上咖啡

Open Now

Now Closed

給我驚喜的coffee  shop由朋友帶我黎吃tea，一入門口要上樓梯架，我見到Salon，剪頭髮！更加特別係，我行過人樓上Salon，再入去上咖啡。SURPRISE!!!!!!!格局舒適，唔會趕人走，有書睇，有chess玩，食物一流，我叫左青咖哩飯，好味，多汁，朋友們叫All Day Breakfast，個樣靚到無得頂，筲箕灣已經好少All Day Breakfast了！其實原來佢地無tea set，但有呢d已經有滿足感了飲品另外叫，但都幾好味喎！坐一個下晝，傾下計，好地方呢！

咁岩去開筲箕灣附近工作 成日都聽到有同事介紹去筲箕灣道嘅captain cafe 話佢啲食物真係好OK 而且環境仲好舒服 試過一次之後確實真係好鍾意呢個地方 佢本身嘅佈局好似一間cafe 去過幾次之後發現有個櫃上面有啲書又有啲board game 所以好岩休閒嘅時間去流連可惜適逢我去嘅時候都係lunch time 要非常留意係一到lunch time 由於餐廳座位唔多 所以好快就排曬隊 第一次去可能覺得門口有啲難搵首先要上一條樓梯走過間salon 先至會去到cafe嘅門口 每次職員都會好有心咁樣幫大家安排座位 如果真係等唔到佢都會話畀你知道係安排好位置之後就可以出去買嘢食之後就可以坐定定等嘢食送嚟而最令我回味係佢嘅意粉真係好有心機 而且咖啡都不令人失望所以間中我都會提早走上去享受一個豐富嘅午餐題外話 不得不提芝麻醬蕃茄雞扒意粉

今日約左ｄ舊同事食lunch , 他們推介去呢間cafe , 去到樓下諗梗究竟係唔係呢度呢???因為樓下睇落去似一間髮型屋 , 入到去要行一條樓梯上一樓, 一上到去真係見到人整緊頭髮喎 , 原來再轉右就見到間cafe喇 , 我估髮型屋同cafe係同一間野黎 , 他們中間有一幅玻璃門隔住 , 入到去坐位不算多 , 中間唔知點解有個舞台 , 旁邊有個書櫃放了很多書籍可供客人享用 , 所以在這寧靜的環境睇下書享用下美食歎杯咖啡 , 真係是不錯的選擇 , 當然這裏的食物質素係有水準架蜜糖雞扒羅馬生菜沙律 --- 雞扒用蜜糖烤過好香口 , 雞肉不會柴口磨菇汁海鮮飯--- 個汁好香好有磨菇味 , 有夠多汁 , 我最鐘意黑松露帶子意粉--- 滿滿灑滿的黑松露 , 非常好味lunch set 包埋即磨咖啡或茶 , +$20仲有埋甜品

在筲箕灣區工作了一年，常聽說這家價廉物美，可惜就是我一直沒有機會嘗試，曾經來過一次的，但很可惜大排長龍，怕耽誤了回去的時間，匆匆往附近的茶餐廳速吃了事，就是到了快要離職了，才能和同事一起去。　　聽說這是教會營運的，店舖在二樓，一邊是髮型屋，另一邊是西餐廳。環境十分簡約，裝修很樸素，而我就和同事坐在一旁。　　我吃的是白汁魚柳薯茸，薯茸是真的薯仔搗爛，魚柳就是一般的龍脷魚柳而已，因為醬汁才覺有點味道吧。確實是有點膩，幸好有兩棵西蘭花中和了黏膩的感覺，要不然光是白汁魚柳就很膩了。　　這是屬中價位的餐廳吧，但味道環境都不錯，我相信若下午來，相約三五知己聊天，會相當不錯，但它的營業時間很短，六點就關門了，假日也不開門，所以很難才能光顧到呢，但我畢竟是在離職前吃到了，已得償所願。

星期六。家在筲箕灣。想近親愛的女兒，姑姐仔來個relax的早餐！哈，我當然想到了！地點比較特別，走上去一樓，一看是salon，旁邊就是這間店子了點好餐，坐下來職員就會拿過來薯餅，香腸，煙肉熱辣辣。蔬菜類火口也剛好，yummy.飞碟好難不好吃。哈。香腸芝士波羅口味。另外，單點了焦糖咖啡，香滑醇口。店內設有玩具，書籍。會再來喔

重陽節 想搵個地方坐下下午 溫下書50蚊下午茶幾好食 但同場有班小朋友係度玩 想讀下書都有小小嘈 但overall都值得去 係度讀左陣書 可惜cafe早收鋪 係shaukeiwan好難搵到個地方讀下書

又到咗唔知食乜好嘅時候，近近哋過嚟筲箕灣食吓嘢先。嚟到樓下先知原來係同salon黐住㗎喎！行過一段樓梯，都仲未見到cafe，但第一眼就見到有人洗緊頭.... 心諗我其實係去緊食頭髮定食lunch呢😂？終於見到cafe喇，原來同salon隔住咗塊玻璃嘅！有趣..... 但比我想像中嘅cafe有啲唔同，有個咁大嘅台嘅？！又有個放滿書及board game嘅大書櫃，似乎呢度啱細路嚟喎！新鮮粟米豬扒飯 （＄69）有趣嘅配搭，就試吓呢個！原來係淋滿粟米汁嘅白飯上面鋪滿豬扒，仲有3舊西蘭花；豬扒好軟腍，不過肉味欠奉；不過粟米就真係新鮮嘅，粒粒都有唔同嘅顏色，有誠意Oreo凍餅 （+$20）本身諗住食雪糕，但身痕又想轉食呢個將忌廉同Oreo餅碎撈埋一齊再雪凍嘅餅。第一吓吉落去，好硬，爭啲碟都吉爛；第一口覺得好實，但食食吓就會覺得好正，Oreo味道已經吸引，喺口腔入面慢慢融化，口感非常好，雖然食到最尾好膩，但都係一個會令人食唔停口嘅甜品！除咗環境比我想像冇咁靚，其他都OK，員工有禮貌友善，都係個愉快嘅用餐經驗～

經常因為工作關係會到港島，但係每次都好趕時間就要走，其實經過好多餐廳仔都好想試。今次特登約左個朋友係筲箕灣做野既朋友，叫佢介紹啲隱世好地方比我食野，果然係食貨朋友，介紹呢間CAFE的確係唔錯！大概出地鐵站係5分鐘，唔算易揾，不過朋友識行就算快去到。因為間野要上樓上一樓，地下都無咩指示，所以去既朋友要小心MISS左喇！我以為呢個位置應該好少人會去，點知上到去都差唔多坐左轉成滿！原來都係我大鄉里哈哈！入到去，整體會環境都好舒服，最令我impressive係竟然有1/3個AREA係個迷你台，有幾個細路係個台到玩，好得意呀！隔離仲有大好大既書櫃好好多書同雜誌果啲，睇幾個月都唔會睇得哂啦～所以覺得都幾特別，覺得呢間CAFE都幾着重比人放鬆既感覺。講返野食先，呢到野食相對就比較少選擇，可能佢呢到主打唔係SELL野食啦，我同朋友分別叫左個香草雞排意大利粉同埋蛋沙律飛碟，其實心思思想試佢個飛碟，但之後想去掃街所以就無食到呢啲。呢到食野係自助方式，水呀果啲係自己想飲就自己針，無人會SERVE你，好FREE咁樣～叫左野食都等得耐少少，因為諗住飛碟果啲好快有得食XD，大概等左4-5個字左右啦。飛碟其實熱辣辣

約咗女神lunch, 揀咗呢間第一次光顧的cafe, 非常滿意！座位唔多，大概10張台左右，要去就早少少！當日我Saturday 1點前到，可能少了批九五客，好幸運唔洗等位！可能厨房細等食物等耐少少，不過味道一流！值得回味！

這咖啡的位置十分難找，門口是理髮店，上一層，咖啡店設於理髮店旁。但因為難找，人不多，可以安安靜靜地與三五知己其用下午茶，而且位置是挺好坐的。店是半自助的，先付錢點菜，然後自取餐具食水。客人吃完後，亦要自行收拾，分門別類地放好餐具，這也挺不錯，若有同行的小孩，可借此機會教導小孩子All day breakfast $78不過不失，豬肉腸及薯餅較為好吃蜜糖雞扒羅馬生菜沙律$57生菜清甜，雞扒多汁，雞皮煎得香脆，一上菜，不用五分鐘，已被我們四人消滅了。蘑菇汁海鮮飯 $57這真的很值得推介，海鮮雖稱不上鮮甜多汁會絕對沒有雪味。意大利飯不硬不軟，粒粒分明，包裹著濃濃的磨菇汁，愛重口味的,可以再添加一些芝士粉。熱力把芝士粉熔化成絲，令燴飯更加濃郁。紅豆綠菜雪榚配窩夫 $50吃過熱食後，可以叫店員上甜品。綠茶雪榚是真正的綠茶味而不是牙膏味，甜度適中。窩夫新鮮出爐，外脆內軟，但口感略有粉漿，個人認為把雪榚、紅豆及糖漿放在窩夫上,窩夫的熱力令雪榚半溶，再一口吃掉較為好吃總括:味道評分為7/10 今時今日這個質素的價錢算是合理。唯一，令我們感到失望的是某些員工的態度。在all day breakfast

閒話免談開始：首先店鋪位置不難找到，可以從兩個方向進入一是由利嘉中心旁的salaon入口進入，上一層樓梯，右轉就看到落地玻璃，最前有門可進入二是走進利嘉中心，按1字樓 (我只在走的時候乘搭升降機至地下，還有看更在看守)可能是午市，滿佈食客店員問我們多少位，隨即找到兩個位子給我們，並奉上餐單原以為是要「剔」，卻只是給你看看而已，落單時還得走得櫃枱落單及付錢看到先前食評，滿心期待吃All Day Breakfast，後悉星期六日假期才有平日只做普遍的早餐、午餐和下午茶....最後我和女朋友點了兩份Lunch Set和追加一份甜品直擊食物報導：

剛在班蘭小館吃過午飯，接到小雞來電，她剛好在筲箕灣，想約我一齊吃飯。已有一段日子沒有見她了，就帶她到上咖啡小聚吧﹗上到去，未坐下，環境和氣氛，已讓小雞十分滿意了﹗咖啡室由社企經營，一側更設有髮廊，更叫她嘖嘖稱奇﹗是的，在筲箕灣區來說，咖啡室不多，有個性和特色的咖啡室更是僅此而矣﹗全日餐牌有18款，有全日早餐、意粉、飯、沙律、飛碟和甜品等，售價由$25-$78不等。飲品選擇也多元化，有咖啡、茶、汽水、果汁和其他特飲，售價由$16-$32不等。泡沫咖啡Cappuccino$30沒有花巧的拉花，杯邊被一圈啡色圍住，濃厚且白色泡沬則微微拱起，蠻立體的感覺﹗呷一口，奶泡打得既幼滑又挺身，綿滑且順喉，咖啡味濃郁，帶微微的酸香。小雞要了一杯凍朱古力咖啡Mocha$32，在香濃甜美的朱古力咖啡上，加上一層打得幼滑無比且不太甜膩的忌廉。甫見賣相，已教人為之心動﹗小雞一向大食，且剛參加完活動，故決定來一份豐盛的All Day Breakfast $78，有豬肉腸、煙肉、蘑菇、蕃茄、洋蔥、炒蛋、茄汁豆、薯餅和厚多士。Café 之作，即叫即製，夠晒新鮮熱辣。炒蘑菇軟腍濃香，炸薯餅香脆而不油膩，洋蔥和蕃茄香煎後

係openrice見到呢間cafe評分高，約埋朋友去食番餐，係大廈正門入去見唔到有水牌，食飽落去時發覺大廈隔離先係上咖啡既正門，我食左個all day breadfast買相靚，厚多士夠脆又夠厚、薯餅好脆、呢款香腸唔太咸好似有香草味好味道、焗洋蔥及蕃茄夠香又好味、蛋好滑、磨菇好香，如果將茄汁豆焗熱就更完美喇，坐得好舒服，好似係自己屋企咁，一定會再次幫襯！

第三次來上咖啡。喜歡這里安靜的氣氛，一個人hea又得，三五知己交換心事亦得。之前都淨係一杯飲品，一個下午。今日來早咗，有少少肚餓，點了一份金磚多士。之前有聞金磚多士制作复雜。从落單到上枱，等了二十多分鐘。在等待的時間里，不時傳來類似發蛋的餐具，食材的碰撞聲，對於這份新鮮制作，多了份期待。上枱，六件金磚，外加一小杯錬奶。每件金磚不算大，但又未到bite size。刀叉一分為二，沾上些許練奶，放入口中。蛋香，來自金黃的外層；香脆的感覺，來自高温與包漿的化學作用; 咬兩口，是厚面包的彈性和滿足感。和普通西多有何不同？沒有糖漿和牛油，食落唔滯，輕易六件入肚；干淨利落，沒有多餘的蛋漿造成的“鬍鬚”；溫度控制剛剛好，上枱時正是剛好入口的溫度，唔辣嘴。講多冇謂，行動最實際。下次來，一定encore.

這裏是基督徒開的樓上Cafe，價錢實惠，電同wifi任你用，無低消，任你坐，有廁所，嘢食要求盡力貼合你的需要，仲要比你expect既做得更好，服務好，夠晒靜，係筲箕灣唯一一間Cafe。環境安静，啲人唔嘈，隔離係salon，啲人會整整下頭過嚟食，或店員會送過去俾佢地，好貼心既服務～～～飛碟無牛油無醬都夾得埋，香蕉切得夠細，所以融得好靚，麵包夠晒熱，超級好味；茶係用我最愛既Twinings，熱水任你加。 重點係兩樣加埋都只係$35，無加一，痴線，真係點做到架？？？？？？？以後溫書做紙又有另一個選擇啦～～～係希望咖啡可以有skimmed milk揀啦…