Cha:rm

Open Now

Now Closed

今日收工去左太和醫肚，由太和火車站慢步到呢間韓國菜大慨10分鐘左右，由於時間尚早，6點鬆D，店內無咩客。好! 入去坐低望望Menu先，價錢幾公道，唔貴 !! 我們2個人點了4個東西，一個飯，一個卷物，一個煎餅同一個炒粉絲。下單不足10分鐘就已經有野食喇，應該都係即叫即整 !先來的有個牛肉飯同個炒粉絲，份量嚇我一跳呢，可能我比較細食 ! (打包 is a must >< )呢間韓國菜我個人幾鍾意，環境裝飾簡簡單單，食物味道偏向淡一點，如果吃開重口味既可能會覺得唔夠味。牛肉飯正正常常，炒粉絲係大條粉絲來的，有D口感 ! 海鮮煎餅都足料，食落唔太肥膩 ! 至於個蔬菜卷物食落幾清新，個人幾Like ! 小弟點呢4個菜都係 40-55 蚊左右，但份量比預期多，哈 !總結係︰價錢合理，份量比一般多，味道偏淡 = 值得 Encore 

.之前經過見到門口長期排隊，我同事又嚴重推介呢間，所以都一直心思思想試下。今日又入離大埔兼一行四人都有興趣試下呢間，於是就決定離呢度午餐。終於有機會試下，好期待! 哈哈 我地12:30左右離到，已經有4-5個人排緊隊啦，我地等左大概30分鐘左右就有位，比預期中快。  餐廳環境都好闊落，檯同檯之間唔會好逼，坐得幾舒服。我地點左半份炸雞、辣汁芝士炒年糕、烤豬肉蓋飯同紫菜牛肉卷。 紫菜牛肉卷賣相唔錯，不過味道就有少少失望。覺得飯太硬，牛肉太乾，食落口感嘛嘛。 原味炸雞同事之前推介新出既蜜糖炸雞好味，不過我地唔見餐牌有所以就試原味。炸雞都系覺得普通，雖然外面層粉唔算好厚，不過裡面既肉都好薄，唔系一件件既雞... 但值得一讚系蜜糖芥末醬好好味! 烤豬肉蓋飯呢個味道都唔錯，豬肉份量好多，有少少微辣但就覺得淡左少少。 辣汁芝士炒年糕呢個系超級好味!! 不過...對於唔食得辣既我離講就超級辣! 但神奇在明明已經辣到準備噴火既狀態，都仲會忍唔住繼續食..  年糕好煙"un" 個汁又好好味!朋友就略嫌芝士太少。整體離講，可能一直期待太大啦，所以都有少少失望，不過整體就唔太差，試得過。

平日大約七點幾到，無book 枱大約等15分鐘左右，好彩門口有凳俾我地坐住等 鋪面唔大，一坐底就有kimchi 食，但份量真係唔多架我地叫左一份紫菜卷，幾乎見到枱枱都有叫，好大舊，又足料。仲叫左半份炸雞，兩個醬料都好味份量兩人剛剛好不過就食到一半先影另外仲有芝士年糕 推介你地嗌！員工就無咩笑容既不過勝在裝修靚地方舒服食物好味 會再幫襯

剛剛嘅星期日同Oppa去了太和其中一間韓國餐廳食。見食評都唔差又係新開，一於去試吓室內佈置得唔錯，整體好舒服又有時代感。環境亦好企理乾淨。order左兩款飲品。左邊係梨子味果汁(味道較清)，右邊係桃味果汁(味道較甜)。如果可以再雪凍d就perfect辣炒年糕: 味道剛剛好，唔會辣到人飛起但又夠晒野味如果份量多返dd就最好，賣相都會靚D。(店家係用一個類似平底pan物體盛載，d年糕攤平晒喺個pan度，其實賣相就唔多靚之餘，睇落個份量都少好多)最值得一讚係個牛肋骨湯(配飯): 個湯完全充斥住牛嘅香濃味道，每一啖都係牛嘅精華。真係爆好味Oppa想食紫菜包飯，於是我地就點左個牛肉紫菜包飯。牛肉嘅份量比一般韓國餐廳的都要多最後叫左個蜜糖炸雞($108)，menu本身係無哩款食物，係店門外嘅一塊大木板餐牌寫的。(ps. 只有全份，沒有半份的)。新鮮熱辣炸起嘅雞，皮脆肉嫩，配埋甜甜嘅蜜糖真係一絕啊

很久沒有堂食，因為人流比剛開業時多好多，枱與枱之間都無之前咁寛敞。晚市最好6點前入坐，不然要等第二輪，人齊才可入坐啊！試左新加的蜜糖炸雞，味道不錯，炸粉唔會太厚，雞唔韌，蜜糖有點拔絲效果，面層灑有杏仁片，多了一層口感。忘了問他有沒有半份，2個人吃，有點膩。洛杉磯牛肉一如以往的水準，似甜甜地的牛仔骨，跟一個白飯。牛肉紫菜飯卷加牛肉蓋飯是必點的菜式。

位於太和消防局對面的CHA:RM，乃太和的韓食愛好者的方便就腳之選。每次經過也見到不少食客在門外等侯，這個星期日卻意外地少人，我跟友人等了大約三十分鐘就可以入座。CHA:RM的老闆是正宗OPPA，也有部分侍應生不諳廣東話，須以英語溝通。甫坐下，友善的侍應生就已經送上美味的(而且可以無限任添的)的泡菜。餐牌內的手繪插圖精美，唯菜式選擇不算多。坊間很少吃到有水準的炒粉絲，這次膽粗粗一試...果然是太油了反而芝士炒年糕相當有驚喜，夠熱又夠煙韌，醬汁辣中帶甜，配上香濃芝士不錯！(剩下的醬汁還可以撈炒粉絲，掩蓋油膱味)炸雞雖無特色，但勝在即叫即炸，大大份熱辣辣另外，我們也點了紫菜卷和芝士蛋卷(忘了拍照 )。紫菜卷屬韓食中的穩陣之選，這裡的也做得不錯吃；而芝士蛋卷就讓人失望，芝士味被茄汁和蛋黃醬蓋過了，不過倒是相當足料。

呢間野長期排長龍，終於有機會試下啦 下午一點黎到已經full哂喇，最後一張就比我地坐左～不過見到係出面等既人都唔洗好耐就入得。今日係由店入面既oppa幫我地落單，佢唔識聽廣東話，要用英文～野食黎之前食下泡菜先唔算好辣，勝在免費飯卷用料豐富，呢個價錢有10件真係抵食！頭同尾咁樣放的確醒目，夾落去亦都無散。牛肉飯落足料有好多牛肉架～加埋其他配料，其實有d似吉吉家芝士蛋卷同我想像有d出入，無左應有既濃郁芝士味，真係失色不少！拉出黎果d芝士絲得好少陣味係好輕好輕。蛋卷其實就係將一隻煎蛋卷起，因為佢有一定厚度，所以食兩件已經好濟。相比起其他韓國餐廳，呢個唔值得食呀～海鮮煎餅同薄罉根本係一樣，本身自己都鍾情食薄罉，所以都覺得ok。當然呢個煎餅既配料比起茶樓就豐富得多啦！佢配左一種汁但我食唔出係咩味，落哂好似無咩味道，唔知咩黎～～～總結，2個人食咁多都要打包一盒拎走，一人都係一百蚊多d，好抵既價錢食質素唔錯既韓國菜，抵食架！

>芝士辣炒年糕好creamy, 芝士同個白汁好much, 濃郁但又唔會太滯；年糕亦炒得啱啱好，唔會過軟或過硬！>原味炸雞炸雞無乜特色，粉漿雖然唔厚但有d 空心。似炸雞糕多過韓式炸雞，有d 失望， 不過個醬汁就值得讚。開胃又醒神！>紫菜卷都係普通貨色，勝在個量多，內涵亦足料，大件夾抵食！>韓式炒粉絲個人覺得汁唔夠，炒得太乾身，韓式炒粉絲ge 精髓係要適當掌握個甜度，佢就尚算做到啦~

朋友介紹呢間韓國快餐店， 見幾經濟就即管去試一試啦。 到店門口眼見都排長龍，基本上係冇得霸位的， 不過人流都算快，終於有得試下。食物方面: 烤牛肉蓋飯幾吸引，陣容強大，除了中間一大陀牛肉外，還有洋蔥﹑紅蘿蔔﹑牛肉夾雜點汁，除了牛肉帶甜味之外，其他蔬菜也食回其原味，不過辣醬帶動下，也吃得每口香辣，將全部食材用鐵匙羹撈好後，熱辣辣上檯， 香噴噴，不比一般韓國餐廳差, 加泡菜，拌勻食好正，唔錯, 有飯焦，香脆可人，食到停不到口。蜆肉刀削麵:熱辣辣的，好清新， 味道好好。泡菜可以REFILL，偏酸，辣左少少，好食芝士辣炒年糕:上枱熱la la,食落都幾辣, 炒年糕中仲加入芝士，芝士味夠，幾特別, 出來效果也相當不錯。有驚喜, 水準較一般韓式餐店高, 份量不少。整體而言，味道唔錯，無味精，地方細細，質素不俗，服務態度殷勤，好好禮貌，所以唔好預佢會好好坐， 同埋係唔坐得耐，不過呢個價錢真係好抵食。

前晩2人6:15分去到囉飛，等左20分鐘左右入去座，同我地同一時間一齊入黎隔離左邊枱既情侶，同時大家大約差不多時間叫野食，左邊枱情侶叫的全有食物到齊，我當時冇所謂，可能整緊啦，咪等下先啦，等左大約半個鐘都未有，左邊枱同我同時間入黎，都已經食左大半啦，一碟都未到，咁叫個waiter, 佢幫我跟跟，轉頭就出晒我叫既食物，3樣食物同時咁快出比我地？？咁點解要等半個鐘呢！當開始起筷食野時，同時右邊枱剛黎左枱客，座下點野食，叫的食物同我地差不多，佢地D食物5分鐘左右到，當時氣爆，左邊枱右邊枱等左5分鐘不到食物就到，我地等半個鐘頭有多，真過分，服務態度一般冇笑容。食物方面見人見智啦，我覺得一般，唔啱我口味，下次不會再光顧了。一次便夠。

一星期總有幾餐出街食, 今次就揀左屋企附近新開既CHA: RM, 今次我地六點鐘就到, 唔使等位(事關上星期7點到已經要等6張枱), 一坐低,侍應就拎水同泡菜比我地,泡菜可以REFILL架, 泡菜偏酸,不太辣首先黎到既係海鮮煎餅, 個餅底味道真係好似去茶樓食既薄餐, 呢個只係再軟身少少,同埋加左D海鮮,我食到既有魷魚粒同蝦, 配左款汁, 淡淡地, 食唔出係咩黎之後就到什菜炒粉絲,入面有香葱, 紅蘿蔔,牛肉一齊炒粉絲, 一入口就有好甜既味道,粉絲一D都唔油, 單獨食D葱就有好香既麻油味, 完全無葱獨有既青草味, 唔食葱既都可以放心試下最到就有必食炸雞半份(12件, 仲有薯條),配上兩款醬, 一款甜酸醬,另一款係芥辣,一入口個粉漿完全唔厚, 雞肉粒粒都無骨, 合晒我意,雞肉炸完後一D都唔乾, 仲好JUICY,以做街坊生意黎講, 呢餐真係好抵食, 價錢唔貴, 份量都好足, 希望大埔區繼續開多D呢類型小店,等我地可以食多D好味既野

主打黑白時尚的裝潢，吸引年輕少男少女光顧。 先說蓋飯，充足的韓國辣醬，辣味十足，淡淡充滿驚喜，而且只是＄55一碗，韓國菜來說算是便宜，今次品嘗了魷魚作餸，頗彈牙，也有魷魚味，配上少許爽口配菜，蓋飯整體不錯，值得一試。 再說飯卷，CHARM裡足足有9款飯卷，其飯卷清新的口味為速味十足的蓋飯作出不錯的平衡，而且飯卷餸不少，吃下去挺滿足，能飽肚，不錯！ 最後是什錦炒菜，其實是少量什菜炒粉絲，當看見實物可算是「中伏」，但驚喜十足，整個餸菜淡淡的，不太油，甜甜的，可以不斷吃，也挺飽肚，只是＄50，頗為經濟。 最後提提：前菜的泡菜又酸又無味，吃了幾口就放棄了，其敗點只有這前菜的泡菜。 對於愛吃韓國菜又要經濟的價錢，可以一試CHARM，真的不錯。

店舖寬敞 座位唔多 所以都等幾耐下三個人坐二人檯都唔覺迫最鍾意間鋪簡單得黎又有少少心思前菜得泡菜 店員都好樂意幫我地無限refill第一次食炸雞夠熱粉薄外脆肉嫩 配上佢隻醬 好好味重點係可以叫半份 三個人分岩岩夠午餐肉紫菜卷就正正常常雜菜炒粉絲好大碟 意料之外而且竟然有肉@@調味適中 少少甜 無好油反而呢個芝士蛋卷我就覺得唔抵只有視覺效果 味道無驚喜芝士味食唔出 蛋味亦唔香濃 好處只有滑overall 呢餐都幾滿足如果晚市有得訂檯就更好小店加油

 表妹在附近工作，為了遷就她放工時間較遲，故先來等位~可能是新開張不久的緣故，七時多來到已有不少人在輪候，最後待了30分鐘才有位子，幸好表妹也只是剛好下班來到~甫坐下，服務員就先給我們熱茶和泡菜，泡菜爽脆、微酸，辣味愈食愈出，個人很喜歡，不過表妹不大吃得辣，故淺嚐即止~這兒的選擇不算少，我們二人想了良久才拍板點了牛肉紫菜飯卷、餃子年糕湯和泡菜薄餅~牛肉紫菜卷一份10件，紫菜仍微脆，餡料豐富，不似外邊某些韓式餐廳的飯多餡少，牛肉燒得剛好不會靭，配著卷內的甘筍青瓜醃菜雞蛋等同吃，中和了油膩感，配搭得很好 餃子年糕湯份量不少，餃子有4隻，但年糕盛得滿滿的，好像吃不完似的~ 餃子皮軟滑，餡料應是豬肉菜餡，有肉汁，不錯~ 年糕是切片楕圓那一款，滑滑的，煙煙靭靭，很喜歡這種口感  蛋花湯看來很清，但有鮮味~ 比起附近的Cafe Sxxxx的牛骨湯更出色~泡菜薄餅同樣不小，煎得外表香脆，泡菜酸辣味剛好，不會太辣，表妹也能吃得到  不過本人愛吃較辣一點的~因為點的全部都是飽肚的，飯卷、年糕、薄餅... 份量又不小，即使好吃，也吃不下了，剩了少許年糕和小半個薄餅，下次不可再眼闊肚窄了

太和呢一區近月開左2間新嘢食，一間係台灣小食，另一間就係韓國菜cha:rm。韓風近來hit到爆，不過個人對佢印度象就好一般，school food唔覺好出色；另外啲烤肉店貴又唔飽肚，不過呢間就幾平衡! 睇openrice知道呢度有一位韓國侍應，今日都有幸撞到佢，大家記得用用英文落單!雖然係午餐，不過都叫左份炸雞。可惜下午只可以試到原味，冇酸辣味試有少少失望；另外冇半份又係敗筆，因為一份個size真係太大，加埋有成20件雞都有。炸雞粉薄，外脆內嫩，另有2個汁附上，分別冇芥末同酸辣烤汁，都好夾口味，正另外叫左個紫菜牛肉卷，入面卷有肥牛、醃蘿蔔、蛋等，軟軟稔稔幾好食，而且可消一消炸雞的滯膩感。