豪隍點心 (Closed)

就算是傍晚, 都可以吃到不差的點心這脆皮的叉燒包真的不錯, 面頭真的很鬆脆, 而且極香, 內裡的饀都很美味, 整體是個讚!滑皮很薄, 都令人滿意, 不會一夾即散的腸粉, 內裡叉燒適中, 瘦多肥少沒渣的菜心, 很難得, 鮮綠爽口很大塊夠多的肉餅, 尚算美味, 底下的飯是一粒粒爽身的, 不錯有四粒的一個柯打, 鬆軟皮肉都很多饀料, 正常不過, 都算OK皮薄爽口蝦, 可有什麼投訴? 實在是穩陣之選

又喺一個月一次出尖沙咀返教會嘅日子，完咗崇拜我倆公婆拉埋舅仔同另一位教友，本來打算去老婆個飯堂「唯一」食上海麵，不過行到去厚福街，又突然改變主意，不如試吓隔幾個鋪位嘅「豪隍點心」，因為晌「唯一」唔多「襟」坐，而晌「豪隍」飲茶食點心，應該可以傾耐啲。雖然喺尖沙咀，商業加旅遊旺區，但時間尚早，都仲未夠12:00pm，反而頗靜。所以，踏入豪隍都唔多人，近門口嗰幾張枱仲喺吉嘅，啲客大多數揀坐入面嘅卡位，感覺唔使被路人經過晌櫥窗度眼望望，而我哋心態都喺一樣，同樣揀入面卡位。餐廳嘅裝修好簡潔，橫間白牆身，深紫色絨梳化椅襯灰色雲石枱；雖然個鋪位本身為長形，但勝在樓底夠高，所以空間感強。而且，牆上掛有唔少香港古蹟建築嘅黑白相片，好似我哋頭上嗰張就喺對住文化中心嘅香港青年會（YMCA）及隔離嘅半島酒店。依家好多食肆嘅餐牌都已經中英對照，更何況豪隍位處尖沙咀，又喺賣外國人好鍾意嚟到香港都想食嘅點心，所以佢張點心紙一面中文，一面喺全英，我就特別有興趣睇啲翻譯喺點寫，唔喺要捉人錯處，反而小弟英文幾水皮，當喺學吓嘢，何況有啲點心真喺好難譯，意譯又怪怪哋唔傳神，而音譯外國人睇完都未必明喺乜，感覺都幾有趣架！基本嘅

終於收工了，唔知係咪因為今日午餐只吃沙律關係，現在巳經有點空虛了。係屋企冇飯開的日子唯有捉男友陪我食。行到去厚福街看到太多餐館，也看到眼花堎亂了......終於決定放下腳步。其實我係被這個盅頭飯吸引進來的，$30內（一個飯以這個價錢來說是ok了，更何況比我作為晚餐）盅頭飯-放棄傳統的鐵盅改為砂鍋，的確變美觀了，而且有點像煲仔飯，不過卻是沒有飯焦的。鳯爪排骨飯：鳯爪、排骨也像酒樓出品，而飯沾有排骨香，不過而我男友來說份量比較少一點。冬菇滑雞飯：冬菇很乾身、雞沒有雞皮，很難帶出雞油飯香的味道。羅漢齋餃：外觀晶瑩剔透，吃下去也口感豐富。店員介紹得不錯。金錢肚：其實原本沒有打算叫這個，但因為有人頭消費所以才叫，我本人不常吃豬肚，所以難以評論，只知男友說還可以！！總括來說：一個晚餐以$50來說已經是無得輸了，這裏的蝦餃、燒賣也可以兩粒計，很適合作為一人晚餐。

今天，和同事們到此吃飯。沒有拍照，只好盡我能力為大家報告一下食物的味道。午市有套餐供應。最曉食點了個溫泉蛋牛肉飯，配籠仔馬拉榚。其餘最曉食還有吃到同事點的食物，包括蜜汁叉燒腸粉，蒜香蒸排骨，XO醬蘿蔔榚和芒果布甸。首先來的是溫泉蛋牛肉飯。有趣事情就此發生，同事點了煎蛋牛肉飯，貪其蛋不會像溫泉蛋那般半生熟，而應會全熟。但可笑的事實是，煎蛋比溫泉蛋更生。這使我們笑了一陣子。牛肉飯的味道不差，像牛肉球的餅狀版。整個飯是用煲仔來盛著的。夠熱，而且份量足。蜜汁叉燒腸粉比我預期中好吃很多！叉燒足料，而腸粉亦有煙韌感。叉燒的甜味襯托醬油的鹹味。很好！蒜香蒸排骨沒有太特別的地方。份量偏微型。唯一優點是夠熱。XO醬蘿蔔榚就真的不太欣賞。蘿蔔榚理應是煎過的，帶金黃的，脆脆的。可惜，只見每一小磚也是帶慘白的。最曉食唯獨欣賞它那XO辣醬。一匙的XO辣醬放在蘿蔔榚堆頂，很惹味！籠仔馬拉榚也不差。算是鬆軟，而且甜味適中。不俗！芒果布甸的外貌不錯！花形的布甸，再佩上芒果味的小爆珠。布甸內有果肉，有豐富口感，不錯。以一個甜品作結。甜甜的，又要繼續上班了。

第一次來呢度食， 應該都唔會再來。一向都只會睇openrice, 不過估唔到香港仲有d 咁既service,忍唔住開個account 寫d 野。一入到去， 個服務員就話人頭最低消費$50,講真， 50 唔係咩錢， 不過呢d 食店有min charge 第一次聽。印像已經唔好。坐左一陣， 張單又落錯，d 野食又唔來，都算，呢d 野其實好少事。一問原來去左另一張枱，個伙記想拎返過來， 個老細叫佢唔好多事。即係點？ 我d 野唔來係我多事？呢間野最唔好既地方， 係不斷迫人搭枱，講緊既唔係多人時叫你搭枱，而係冇人時都迫你搭枱。而佢冇人既枱就張張都會放晒留座。唔信你自已去睇下。點解咁肯定？ 因為見到有客想轉但枱唔俾。係已經搬晒野去叫返人返轉頭。你冇睇錯， 我冇打錯。係成間野半空情況下唔俾你轉去一張冇人既枱。講真， 我日日都飲茶， 呢度d 野食唔係難食，只係好一般茶樓野，點都唔會好食到我要忍佢d service.我都好幾年冇試過飲茶要受氣。呢間野black list.

朋友話尖沙咀有間食點心o既, 就dinner o個陣試下~因為落大雨o既關係, 入面唔係好多枱客, 環境光猛, 我地又有卡位坐, 店員亦殷勤有禮, 廁所亦算乾淨, 初步感覺唔錯3個女仔叫左以下點心:- 蝦仁燒賣- 和風鰻魚腸- 蒜蓉芝士鮮蝦長春卷- 雪山叉燒包- 酥炸魷魚鬚- 杞子圓肉桂花糕- 沙律脆皮牛坑腩- 小籠包1. 蝦仁燒賣: 隻蝦大大隻, 滿足!2. 和風鰻魚腸: 賣相好靚, 配搭亦新鮮, 加上上面o既醬汁, 唔錯, 如果多返d鰻魚就更好3. 蒜蓉芝士鮮蝦長春卷: 一條長長o既春卷唔知收埋左幾多隻蝦, 對於我呢d愛蝦之人真係超開心呀! 春卷加上日本芝麻醬好好食, 食到有d漏, 就食返一條附送o既青瓜, 消滯~~4. 雪山叉燒包: ok啦, 同o係其他酒樓食過o既水準差唔多5. 酥炸魷魚鬚: 我鍾意食呀, 炸得又香又酥脆6. 杞子圓肉桂花糕: 3大件, 3個女仔食剛剛好, 係嫌佢雪得太凍7. 沙律脆皮牛坑腩: 推介! 又唔油膩, 牛坑腩無肥膏, 我會再encore8. 小籠包: 無驚喜, 可skip唯一comment: 如果下次有多d蔬菜o既選擇就好啦, 我唔想淨係得菜心揀啊.

晚上，在下來到尖沙嘴辦點，辦事後已經是八時多。是晚在下似乎不太餓，卻又想在附近吃點東西才回家。來到厚福街，實在不知道吃甚麼， 來到豪隍，又想一嚐夜茶，於是便走進了入去。甫進了入內，店內已經高朋滿座，幸好仍然有坐位讓在下可以搭枱，環境還是有點迫狹，而枱面也未必放置太多點心。從點心裡，隨意勾選了以下點心：不過點心還未來到，侍者還是奉上茶來，茶是玄米綠茶，是日本茶也。玄米綠茶有日本傳統的淡淡幽香，又有烘沙米香，茶味淡雅而醇和。第一道上桌是蜜餞叉燒腸。腸粉皮薄而能看到內涵，吃下時粉皮幼滑，且如看到般的薄，叉燒粒粒分佈均勻，且有咬口。上次到來時，已點了這蝦仁燒賣，可惜在下當時忘記拍照，如今在下再點此點心，也能補償了之前沒有拍照的遺憾。這回吃蝦仁燒賣，同樣蝦仁在燒賣頭上，內裡卻只有豬肉和冬菇。蝦仁味帶爽口，而且彈牙，豬肉有勁嚼而有咬口，是不錯的點心。還記得在下於堅尼地城的悅點居文章嗎？在下曾經點選過流沙奶黃包，如今在下於豪隍同樣點了一客。豪隍的流沙奶農包被在下一咬，那些流沙奶黃即時流出，正如在下於悅點居所吃到的是一樣，不過豪隍的卻來得悅點居更加彭湃，更加流心。在下很少機會在這段時間飲茶，但是凡事總

分3次去食.2012年9月, 第一次試水準幾平均, 喜歡茶有玄米香...特別點了款鰻魚腸粉, 可惜太腥...燒賣大粒, 肉厚實, 牛肉亦有酒樓水準,依然想食款香口野, 炸雞翼香脆, 無令我失望.2012年11月, 今次試下其他小點, 鳳爪排骨飯, 蒸魷魚, 雞扎, 炸春卷, 樣樣都ok wor!2013年1月, 燒賣依然大蝦彈牙, 牛柏葉爽口入味, 春卷香脆,魷魚肉餅飯, 可惜唔夠熱同唔夠魷魚香, 黃金糯米雞, 用蛋代替荷葉, 雖然不錯, 但都係荷葉清香比較合拍.

這一兩年時不時晚上會到豪隍點心食晚飯或宵夜，這次才發現他們開始實行最低消費HK$50，門口沒有寫明，是進餐廳後才有員工通知。這個方法只對他們的商業有利，但給客人的印象則有點差，因為他們在確保自身能在每一位客人身上得到最少五十元的收入。另外，帶位都有問題：因為有最低消費，晚市時間都只有小貓兩三枱，可是有很多空枱都要客人搭枱搭到滿座但餐廳裡還有很多「卡位」。但他們有九成的食物都是好吃的，不知道這個服務質素會否令這間店「摺埋彈開」呢？其他東西都不錯。蝦餃最難吃尤其塊皮！

I had a friend come and visit me in HK recently, and I decided to take him to try some Dim Sum. If I wasn't held so such rigid restrictions i wouldn't have some in.After quickly checking the ratings on openrice, i decided to give it a try. Quite disappointed.We orders: Chicken spring rolls: Not to oily, good fillingMexican Char Sui Buns : They were not crispy at all, instead an oily flaky texture. Filling wasn't any better either.Grilled pork dumplings: NOT GRILLED AT ALL!! They were soggy and

與老婆結婚日子還有9日, 今天我兩一齊到尖沙咀婚紗鋪進行FINAL FITTING~ 老闆娘話老婆瘦左喎~條腰瘦左成寸呀! 當然我唔可以披露由幾多寸瘦到幾多寸啦~ 老婆聽到歡喜到呢....搞掂後, 12:45, 去周圍搵食~ 响厚福街行左幾間, 老婆拍板揀左呢間, 試下啦~地方潔淨, 服務可以，再講食物1. 茶: 淨係得玄米茶, 無所揀, 味道還可, 唯個茶壺幾大, 二人枱兩無乜位淨低。2. 芝士長蝦春卷: 幾好, 有得色, 炸得香脆, 但有點過火, 雖不太影響食慾, 但仍有改進空間。另外, 老婆想彈一彈盛載春卷個隻杯好流, 可謂敗筆之作, 同照片上所見到個隻杯真係差左十倍。30元3條, 即係10蚊條, 青瓜兩條, 不脆不甜, 反正送的, 好過無。3. 豬潤腸粉: 都算係特色, 出邊唔係咁易食到, 味道可以, 豬潤香滑, 已切絲, 但分佈不均勻, 有啲地方好多, 有啲地方好稀疏, 影響口感。70分。4. 蝦餃: 三個字 - 好大隻~ 圖內旁邊的為普通茶杯, 可見此蝦餃有幾咁大隻, 15蚊兩隻, 可以接受。外觀一般, 咬破皮後, 蝦味溢出, 大大隻蝦可見, 更重要的是兩隻蝦餃均不見蝦腸

完全迷上點心, 呢輪好喜歡去d點心鋪! 是日, 去左呢間, 環境乾淨企理, waitress service幾好, 係冷氣太凍, 野食好快被吹凍。野食都幾有特色, 同埋抵食。

叫左個普通蒸飯外賣, 我去到時得我一個外賣, 堂食亦都唔係好多人, 等左成 25 分鐘先有, 叫佢崔單, 佢唔會幫你崔, 只會話整緊, 係即叫即蒸,.....我行番公司只不過 5 分鐘路程, 番到公司一打開, 只不過係微暖, 如果係即叫即蒸, 5 分鐘內會由好熱變微暖嗎 ??Lunch time 只不過一個鐘, 等佢個外賣已經 25 分鐘, 公司稍為遠o的都食唔切啦 !! 已經第二次都係禁, 新開張時幫襯過一次, o個次等左足足半個鐘, 相隔一年後再幫襯, 點知仍然係禁, 豪無改善我從此以後都絕對唔會再幫襯

(兩個月前食,兩個月後先寫食評,已經唔多記得D食物名同價錢, 如有錯誤請見諒.)去尖沙咀有要事做, 同家姐一齊食lunch, 我鍾意去點心店多過茶樓, 因為坐得舒服D, 又冇咁嘈, 點心又精緻D，揀左呢間食兩個人叫左叫左六個點心, 分別有蝦餃, 鮮蝦菜苗餃, 長春卷, 泡菜牛肉腸, 雪山叉燒包, 咦?! 今日廚師推介有酥炸魷魚鬚, 叫黎試下先. 弊?! 係咪叫得太多野? (係呀! Haha!)蝦餃- 一籠兩件, 同家姐一人一粒岩岩好, 皮薄餡靚, 同大酒樓有得fight, but我最鍾意都係利苑的.鮮蝦菜苗餃- 蔬菜新鮮, 好爽口長春卷- 如我冇記錯係有芥末味的, 很清新, 一人1.5條也不覺得”漏”, 陪碟青瓜條亦新鮮爽脆泡菜牛肉腸- 配搭新鮮, 很惹味酥炸魷魚鬚- 廚師推介反而最失望, 魷魚硬硬的, 味道亦不夠雪山叉燒包- 唔得喇! 真係好飽, 打包左番屋企, 我冇食到比唔到意見值得一提:店子提供的是玄米茶，賣飛佛！總括黎講，點心水準頗高，比一般酒樓有創意，而且大家應該支持有heart嘅小店，儘量減少幫襯唯利是圖的大財團呢！

澳門只食點心嘅地方好少咁乾淨 (你睇氹仔華峰就知)...經朋友介紹同老婆大人去到見到靚靚咁，老婆大人即爽 YY...可能夜晚人流唔多，成手一袋二袋嘅醒目待應已自動波安排卡位比我地，等我地可以舒舒服服咁坐，超感動...朋友已講咗呢到係用玄米茶，所以冇乜驚喜。但因為太熱，頂唔住叫咗杯冰鎮奶茶。本身唔 expect 好飲，旨在降溫，但結果係超出預期咁好飲 - 追加多一杯唔同老婆大人 share。味道同酒樓差唔多，只係分別於個樣好「金」，唔似酒樓咁好「橙」，心理上好似唔係好熱氣。而鯪魚餅米線嘅鯪魚餅有樣好，就係唔係油淋淋，抵讚。(米線响飽過頭嘅情況下犠牲咗，所以唔知麵質湯底如何)普普通通，上面粒辣椒可能係裝飾，但已令我期待有辣出現嘅情況下，叫待應拎咗辣油黎，一淋落去，成個鳳爪變得好好味 - 自製辣油嘅功勞???冇叫蝦餃但叫咗呢個瑤柱鳳眼餃。入面 d 蝦好爽，而老婆大人欣賞嘅係佢上面 d 蟹子，話唔似酒樓咁拎埋 d 蟹子去喪蒸，蒸到變哂色喎...而奶皇飽就有少少失望：點解冇流沙出黎??? 味道就冇平時食果 d 咁重味，冇話食完會覺得個口怪怪地咁。好好味！原因好簡單，入面 d 菜冇比用鹽勁灑 &