茶廳 (Closed)

之前看過報道，茶廳老闆對煮出前一丁說得頭頭是道，便一心去嘗試它的餐蛋一丁；可惜，味道、口感比一般茶餐廳更差我們總共三個人去食，一個叫偽鮑片通粉，通粉煮得太淋，已經黏到一舊舊，湯仲要冇味，跟餐餐包冷冰冰；一個叫五香肉丁米粉，成碗都係凍ge，米粉仲要好硬身，好似未煮熟甘；去到戲肉—餐蛋出前一丁，餐肉係好乾好硬，似肉乾多過餐肉，而出前一丁啲麵唔單止冇出前一丁ge味，仲要係未煮熟架！同左一個侍應講啲麵未熟，佢竟然話我應該落單時要講啲麵要淋啲，但大哥，啲麵已經唔係淋唔淋ge問題，係連熟都未熟，以後落單駛唔駛要講定啲野要煮熟?!三個早餐食左百二蚊，但同食屎冇咩分別，仲要受人氣。下次再試，不了！！！！！

炸雞髀配薯條$39炸雞髀外皮炸到金黃色，脆卜卜 ， 雞髀裏面還是充滿肉汁，薯條熱辣辣，香噴噴鬆脆可口，點上甜甜酸酸茄汁，十分滋味沙嗲牛肉包$29方包鬆鬆軟軟裏面夾住沙嗲牛肉，香濃沙嗲醬同牛肉非常搭配，惹味可口! 最欣賞呢一杯港式奶茶，茶味同奶味個比例非常平衡，入口順滑，茶味回甘。

有咩比幫襯一晚更能試得出一間餐廳的水準？答案就係連續幫襯兩晚。今晚係第二晚食茶廳的晚餐，再黎的主要目的係要試「招牌豐哥撈麵」同埋豆角炒牛肉。先入正題講一講個「招牌豐哥撈麵」，用左上乘的蝦子麵，將炒香左的蝦米糝响撈麵面頭，大大提升蝦子麵的蝦子味！值得一提係叫佢另上的秘制辣椒醬混入左蝦米碎，非常惹味，但唔建議直接撈入個麵度，否則「泥牛入海」食唔到佢獨特香味。用筷子尖沾上少少辣辣油，再夾一啖撈麵，更能雙得益彰！至於「馬拉盞豆角炒牛肉」出乎意料之外地「咸」，同我對茶廳印象中比較偏淡的風格迥然不回。除左馬拉盞的咸味之外食不出任何特別之處，牛肉卷埋一舊內藏一pat馬拉盞真係咸到翻天。今次「翻啅」（不是反枱）之旅令我對茶廳的興趣同新鮮感暫時告一段落，睇怕能令我再有所牽掛的只有其秘制蝦米辣椒醬。

由大廚「豐哥」主理的「茶廳」，之前食過手早餐覺得「清淡」冇味精之外，試唔出佢真功夫，今晚朕要繼續微服出巡。老婆大人落左柯打要話要蝦仁炒蛋的「蝦」，招牌豐哥雞飯的「雞」，加上「全碟」上湯浸時蔬。一黎碗例湯已經好「骨子」，好有住家湯感覺，幾片藕片、紅蘿蔔、瘦肉，湯水清甜。蝦仁炒蛋數過足足有八隻大蝦仁，而且通得乾乾淨淨，令人食指大動。起筷先夾隻蝦仁入口，味道好淡，好似冇腌過咁，再夾炒蛋，先明白豐哥箇中用意！蝦係食佢爽口彈牙，味道落曬炒蛋入面，估計滑蛋是用左烚蝦的湯來炒，再加上韭王起畫龍點睛之效，真係食完「嘔」胃氣都會感覺到韭王的氣味，一絕也！招牌豐哥雞飯，老婆居然要走汁（自家秘制醬汁），令豐哥保住招牌難度增加，幸好荷包蛋的蛋汁偷偷地混入台灣香米的溫柔鄉中，令軟飯好似「不能說的咪咪」一樣綿滑。手撕雞缺少左豐哥秘制醬汁的加持而變得平平無奇，但單吃軟飯已食過返尋味，希望下次可再來一次。最後簡簡單單的上湯浸時蔬（芥蘭同秀珍菇），份量多到老婆不足以獨食。值得一提係上菜速度快，岩曬趕時間的偷食男女！

今日去左青衣城睇戲，未睇之前又少少口痕，睇下又有咩食。行左2期呢邊都幾多餐廳，見到間叫「茶廳」，又試試喇。睇落間茶廳又幾乾淨，坐得都舒服，行入啲啲嘅位又可以望下街，都唔錯。呢到叫「茶廳」，當然食香港地道下午茶喇。多士，常餐，炸雞腿咩都有。價錢都是$26起包杯野飲，都算幾抵。因為唔係太肚餓，只是叫左個果占多士配左杯熱菜蜜。果占多士都幾脆口，不過可能冷氣太凍，個多士放入口都凍哂。果占就無咩特別，都是一般街食嘅一樣，分量都幾多。熱菜蜜就真係好熱，幾香菜蜜味，少少清甜。

今日行經青衣， 想食茶餐，就入咗這間餐廳食， 坐低後覺得價錢都幾貴，只有沙爹牛肉麵加半個奶脆豬，味道只屬一般之餘，分量又少， 凍飲仲要加五蚊以今日今時巿道黎講都屬於貴！

青衣城2期開放後，食肆多了，種類也增加了。早前，我和媽媽在姐姐的極力推介下，試了這家青衣城少見的茶餐廳風格的「茶廳」。 晚飯時間，卡座和二人座位都已滿座，剩下的是圓桌座位。 招牌手撕雞撈麵 $68 這個手撕雞撈麵未吃已經聞到其香味，麵底不是普通的公仔麵，而是用了蝦子麵。之所以會這樣香，原來是用了蝦米油炒過麵，之後再上碟。 這個撈麵，除了麵和手撕雞外，還有蝦米乾、芽菜和木耳等，十分豐富。吃的時候，將所有材料與伴上的辣椒醬混和拌勻，香氣撲鼻，令人食指大動。撈麵和柔嫩的雞肉合起來，口感十分配合，鹹鹹辣辣，層次豐富，十分惹味，愈吃愈滋味。 招牌茶廳焗豬扒飯 $68 姐姐極力推薦這個焗飯，實物的賣相也的確對辦，亦算吸引。焗飯最面層的蕃茄和菠蘿，已告訴我這飯絕不簡單。豬扒飯飯底無疑是炒飯底，豬扒據說是慢煮的，所以豬扒吃起來較軟滑，更有肉味。 焗豬扒飯除了豬扒，茄汁和芝士絕對是另一焦點。 這個飯的芝士落得很慷慨，每一口飯都有拉絲效果；蕃茄味很突出，絕不是用茄汁，而是吃到啖啖的新鮮蕃茄蓉，配上那風乾的蕃茄和菠蘿同吃，味道清新自然，酸甜味更有層次。 芝士、豬扒、蕃茄乾、菠蘿和飯一起同吃，少

和Mr Wong去青衣城2期食下野～茶廳招牌手撕雞撈麵：初初以為係撈公仔麵，原來係豉油皇炒麵呀，仲有啲XO醬，手撕雞都好味，唔會好「鞋」咖哩牛肉飯：不辣，椰香味有，都幾唔錯

昨晚響青衣城二期睇完戲，見到地下間叫茶廳既，早前有雜誌介紹過，諗住一試。。見到繁忙時間都萬有冇乜人，心諗可能中伏.....三個人叫焗豬扒飯，手撕雞飯，手撕雞冷面，D野食好差下，豬扒有鬆肉粉味，得一件，冇乜配料，收$68, 雞飯少餸到得幾條雞絲同一執雲耳，夠膽收$78, 仲有手撕雞冷面, 又係得幾條雞絲，D麵係咸豉油炒過淋啫啫, 性價比超低，食垃圾咁。。。。最慘係食完三個人全部痾 fei fei, 仲唔係痾一次，要搵食環處去巡下先，

今日去親戚屋企食飯 佢住喺青衣去到晚飯時間 因為佢冇煮飯嘅關係佢就話要帶我地去佢平時嘅飯堂佢就帶咗我哋去青衣城入咗一間叫茶廳嘅餐廳佢話我哋難得一聚 所以佢就建議我哋嗌小菜share食咁我哋就叫咗三個晚市套餐你個套餐都包一碗白飯，例湯同一個主菜咁我哋就叫咗菠蘿咕嚕肉，西蘭花炒鮮魷同埋魚香茄子煲菠蘿咕嚕肉 個汁調校得好好 酸酸甜甜 十分唔錯西蘭花炒鮮魷 西蘭花好爽 而且炒得好香魚香茄子煲入面真係有啲鹹魚粒 而且勁惹味好下飯飲品方面有嗌左一杯奶茶紅豆冰 又幾夾wor!!

青衣城開左二期之後真係第一次去，一入去個層就有間茶廳是是正正，餐牌選擇都幾多又唔太貴。我地嗌左一個避風塘炒豬趴一丁，佢係有少少辣，但係絕對係個個都食得到嘅，而且佢個麵都好爽身，唔會越食越滯。然後我個朋友仲食左個咖喱豬趴飯，啲咖喱汁又係好食到不得了！我仲搶晒佢啲咖喱汁黎撈飯哈哈哈！最後等我講下啲甜品啦，佢個朱古力醬窩夫加煉奶雪糕又係一個最佳搭配，最適合夏天咁熱嘅天氣食。而佢個法式焦糖燉蛋配豆腐雪糕就十分之開胃，仲食到我想叫多兩三個添。

呢日同朋友行完海濱長廊之後，我地就開始feel到有啲肚餓喇，跟住我個frd同我講話不如去青衣城二期睇下有咩食，咁好啦還掂我地都未去過果邊行過一入到二期就見到7-11隔離有間茶廳，咁我地見價錢都唔貴，所以就入去試下啦。嘩啲嘢食認真唔錯！首先等我講下佢個西蘭花炒鮮魷，嘩啲鮮魷又多又惹味，仲滲左啲鮮味落啲西蘭花度，真係幾好。咁跟住我地仲叫左個全日早餐黎食下，嘩超級抵食，啲黑松露同蛋嘅搭配簡直係天衣無縫，條腸都整得好好食。餐飲仲有得加少少錢轉紅豆冰都幾抵食！不過如果可以再多啲紅豆就更加好！最後我地唔夠飽仲叫多左個奶油豬！超好食！又脆又夠多煉奶同牛油！

今晚同屋企人去青衣行街，發現原來青衣城二期嗰邊有一間茶餐廳，睇OpenRice啲人嘅評價都唔錯，所以就決定去嗰度食晚餐。我哋叫咗芝士鹹牛肉奄列甜包，招牌手撕雞飯，避風塘炒公仔麵，咖喱牛肉飯同埋生炒骨。嘢飲我哋就叫咗熱檸水，雜果賓治，紅豆冰。甜品我哋就叫咗鴛鴦奶凍同埋薑汁焦糖燉蛋。芝士鹹牛肉奄列甜包：呢個甜包真係好好食，佢啲鹹牛肉配埋芝士好夾，而且仲好juicy ，推薦大家要食。招牌手撕雞飯：咁多個主食之中我就最鍾意呢個手撕雞飯，佢個雞一啲都唔鞋，好滑， 仲好多汁！避風塘炒公仔麵：本身朋友啊點呢個公仔面嗰陣時，我就覺得個公仔麵一定會好淋，但係佢比想像之中好食，個面一啲都唔淋，而且仲幾惹味喎，不過就有少少喊。咖喱牛肉飯：個咖喱都唔算辣，啲牛肉都幾入味。生炒骨：個人就覺得呢個生炒骨有啲酸，但係個肉質都OK，菠蘿好甜。飲品：正常茶餐廳水準。薑汁焦糖燉蛋：個薑汁焦糖燉蛋好好味，平時食焦糖燉蛋都會覺得有啲膩，但係配埋個薑汁，就中和左，推薦大家食。而且上面仲有豆腐雪糕，都幾好味。鴛鴦奶凍：呢個甜品都幾好味，最鍾意佢唔係好甜，而且好重鴛鴦味，如果鍾意飲鴛鴦，應該都好鍾意食。

今晚落機後順便去青衣食埋個快晚飯先招牌豐哥雞飯分量十足佢既飯用雞湯黎煮咖只食飯都有味誠意之作手撕雞夠嫩滑把荷包蛋既蛋汁撈埋d飯食，一流配上雲耳，蔥等配菜，同埋秘製醬汁好滿足咖哩蝦球喇沙燴意粉第一次食喇沙意粉因為平時食既都係湯喇沙呢個燴既感覺又幾特別蝦夠爽但意粉稍嫌稔左d皇牌炒飯飯炒得夠乾身唔錯仲有黑松露提味鴛鴦奶凍好少係其他地方食到所以毫不猶豫就叫左奶凍香滑而且唔太甜焦糖燉蛋配豆腐雪糕豆腐雪糕好濃味燉蛋好滑夠蛋香十分推介👍👍

青衣城UA原來裝修，睇戲要過左去一期個邊，自己之前都無來過，搞到趕趕地，仲未食嘢！見呢間好似茶記嘅物體，應該唔會點衰卦，於是嗱嗱臨試下。地方唔算大，裝修都算簡潔，有D懷舊poster ，六、七十年代feel，我叫左個「招牌豐哥雞飯，78元無嘢飲，諗住叫得招牌，應該靠得住！點知，咁嘅價錢，一隻蛋，加D雞絲同雲耳，仲叫我撈勻黎食，感覺就好求其，講真咁嘅組合有乜特別，食落完全淡口無乜味，個人真係好失望，仲要78元，真係唔識講囉⋯⋯連飲品都無叫就走人⋯⋯