粵廚點心專門店‧椰子雞煲專賣店

Open Now

Now Closed

今日做完GYM 夜夜地, 又好想食茶樓點心, 朋友之前去過一間係油麻地開到11點既點心專門店(粵廚點心專門店), 佢話幾扺食所以去試下~ 去到裝修簡潔舒服, 😚👍🏻👍🏻👍🏻卡位好闊落~ 幾好坐~ 睇下餐牌, 價錢好扺食下~ 盅頭蒸飯28蚊, 蝦餃燒賣各28蚊~ 重點佢連燒味飯都有36蚊, 茶芥5蚊位, 最後我地叫咗兩個點心拼盤38蚊, 裡面有蒸蝦餃, 蒸燒賣, 乾蒸燒買, 蒸潮式粉果, 蒸豆苗餃, 同埋滋味蜂巢糕, 以38蚊哩個價錢真係好扺食~ 我地仲叫多咗個蠟腸蒸雞飯28蚊, 好大盅下~👏🏻👏🏻👏🏻 D雞好滑好入味, 🤤🤤🤤還有叫多咗一個燒鴨米$36, 哩一餐好滿足丫~~ 值得推介的~🤰🏻🤰🏻🤰🏻🤰🏻

位於油麻地佐敦之間坐落於彌敦道的點心店有別於大酒樓歡的逼逼澀澀，嘈嘈吵吵餐廳有向著玻璃的卡位也有圓枱Menu差唔多一眼清楚睇哂！價錢大眾化點了一個不是太多酒樓有提供馬拉糕鬆化軟熟珍寶蝦春捲配沙律醬春捲熱辣辣奉上，淡淡蝦肉脆皮鮮蝦腸粉腸粉皮不算薄，但好滑，每一件都有一隻蝦在内土魷肉餅飯土魷味不算太濃，但肉餅份量出奇地多布滿飯面， 配上甜豉油更能帶出肉味滋補藥膳鳳爪一中有三隻鳳爪，藥膳味不算太濃， 不喜歡太濃藥材味的最適合不過了兩個人食咁多嘢都係剛剛150元太抵了

平時搭車經過都有留意到呢間點心專門店，因為個門口好大好闊，今日經過開就同朋友黎飲個茶餐具都好有中國風呢個menu好好呀，每樣野都有實物相雜菌素腸粉腸粉皮好薄好滑我食第一啖就已經好有驚喜(真心無誇張的)粵廚蝦餃皇奶皇流沙包呢個奶皇包流沙既程度超少，有點兒失望因爲我超鐘意食一咬開就流哂啲奶皇出黎果隻！珍寶蝦春卷春卷炸得好脆卜卜每一啖都食到爽口既蝦肉鳳爪排骨飯本身我無打算食的，係朋友話好肚餓，要食飯，所以我打算佢自己食哂但黎到時，見到蒸得好靚，粒粒飯，但又唔會好乾，仲有適當既油香，所以我都忍唔住要食一碗養顏薑汁糕一黎到薑味好突出，已經聞到而且口感煙煙韌韌，好好味甜度又岩岩好呢度唔駛加一服務費，都好抵食👍🏻

位於油麻地地鐵站同埋佐敦地鐵站之間嘅粵廚點心專門店係少數連鎖經營嘅點心店由於所有點心餐廳都係即叫即蒸，所以都要等一等先有得食，首先出場嘅係魷魚肉餅飯，一上枱已經聞到香氣撲鼻，同埋個蒸飯份量都幾大，唔係一般係酒樓見到果D細細碗，夠晒抵食。魷魚肉餅好均勻鬆軟，蒸得恰度好處，如果覺得唔夠味可以再加多少少豉油調味。每次食點心都會食鮮蝦腐皮卷嘅我又點會例外呢，外層腐皮炸得酥香，入面充滿鮮蝦肉，不過香口野點都係多D油，如果唔介意食肥少少就記住要點！蝦餃外皮薄透唔容易爛，最緊要係內餡入面有滿滿彈牙嘅蝦，愛蝦人仕必食。估唔到燒味呢度都有得食最後緊係要食返個甜品先至走

#小秘書 今朝食完個早餐，就一直忙住去修理啲眼耳口鼻搞到下晝四點幾先有時間去食嘢... 愛靚唔愛命咪就係咁解囉🤭 呢排食得太什，一條友又唔想去食茶餐，反而好想飲杯濃嘅中國茶，清吓啲油脂🐷 咁啱見到附近有間食中式點心嘅餐廳「粵廚點心專門店」，就去試吓啦！因為實在太肚餓，我隨咗叫個臘腸蒸雞飯之外，仲叫咗籠 #蝦餃 同 #灌湯餃 🐽 ... 一個人食咁多嘢，係咪有啲嚇人？難怪我減極都咁肥😅 好彩每一樣點心嘅份量都唔太多，臘腸蒸雞飯配埋啲點心一個人食就剛剛好😋 無諗過一間小小嘅點心店，都有咁高嘅水準👍🏻 蒸飯上面嘅雞件好滑好入味、白飯吸哂啲雞汁再配埋蒸飯豉油好香口😋 灌湯餃雖然得啲碎肉、蟹柳... 但係配埋個湯底，我都覺得幾好味😋😋 蝦餃亦好足料，啖啖都係蝦肉😋😋😋 不過我個人認為餐廳可以考慮加張枱墊，咁就唔使搞到有潔癖嘅 #小秘書 不停為蒸籠流出來嘅水氣抹枱啦😆

這幾天，同學們日日中午放飯也去飲茶，令小妹我心痒痒。星期六，和家人到油麻地找維修物料，眼見正好有家點心店，一於入去治下五臟腑。茶位5x2粉果19粉皮澄粉不過軟，吃上來不會過份黏痴。很喜歡花生葛等爽口清新，大大一個滿足喔！蝦餃28蝦跟荀豬肉比例恰好，彈牙，皮也不痴筷。燒賣28沒有豬肉肉腥味，調味ok，肉也有嚼口。黑松露鳳眼餃33賣相靚，蝦又多，有樣有內涵。燒鴨瀨36今天天氣份外曬，叫人想吃些更飽肚的。二人分享打底，就不會一下吃撐食不到點心了。燒鴨味道濃郁，雖然鴨位置較瘦，肉不少，肉香，瀨粉很滑，整体味道👍🏻食後感：地方超大，樓底勁高，茶樓佈局，點心店價錢。

今晚收工有d晏， 整個人身心也很累就去揾男朋友食個簡單既晚飯在油麻地附近收工，男友提意不如飲茶，走到附近就有間大大間的點心店，走到店内十分舒適，雖然已坐滿滿客人，但一點也不感焗促。這裡有併盤十分適合一人到來，有蝦餃，燒賣，牛肉，粉果，鮮蝦菜苗餃，味道很不錯，重點係可以一次過食勻我想食既點心。另還點了香茜牛肉腸，是即拉腸粉，皮很簿入口很滑，很久已沒嚐這高質數的腸粉。本想再多點一款點心，但還是有點飽，留待下次吧。簡單就好，很滿意這夜的點心，會再來。

好耐無食過點心喇，唔知點解成日都係夜晚先想食點心，好彩油麻地呢頭有間專食點心既餐廳，等我唔洗餓到第二朝先有得飲茶。蝦餃最能睇得出間茶樓啲食物質素如何，呢籠蝦餃一黎到我就知道係用心之作，水晶皮之下透視到入面有勁多蝦，好飽滿，啲蝦食落口仲係唔腥既，有水準呢！鵪𪂹燒賣好大件，抵食！鮮竹卷夠飽肚，入面好多料，結實。古法藥膳鳳爪一黎到已經聞到陣陣藥味，真材實料呢，食落唔會太苦，甘香為主。鳳爪排骨飯大大碗，排骨蒸得剛好，唔韌。燒鴨賴粉唔係度度有，呢度都有真係無得頂，鴨鴨肉肉的，滿足！

公司附近開了很久，都沒試過。今天來買外賣。價錢略高，一個點心，如牛肚都28元了。今天買盅飯和例湯。南瓜湯。一喝，有點驚訝，喝不到有味精，感覺清甜。而飯則乾身好吃，排骨风爪都很惹味。姐姐態度也好。我說想快，她到廚房查看有那款飯是蒸好，不用等讚。物有所值。

閒日放假自己去飲茶，邊到會有又平又好食的茶樓呢。揾左一輪，發現在油麻地有間不錯的茶樓，來個一盎兩件。茶樓在地鋪，地方大，環境又通爽。坐得舒服之餘又唔怕焗束。餐牌上都有好多點心選擇，價錢都好中眾化呢。除平時想見的點心，有些是挺特別的啦，連老火湯水都有。呢個老火湯正呀，用料多，湯濃厚！有豬骨蘿蔔，非常香甜，都只係幾廿幾蚊，唔洗自己煲。菜心新鮮，習慣茶記都會叫個菜食。黑松露鳳眼餃$33平時食餃就食得多，黑松露既都係第一次，香氣誘人，蝦又大粒！臘腸蒸雞飯$28雞件滑，臘腸香，一個可以做午餐，好抵食！原隻鮮蝦腸$31腸粉滑，蝦量足！飲茶必備！

吃點心不用局限在傳統酒樓，可以更安靜品嘗點心。古法馬拉糕，黑糖味濃（古早味），軟熟，甜度剛好燒汁醸茄子 魚肉有很香的芫茜味 可是友人不愛芫茜粵廚蝦餃皇 蝦子大顆及夠味

今天起來突然很想吃點心，於是來到油麻地的粵廚點心專門店。點心的款色應有盡有，除了點心，還有燒味飯。我一心來吃點心的，叫了六款。粵廚蝦餃皇，餃內的蝦非常爽口彈牙，配上一點辣椒油，perfect match！鮮蝦燒賣皇，跟蝦餃一樣，必須配上辣椒油一起吃！豉椒蒸排骨，很香口，排骨十分軟熟。奶皇流沙包，咸蛋黃味濃，好吃到停不了！古法馬拉糕，入口帶有陣陣的黑糖味，非常鬆軟。燒汁釀茄子，魚肉彈牙，茄子配上燒汁，十分入味。

一家人去旺角行完街，行徑油麻地，見到呢間（粤廚點心專門店），剛好是下午茶時間，又不用等位，一行六人，有老有少就入座吧！😊最喜歡就是每張點心紙都會有圖顯示，好清楚👍🏻除了點心，亦有連飲品午餐！😊卡位，圓檯都有！腸粉滑嫩口感，蝦仁彈牙新鮮，皮薄，淋上醬油，食唔停口😋炸雲吞－脆卜卜外層，加埋甜酸汁，好開胃！黑松露鳳眼餃－好矜貴的黑松露放在爽口的鮮蝦上面，軟滑的餃皮，令整隻餃食起來，口感好有層次！讚👍🏻👍🏻點心拚盤！义燒包- 熱辣辣，麵包皮鬆軟😋

放工搭巴士經過見到呢間粵廚點心專門店，今日難得放假就約咗婆婆同媽咪去試吓。入到去地方都算很大，似一般新式的茶餐廳裝修，更設有卡位座位所以坐得好舒服。亦有好多優惠嘅套餐都只係$58點心有好多款，全部即叫即蒸金黃色的炸雲吞，但係賣相已經好吸引流晒口水，雲吞皮香脆，雖然餡料唔算多，但鮮蝦彈牙爽脆😋😋😋腸粉夠滑，叉燒份量適中不多又不少，配埋甜甜地豉油，味道不錯👍👍👍燒賣蝦肉鮮甜，裏面豬肉不會太油膩。鮮蝦豆苗餃，皮薄餡料豐富，豆苗嫩嫩綠綠好新鮮。配上少少辣椒醬更加好味。香噴噴嘅鳳爪，味道不會過鹹或太淡，豉椒味濃好惹味😋😋😋

去完果攔買生果後突然茶癮起，醒起附近有間點心專門店，就一於試試。店內環境明亮舒適，有四人卡位，亦有大圓枱，無論人多人少也適合。店內有非常多的點心及燒味選擇，而且是即叫即蒸的，所以每碟點心都可以做到熱辣辣，而且不會過熟。明爐燒鴨瀨燒鴨瀨的湯底有鴨香，瀨粉煙韌唔會碎濕濕。粵廚蝦餃皇皮薄而且滑，每隻蝦餃均有兩三粒蝦在裡面，爽口彈牙，唔錯。鮮蝦燒賣皇燒賣皇的蝦及豬肉比例配合得剛好，唔錯。豉椒蒸排骨排骨肥瘦適中而且配有吸味的芋頭在底。臘腸蒸雞飯飯與雞一起蒸，飯吸了蒸雞的香味，而飯亦軟硬適中，配上少許甜豉油，唔錯。