有條不紊。同樣是大格餅，賣十二蚊一塊。蛋香從製夾餅機中傳出，老遠都聞到香味。全部都是即叫即整的，當然入口是熱辣辣的。店主見筆者與太座倆，主動詢問是否需要將一份夾餅一分為二方便食用。這是小店的一點人情味，要店主夠細心，兼有閒情才能做得到，缺一不可。味道與鄰近的「知味屋」不分伯仲。味道一欄，四分是當之無愧的。一間小店舖，用了語帶雙關嘅名字。這夜，在筆者與太座嘅心目中，她的夾餅已經成為當晚的主角了。

自從買過第1次黎食,即叫即做, 唔似其他鋪頭咁, 整定擺係到發覺格仔餅又香又有咬口,而且鍊奶x花生醬,冇乜太油好正, 之後keep住經開天后就去買返個黎食~而且佢個紙袋有1個個細"洞"透氣,咁就唔會熱得濟擺入去, 焗住,仲要比埋紙巾, 細心..其他, 如雞蛋仔等未試過...

I tried the famous jumbo waffle. The owner is polite and the shop is well decorated, simple, clean, and modern. From those little actions and attitudes, I can tell that the owner enjoy and love his business. He gave me a feeling that he love this little and simple shop although it won't help him to grab big bunch of money at this moment. My experience tells me that one can tell whether the cook enojy his job simply from his kitchen, his food presentation, and the food quality. I think this

食左佢個雞旦仔.. 真係唔怕得罪講句.. 非常之唔好食, 除左脆之外, 一啲雞旦味都冇..只係得啲奶味... 唔知點解仲叫做雞旦仔, 不如叫奶仔餅我諗住佢賣成$12, 應該好ok.. 好失望, 仲要我排隊, 下次都係搵番炭燒伯伯好過...

早前一個”小學生眼中最具香港飲食文化的地道食品”選舉~~雞蛋仔原來也來頭不少~成了第一位~~~連這一代小學生都對雞蛋仔格仔餅等小吃印象深刻~大概我們小時候的回憶會更加深入~小販檔來得更繁盛~價錢也當然合理得多~格仔餅可以半份買~最愛多糖多奶少油!!yeah~無敵已經很久沒吃過對胃的格仔餅了~~就算一家雞蛋仔多好吃的店舖~~格仔餅都未能如意~真的一山不能藏二虎嗎~?!有一些軟得似濕水海綿~有些剛硬脆如taco弄得口腔上顎都損了~有些省略了靈魂之一的砂糖….不時都會在天后一帶逛逛~在一個晚上就巧遇了這家入夜都未關的小小店在大街的不遠處~~見不少人都要格仔餅~也來了一份~~等上10min左右~~幸福的感覺全湧現~~hahah~雖然沒有砂糖的眷顧~但沒有用上牛油~正合我意~快快地解決了~期待下次再來之時才慢影慢食~~在自已忙著的時期~~沒想到這家小店就被身邊的食友們發掘了出來~搶著要來試這應當”主角”的臨記~~哈哈~~~我的best keep secret就這樣失去了~haha短短一兩月之時~小比已經幫襯了四五次~只因紅隧到天后不消10min~還要一下車就到~~那有不吃的理由~~~這裡的格仔餅

本身對格仔餅不算是狂熱份子,但一聽到友人吃過在天后某小店的格仔餅,吃到內心激動起來,一臉好奇,藉著是夜在大坑一帶掃街之便,聯同眾友人來一試這檔格仔餅,而這間店名,是臨記.晚上七點多來到,檔口前沒有人,幾位朋友圍在一起,已是奇觀.拿起大炮細炮左影右影,路過的旁人回望我們,會否笑我們傻的嗎?此店的格仔餅是即叫即整,雞蛋仔亦是,通常即叫即整的格仔餅,一定不會太差,除非整到膿.新鮮熱辣的格仔餅,拿上手自然熱辣辣,餅底堅挺且厚,吃下去很鬆軟,夾在中間的花生醬汁點到即止,不會吃到一手都係,雖然是有一定的水準,但我覺得吃格仔餅,也是應該是這樣.可能大家追求的東西不同,有些人在翡翠拉麵吃個小籠包也感動,而我就看見香港隊,在東亞運動會決賽,互射十二碼打敗日本後,興奮得差點流下淚來.

12-12-2009是日銅鑼灣比平時更多人, dinner 時段「暴走」大坑 / 天后一帶避「人氣」. 記得食友之前介紹呢度的雞蛋仔 / 格仔餅好好食, 又嚟整返底試試.即叫即整的格仔餅 ($12) 等了近 10 分鐘先有得食, 拎上手係勁熱, 未食已聞到好香蛋 / 牛油味, 好吸引 咬落外層乾身鬆脆, 內面就好軟熟, 帶點 moist, 蛋味濃郁, 煉奶及花生醬份量剛好, 甜度 ok, 食多兩啖都唔覺飽膩, 正! 好耐無食過咁好食的格仔餅, $12 值得試試. 下次食雞蛋仔!

食過幾次臨記雞蛋仔同格仔餅，好有Heart有水準，粒粒雞蛋隻都食出老闆心機起哂到，格仔餅d花生醬同練奶剛好，唔會太甜，好香蛋香好脆口，即叫即做，好好味啊!!雞蛋仔同格仔餅做得一流，佢果d雞蛋仔同格仔餅唔可以同出面旺角果d相比，佢既價錢同食物合理，食完臨記雞蛋仔同格仔餅，真係唔會再幫襯旺角果d~~~!!食過幾次可惜我忘記了影相，不過我一個禮拜會去天后做野，經過一定會幫襯，果日我唔肚餓，唸起臨記新出左梳打西柚檸檬味果汁就去解下渴，去到5點幾已經排哂隊，老闆好有禮貌，問你要d咩，等左幾分鐘就有冰涼既果汁，好味呀，一d都唔會太酸，好香好甜既果汁味，佢d冰剛好，唔同出面果d一尾冰多過果汁，店鋪裝修新穎有Design Taste，乾乾淨淨，唔會一手搞食物一手找錢，用個夾夾食物比客人，而且食物既紙袋都好有Taste，唔同出面用果d Cheap 紙袋，一個男人處理哂整間鋪，快手但唔會求其，時時去到都見到d小朋友放學去臨記幫襯，連小朋友老闆仔都對佢地有禮貌，呢間鋪值得去幫襯!! 好有Heart，老闆仲好靚仔好好人，唔知你記唔記得我話你知，你間鋪上左openrice呢？哈哈哈

放學肚仔餓諗住去呢度吉魚蛋(好堅韌) 去到門口關左,打算走既時候就見到老闆拉閘 叫左日本咖喱魚蛋(10粒/$11)+格仔餅($12)包裝袋靚,又有d洞for散熱,仲加上一張抹手紙 (幾有心思)上次食左雞蛋仔 脆得黎又有咬口(唔同北角雞蛋粒-一味得個脆字,冇乜咬口 - 個人主觀意見)格仔餅真係唔錯又香又脆又有咬口,正!! 鍊奶x花生醬 = 又唔會太油食完冇咁有內疚感(coz佢係冇落油)肥少d 食多d老闆見我地幾個女仔,仲主動問我地駛唔駛切開非常窩心 ^^"即使成班人客係度 都唔會待慢客人 十二蚊,咁正既服務 一定再黎ps. 老闆幾靚仔,有d鬼鬼地

最近上網見到有人讚臨記呀~今晚途經天后,專登嚟揾這間店子終於被我同男友揾到呀~店子係細細, 一個男人負責幾部機佢吔既格仔餅, 標榜: 無油,低脂我一向愛健康食物~ 呢個格仔餅啱晒我呀~我吔等時都不斷有人買, 係咪真係咁好食呢?我吔等咗一陣, 男店主仲同我講佢吔既格仔餅係加入花生醬,煉奶及少許蜜糖架~第一次食格仔餅係有honey~期待己久既格仔餅終於到第一啖好脆. 第二啖食到花生醬味及honey 味~我男友覺得佢做到傳統格仔餅既風味呀~一路食也不覺得佢因為凍咗而淋呀~ 仲好脆好好味呀~ 食呢個都覺得自己好健康呀~

做我們此行業要是一天到晚對住電腦和電話，真的會使人精神錯亂，所以每當一段時間發現自己已經好像手提電話無電一樣的時候，我就會去買些東西來吃，重新叉電，否則勉強下去事情也不會做得好。 行行重行行，來到天后近地鐵站口之處看到有雞蛋仔和格仔餅賣，所以一個箭步就上前買格仔餅，因為更擔心的是附近學校之同學仔會出現的話，那就有可能要等候很久才會有得吃。全店面積不到一百尺，只有老闆一人坐鎮，全店也只有三個雞蛋仔爐和兩個格仔餅爐，所以，您試想想人多之時要等候多久呢？好彩此處等候不用像北角那邊的出名雞蛋仔檔要在馬路邊站立等候，總擔心轉彎之大型巴士好像擦身而過那種威脅感。 老闆每每笑容可躬的面對客人，現在不單單是雞蛋仔和格仔餅，還有賣燒賣和丸子，更加新出有檸檬雜飲。 我今天對雞蛋仔沒有太大興趣，反而一直對格餅非常種情，也許又是兒時的食物味道經驗長留腦海的原因，記得以前吃一個格仔餅已經可以飽肚很久，入面的砂糖，牛油和花生醬產生的味道感覺從來沒有忘記過，即使以前光顧的車仔檔每每因為要走鬼而令危險處處。 格餅的特點是Waffle方格比較其他的大，所以不用擔心像以往吃格餅是入面的醬料被擠出令自己滿手也被沾污。剛剛做