京都薈 (Closed)

一家人一齊黎食冬至飯，叫左一隻長腳蟹，然後個蟹蓋果個位居然唔熟🤦🏻‍♀️明明已經等左好耐差唔多最後先上架啦都係唔熟真係都唔知搞咩然後d野食全部都係不過不失啦。屋村茶樓quality咁啦但係有個staff倒瀉水咁囉😂整體黎講普普通通咁啦，如果係我自己揀就大概唔會揀呢間啦不過話曬就腳d老人家方便咁解囉同埋可能係我習慣啦，但係第一個上既係糯米飯不過我食親d酒樓基本上都係最尾上既所以覺得怪怪的。同埋d侍應冇講過問過就幫我地拼左蝦仁炒蛋同埋菜⋯雖然話係ok既但係點都想佢問下先囉

去酒樓吃晚飯，大家的穩陣選擇可能是美心、鴻星、稻香等連所式酒樓，水準未必太好，但勝在質素有一定的質素。今晚去了京都薈吃晚飯，倒是一個驚喜，首先，就算星期日，都有大量的特價菜式以供選擇，普通小菜只是七、八十元，與其他酒樓相比算是便宜。其次，食物的碟頭大，不會將價就貨。至於味道，整體的水準高，羊腩煲、龍蝦、咕嚕肉、南腐什菜煲、炒豆苗、豉油雞、蒸東星班、蒸鮑魚、生炒糯米飯之中，推薦羊腩煲，皆因它羊肉多，味道濃，又送生菜，大件夾好食。

今日去完迪士尼後揀咗嚟呢間位於青衣新開嘅酒樓食晚飯，好耐無嚟呢個屋邨商場，原本五樓嘅兩間酒樓，一邊封咗，另一邊改咗名由第二間酒樓接手。大概八點嚟到，等咗一陣就有位，客量算多，枱排得幾密，人手勉強夠，場面有啲混亂。點咗三個都係我鐘意食嘅餸，份量都可以，味道唔錯。芝士焗波士頓龍蝦伊麵底，肉好少，個汁比上湯杰啲，但又見唔到芝士亦食唔出芝士味，唔道唔錯。古法羊腩煲(跟時蔬一碟)，入冬後第一次食羊腩煲，羊肉無渣唔鞋，味道可以，淋啲會更好。京式片皮鴨(一食)，由於我唔鐘意片到好似鵝片咁肉多過皮，食唔到鴨皮嘅油騷味，所以呢度嘅片皮鴨好啱我口味，一大片皮連啲啲肉，加埋薄餅，配菜同醬，一咬落去，好滿足。小食係加咗個白飯。

大班人入到青衣長發邨，晚上一齊搵地方吃晚餐，這酒樓最近新開，大家來試試。唔想食咁耐，食小菜，片皮鴨二食揀咗涼瓜炆鴨件，片皮鴨切得好大塊，蒸皮都有好多，最緊要加埋甜醬、青瓜同大葱，大家食到舐舐脷。天氣涼了，叫咗個羊腩煲連生菜，除咗羊腩大大件，還有竹筍、馬蹄、支竹、冬菇，個汁嘅味道啱啱好，味道好香。抵食清蒸花尾躉，48蚊一條，打孖叫咗兩條，好新鮮，蒸熟剛剛好。金銀蛋菠菜，大大碟好多蛋。可惜今晚太夜，糖水已經送完。這裏還有任食火鍋，下次可以嚟試。

同家人慶生，突然睇到長發開返酒樓，好奇心驅使下試下。份量：絕對係多。自問我家都係大食一族，但我地叫左一圍（九款菜式）+ 半隻燒鵝 + 一隻片皮鴨，碟碟都好大碟，份量足，甚至多味道：比想像中好，食得過價錢：中等，以咁既份量，出面應該食唔到服務：遇到一位好熱心既員工，服務幾好總括而言，今次體驗好好

青衣長發商場開左新酒樓，好大的地方，但是d櫈已經不是好乾淨，唔知係咪上手留下的，我們叫了燒賣，有四粒，大大粒的，入面唔係好多肥豬肉，幾好，鯪魚球都幾大粒，唔腥呀，好味道的。還有奶皇包，都幾香同好滑的，入面d奶皇唔係十分流心的，但也是幾好的，腐乳通菜，好似有d黄，煎尖椒d汁比較結身，都辣辣地喎，菜苗餃好味，皮不是好厚，蝦爽口。蝦米腸粉也煎得幾香，有葱粒，蝦米粒，鴨腳扎兩隻的，有芋頭，豬肉，都粉同唔肥。蘿蔔糕，唔夠熱呀，都OK有料的。

長發商場經過一番裝修後，終於有酒樓開，茶客們可以去嘆返一盅兩件。今日難得父母放假，一於帶佢地飲個茶食個包，享受假期既熱鬧同輕鬆。四人點了11個點心，原本想叫埋盅飯，但太遲來，好快售罄，不過最後唔食飯都夠飽，大家都滿足回家。【水晶蝦餃皇】皮薄餡靚，蝦肉極爽又大粒，咸度適中。【鮮蝦菜苗餃】菜苗嫩而無渣，菜同蝦比例一半，健康清淡不油膩，同樣皮薄又彈。【雪山叉燒餐包】個脆面太腍，原本諗住好似菠蘿包甘脆，但應該唔係個款脆面，都幾甜，叉燒餡夠味但份量太少，味道一般。【香滑牛肉腸】腸粉幾厚，幸好算滑，牛肉餡腍滑，同粉腸口感一致，若牛肉再多點會更豐富。【蠔皇鮮竹卷】足料又濃味，蠔皇味十足，個汁稠稀度剛好，掛上鮮竹卷，好味。【鮮蝦腐皮卷】即點即炸，熱辣辣又香脆，鮮蝦餡又多，仲好輕盈，食多兩件都得。【蜜汁叉燒腸】叉燒都幾多，感覺呢款腸粉又薄返，味道好口感佳。【四寶滑雞扎】阿爸至愛，味道正常，份量亦剛好，雞肉餡幾大件。【蟹籽燒賣皇】賣相幾靚，豬肉餡彈牙爽口不油，大粒抵食，蒸得都唔錯。【流沙奶皇包】襯熱食更好，但放左一陣都仲保持流沙狀，奶皇餡好香咸蛋味，流沙爆漿夠吸引，包也鬆軟好味，一定要食呢款包。【安蝦咸水

火鍋現已成為一種飲食潮流，不再局限於冬日的愛好，夏天喝著冷飲烚著肥牛，似乎比涼菜更受歡迎。距離青衣城步行約8分鐘的長發廣場頂樓，新進駐了一家京都薈酒家，長發廣場因有冒險樂園等，成為很多區內家庭玩樂新基地，是日筆者與孩子玩夠後，就來到京都薈吃火鍋醫肚！這裡有兩個任食選擇，第一次吃，一於選了較貴但食品較多選擇的$188海鮮火鍋放題。選好了咸菜豬肚湯，就出去自助區夾火鍋料啦！首先追調好醬料。選擇也很多！然後拿每枱備有的碟子去夾蔬菜。綠葉菜種類多，亦有瓜菇等選擇，而且透明蓋令菜類更衛生，更可因應食量調節，又可滿足作為主婦「揀菜」的要求，比傳統火鍋酒家設計更合宜。調好調料，拿好配菜，當然少不了拿飲品！不同於一般酒家，這家是設有雪櫃任取，而且除了汽水外，亦有不少道地果汁，罐上標明無添加防腐劑及人造色素，安心讓小朋友喝之餘，大人亦可喝得更健康。湯底很快就來到了，十分足料。湯煲更有木架罩住周圍，很適合有孩子的家庭來吃，非常安全。點選的海蝦大大隻！上枱時還在「腳youngyoung」，生猛生鮮。海蝦爽口彈牙，蝦膏亦豐富，非常抵食。如點選教便宜的餐，會獲贈兩隻。打邊爐當然要吃牛，筆者挑選的放題有數款包括牛

細妹又放假飛反來，當然急不及待要同佢食飯，揀左長發食飯，佢落機搭機鐵落青衣城再行落長發，超級方便~京都薈新開既，地方闊落，乾淨，食物唔貴，當中片皮鴨同海鮮孖寶最抵食~首先叫左隻片皮鴨先 $128，師傅現場即片，都幾大隻，見到個皮好靚好似好脆個皮脆卜卜，油脂甘香，唔太肥，肉質軟熟鬆化~加埋醬同配料用皮包住食，好滿足~二食加$50可以揀苦瓜炆或者茄子炆我地揀左苦瓜，鴨肉好香，涼瓜爽口，醬汁惹味~蒜泥粉絲蒸大元貝 $68有4大隻，粉絲先係主角，充滿元貝既鮮甜同蒜泥既香~美極焗海蝦 $78比想像中份量多好多，蝦大隻肥美，肉質爽彈，好新鮮，用美極煎，外殼煎得香口乾身我地仲叫同好多人打邊爐，二百蚊左右任點任食，眼見材料幾靚新鮮，仲一路聞到人地既邊爐湯既香，下次要試下

記得上次食京都薈係喺美乎，今次小姨回港探外父外母同我倆，佢哋話想去童年生活嘅地方，青衣長發邨，意外發現有京都薈分店所以一於再去嘆反餐。同美乎相比倆邊場地都差唔多大，雖然裝修唔算新淨，但座位也感舒適今晚首先點左女皇至愛，片皮鴨(倆食)。size好大，斤兩十足，師傅手起刀落，三倆吓手勢，就將整隻鴨也剝光豬。食片皮鴨除左皮要香油感要適中，外層嘅面皮也相當重要，呢度也算夠熱，而且口感帶根，配以香葱甜醬，難怪女皇咁中意食。鴨嘅另一食就係涼瓜炆鴨件，雖然入味，但只算不過不失。之後再點特價中嘅海鮮孖寶，選擇左豉汁蒸白鱔同豉椒炒蟶子皇。呢個奇怪嘅小姨有個奇怪嘅海鮮敏感，就係喺唔同嘅時候對自己唔喜歡嘅海鮮會有過敏反應，今晚可能條白鱔太肥美，蟶子廚房師傅又炒得夠火喉夠惹味，所以唔止無過敏，反而仲好胃口。最後仲有個美極焗海蝦 ，我個人就較喜歡呢個，雖然蝦有大細不一，但數量多，而且每隻都新鮮又炸到岩岩熟，外層掛住薄薄嘅美極醬好好味

長發終於開返間新酒樓 當然要落去幫襯下趁住星期五唔洗煮飯嘅日子 同媽媽撐下枱腳先炎炎夏日 最需要強勁嘅冷氣 爽到爆好抵食嘅晚市孖寶 岩晒我地！加埋個晚市皇牌 完全夠食有餘先黎晚市孖寶㨂左豉椒炒聖子皇+蟲草花蒸石斑好夠鑊氣 入口聖子皇好香豉椒味 厚肉之餘入口無沙 正至於蟲草花雲耳蒸石斑件 蒸嘅火喉岩岩好石斑入口嫩滑 雲耳同蟲草花吸晒魚嘅鮮味再叫多半隻風沙雞 脆卜卜嘅外皮 包全嫩滑雞肉點埋特別嘅醬油 夾左食完重有飯後甜品送 果皮紅豆沙 完美

長發商場終於開番酒樓...在附近工作的我,約埋同事黎打邊爐就最好不過!火鍋有分兩個價錢, 我地揀左貴D果一個!環境闊落光猛! 最緊要係冷氣夠勁食物種類貴精不貴多...自助醬料區自助蔬菜區, D菜好新鮮,款式多! 粟米好甜呀隔離仲有個阿菠蘿雪糕任食,仲有糯米磁添..飲品重類都幾多(最新版既可樂都有),我仲問待應拎左幾罐唔凍既檸檬茶飲..D海蝦大隻到呢...上枱時仲生生猛猛,超新鮮最意想不到係廣島蠔任食...不停瘋狂REFILL!!!太正喇,好少任食火鍋有蠔任食肥牛以任食火鍋黎講絕對屬於高級,油脂分布平均,有D入口即溶既感覺,正仲有一口牛全食..正呀!黎張大合照先...仲有墨魚滑,蝦滑都係好好食!

飛左兩個星期 真係好掛住香港嘅美食特別係飲啖茶食過包 終於又等到長發開返新酒樓急不及待同媽媽一齊去嘆返下成個村得一間酒樓 難怪多人都一個點等左陣 坐低即刻叫返我啲至愛 點心全部即叫即蒸 都等左10-15分鐘先黎熱辣辣嘅百花釀魚肚 好多蟹籽係面入口卜卜聲 加埋魚肚嘅軟林 蝦膠嘅彈牙 好有口感八味豆腐粒 外脆內軟 不過略嫌咸左少少米網金剛腸 又薄又滑嘅粉皮包住脆脆嘅炸網炸網中間又包有甜甜嘅蘿白絲 好味喎最後係蟹籽燒賣皇 又的確幾大粒喎

平時都唔會過黎青衣，今日去左青衣做義工，之後就去左一間附近間酒樓食晚飯估唔到呢個商場仔都有間裝潢不錯的酒樓好有空間感，睇落都好乾淨價錢都好大眾化，鮑魚都只係$38咋前菜：蒜蓉陳醋青瓜平時酒樓前菜多數都係花生，我一定無興趣的，但呢間既前菜都幾好味成碟都俾我地清哂我地叫左個孖寶海鮮套餐好抵食呀蟲草花雲耳蒸斑件係即時蒸的，要等大約10-15分鐘斑肉好肥美豉椒炒蟶子皇份量都幾多，而且炒得好夠火候，豉椒味特別好味不過蟶子皇就有點遜色，唔夠爽口，肉質好淋生啫飛天唐生菜啲菜既份量好多呀岩哂鍾意食菜既我，而且味道好豐富，因為有大量既蝦乾仲有糖水附送真係滿足哂

京都薈新加盟長發廣場，作為街坊，當然快快手試下呢間新酒樓京都薈經過裝修後，內裡乾淨光猛，而侍應人手都充足今晚來吃火鍋放題，價錢合理，而且分為有海鮮或沒有海鮮，因應個人喜好而決定吃那款放題火鍋紙食品種類不少，一些基本的如雞肉，肥牛，豬肉，丸類，菜類都應有盡有當然先點了湯底，之後再慢慢點選想吃的鍋料我們決定了吃海鮮火鍋放題，因為海鮮種類都不少，有海蝦、蜆、蠔等等菜類都自助吧，可以因應自己想吃的份量去夾，方便又乾淨自助吧還有調味料自助吧除外，仲有一個飲品櫃跟甜品櫃火鍋配料太多難以一一盡錄感到豐盛及開心。點選了的食物上菜速度很快，坐得都舒服海蝦真的十分新鮮彈牙，我們都吃了不少另外，都很欣賞餃子類左邊的是鮮蝦雲吞，豬肉跟蝦彈牙爽口，雲吞味滑滑的很滋味右上方的是豚肉湯包，賣相似小籠包，吃起來，皮內真的包著又濃又多的湯汁，豬肉都幾香，整個配搭不錯右下方是豚肉餃子，長身的，吃起來肉份量都不少三款餃子各有不同味道肉肉肉左上方是雪花牛，薄切，很快熟左下方是豚肉，豚肉薄薄的，豬肉味濃，吃起來有咬口，而且都快熟右上方是羊肉，肥瘦分明，因為沒有預先調味，所以羊味會較濃右下方是火鍋必食肉類之一，肥牛。肥牛快熟，滋