粵廚點心專門店‧椰子雞煲專賣店

Open Now

Now Closed

在繁忙的彌敦道旁地點很方便樓底很高而且地方很大坐得尚算舒服早餐有點心優惠$36有兩款指定點心，味道不錯正正常常點心熱辣辣感覺很適合冬天保暖不過建議大家千萬不要去洗手間，他們不是座廁而是踎廁......

嗰晚收工後接埋男朋友仔一齊去佐敦裕華買月餅，點知我想買嗰款雲腿月餅已經賣曬，咁就唯有遲啲再去睇吓仲有冇嚟貨啦。我地繼續往旺角方向行，點知行到半路落勁大雨，見到對面街有間點心專門店，於是乎我地就拿拿聲入去食嘢，順便避吓雨啦！呢度啲點心都幾大路，有蝦餃燒賣，仲有鵪鶉蛋燒賣。咁我地點咗菜乾豬骨粥、鵪鶉蛋燒賣、鯪魚肉釀茄子、鮮蝦腸粉等。唯一想講嘅係菜乾豬骨粥唔夠熱，腸粉嘅粉皮太厚，而且我食落有些少苦味，最後俾我放棄咗。其他食物就不過不失，以呢個價錢嚟講，已經算係抵食。順帶一提，全日免收加一，茶錢就五蚊位。

今晚晚餐又食我最愛嘅飲茶樣樣小碟可以食多少少款！重點新鮮即叫即蒸正今次晚餐我點咗1 .煎釀尖椒- 外脆內軟熱辣辣好味。2.鮮蝦菜苗餃- 新鮮蒸蝦夠爽。3.燒鴨瀨- 啖啖肉不過鴨有啲鬚。4.紅油抄手- 有少少麻辣但可接受。5.杞子桂花糕- 味道清甜。

無意間走進這家，本想食粥，卻被魚翅灌湯餃吸引，決定一試。等了大約十五分鐘送上來，賣相出乎意料的可愛，很飽滿的一隻，湯汁鮮美暖胃。配著一份白灼生菜，適合做一個人的晚餐。餐廳空間很大，無論是裝修，抑或服務人員，都透著一股純樸熱情的氣息，正是心目中香港街邊食店該有的模樣。

今日自己行街 行到肚餓想食點心， 上網搵睇到呢間點心店評價 有彈冇讚， 於是就去試下， 星期六下晝兩點幾可能過咗飯巿， 唔需要等位就有位， 但成間店都坐咗九成， 坐低嘅感覺好寬闊 坐得都幾舒服， 一個人唔食得太多 我揀咗兩款點心鳳爪排骨飯既賣相 同其他點心店差唔多, 食落正正常常， 飯底夠乾身排骨唔會死實實鴛鴦牛肉燒賣 睇落同食落都ok 又係正正常常水準合格以上， 雖然唔算一級水準 但大致上呢兩款點心都ok價錢 唔算太貴又唔係平， 今日星期六而且係過年冇特價都正常， 路過嘅入嚟試下都ok， 但又唔使專登慕名而來， 一般點心專門店嘅水準！

本來只想食粥，但係冇頭緒係邊度食好，經過呢間頗大間嘅點心專門店，價錢又ok就入咗去。旺角油麻地真係好多人，尤其是大陸遊客，不過呢度竟然有幾枱西人，亦冇坐滿，完全唔似酒樓咁嘈，真係可以傾到計，鬧市中幽靜地帶。點心同一般酒樓冇乜分別，亦冇乜特色，同多咗啲燒味飯，不過都有三款粥選擇，我哋揀咗菜乾豬骨粥，鴛鴦燒賣，棉花雞，鬆糕。 菜乾豬骨好少但粥夠兩人份量味道OK，食物冇乜特別，當然都係即蒸味道酒樓差唔多，但係驚喜嘅係佢嘅辣油好好味，好似有少少麻辣味，冇理由晏晝食嗰啲麻辣留咗喺牙啦度掛，點燒賣食真係提升晒燒賣嘅味道🤤

. 在油麻地上完瑜珈班, 和朋友一起找東西吃. 這天下了全天雨. 於是便隨意進入一間食店吃點東西和被雨. 一進去感覺環境很大, 很闊落. 加上見有外國人幫親, 應該也不錯吧. 我們隨意叫了幾款點心. 也很好吃. 本人很喜歡吃炸物, 所以叫了三款. 很懷舊的炸雲吞. 配上甜酸醬. 香脆可口. 鮮蝦腐皮卷, 外層較油, 但蝦肉也很多. 珍寶蝦春卷, 形狀不是傅統, 外層很脆, 但內涵較少. 也好吃. 鮮蝦燒賣皇, 一向比較怕吃肥的燒賣, 這個燒賣一點也不肥, 很適合我. 

平日一般只會星期日和家人中午飲茶，但近來工作繁忙，加上已經很久沒有飲茶，今日放工經過油麻地，見到有間粵廚點心，就和朋友二話不說入去試試，很少餐廳在晚上也有點心。店內樓底高，不像茶樓般嘈吵，座位算多，有卡位，有圓檯，落單是以點心紙形式落單。我們最後點粥點心併盤 $38、潮州蒸粉果 $19、菜乾豬骨粥 $23、明爐燒鴨飯 $42、白灼油菜心 $18、茶芥 $5/位。明爐燒鴨飯 - 外皮色澤光鮮、燒鴨部位不是給頭頭尾尾，醬汁不會太咸白灼油菜心 - 灼的時間剛剛好，不會太硬太淋菜乾豬骨粥 - 粥底很棉，入口順滑，加入薑絲令粥底更香口，份量足。潮州蒸粉果 - 有三件，外皮正，不像茶酒般厚點心併盤 - 有六款點心，可以吃不同款點心，都即只是$38總評：晚上也能吃即叫即蒸點心，不收加一，值推介！

以前最愛假日朝早去酒樓食點心，但而家反而多數假日就用黎休息，所以少咗去酒樓飲茶，好在現在開了不少點心專門店，而且水準亦非常不錯！今晚突然好想食點心，就決定跟老公四周圍找找點心店吃個痛快先。近油麻地C出口附近有一間點心專門店，店內裝潢好有新派與懷舊crossover感覺 , 內裏味道充滿兒時舊式酒樓香味，好懷念呀！點心選擇非常多，而且亦有多款懷舊與新派點心，附近屬於遊客區，所以亦有供應廣式燒味。雜菌素腸粉用上雜菌紅蘿蔔做餡料，味道清新，餡料香甜美味，腸粉外皮滑溜溜，米味十足，又可以減少食肉，健康之選！鮮蝦菜苗餃外皮晶瑩剔透，餡料菜苗色澤翠綠，入口軟嫩入味，菜苗鮮甜蝦肉爽口彈牙，好正呀！黑松露鳳眼餃半透明嘅外皮包住大大粒嘅原粒蝦肉，上面放上蟹籽，黑松露醬,味道爽嫩鮮味，而黑松露味又不太嗆味，配搭非常好。滋補藥膳鳳爪一上枱已經聞到濃濃的人參當歸味道，湯頭清甜回甘，鳳爪煮到軟嫩入味，滋補一流。鳳爪排骨飯兒時最愛食呢款盅頭飯，排骨肉嫩多汁，肉汁滲透哂落飯面，好好食又滋味。店家每款點心都份量十足，價錢又唔太貴，味道又好，可以下次帶屋企試下。

旺角和油麻地好近，今日在油麻地的粵菜點心專門店食完點心，在用腳走到旺角的朗豪坊，10分方便，不用車錢，呵呵。油麻地的粵菜點心專門店第一次去食，地方好夠大，上菜速度都好快，中式點心亦有懷舊風味，整體好滿意喔，下一次會再去。茗茶，餐牌有寫，每位是5元。我們兩大一細，賣單都是275元，千萬不要看小小朋友的食量，她的食量跟我差不多，哈哈，但我們三人都已經食到好飽，除開每人平均91.6元，價錢便宜，食得滿足。蜜汁叉燒腸，25元。一碟切開有六件，腸粉皮包着叉燒，腸粉皮又好夠薄身，件件都有叉燒粒在裏面，叉燒又好香口，再叫侍應阿姐𣺉上點心豉油，好味道。粵廚蝦餃皇，28元。一盅有3件。蝦餃肉10分彈牙，有爽彈feel，加上熱騰騰，好好味。所以忍不住叫多一籠，哈哈。 滋補藥膳鳳爪，28元。好重藥材味，好足料，光是飲裡面的湯，都已經覺得好滋補，因為飲到見底，還見到有好多藥材的湯渣。所以覺得好足料足料。鳳爪，一隻腳趾都無剩，哈哈，食掉。黑松露鳳眼餃，33元。一盅有3件。蝦肉都是好爽彈的，重點是上面的黑松露，好濃郁的黑松露，配上蝦餃，好好味。古法馬拉糕，19元。好有懷舊feel，馬拉糕好鬆軟，甜度剛好，用手指按

今日行行街行到攰， 想找地方坐下，食一食， 見到一間點心餐廳排面很特別，隨即就走進了粵廚點心專門店。 地方入到去很大，很寬敞， 我們坐在卡位，視線望到餐廳舖內環境 ，光線充足。叫了幾款點心和甜品，3個人一起share，找數每位$92左右~~茗茶$5/位。$19 古法馬拉糕 : 懷舊feel 的馬拉糕，食得出好有 童年時的回憶味道，真心好鬆軟 ，食過才知道我的形容。一食，回想童年媽媽曾經買回家讓我做完功課吃點心的滋味。$25 蜜汁叉燒腸 : 叉燒腸粉中的叉燒燒得勁香，再𣺉上醬油，勁可口。$28 粵廚蝦餃皇 : 蝦餃新鮮，蝦肉夠爽彈，食完一籠，我們再叫一籠。$33 黑松露鳳眼餃 : 這是我覺得這餐廳 最有特色的點心 ，黑松露加在蝦餃上，這點心真心別出心裁，而且味道十分夾，perfect match！！$18 凍香芒布甸 : 芒果布甸 ，好重芒果味 ，食到口酸酸甜甜，幾開胃。上面是我吃過後，比較印象深刻好味的，如果下次再來，應該都會重複叫上面的點心。

位於油麻地的粵廚點心專門店，是一間地方超大的點心餐廳。廣東菜之中，我最愛吃點心，是日去醫院覆診前，來吃個美好早餐，飲個茶，吃個包子吧。叉燒包$21叉燒包~是飲茶必點的點心之一唷。熱辣辣的包子，令人在寒冷的冬天，感到溫暖的幸福感。包子質感鬆軟綿綿，甜蜜蜜的叉燒醬溢滿出來，甜甜鹹鹹，味道不錯唷。馬拉糕$19傳統造型的馬拉糕，買少見少，市面上的餐廳以售賣千層馬拉糕為多，這個舊式的黑糖馬拉糕，真的很令人懷念呢。馬拉糕非常鬆軟，濕潤富彈力，但有點過於鬆散，水份太多了哦。

與朋友夜晚行開油麻地，路過這間粵廚點心專門店，記起之前在美食車見過，於是即管試一試！店內裝修十分華麗，樓底很高及開揚，坐得十分舒適先點了點心併盤（$38），有蝦餃，粉果，菜苗餃，牛肉，燒賣，蜂巢糕各一件，岩晒兩個人，可以每樣試一點。點心質素不俗，蝦餃充滿鮮蝦，皮厚度適中，很難得；蜂巢糕十分清甜，入口軟綿綿，好吃叉燒瀨粉（$36）分量十足，十分抵食，叉燒烤得微焦，咬落香口，湯底亦鮮味，不錯煎蛋牛肉飯（$28）很有傳統味道，整個碗都被厚厚牛肉覆蓋，配上甜甜的豉油，很好送飯。如果蛋可以不煎得全熟就完美了。餐廳雖然吃的是點心，但竟然有無冰奶茶及咖啡供應！ 下次一定要試大家如果夜晚想食高質素點心，可以試下粵廚！

喺油麻地逛完書局後， 見到間幾大又光猛，地方寬敞嘅粵式點心，晚上六點都可以吃到點心，就走進入去。打開餐牌有不同類型的粵式點心，粥粉麵飯樣樣齊，最難得還有咖啡奶茶等供應，最啱唔同口味嘅人士。點咗一款飯及三款點心臘腸蒸雞飯細細鍋， 啲雞件算幾滑又夠腍，粒粒飯香，臘腸肥瘦適中，都算合格。黑松露鳳眼餃賣相好精緻，試啖黑松露好香濃，皮薄精瑩，原隻大蝦食落都好有口感有噍頭。呢款點心普通酒樓係好少品嘗到。灌湯魚翅餃嘩! 真係好大隻，金黃色好吸引，揭開佢好多魚翅，切開中間，啲肉汁流晒出來，夾埋濃濃湯底， 肉碎連湯齊吃，啖啖甘香味道配合得適宜，朋友大讚。蝦腸原隻大蝦腸，啲蝦都夠大，腸粉皮較厚變得唔夠香滑，幸好吃落可接受。整體嚟講呢間點心店鋪， 可以畀客人在冇時間限制都可以品嚐自己喜歡嘅點心，方便到極。

今晚搵食路過粵廚點心專門店，老公被他們的魚翅灌湯餃所吸引，所以就決定今晚飲啖茶食個包啦，飲茶真係可以不分日夜的。粵廚舖面好大，樓底好高，所以環境好光猛，注意人流多及繁忙時間要與其他人撘枱的。但因為他們的枱都比較大，所以撘枱都不會太擠迫的。可能附近都有好幾間酒店，眼見都有不少外藉旅客到來嘗試。點心紙每樣食物都有圖提供，很細心的。老公是給魚翅灌湯餃所吸引，當然要叫啦。現在不是太多酒樓做這個點心了。大大隻，餡料足，湯底正，老公讚他們的魚翅灌湯餃比大型酒樓還要做得好。手拍青瓜，青瓜好爽脆，配上蒜蓉同辣汁，叫了少辣還覺得很辣，所以不好辣的朋友可以提議走辣吧!叉燒腸粉, 粉皮做得好好，好薄，好滑，餡料充足。粉果最緊要夠熱，攤涼了皮會變得厚身。這裡的粉果剛剛蒸起，皮薄得透光，餡料一樣爆滿。好味。夜晚更係要有米氣到肚啦，叫了一盅臘腸滑雞，用缽仔上，飯蒸得剛好，不會太淋身，粒粒分明，滑雞真的很嫩滑。點心最緊要夠熱，這裡是即叫即蒸的，讚呀!