Casa Cafe & Bistro

Open Now

Now Closed

今個月超忙勁忙但都唔知忙乜難得放假比我抖下啦( ･᷄ὢ･᷅ )海濱長廊旁 落地玻璃望海景環境舒服 非繁忙時間靜靜地好啱放空只有平日才有下午茶哦～整體價錢唔算貴 食物中上飲品可以唯一可惜係天氣太～熱 冷氣感不足如係店外加上簷篷可能會好少少(?)🍴 除甜品大多都炸 只有一款係粉▸ 自家制意式風味炸意大利飯波 $𝟖𝟓.𝟓外脆內軟糯帶忌廉感飯唔太多加上有香草(?)整體不覺膩▸ 脆炸魷魚圈 $𝟖𝟓.𝟓外酥脆肉身軟彈帶嚼勁魷魚無去皮一齊炸 韌性較強難咬斷兩者都配有酸忌廉沙律醬點埋一齊食解膩又開胃☕️ 飲品跟餐半價 轉燕麥奶+$𝟓▸ 海鹽榛子鮮奶咖啡 (凍/單點$𝟒𝟓)以一杯普通的鮮奶咖啡來說啡味香且滑 入口溫和非酸性忌廉甜甜的配合咖啡不錯但海鹽唔覺 榛子果香亦唔覺▸ 紫薯鮮奶 (凍/單點$𝟒𝟓)滑順不太甜 紫薯味有但淡飲過用紫薯打爛而成的所以感覺呢杯係用粉沖🤨🥗 夏天就係唔想越食越熱溫泉蛋煙三文魚豆腐沙律配日式胡麻醬 $𝟖𝟖份量 配料都有唔少煙三文鮮香 豆腐溫泉蛋滑上加滑配埋少少胡麻醬夠哂清爽🥞 大食的我要點甜品收尾美式班戟伴鮮雜果配蜂蜜焦糖漿$𝟓𝟖三、四塊鬆軟蛋香Pancake夾埋香蕉、草莓、藍莓等生

假日小編去咗馬鞍山踩單車，踩到冇幾耐，就見到有一間Cafe，所以就走咗入去食返個豐富嘅早餐，佢哋嘅早餐呢就去到11:30 ，雖然之後都會有brunch，不過早餐就性價比相當高啦🤪班尼迪蛋煙三文魚伴酸種面包：酸種包超厚身，上面就有牛油果蓉，蕃茄片，火箭菜，再配上水煮蛋+荷蘭醬同煙三文魚，份量相當多，食一個真係飽足成日早餐時段，仲包咗杯餐前果汁，係一杯好清爽嘅蘋果汁，飲完之後好fresh另外，我同朋友都另外再加咗杯雜果乳酪，係無糖嘅乳酪，再配上水果同堅果，好健康焦糖脆脆鮮奶咖啡（凍），由於天氣太熱啦，所以呢一定要跳返杯凍咖啡，再配上焦糖脆脆忌廉，唔會話太甜，攞嚟打卡剛剛好🤗至於Casa 全日早餐，份量都好豐富，當中包括咗沙律，薯餅，腸仔，炒蛋，炒雜菇，煙三文魚，酸種包，茄汁焗豆，焗蕃茄夢幻甜心：粉色系列，好夢幻，味道就係蜜桃荔枝梳打熱情果芒果撻：小編覺得味道好特別，熱情果配芒果呢個組合好正，而且唔會有甜嘅感覺好健康，而且撻底都好薄 ，作為甜品就最適合不過😜Casa 焦糖脆脆Affogato：依家天氣咁熱，咖啡熊嘅朋友一定要叫返杯affogato ，先滿足到自己🫢

馬鞍山區內少有設有室外座位的餐廳，備受狗狗主人和單車人士歡迎。而且餐廳就在海旁，在這裡食個brunch感覺好chill，令人放鬆。下完單會先上兩杯餐前橙汁，很貼心。*Casa 全日早餐($110)：All day breakfast份量非常豐富，裡面有酸種麵包、薯餅、雜菇、茄汁豆、煙生文魚、香腸、炒蛋和沙律菜等。酸種麵包外層烤得酥脆，內裡鬆軟，有驚喜。炒蛋嫩滑，煮得恰到好處，最後沙律菜配埋黑醋。大滿足！*雜果乳酪($20)加$20可以追加雜果乳酪，乳酪酸甜適中，上面鋪滿各種生果，增添清新的口感。*班尼迪蛋 煙燻三文魚 伴酸種面包($78)：Benedict 煮得剛好呈流心狀態，下面再鋪上煙燻三文魚，火箭菜和creamy的牛油果醬。配埋酸種麵包的酥脆柔軟，完美組合！隨餐包餐飲，轉其他飲品半價：*焦糖脆脆鮮奶咖啡(凍)(+$22.5) / 森半抹茶鮮奶(熱)(+$20)焦糖脆脆咖啡奶昔口感非常順滑，上面的焦糖脆脆好鬼好味😋 抹茶鮮奶的味道非常濃郁，帶有淡淡回甘味，而Latte不會太甜，也不會覺得太苦澀。

今日放假行黎行去唔知食咩好，由其馬鞍山呢個美食沙漠。睇下有邊間未食過既餐廳，發現有間係酒店附近既餐廳未食過，係食西餐同見openrice既評語都不錯，所以走左去試下。到達後見到都幾多人，坐位闊落，好香咖啡味。我地叫左主食燒美國頂級牛小排伴牛肝菌意大利飯，一上菜就閒到好香既牛肝菌味道，牛小排好有牛味，意大利飯煮得岩岩好，煙煙靭靭，呢個價錢食到靚牛肉同意大利飯，我覺得性價比好高。仲叫左個小食併盤，佢啲炸魷魚同雞翼都好好食，炸魷魚外脆，又鮮味。雞翼就味道岩岩好，令人食唔停口。甜品叫左我致愛既AHHOGATO, 呢間仲有啲特別，會加上焦糖脆脆，真係好好食好夾叫左杯特飲-藍色海洋，係百香果梳打，好好飲，入面仲加左椰果，有驚喜

今次寫食評的動機，全因遇到一位很rude and 急燥的侍應Annie. 也順度分享吓見住餐廳食物質素大退步的狀況。老實講，身為餐廳ge fans, 都係好唔開心。本身都唔想講，因為總覺得好食自然引人來，唔好食都唔使寫衰人。何況，都唔係人人追求好質素，身為居民，食個早餐，食個順便，佢都唔會話少人食。而且，好多單車友會來吃。之不過，今早經歷令我決定要記錄同分享。今早，下雨，餐廳很full. 我和先生，兩歲寶寶到達時要等位。幸運地只有我們在等。很快，一位店員邀請我地，問我地介唔介意坐住張二人枱先，因為未有大枱。我get 到係，"坐住先" 即可以係之後有位轉枱。咁我地就入去了。一入去， Annie 小姐煞有介事咁沖口而出同我地講："你地做咩入黎，等我地安排好先好入！"我心諗，係你地ge 員工叫我地入，妳咩事！（就當妳唔知，我都冇出聲解釋，因為見A 小姐好急燥咁）Then, 邀請我地個位員工就即刻講番俾A 聽係佢叫ge. 我地就被帶到二人枱坐低。見佢地咁full, 真心諗住迫唔緊要，快快食完走！不夠一分鐘，看見有張四人枱準備走，又見門口未有人，所以就提出轉枱，有位員工都好好，見到佢係想回應我地

介紹返呢間開咗好耐嘅餐廳，以前成日去食早餐、放狗。附近環境舒適，食飽又可以沿住海邊帶狗散步、或者到附近公園玩。除咗有全日早餐，仲有酸種包、班戟、乳酪、沙律、通心粉，好多選擇。👍🏻坐低店員就會一人送一杯餐前細橙汁🍊，可以即時解解渴。🍳🥗Casa 全日早餐 $110 ～ 意式香草腸｜炒雜菇｜煙三文魚｜脆薯餅｜烤蕃茄｜酸種麵包｜牛乳炒蛋｜婦豆｜田園沙律🐟 🥚班尼迪蛋．煙燻三文魚伴酸種面包 $78～水波蛋｜煙三文魚｜蕃茄｜火箭菜｜牛油果🥤🍬棉棉鮮奶朱古力（凍） +$22.5～ 一杯凍朱古力奶，上面唧滿軟滑忌廉、放滿棉花糖，大人小朋友都好喜歡。☕️ 🍯焦糖脆脆鮮奶咖啡（凍） +$22.5～ 要飲凍咖啡，而餐廳又焦糖脆脆，一定會揀呢一杯咖啡，唧滿軟滑忌廉、放滿焦糖，飲得又食得。☕️🍨Casa 焦糖脆脆Affogato $52～ Affogato已經係我最愛，仲要加埋焦糖，真係無得頂🤩

.#foodie #hk #hkfoodie #HTB美食推介【馬鞍山休閒西餐｜成功打破美食沙漠宿命🚲】🐨8安士紐西蘭肉眼牛扒配薯條紅酒汁 $169推薦度：⭐️⭐️⭐️⭐⭐牛扒煎嘅熟度啱啱好，牛味好濃，牛筋牛肉牛脂肪比例都好協調，就咁食都好正！紅酒汁少少酸，有助解油膩，更開胃～薯條份量都好多，炸到岩岩好唔會好乾，完全唔驚唔夠飽😂配菜仲有番茄、椰菜花同西蘭花，番茄加咗香草燒過表面，變得更甜～.🐨70%朱古力可可撻 跟餐+$28推薦度：⭐️⭐️⭐️⭐⭐可可撻淨係上枱賣相已經加分，可可同埋撻皮比例大約係六四，食到可可cream嘅柔軟再加撻皮牛油香同鬆化，口感層次互相配合！因為選用咗70%可可，唔會死甜而有朱古力香，一個人食都唔覺得過份🙈.🐨英式奶茶(凍) 跟餐+$3推薦度：⭐️⭐️⭐️⭐英式奶茶奶味比較高，唔會好甜，飲到紅茶底少少苦澀同甘甜味，口感醇厚～——☼——☼——☼——☼——☼——Casa Cafe & Bistro📍地址：馬鞍山鞍駿街29號海澄軒地下4號舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB馬鞍山 #HTB西餐.#馬鞍山美食 #

星期日帶狗🐶去此餐廳食早餐， 餐廳外4張枱可以携狗入座🐕星期日早上9：30出面4張枱滿晒， 要登記排隊等入座。馬鞍山可以携寵物餐廳得此， 所以假期都多人，要等15-30分鐘。餐廳入面就多d位， 不太需要等太耐。1）炸魚煎蛋早餐炸魚有些乾又有少少腥， 冇魚味的咖啡唔得， 唔好飲。2）煙肉炒蛋早餐煙肉唔太乾， ok.總評。早餐食物質素普通。5分。<午餐下午茶好像好d.> 服務。 普通。唯一好就是可帶寵物入座， 所以都幾多携狗一起。溫馨提示。 唔係帶寵物的， 可以入餐廳入面坐， 唔駛寵物及主人排隊等咁耐， 得出面4張枱， 假期人多， 要等30mins 以上。謝謝

見網上好多人推介，又話好好食又話有海景好chill, 趁長假期就遠征去馬鞍山試吓。大約兩點，等咗5分鐘就有位。喺門口等緊嘅時候周圍望，入面無一張枱坐底係望到海景。就算坐室外，都無海景。由於覺得伏伏地，兩個人點咗兩杯咖啡同兩個甜品就算。。。。☕️焦糖脆脆鮮奶咖啡好難飲！完全冇咖啡嘅味，淡茂茂，得啲奶味👎🏻☕️海鹽榛子鮮奶咖啡都係一樣好難飲！成杯飲品都係偏淡👎🏻🍰芒果熱情果撻唯一好食嘅！酸酸地幾開胃👍🏻🍰雜果班戟味道普通，但無蛋香味。同埋呢個太多蜜糖同香蕉，偏甜👎🏻。。。服務就冇乜特別，冇加一收費。香港好多高質cafe, 呢間真係又唔打卡又唔好食

Casa Cafe & Bistro馬鞍山一間幾受附近街坊歡迎嘅海邊cafe，幾年前已經拜訪過幾次，不過當時覺得質素普通印象一般。今日出開黎馬鞍山唔想周圍搵食咩，所以直接過黎試多次，發覺原來食物質素改善左好多😲而且好多款式選擇！order左個安格斯牛肉burger，牛味勁重而且夠juicy，配埋BBQ醬夠濃味好正，因為我好怕食乾爭爭嘅burger，呢個絕對無投訴👍🏻另外自己都好鐘意食pancake，無論soufflé 定美式嘅熱香餅都唔會錯過，呢度就係美式pancake，份量都大，整得夠熱而且夠蛋香，淋上楓糖漿係幾滿足🤍70%朱古力撻微甜，對於我呢個螞蟻人黎講略嫌太淡🍫不過總括黎講，開業6、7年食物質素一定唔差，而且keep住update新菜式👍🏻- 安格斯牛肉漢堡伴BBQ醬- 美式pancake- 70%朱古力可可撻- Americano- 桂花latteTotal $218

我哋由大埔大王爺廟跑到呢間餐廳剛剛好11K, 係我哋跑友成日去的早餐店，係海濱長廊附近，環境悠閑舒適，好方便，有戶外座位。必食早餐推介：煙燻三文魚班尼迪蛋牛油果醬伴酸種面包 $88蛋汁撈埋落三文魚同牛油果🥑，味道好夾，酸種面包好鬆軟。CASA全日早餐 $110賣相好豐富同大碟，樣樣都好食。最欣賞係每個餐除咗有飲品外，仲有杯mini橙汁，飲完好開胃呀！附送的咖啡☕️冇拉花，朋友升級其他咖啡，拉花靚，杯杯的花紋都唔同。

最近去了Casa Cafe and bistro，是一間位於海邊的cafe餐廳。雖然是一間Cafe，但閒日午餐都多選擇，無論是食物、環境性價比高，又無加一，可以encore。下午茶食咗個炸啲薯條加咖啡，簡簡單單又一餐，享受吓海邊嘅寧靜。有室外座位，見到有客人帶狗在室外用膳.室內裝潢簡約，今日閒日唔算多人與朋友聚餐談天是一個理想的場所。最後是服務。無加一, 提供小小自助區, 有冷熱水紙巾可自取, 我見好多人踩單車中途你歇一歇，下次踩單車都可以嚟試吓。總結來說，都幾好

作為一位老顧客，好鐘意Casa既海景，大大個落地玻璃，跑完步可以入嚟坐一下再繼續，係馬鞍山好難得有既餐廳。由他們稍微轉型前到現在，一直抱著支持的心態堂食消費。但可惜今次真係太不愉快，係最後一次食。可能正因為很喜歡，對他們的食物和服務質素大大下降覺得十分失望。首先是飲品。今日一家大細到餐廳吃飯，點了一杯棉棉朱古力給小朋友，以前明顯的拉花現在已沒有了蹤影。理解可能是在職培訓，用較多既棉花糖掩蓋了拉花失敗的作品。味道並沒有太大的影響，但小朋友沒法猜棉花糖下的圖案，少了幾分樂趣。本人點了一位熱cappuccino，最失望之處非他莫屬。奶泡既質感十分糟糕，口感太差，總括來說是一杯特濃咖啡和一杯奶味液體混合而成，拉花失敗更擬似加了些凍奶泡拉了一個網，令人覺得難以置信。其次是食物。老公一直很喜歡Casa的炸魚薯條，今次的表現簡單來講食物是跟著油一起被送上了餐桌，沒有以往清脆的口感，油也沒有被瀝走。為小朋友點了pancake，不過不失卻是令我們最滿意的一道。本人點了牛小排意大利飯，有一句說得很好，「不要跟牛排點全熟的人講道理，因為他還在咬。」，食物素質飄忽不定，使人困惑。最後是服務。Casa一直沒有收

位於海澄軒附近一間隱世cafa，景觀環境好舒服，出面一大片海同樹木，絕對可以放鬆一下心情入面裝修簡潔，自助區有芝士粉，Tabasco 等等提供桂花鮮奶咖啡有驚喜，諗緊桂花同咖啡好似唔多襯但原來桂花可以增添清香甜味，又唔會太甜，恰到好處，十分推介casa 焦糖脆脆Affogato雪糕加expresso 配上焦糖增加食感青瓜鮮奶咖啡拉花好靚，咖啡有淡淡青瓜味，幾特別煙燻三文魚 班尼迪蛋 牛油果配酸種麵包麵包軟糯而且大份十分夠飽，配搭牛油果醬及班尼迪蛋十分juicy，火箭菜份量亦剛剛好

今次嚟咗casa 食早餐，開始新一天。享受著海風陽光，加杯靚咖啡，簡單慢活，enjoy點餐後付款，一坐低即刻有一杯迷你小果汁炸魚早餐居然係鱈魚，好少餐廳會係鱈魚柳，最特別當然係酸種麵包，配果醬，回味仲有egg Benedict，正確點應該係egg royale 喺muffin嘅包上面是煙三文魚，飽上居然有牛油果醬，令muffin 保持著香脆這間餐廳嘅好處係有戶外嘅座位， 可以畀俾寵物呀狗狗呀一齊同你食早餐，仲可以踩單車來泊喺度慢慢歎個早餐再繼續唯一不足的是餐廳較細，比較壓迫。有高枱位置，但見大部分人都不喜bar 枱，最好換成普通枱椅吧