迦拿名薈 (Closed)

今日請親戚食飯，試下呢間新野，難得佢有套餐特價，所以叫左一圍試下。由於個晚擺酒，位置比較迫。而可能佢唔夠紅酒，居然同我地講個餐支紅酒其實唔包，只係寫錯左😵😵佢既食物質素都算唔錯，炸子雞好香趣、魚算新鮮，龍蝦伊麵味道好、其他菜式都唔錯。以人均$200黎講都算係咁，大家經過都可以試下

今日同媽媽兩個人去觀塘行街，到午飯時間諗住去嘆個茶，就去apm旁邊的鱷魚恤大廈搵食，我地都冇乜心水，誤打誤撞之下就上咗去迦拿名薈飲茶。原來我地兩個人只可以揀1款優惠最後揀左紅燒乳鴿午市無論係點心、小食、炒粉麵等，選擇都非常之多。手拍青瓜海蜇，餐前開胃菜一流。叉燒米粉，$33不算便宜。日式胡麻鮮淮山，新鮮淮山非常爽脆，配上胡麻醬非常好食，有驚喜煎虎皮尖椒，尖椒有啲都幾辣，非常啱鍾意食辣既我蝦餃係我飲茶必點嘅點心之一！呢度嘅蝦餃都好大隻，蝦肉爽脆鮮甜，屬水準之作！鮮蝦腐皮卷炸得非常脆身。燒乳鴿好食！送上黎時仲係熱辣辣魚翅灌湯餃非常足料，湯底先甜

相信很多人多數過時過節或喜慶時份才會到酒樓吃，不過其實就算平時去晚餐吃小菜都好平常~今晚就跟友人來到這迦拿名薈吃個晚餐~門口已經有美美的婚宴擺飾。相對其他酒樓，這裡不算大，但環境乾淨有雅氣，坐著不會局促。晚市最抵食當然是孖寶！如不是只有兩人，我們會叫兩份不同的孖寶兩個人點三道菜剛剛好~這裡的上菜速度頗快！先是吃孖寶E的蒜蓉粉絲蒸扇貝，有四大隻，上面佈滿粉絲，蒜蓉和蔥花。撥開配料，其實扇貝都頗大隻，雪白的有鮮味，加上它的蒜蓉味道相當香濃，用來撈蔥花和粉絲同吃好惹味！點這孖寶的重點就是吃上湯波士頓龍蝦伊麵，有原隻龍蝦！伊麵底的量也多，要續好幾碗才吃得完。上湯味道鹹香，唯一是覺得麵剪得比較碎。龍蝦的肉量多，無論尾還是鉗都有滿滿的肉，鮮甜，爽口又彈牙，好新鮮孖寶以外另叫的是XO醬蝦球蚌仁，上菜時香香的。蝦仁好大粒，無雪味，口感也是爽的，蚌片的質感更爽脆，混著xo醬吃味道夠豐富。吃完主菜，店員主動走來問要不要甜品，就送了紅豆沙給我們了！紅豆煲到起沙，味道又不會過甜，值得一讚！在雅緻的環境下吃了全海鮮宴，每人只要180左右，不算貴吧！

剛剛轉咗餐牌，無乜ideas，叫店員推介。要係觀塘搵間茶樓，真心唔易，又要乾淨，呢間食過都ok（印象中上手就麻麻地啦）。蝦餃皇，蝦大大粒，皮無穿到，食得出係新鮮嘅。呢個係合桃包，我都係第一次食，點黎食下。佢入面有芝麻，同合桃融合，味道唔錯，唔會過甜。又係甜品，係佢呀，被佢個樣吸引咗，點都食啦，打卡呃like都好。涵係紅豆，佢做得唔會過甜，都可以嘅。佢個樣真係好搞笑。乳鴿係即叫即整，好香，外脆內軟，可以再乾身小小。避風塘蝦飯，正，有6隻蝦，炒得好香口，一口飯一口蝦，好味，佢有炒蒜，辣椒配得好。青口飯，隻隻青口都好肥美。店員見我地女仔，少飯，係剛剛好，而且服務好。

成個鱷魚恤中心都係餐廳同酒樓, 今日就揀左迦拿名薈嚟醫肚. 平時午市勁爆, 晚市相對靜D, 吾洗等位, 去到有得入.2個人叫3個小菜, 差吾多啦, 仲要俾食肉獸(我)爭取到多肉少菜, 哈哈.勁肚餓, 好在經理落單快, 廚房出菜又快, 吾洗15分鐘有得食, so good!燒鵝例牌 :隻燒鵝靚到呢, 真係見到都流口水, 仲要係下庄, 有脾, 不得了, 只係 $128, 勁抵,! 塊燒鵝皮又香又脆, 啖啖肉, 肉質好林, 一D都吾韌, 我都話叫半隻喇!! 做咩阻止我!!!鎮江一口骨 :又一個無敵! 少骨, 啖啖肉, 仲要係半肥瘦!! 酸酸甜甜, 好開胃, 點可以咁好食ga!!!乾煸肉碎四季豆 K喎, 除左肉碎吾夠多, 佢個味道係真係好OK ga 喎. D豆吾知佢點煮ga呢, 好爽口, 同平時D林pat pat 嘅好吾同, 夠濃味, 送飯一流!甜味有紅豆沙, 多豆, 煲到起沙, 甜味岩岩好, 吾錯.

同姐妹出街食飯, 去左佢公司附近, 觀塘鱷魚恤中心嘅迦拿名薈. 佢話呢間裝修靚, 又好坐, 同埋易搵位, 最緊要係啲嘢好食呀.去到就有位, 唔洗等, 太好了. 仲可以對到正個電視嚟坐, 太好喇我地唔敢叫太多, 驚食唔晒, 所以只係點左一個瑤柱海品什菜煲, 同香醋一口骨.講嘢食之前要讚左呢個嘅 service 先, 經理好態度不在話下, 連侍應都咁勤力同 nice 依家真係好少見. 我只係扭開個水壺睇下有無水, 佢就即刻過嚟話幫我換過壺水. 我地食2個鐘頭飯, 佢都幫我地換左2次碟. 服務實在太高質! 讚讚讚!!!到嘢食喇 … …香醋一口骨 --- 雖然佢個size絕對唔係一口, 但真係好好味呀, 又唔硬喎, 好得!瑤柱海品什菜煲 --- 有相為証, 超足料 : 瑤柱, 蝦米, 墨魚, 冬菇, 秀珍菇, 白菜仔, 西蘭花, 小棠菜, 粉絲 … 多到數唔晒, $98咋, 實在太抵食!! 2個人share左一碗飯, 掃晒啲餸, 最後仲有2碗紅豆沙送, 今個 gathering 真係 perfect!

一向都係一個好有計劃嘅人，每件事都鍾意預早安排，按步就班，所以突如其來嘅假期，的確打亂咗自己嘅生活節奏。不過「既來之，則安之。」趁仲可以偷懶多幾日，就一於相約小鬼去吃午飯。上次去咗偉業街宏利金融中心，今次就近近哋，嚟鱷魚恤中心 9 樓，呢間「迦拿名薈」試下。以前成日喺觀塘打躉，記得嗰陣鱷魚恤中心嘅食肆唔多，上去飲茶食飯亦唔需要排隊。估唔到而家食客絡繹不絕，嚟到時啱啱好 12 點，已經近乎全場滿座，非常旺場。先細看平日午市點心價目表，優點：$12.8、小點：$18.8、中點：$23.8、大點：$28.8、特點：$33.8，頂點：$38.8，茗茶每位：$10，點心價錢比起樓下食肆略平，而且除了正價點心外，還有不少午市優惠推介、自選超值套餐、抵食三寶等，選擇非常豐富。小鬼同我口味相似，極愛吃煎炸熱氣野。先嚟嘅鮮蝦蒜茸長春卷 ($28.8/大)，用酒杯盛上，外皮炸得不油不膩，食落夠曬鬆脆，加上入面彈牙的蝦肉和香口的蒜蓉，簡單得來又有點驚喜。七味鹽魷魚鬚 ($58/廚大)，椒鹽魷魚鬚一向是小鬼嘅至愛，而這裡的魷魚鬚亦做得很不錯，炸漿夠薄，焦脆可口，七味粉的調味不會過搶，魷魚鬚軟熟不韌，彈牙有嚼勁

平時番工咁忙，又常常OT, 習慣左快餐式飲食。依個星期難得準時放工，今晚book 左依間酒樓同媽媽品嚐中菜、傾下計❤️依間酒樓係阿媽點名要試，佢話早前同行山既朋友黎過飲茶食點心，覺得幾有水準，所以想試下佢晚市既小菜。-酒樓有多款小菜，有套餐有散叫。 我同媽都唔算好大食，散叫左兩個小菜，一碗白飯。兩款小菜一清淡一濃味，有水準，值得推介。-❤️濃湯海生蝦浸勝瓜這款小菜用較多海蝦做濃湯底每隻海蝦大小相若、湯清甜有蝦鮮味勝瓜色澤賣相嫩綠新鮮，而且很清爽-❤️秘製欖角冰梅骨 每次去酒樓/茶記食飯，屋企人都愛點這款不過通常都係骨多過肉😂但這間酒樓的欖角冰梅骨，令人有點surprise 新鮮腩排經調味料醃至鬆化入味冰梅醬與碎欖角惹味無比而且每件都有份量。啖啖肉！酸甜度適中，不會太濃稠，令人胃口大開心機之作，能吃出師傅的功架-❤️紅豆沙最後飯後來一碗經典中式糖水大滿足紅豆入口軟腍，清甜中帶一股果皮香-下次同埋爸爸細佬再黎先😁

公眾假期同屋企人飲茶係好多人嘅慣例，但對於屋企個個都咁忙嘅一個家庭來講，一齊坐低飲餐茶唔係咁容易，今日大家一齊夾好時間，一齊出觀塘飲下茶，齊齊開開心心食餐好野!蘑菇仿真度極高，見到咁得意嘅包已經流晒口水。包嘅質地好鬆軟，白雪雪軟綿綿好似棉花糖咁，不過有啲失望嘅係餡料比較少，得少少醬汁同埋雜菜粒香菇粒等等，雖然香菇味幾突出，調味適中唔太鹹，但足料啲會更享受。呢個鮮蝦韭菜餃就不得了喇，非常之推薦，外皮軟熟，內裏全部都係韭菜絲同蝦肉粒，塞滿晒！隻隻都咁飽滿， 十分抵食！👏🏼蝦餃亦都好有水準，同樣軟熟熱辣辣的外皮裏便包住好大隻爽口鮮甜嘅新鮮蝦，每一件都好飽滿，鮮蝦肉中保持肉汁👍🏽金錢肚質素也不錯，重點在於醬汁調味剛剛好，充滿蒜香之餘，咸度適中，如果多番少少香辣的口味會更加好，不過金錢肚炆煮得夠，輕易咬得開，算係幾好😽😽呢度嘅鯪魚球比足魚肉，絕對唔係食到成口粉，魚肉打得幼滑，入口彈牙，真係食到魚味，食到嘅真係心機～諗住最後用個甜品作結點，點知真係俾人嚇親🤢，圖中所見嘅估唔到係法式焦糖燉蛋，似蒸蛋多啲，裏面全部係氣泡，冇咩奶味，質地仲要好粗糙，大家下次叫甜品食點揀啦。

同朋友黎開觀塘買野，係apm周圍睇下有咩食期間，發現隔離既鱷魚恤中心都好多野食，就過去睇下！係甘多間酒樓入面揀左呢間迦拿名匯，因為佢個環境好光猛，而且裝修都企理，而且仲免茶芥加一添拔絲咕嚕肉呢味好好食！一上檯賣相已經好靚，色彩繽紛，味道酸酸甜甜，而且面頭仲有層脆脆地既糖漿包住，十分開胃！乾煸肉碎四季豆送飯之選！四季豆炒得乾爽，肉碎惹味，送幾碗飯都得川味水煮牛肉一上檯比佢嚇親，大量辣椒鋪係面，但食落其實不太辣，偏向麻味，唔係太食得辣既朋友都食到元貝浸勝瓜呢味餸有驚喜！元貝好鮮甜，初初諗住一定係罐頭貨，食落發現十分新鮮，推介！

今日同2個朋友去開官塘個邊, 人頭湧湧, 唔知食乜好, 行到去鱷魚恤中心見到有好多間酒樓, 朋友又想食中菜,我地揀咗間叫迦拿名薈試下啦~ 點知有驚喜~~~~~~~~~平日7點去到都爆爆地, 好彩我地人少, 去到即有位, 坐落環境好闊落, 坐得都幾舒服~睇下餐牌, 真係花多眼亂, 幾多小菜套餐優惠唔知食邊個好, 但有位朋友話飽飽地~ 咁我地就清清地叫咗幾個小菜食,無叫到佢D套餐.....我地叫咗拔絲咕嚕肉, 乾扁四季豆, 水煮牛肉, 同帶子上湯浸聖瓜, 拔絲咕嚕肉---外脆內乾, 拔絲情況明顯, 甜酸平衡~ 好好味~乾扁四季豆---四季豆扁得乾身惹味, 餸飯一流之作~水著牛肉--- 做得非常傳統川味, 好香花椒味~ 辣度啱啱好~ 牛肉嫩, 芽菜爽, 口感層次多~ 好好味~帶子上湯浸聖瓜---帶子係新鮮有裙邊既靚貨, 肉甜爽口, 上湯非常濃郁, 聖瓜完美去青, 出色之作

迦拿名薈用紫色作為主題顏色加上閃令令水晶吊燈, 裝修幾靚!晚飯時間都頗多顧客, 如果唔想等位, 最好BOOK定枱!迦拿名薈有晚飯套餐, 最平二百幾就有交易, 確實超值!當然都可以散叫, 多款精選小菜都不超過一百蚊，價錢吸引!多款海鮮小菜, 價錢都唔超過二百蚊, 似乎都抵食!鮮帶子浸勝瓜大大粒既帶子有4粒! 鮮嫩彈牙, 沒有雪藏味!上湯清清地, 唔油膩, 又唔會過咸, 勝瓜吸收左上湯既鮮味.簡簡單單既一個小菜, 係一個健康之選!秘製欖角冰梅骨大大件既冰梅骨有5件! 本身以為冰梅骨會有骨, 點知啖啖肉! 可能係餐廳好細心, 煮之前將排骨起骨!冰梅骨外層炸得香脆, 同時肉質軟淋, 保持到有肉汁!冰梅骨既欖角味道都幾突出, 醃得入味! 如果冰糖同梅子醬既味道可以多D就更好!

星期六同屋企人去觀塘行街街，行到攰就搵間酒樓食晚餐。聽講有間酒樓街坊價位，於是上去試試。我哋大約6點去到，可能太早未有太多人用餐，一坐低部長就企定定招呼。由於未幫襯過，問吓部長有咩推介，佢幫我哋落咗拔絲菠蘿咕嚕肉同元貝浸勝瓜。呢排天氣咁熱，想食辣嘢，所以我哋叫多個水煮牛肉同肉碎炒四季豆。大約5分鐘，拔絲咕嚕肉就出現，用桃片圍碟邊，靚到好似去飲宴咁！一夾起舊肉，真係拔絲㗎～外層又甜又脆，咕嚕肉淋淋地但唔肥、又冇骨，部長果然冇介紹錯！元貝浸勝瓜亦有驚喜，初初諗住元貝會係細細粒，點知大過五蚊銀，仲有埋條元貝邊！咬落清甜，有5大粒，抵食！水煮牛肉就可以再辣d，反被吸晒辣汁嘅青瓜搶晒鏡肉碎四季豆就加入薑蔥炒，非常香口！最讚嘅係酒樓用白燈光，夠晒光猛，仲有超大電視，可以電視撈飯！

我哋嗌咗個胡蘿蔔鹹水角，鹹水角手工精緻，真係好似紅蘿蔔。橙色嘅酥炸糯米皮上面仲有沙律菜做紅蘿蔔啲草， 幾得意。食落去鹹水角嘅餡料不錯，唔會過鹹。不過如果再多少少餡料就好啦。 另外，我哋都嗌咗個蘿蔔千絲酥。呢個點心手工非常精緻，炸皮上面有一層層分明嘅酥皮，絕對能夠做到千絲嘅效果，咬落去嘅時候非常鬆脆。而且蘿蔔絲好多，調味適中，唔會鹹得滯，但係亦都唔會過份淡味，蘿蔔絲一啲草青味都冇，值得讚揚。除此之外，日本紫薯天鵝酥都係有驚喜嘅。賣相非常吸引，炸出嚟個樣可以仿效到天鵝羽毛一絲絲嘅感覺。食落去嘅時候紫薯唔會過甜，但係有淡淡嘅紫薯香味，餡料亦都足夠能夠平均分佈喺炸物入面。總括而言，所有點心嘅賣相都非常精緻，精選菜單上面嘅點心的確好食。如果大家唔想飲茶淨係食啲普通嘢，想試新嘢嘅話不妨黎啲一間試下

今日難得屋企齊人，冇人要返工或者加班，當然要就阿爸阿媽去食中菜等佢哋開心下！阿媽話依間〈迦拿名薈〉新裝修，決定上去試下。成個場地粉粉紫紫，全場無柱設計，樓底又夠高，確實擺酒一流。仲有大吊燈，熄曬燈進場一定好靚平常日子食晚餐可以揀套餐，價錢幾抵。海鮮都唔貴喔其他小菜都好抵食，大部分都唔過一百蚊。如果多人都可以揀一圍圍嘅套餐，有老虎斑喔平常一家人食飯唔使下下叫咁貴嘅。經理推介之下叫咗一個拔絲咕嚕肉，又真係幾好食喎！絕對做到拔絲嘅效果，而且咕嚕肉外層唔會畀醬汁浸到淋曬，保持到香脆，肉質唔乾不柴，唔怪得係鎮店之寶。倉魚平時喺屋企多數清蒸，今次竟然可以食到香煎！識煮飯嘅人都知，要將一條魚煎得乾爽，技巧的確不少，今次呢條倉魚可以話係煎得完美！結實不鬆散，外皮香脆，味道亦咸咸香香咁，好惹味。魚香茄子不嬲都係我嘅最愛，今次當然不能放過。WOO！！茄子大大條加埋d炒過既肉碎，香香辣辣又惹味，送飯真係一流屋企人話乾扁四季豆亦整得唔錯，但我本身唔食四季豆所以唯有睇住屋企人將佢哋全碟清曬，應該味道不錯哦。小菜價錢唔貴，環境亦靚，下次一家人食飯可以再嚟。