車仔麵之家 (Closed)

一向都喜歡食車仔麵，因為好多選擇，雖然唔可以點曬，不過見到都開心。在網路上看到這家的介紹，專程前來試一下。車仔麵我不會叫丸類或菜，會點一些要製作過的東西，所以叫了牛腩，豬大腸，咖哩魷魚河粉，大辣。大腸冧！牛腩也冧！魷魚煮得剛剛好，不會過熟所以硬，辣醬香，有藥材味，河粉過得去，不過香港好少河粉有高水準。因為好少車仔麵好味，近年全是光顧雲南米線店。如今吃到這家的豬大腸，其在不是急凍豬腸的口感，正！必須長期支持光顧

要在灣仔找間好味抵食堅超便的，選擇不多，而車仔麵之家可能是除了譚仔以外的窮人恩物了！這裏要先在門口櫃檯點菜付款，拿號碼等候待食物弄好便能自取。湯頭有別於外面一般的車仔麵，有很濃濃的豬腸味道，看網上報道應該是用雞骨、豬骨及配料熬成，難怪這麽惹味！我點了最愛的雲吞米綫加辣，正常分量（如果怕正常分量不夠吃，可以叫加大），埋單$18。 極力推薦他們的秘製辣醬，香辣之處不在話下，最正的地方是香辣之餘還帶有濃濃豬骨味道，跟湯底互相輝映，畫龍點睛！

聽人成日講呢間車仔麵有幾好食, 所以放假就黎試下啦order左碗 -> 大腸, 魷魚, 釀豆卜, 米, 小辣點知一咬....魷魚咁韌嘅！原來咁樣就係特色其餘兩款餸都ok啦不過同其他車仔麵鋪無乜分別囉環境ok店員就....就我個人黎講, 就唔會再食第2次囉

午飯時間通常排長龍的車仔麵之家今天出奇的少人, 可能因為下雨天關係。 最愛尤魚, 明顯是用心炆煮過才那麼入味, 那沙爹汁配上有口感的尤魚真的令人再三回味, 難怪十元一份才得兩, 三條。 另一最愛是他的酸齋, 新鮮脆炸, 配上特別的蜜汁, 很惹味開胃, 更細心的另外乘起, 免得被麵湯浸淋, 值得一讚! 另外,那彈實質地的魚蛋也是我必點之一, 不知道是不是坊間出名的陳皮魚蛋呢? 並不是一般淋淋淡而冇味的麵粉糰魚蛋。 最後, 豬腸也值得推介, 洗得乾淨彈牙, 正!

#bestfriends share exactly the same #foodiegram 😎mix and match and we had 7 choices in total 😋 . #hklocalfood 👉🏻 #dirtynoodles👈🏻 indeed it's not as dirty as it names but it's genuinely happy to have all the options when chilling out with bfflove for our favourite dishes !! We ordered the noodle of our choices, I had rice vermicelli and she has the traditional "oil noodle" which is a right texture with chewiness. I opted for little spiciness and she had medium 🔥 . The options we shared::: 1. Turn

上次食完，心掛掛又想食，今日仲貪心，又想番order上次嗰啲，又想試第2啲，最終叫左4個餸麵底，聽朋友講幼麵好食，今次點都要叫，$8細份，果然麵質煙韌，配佢既濃湯底，唔錯。炒魷魚，見佢貼左d報紙講到好出名，又好有研究入貨到處理，不過，比較失望，可能口感唔係我想像咁，對我嚟講比較硬， 我鐘意鬆碎d。豬大腸，比上次，今次的肥膏多左d, 但都好霖好入味。蘿蔔，好甜，吸左濃湯既味，好食!釀豆卜，兩次都好食，釀原個豆卜，吸湯得嚟口感幾好。豬紅，好似已經好like, keep到水準!整體都好食既，辣汁都好鐘意，叫小辣無上次咁辣。

午餐時間周圍總是很多人，想快食但不想食熱氣食品，我都會選擇此間車仔麵。平時都是外賣自取，但這次因時間緊逼，所以來試試堂食～無論外賣或是堂食都排同一條隊，先付款，外賣就在外頭等叫號碼，堂食就進內等叫號碼，再自行拿取。這次堂食點了生菜菜肉餃油麵加凍豆漿($31)大概等了10分鐘就有得食，豆漿不過不失，不會甜到難以入口，沒有渣。整豌湯底非常濃郁，平時食開車仔麵都要加點豉油或紅醋調調味，這次不用了，而且麵條也滲有湯汁味，不乾身，咬落比米線實在而爽，感覺飽肚一點 至於生菜和菜肉餃，前者沒有苦味，至少菜不老；後者皮不算厚，肉多有咬口，可惜只有3隻。

之前成日聽灣仔既車仔麵之家好食，但沒有機會試，但發現原來春園街有分店，二話不說入左去。呢度每個餸$8-10， 叫左5個餸，加埋豆漿，$54。呢度出名既我都有叫1. 釀豆卜，$9/3粒，一個原整豆卜中間釀蝦膠，真係第一次見，有heart 同好食2. 豬腸，專用比較薄同幼的豬腸部分，所以好入味，又唔係好多肥膏3. 酸齋，呢度會另上，味道好，偏酸，有種半脆半霖既感覺另外發現豬紅都好正， 竟有種juicy既感覺。牛肚都霖同入味見到店內報道先知，佢地湯底用雞同鴨淆的，所以啡色好濃味我食河粉未係好特別，但朋友話幼麵好好食建議加辣，好好食，但少辣都算辣，唔只係我，對面既阿叔都忍唔住自言自話: “少辣都咁辣架”， 之後就叫左支可樂，勸大家唔好亂嚟，但一定要加辣

收工趕去灣仔買曲奇材料，買完已經差不多8點，好肚餓又無乜心水，居然在橫街中發現呢間人氣車仔麵，聽同事講以前要立食，而家搬去呢度就有座位，門面唔大，招牌光鮮，入內只係一間好普通格局嘅麵店，裝修簡單，門口收銀坐咗個男店員，話比我知先落單比錢，攞飛等叫號碼，櫃檯嘅姨姨就好快淥好比我！粗麵（$8）生菜（$7）大腸（$10）蘿蔔（$7）小辣膠托盤上嘅麵平實，蘿蔔比得幾多，無筋好甜（我叫時仲淨一份咋）生菜爽脆，豬大腸有肥有瘦，食落鹵得入味，大腸彈牙，粗麵（車仔麵一定食粗麵）微微彈牙，唔會粉，ok!初初食唔覺有辣（心唸唔通呢度嘅辣好輕手？）原來辣醬未撈勻，辣味剛好流鼻水，唔會食唔到食物原味！辣度香唔嗆喉！好味！牆上寫住十大車仔麵，水準真係唔錯！好平均，車仔麵草根食物，但做得好一樣值得推廣！

試食過好多間車仔麵，呢一間係少數會返轉頭的。首先地方乾淨坐得舒服，啲伙記招呼又有禮貌，感覺食物的衛生程度也比較高，餸料選擇雖然吾算特別多，但有幾款非常好味已經好足夠，最愛她的甜蘿白 無渣 牛筋腩好腍 厚冬菇好入味 仲有必食的咖喱魷魚同魚蛋，甜酸齋都好好味 有點脆 但我鍾意浸湯食吾落甜酸醬，而湯底係整碗麵的靈魂，聽師傅講由雞骨熬製而成不落味精 可以盡情地飲，秘製醬汁最掂，食得辣就一定要落多啲攪勻佢，咁成碗麵就會好食好多

啱啱發現咗春園街呢間車仔麵之家，新裝修，座位闊落舒服，可以慢慢吃，唔駛滾水碌腳，趕頭趕命. 坐低叫咗碗伊麵底，酸齋、牛筋腩、蘿蔔、豆卜和大腸，酸齋真係有驚喜，和平時出面買的不一樣，酸酸味味，好開胃呀，蘿蔔又琳又甜兼冇渣，牛筋腩恰到好處入味得來又彈牙，豆卜係加咗蝦膠的，佢地秘製咖哩湯汁好好味，伊麵索哂醬汁好吃得來又唔膩，係我吃過最好吃的車仔麵.

都係由同事口中得知呢個車仔麵，買左要企係後巷拎住食，如果係要食得咁辛苦都有人排隊食既，我諗佢一定好食啦！ 誰知去到排知識開左新店，有得坐，就立即行過去，果然冇失望，好食餸唔係特別好多選擇，但每個餸都幾足料既，佢個豉油齋，同水餃我都幾欣賞，好味！ 佢個小辣都幾辣下，但好好味三餸車仔麵 $39，係一個好好既選擇！

n年前仲係學生既時候有人帶我去～因為抵食！選擇又算多！味道方面，最正係麵上面既醬，其實都唔知係咩黎，不過每次都「多醬」就無死！呢度有幾樣餸比較出名，包括酸魷魚、雞翼尖、冬菇等。今次點左呢幾樣～都唔錯嫁！每次lunch hour去都要排長龍嫁！起碼都要預15－20分鐘排！但係每次之後都仲有下次～轉左手但係味道都仲算keep到！

素聞灣仔間「車仔麵之家」頗具質素，但多數只做外賣，堂食的話只有立食，所以一直都未試過。睇網上資料見佢係同區開分店，重點係有。位。坐，就的起心肝試試。叫左3餸河粉：甜酸齋、豬大腸、魚蛋。老實講，無論湯底、魚蛋定豬大腸都未見特別，河粉更係又厚又唔滑，唯一特別係鎮店的甜酸齋，佢唔似齋鋪常見橙紅色果種，個base係淺色的蠔油齋，點菜之後先會淋上半透明甜酸汁，外表帶少少脆，裡面韌度高，唔係食開腍pat pat嘅口感，不過只靠呢個齋，返轉頭嘅機會都比較低。值得去指數：

The mushroom/白蘿蔔is as good as b4, the chicken sharp wing is a little bigger but take more time to chew the bone out, b4 is very soft, the 酸齋is good to separate in an extra bowl so not too soft. Overall is good as b4, clean and easy to grab a seat at 12:20pm on a Friday