鱷魚泰國餐廳 (Closed)

今晚約咗好朋友食泰國菜，去試這間泰國餐廳。（有朋友推介話好正）這間都好方便 好容易找到👍🏻👍🏻環境好及好坐 又唔會比人趕！ 👣好多選擇☝🏻！又多特別可愛的前菜，又有優惠，食夠200就送一個菜5選1，咁又可以食多一個菜，好開心又正呀👅👅我們2人叫了一個粉、一碟餸同一個湯。1. 酸辣海鮮湯好多材料，如魷魚、青口、菇，好夠味，酸酸辣辣，飲完好暖胃！2. 鐵板蠔仔蛋好正呀 又大碟又香口 蠔仔好大粒又多 無沙好鮮味 好推介 加上甜酸汁 好夾呀！3. 蛋網蝦炒金邊粉炒得好靚，濕濕地，好正！蛋網做得唔錯，蝦夠爽口，好泰國feel

嚟到九龍城開飯 當然離不開食泰菜啦 見到街頭有個易拉架 餐廳做緊期間限定優惠 凡惠顧滿200元 即送五選一小菜食滿200蚊好容易啫 一於試下呢間鐵板蠔仔蛋蠔仔隻隻飽滿肥美 清洗得好乾淨完全冇蠔殼或者腥味 雞蛋表面煎得金黃香脆 裏面仲依然保持蛋汁 底下墊有牙菜 配合一齊食口感層次豐富鐵板燒牛肉和我腦海中想像的模樣 有點不一樣 但出奇地好食 惹味嘅黑椒 配上泰國特有香葉 具泰國風味嘅一道菜式 醬汁要嚟撈飯 簡直冇得彈海南雞半隻雞皮金黃 脂肪比例平均 咬落去啖啖肉 餐廳預先已經細心去掉雞骨 雞肉非常嫩滑雞油飯 金黃色的粒粒分明 啖啖雞油嘅香味 香而不油膩最後來杯青檸沙冰解解渴 又酸又凍 開胃非常原來星期一至四晚上 十點後全單仲有七折 真係抵上加抵 下次有機會再嚟過先

好久沒跟男友吃好東西了! 這天又來到九龍城吃泰國菜. 我們選擇了這間鱷魚泰國餐廳, 當時大約晚上7點, 不用等位便能入座. 其實這裡裝修得挺有泰國特色的. 肚子實在太餓了, 還是看看餐牌吧! 這裡也有不少套餐, 價錢算適中,我們便選了其中一個.等了10分鐘左右, 就上菜了.我最愛的通菜, 炒得很入味黃咖哩和薄餅, 可以選豬/牛/雞, 我們這次選了豬.泰式炒金邊粉, 酸酸甜甜的, 好吃泰式春卷, 炸得香口, 我覺得有點太油.套餐包兩杯椰汁冰, 我覺得甜了點.埋單$298, 價錢合理, 我覺得是不錯的餐廳.

是日專程黎九龍城食泰菜，原來午餐時間黎到，選擇並唔係太多見到呢間有set lunch,坐位望黎舒適，所以就直接行入去，望一望lunch menu...有3~40款！選擇困難症又黎啦最後揀左以下2款泰式海南雞飯~油飯底，好似炒過下咁！d雞去骨就當然，仲要係脾位，啖啖肉~但食完d雞皮好有罪惡感，但都要食！冬蔭功湯河（轉左金邊份底）~黎到就已經聞到椰香味，金邊粉吸晒d湯底，會唔會太正，蝦有3隻，秀珍菇都有好幾件，好好味！但成日唔覺意食到香茅飲品揀左泰式奶茶+熱青檸蜜~泰式既奶茶比港式既多奶，而且甜好多，要等d冰溶咁dd先好d! 熱青檸蜜又幾唔錯，比普通檸檬味道更出

今天中午去吃的，午餐出乎意料的便宜。我选了冬阴功汤河，朋友选了青咖喱饭。冬阴功汤河很大碗，味道很正，海鲜新鲜。冬阴功汤的味道很足，酸度刚刚好，十分开胃。还随意点了洛神花茶喝，本以为是热的，没想到是冻的饮品，味道倒是出乎意料的好，酸酸甜甜，十分清爽。和朋友一起share了飞天通菜，通菜的火候刚刚好，有辣椒和豆豉作为调料，很够味。总体而言，这次就餐的体验非常好，好吃又平价。地方也算宽敞，适合和朋友一起吃饭聊天

去親九龍城都係個幾間，今次一於轉場。冬陰公夠酸夠啦，好正，大蝦新鮮！一兜夠四個人飲馬拉盞炒通菜，好香口，炒得夠乾身有鑊氣龍眼冰，唔會死甜，夏天飲啱晒，解暑泰式炒金邊粉，去泰國餐廳必定要叫，一試就知間餐廳掂唔掂，有啲餐廳會落好多糖，有啲又會過辣，呢間炒得啱啱好，唔會一pat pat ,又唔會好甜，調味啱啱好，正呀椰青冰，消暑解渴一流，啲沙冰用咗有變返椰青水，好似飲極都仲有咁大大杯，好抵海南雞，份量多而且去咗骨，都唔錯架呢個海鮮咖喱脆包，好大份，用個包點晒啲咖喱汁真係一流，而且好多配料，仲有好多海鮮添，可以好多人一齊食，個咖喱真係好好味青木瓜沙律，唔會太辣，酸酸甜甜，啱晒香港人食

今日難得經過久違了既九龍城，因為廿年前住過這區，搬左後冇踏足過，今次既然來到就在這裏尋食啦聽就聽得多九龍城有小泰國之稱，今晚就食泰國菜啦，睇吓好唔好食得過其他地方先見到呢間叫鱷魚，泰國最多鱷魚就試吓呢間，會唔會俾人咬到一頸血先內裏環境都舒適，睇吓餐牌超多美食又有選擇困難症，不過在我記憶中，泰國最出名美食有生蝦刺身、螄蛤、炒粉絲等等……就一於叫呢幾樣，再叫杯椰汁冰飲吓先。等待美食既時候，椰汁冰就送上，一於飲住椰汁等美食第一碟送上既居然係泰式蝦球炒粉絲，熱辣辣好大碟，而且好多料唔止有蝦，還有魷魚、青口、一樣唔知係泰國魚片還是麵筋，顏色賣相已好吸引粉絲食落好滑好軟，吸收晒泰式醬汁料，酸酸辣辣，再加一少格青檸等你榨汁，提升個酸度和清新感覺，另外加左花生碎混和一起食增加口感跟住就係送上烚螄蛤，聽人講話好甜好好味，但又怕食左肚痛，但未試過點都要試吓上枱時見到佢還微微跳動食落真係好鮮甜，如果接受唔到有少少血腥味，可以點泰式辣醬，另到更加好味生蝦刺身，d蝦好大隻好新鮮，咬落好彈牙爽口，唔點個檸檬醬汁，已經好鮮甜點左就另一重味道，提升左個鮮味今次試完兩款海鮮真係正，下次再來可以再試其他泰國美食

九龍城食泰菜就至好，食開個間愈黎愈差，就試下其他餐廳！七點幾都已經爆滿，仲有泰國人黎食就知好野！冬陰功夠酸！好香香茅味，叫左小辣岩岩好，隻蝦都彈牙啊！炒通菜炒得乾身夠味又唔會太咸無骨鳳爪正呀！好好味！平時食開都係細細份，得個一兩舊，而且仲好辣，鱷魚泰國餐廳真係做得好好，夠味之餘唔會辣到食唔到泰式青木瓜沙律好香口，好惹味，配埋花生同埋面頭嗰啲蝦仔，真係食到停唔到香葉脆肉炒飯吵得夠乾身，配埋香葉，應該即係九層塔，野味之餘好香！好好味泰式炒金邊粉呢個係必食嘅，甜甜地，配埋新鮮嘅蝦真係無敵哇哇哇，呢個大推，脆脆既包配埋泰或咖哩冇得彈，泰式咖喱甜甜地唔辣，好香口，啲汁點到一滴都無！！！椰青沙冰一睇就知勁啦！好靚！用椰子水打做冰，好清爽好甜呢間真係好抵食，雖然泰菜濃味。但食完唔會口渴成晚，而且份量大，以後都會食呢間

星期日的晚上到處都好多人7點幾黎到九龍城仲未決定好食邊間泰菜經過隆姐見到外面誇張的人龍等位不經意發現隔離呢間🐊唔使等位就試試😜平日星期一至星期四有7折好抵咁唔怕夜嘅朋友仔可以一試怕夜嘅朋友仔都唔使灰心，星期一至日另有優惠，只要單點滿$200便可以免費獲贈以上五款其中一款食品。五款之中當然青檸烏頭魚原價最貴，但7點幾已售罄，所以唯有選擇飛天通菜😞不過惠顧滿二百蚊就送一款食品都算好抵！👍🏻鐵板蠔仔蛋呢個鐵板蠔仔蛋真係好足料呀！隻隻蠔都大大粒，粒粒肥美，蛋煎得好香，最愛邊邊位煎得脆脆嘅位置！配埋下面墊底嘅芽菜，口感層次豐富：蛋嘅脆，蠔嘅滑，芽菜嘅爽！一啖食落去好滿足呀！生蝦刺身豆釘好鍾意生蝦刺身，呢度嘅生蝦比一般餐廳大隻少少，質地厚身一點，所以咬落去就好似食一塊肥美嘅三文魚咁。配埋綠色果個泰式醬（酸酸辣辣但唔知佢係咩），係十個好醒胃嘅頭盤。泰式炒金邊粉呢個泰國炒金邊粉跟平時食嘅賣相有少少不一樣，感覺比較隨意，亦唔見有花生碎伴碟，味道略嫌偏酸一點及配料較少。另外還點了一份炸蝦餅併魚餅，黃咖哩牛肉配蒜茸包，可惜電話壞壞地後來影唔到相😅😅😅但黃咖哩個汁絕對有驚喜，好惹味香濃，配埋蒜茸包簡直係絕配，

人人都話食泰國菜一定要九龍城，因為呢度夠集中，橫掃幾條街每條街都至少都有一兩間多的仲五六間咁多添，有時真係唔知道食邊間先好，而且每間都有佢招牌菜式，真係唔知如何入手，而且價錢都有D分別，是日朋友帶咗我去呢間鱷魚泰國餐廳開飯係門口已見消費滿$200就可以係5款菜式中選擇其中一款，咁又幾抵食今餐菜式由朋友做主拍板，先來叫咗冬陰公湯（細），熱辣辣冬陰公已聞到香濃味道，整碗湯呈現鮮紅色，材料包括有海蝦,貝殼類等同埋其他香料一齊煮成，入口酸酸辣辣越飲越開胃仲幾鮮甜其後係咖哩軟殼蟹脆包盅，香脆麵包蓋住香濃咖哩汁配上軟殼蟹肉，輕輕切開麵包面層已見咖哩汁慢慢滲透出來，再將麵包切成一小塊再沾上香濃咖哩，入口麵包鬆脆汁而香甜不辣，而軟殼蟹肉肉質鮮嫩爽口，梗直完美配搭再來係香茅雞翼，雞翼表面金黃香脆，入口肉質外脆內裏嫩滑，而香茅亦相當入味，再點埋開胃辣汁食得滋味食咗咁耐都要點番杯特色飲品降降火，叫咗椰青沙冰，入口香甜又冰涼真解渴一路食住之際又到甜出場要咗椰汁西米糕拼千層糕拼大菜糕，雖然係簡單甜品，但咁先食到正宗泰式風味，是晚食得滿足又開心

九龍城泰國菜一向都多，咁多唔知邊間好味呢，於是我就問住附近嘅好朋友，佢係一名飲食達人，基本上喺九龍城嘅泰國菜佢都食過今日為咗慶祝媽媽生日，我帶咗佢嚟呢度食晚餐間餐廳出邊有個鱷魚logo 餐廳內外都有好多食物同飲品相片，幾好喎方便點餸牛腩夠晒多，仲好淋添我最喜歡青咖喱係因為佢辣辣地又香椰奶味，而呢個汁正正就係我嘅期望，真係做得好好影呢幅相嘅時候已經食咗幾舊，其實佢份量幾多真係好抵食又香又脆嘅法包再點啲咖喱汁黎食，簡直絕配唔錯金邊粉炒得夠乾身，份量都算多 雞同豬串燒真係好正因為食落真係好juicy個汁都好好味反而牛就乾左少少，但可以接受的食咗咁多嘢買單先係＄282，真係飽到食唔晒，價錢相當合理總結: 今晚我同媽媽都食得好開心好滿足食完離開餐廳嘅時候發現出面有個午餐餐牌，價錢好抵食喎以今晚嘅食物質素，下次來會想試吓佢嘅午市套餐

如果好食嘅地方當然係一去再去啦，今晚我和朋友就一起來到這裡吃，餐牌選擇多，而想望望個樣就係牆上放了食物照片，先點了個清新口味嘅柚子沙律$78，有彈牙大蝦，又有脆口嘅腰果，最緊要係多汁甜美嘅柚子，加埋少少椰絲，入口份外開胃！而小吃就點了個最愛嘅泰式串燒$78，三種口味都可以一次過品嘗，豬牛雞每樣兩串，串燒燒得啱啱好，肉嫩軟熟，我就覺牛肉串燒味道比較好香，加埋個沙爹醬更加好味！而朋友係無雞不歡，所以個主菜就點了泰式海南雞$108/半隻，雞肉嫩滑軟熟，但味道就較淡，配上蔥油或辣汁入口時味道較佳，真係啖啖肉，極少骨！而必吃嘅泰式炒金邊粉$68就點都要叫，煙韌嘅金邊粉配上彈牙大蝦同脆口嘅花生碎，一齊入口起有口感！而個味道真係啱啱好而且炒得好香！店員重提我們張單滿$200有菜送，我就選了香茅雞翼$68，大大隻雞中翼，皮脆肉嫩，份量同自己點菜嘅份量一樣，咁就變相多個菜吃，抵！飲品點了杯番石榴沙冰$36，真材實料，用鮮番石榴加冰打成，入口沙冰超細滑而番石榴味道濃郁，簡直係夏日解渴清新推介！比朋友看到食滿$200有菜送，所朋友同我再來這裡！

朋友約得我去九龍城食飯，十居其九都係去品嚐泰國美食居多，而且仲有好多不同口味選擇，每間泰國食肆都有佢地獨有泰國菜式，未必間間都可以食得到，所以真係要碰一碰運氣。依家逢星期三晚都係跑馬日，九龍城馬會係我同亞A嘅老地方，又到咗呢到食泰國美食，今晚去咗呢間係南角道泰式食肆，係門口已見到一隻得意鱷魚圖案，好啦入咗就坐定看餐牌，都有好多不同泰式口味，咁就點咗幾款美食。梗係飲個芒果沙冰 $36 先解解渴小食就先係泰菜必叫嘅串燒啦！新鮮熱辣辣，鍾意就係食牛肉串，嫩滑多汁，配合埋泰式沙嗲汁食更加係一流天氣咁熱食柚子沙律 $78就最開胃啦！我一個人鯨吞一碗，裡面嘅泰式香草同埋配料零舍有Bangkok 感覺, 大蝦肉好彈牙柚子香甜多汁而另一款最食得我飽嘅就係泰式炒金邊粉，材料有蝦，蛋，芽菜等，食之前即啲青檸汁落去，睇落好似普通單調但其實已炒得好惹味食落爽口又香胃，咁先係泰式原口味道仲要食滿＄200有嘢送，朋友揀咗香茅雞翼，皮脆肉嫩係食咗一輪美食之後又到食甜品時候，點咗一碟小拼盤。有椰汁西米糕千層糕同埋大菜糕 , 一次過試到三種口味都只不過係 $48，真抵食！今晚又食咗餐飽滿嘅泰式風味鱷魚泰國餐廳

落到久違了九龍城, 走唔甩食 地道泰國人主理的泰國菜。朋友發板點菜先上了碟脆肉炒介蘭🌱 現時呢一刻嚟講係我食過最讚的脆肉炒菜, 鹹香脆肉😋粒粒有1 cm咁大, 絕無欺場。Luch$45有交易飲品🍹跟洛神花茶🌼或🐲👀龍眼水都唔洗加錢晚上九點後叫夠二百蚊可以有五款食品任揀一款免費,最抵食係揀明爐酸辣鱸魚🐟全日免加一🔥明爐酸辣鱸魚,越煑越出味,湯汁清香可口。蝦餠皮旦外層蝦膠打得好靚,彈牙口感剛剛好。白烚螄蚶好新鮮肉質爽脆!記住點爐魚!

突然想食泰國菜，今晚約埋個朋友來到九龍城覓食，九龍城出名食泰國菜，行過幾間餐廳，之後又打開手機尋找附近的餐廳，發現有一張食物照片都幾吸引，那份菜式叫《小鳥最愛》，看起來都幾可愛，尋找到菜式原來來自【鱷魚泰國餐廳】，最後與友人決定在此食個晚飯。餐廳位於南角道，時間尚早 ，店內客人晤太多，所以好快就可以入座。地方晤算好大，但環境都好整體，燈光通明，牆身貼滿了不少食物照片，方便客人了解食物的賣相。店中的店員大部份都是泰國人，不過他們都識說廣東話。我們先點了兩杯熱的《洛神花茶》 （$24一杯），味道甜甜酸酸，飲落都幾香甜，都令人醒胃。頭盤先來一客《凍蝦刺身》（$98），一共有6隻，蝦肉都新鮮，爽口彈牙，再蘸上泰式酸汁再夾起紅辣椒片及蒜，辣中帶酸香，香惹美味。熱食方面點了個《咖喱炒蜆》（$98），端上來時有陣陣咖哩香，如果辣味再重一些會更好，蜆肉肉質飽滿，滲滿咖哩的香氣，咖哩中加入了雞蛋，一啖咖哩一啖蜆肉，真是非常惹味。終於等到店中的招牌菜《小鳥最愛》（$108），一共有5隻小鳥，鳥頭是用了薯茸製作，黑芝麻用作眼部，而甘筍用作嘴巴，鳥身其實是炸蝦，旁邊有一些花生粒扮作鳥蛋，賣相已經好吸睛，非常可