京都薈 (Closed)

早兩日同朋友嚟咗呢間酒樓打邊爐，我地點左個雞煲，店員上咗雞煲，開左個爐後，完全冇講一句說話就走左！我哋開頭都冇為意就食，隔咗5分鐘左右，開始聞到少少濃味，頭先個店員好激動咁走過來鬧我地：「有冇搞錯啊！你哋做乜開咁大火！濃晒啦！又唔加水」我當時答佢：「火係你開嘅，雞煲一開始就加水落去，我叫雞煲黎做乜？點解我唔叫雞件！」之後個店員無理我地後走咗！我哋加水後繼續打邊爐，過咗一陣越嚟越濃，有個着西裝嘅男仔（應該係部長之類嘅職位）佢話我哋煲野好濃，知我地岩岩開始食，想幫我地換過一煲，點知頭先個店員衝左過嚟話：「冇得換架！要換都係用清水架乍」最後佢哋真係換咗煲清水俾我哋！我覺得態度真係十分惡劣！食物質素麻麻，碗碟洗得唔乾淨（仲有油蹟）！總結以後唔會再係呢間酒樓食飯！

今日星期日一家人去飲茶，叫左好多點心，其他尚算可以，之後既魚肉生菜真係超級嚇人😨😨生菜反晒光😵😵明顯好多油😵好油好油🙅🏻‍♂️🙅🏻‍♂️第一次食甘油膩既生菜 🤦🏾‍♂️🤦🏾‍♂️好恐怖 😱 跟住黎左碟排骨炒河🙍🏻‍♂️成碟好似油浸炒河甘😰😰😰😰😰😰超級油膩😓好似上面有幾層油甘😰😰好得人驚😓無下次😥

青衣要搵間似樣的酒樓話難唔難，話易亦都唔易...不過呢間京都薈野食都算唔錯，點心幾好食！而且仲有我鐘意食嘅蝦角！真係好難得....點心選擇多到任君選擇！蝦餃餡料豐富！燒賣不過不失叉燒包香軟薑汁糕我至愛最後仲叫左碟炒野，味道不錯！

今日公眾假期，所以叫屋企人唔好煮飯！落街食...之前見到佢既雞煲係任添！所以決定去試下...由1904開始落單...到1934先到...仲要得幾件雞...咁食完之後...當我地話加雞...店員就話我地個煲燶啦！之後走左去...當無聽到...再追單既時候就叫我地加清水...我就問佢...唔係任加既咩...店員話今日旺場...你地加白開水做湯底啦...態度十分不滿咁...最後我地加左錢比一個新湯底！ 唔會再幫襯！

今日下午茶時間去到呢間酒樓，見到菜遠蝦球伊麵係下午茶價錢，好抵食於是就叫呢食，點知就一肚氣。上湯菜遠蝦球伊麵，聽起上嚟都應該會係好好食，以實際上如果煮得標標準準嘅話都應該會好好味，但係呢一個就唔係，呢碗麵外觀睇起上嚟好似好靚咁樣，但係嗰啲伊麵煮到好淋，真係淋-ber-ber到冇曬伊麵應該有嘅爽口質地， 應該係上湯嘅上湯根本係msg湯，雖然都叫做有四舊蝦球，但係蝦球好大陣雪藏味，唯一叫做正常味道嘅就係兩條菜心。 碗麵完全唔合格。雖然下午茶，好難同晚餐嘅相比，但係都唔好將貨就價去到咁樣，話到尾都係真金白銀畀嘅，如果出品咁求其，不如唔好出啦。

長發裝修完好多新餐廳星期六同朋友去打邊爐去到門口啲姐姐好熱情咁介紹話有雞煲咁就諗住試吓啦入到去有部份係自助形式伶仲包埋汽水同雪糕郁嘅話就要落order我哋叫咗個雞煲但係啲雞唔係幾新鮮仲有個鍋係偏辣嘅如果唔食得辣就可以叫返普通湯底啲姐姐佢見你食得差唔多又會幫你加水仲會問下你會唔會有啲咩想order唯一唔好嘅就係佢冇海鮮揀野食真係比較普通同小款價錢來講 算係幾平如果同朋友傾下計 可以泥都吾錯的我地坐咗兩個幾鐘佢哋都冇趕我地走

研究左好耐嘅餐牌，唔係話餐牌好難明。係想試下新嘢。侍應同我哋講換左廚房師傅，比之前仲好食！但之前已經幾好食，換左之後發現更好食。上菜幾有效率，菜與菜之間唔會隔好耐，所以全部都熱辣辣上菜。換左新師傅，好食

每逢一家人出街食飯都唔會行得遠，今晚母親大人生日飯，當然又係去番呢間酒樓啦，星期六夜晚7點都唔算好爆，訂左枱唔使等。燒味雙併- 叉燒油雞叉燒有少少硬，油雞幾滑同入味椒鹽鮮魷唔算好油立立，個皮唔係好脆，魷魚比較難咬開，味道都幾濃椒鹽味蝦仁炒滑蛋蛋炒得幾滑，蝦幾彈牙無雪味，不過蝦份量唔多，蛋佔大部份，比母親大人平時煮的好味好多魚腐雜菌浸冬瓜條比較無咁好味，感覺係一道好健康的菜，可能我本身唔太鍾意食冬瓜，有點硬，但塊魚腐都幾好味的京都咕嚕肉肉係無骨的，有d似豬頸肉，無脆皮口感，味道酸甜適中，配菜的菠蘿，洋蔥，青椒都好好味竹笙羅漢上素有鑊氣，有不同類的菇，木耳，雪耳，竹笙，菜心，雖然係素菜，但唔會淡而無味清蒸沙巴龍躉仔只食了一啖魚腩，肉質很滑，無蒸過龍仲叫了白飯3碗，埋單$911，價錢好合理，食物水準都幾好，係全家出動食飯的不二之選

放工後同屋企人食飯，佢地都係偏好中式菜，所以去呢間食小菜。之前有試過火鍋，水準普普通通，今次試下小菜味道。-蛋白炒飯 炒飯唔算炒得好乾爽，只係普通茶記水準。蛋白碎唔夠香，唯一可以讚嘅係份量唔算少，但炒飯真係無咩鑊氣。-京式片皮鴨 估唔到有片皮鴨食，雖然無食過北京正宗片皮鴨，但自己都覺得呢款菜幾特別，所以專登叫咗試下。鴨肉油份稍多，肉質未算好嫩滑。裹住鴨肉嘅餅皮偏厚同太韌，質地都較嚡口。不過都會有醬汁同青瓜絲作伴，尚算可以。-上湯波士頓龍蝦伊麵 湯底亦唔夠濃郁，湯質偏稀，所以伊麵都唔太入味。龍蝦肉尚算不錯，唔會少得可憐，不過彈牙度同鮮度欠奉。-脆皮燒腩仔 燒腩脂肪唔會太多，脆皮都香口，無變得軟稔嘅情況。但略嫌太鹹，要靠白飯中和。-生炒骨呢款菜式令我頗驚喜，醬料幾特別，排骨酸甜適中，食落好開胃，伴飯一流。

父親節特意帶爸爸去「飲啖茶，食個包」，好難得可以一家齊人飲茶。正日慶祝都預左要比貴啲，平日做嘅特價點心優惠同套餐當日都暫停，所以我哋就散叫點心同粉麵。一家四口總共叫了8樣點心和一碟上湯大蝦伊麵，雖然當日茶樓好多人但上菜都算快，等左一陣就出左三、四個點心，唔使餓住肚仔等野食。燒賣入口彈牙，嚼勁十足，豬肉香之餘蝦都有鮮味。雞札大大件好抵食，入面包住滑雞柳、蟹柳同魚肚等。最好味喺魚肚，吸收了其他餡料的精華，食落口感爽口美味。細個同屋企人飲茶好鐘意食灌湯餃，所以今次特意再叫嚟食，不過佢嘅湯底好一般，味道單調同埋裏面餡料唔多，有點兒失望。牛肉腸粉皮薄滑溜，包住裏面嘅牛肉都算足料，不過不失。四人食到捧腹離開，埋單約500幾蚊，雖然同樣嘅食物比平時賣得貴啲，但一家人食得咁開心都值得。

又來喇，屋企人話一排冇來，有少少掛住喎。其實飲茶嘅嘢，好吃難吃，吃死一間都悶㗎，時不時換下口味同埋餐廳可能會有啲變化都唔定㗎！今日有牛肉球，棉花雞，咖喱土魷，黑椒牛仔骨。仲有個粥，吃晒冇影低。牛肉球『幹爭爭』，北菇棉花雞幾好，可能本身鍾意啩，另外咖喱土魷太鹹，黑椒牛仔骨份量就少D。

是否覺得出奇，只可以吃魚？咩事吖，因為牙痛囉，唉。咕嚕肉，賣相唔錯，都可以吃得落嘅。椒鹽鮮魷，本來係我至愛，但牙實在痛，唯有放棄。因此今晚呢條特價68蚊的沙巴龍躉就成為我今晚的晚餐，吃到清光，又鮮又甜，蒸嘅時間啱啱好

大年初一，一早預訂左一圍新春全包宴，$3688，提早預訂減$300 ，訂金$500，6:30pm開始，可能初一既關係，一早已經高朋滿座，我地齊人就開始上菜，上菜速度好快鴻運乳豬全體 肥左D 6分翡翠彩鳳蚌片 色彩繽紛，好食 8分黃金百花球 炸蝦丸夠彈牙，伴埋沙律 8分發財好市大利 生菜冬菇豬脷 7分蠔皇金錢肉掌 同發財好市大利 味道同賣相近似 7分紅燒竹笙海皇翅 足料，有花膠 7分清蒸大海沙巴龍躉 8分當紅膽炸雞 炸得好脆唔咸，好食 9分臘味糯米飯 夠乾身又唔油 8分合家興團圓 湯圓皮薄 8分整體圍餐算唔錯，份量好足好大碟，而且味道唔濃，唔多味精，食完唔會好口渴，服務尚算唔錯，有求必應

食圍菜$299820分鐘内上六味菜，第一次見，第一味係乳豬，第二味係雞，第三味係石班魚，第四味係花枝，第八味先出魚翅，問你服未。嬲到出晒煙，叫施住都唔停，服務態度一流差，跟本就係趕客，全完沒有可取之處。

綁馬尾那女服務員服務態度極度差劣 以後不會光顧另又寫錯枱號 常常上錯菜 落錯單錯誤百出食物味道麻麻服務員毫無笑容黑口黑面愈叫愈走 只顧與身邊的人嬉皮笑臉本人只要簡單的基本禮貌都做唔到