鱷魚泰國餐廳 (Closed)

行過門口, 咁啱有位, 職員又有介紹就入去試下啦! 宜家做緊優惠, 食滿＄200送一個餸, 連明爐烏頭都有, 我地點左蝦餅魚餅拼盤(幾香口, 好味), 冬蔭功(好好味! 好香, 好夠味, 不過少辣已經夠), 香芒蟹肉炒飯(呢個就遜色d, 炒得濕左d同唔夠蟹肉), 仲有送果條烏頭, 都好有誠意, 服務亦十分好, 隔離抬想要醋, 因為有個餸唔夠味, 想落d醋, 點知佢即刻問係咪個餸有問題, 之後即刻幫佢地換個碟, 呢種態度真係非常好, 我地下次會再黎!

上星期五老媽子大人忽然致電要與我吃晚飯 更指明要食泰國菜 百思不得其解下 見她難得有這雅緻 所以也立即上開飯搜索一下在九龍城的好味泰國菜 見這間名叫鱷魚泰國餐廳 看來挺不錯~ 不用走入九龍城太深入之處 位置利便, 老人家都輕易找到~ 這天客人不是太多, 所以很快就可以坐下 店子佈置很cafe feel 很喜歡木造的傢具 坐得很舒服, 環境氣氛都挺好~ 由於只有母女二人, 只點了一個二人套餐來品嚐~ 這裡套餐選擇都很多, 由平至少貴都有 我們簡單的點了Set E 包括有酸辣無骨鳳爪, 肉碎生菜包, 冬陰公湯(細), 鮮菠蘿雞肉炒飯和脆肉炒雜菜 以二百來元來說真的很抵吃!!!! 先來是肉碎生菜包 - 肉碎份量超多, 口感有點辣, 入口夠香又惹味, 而且肉質不會乾身 還有很濕潤感覺, 好味! 伴以生菜來吃~ 生菜夠新鮮脆嫩, 咬下去卜卜聲, 清甜可口, 包着肉碎來吃, 放點魚露, 美味非常! 酸辣無骨鳳爪 - 水準之作, 鳳爪很入味, 口感酸辣有度, 不會太辣嗆喉, 而且其它配菜如青葸紅蘿蔔絲都香脆可口! 脆肉炒雜菜 - 口感很清新的一道菜! 雜菜品種豐富, 有玉米,

難得同媽媽兩個人撐枱腳，我就一定要搵媽媽鍾意食嘅泰國嘢同佢食，又要近屋企，所以首選一定係九龍城，但係食嚟食去都係嗰幾間，好無新意，我地決定搵間未食過嘅~好多menu相都貼咗喺牆上面，好多都好吸引，人係胃就得兩個，有好多都要等下次先食枱面已經有支水可以俾客人自己倒水飲泰式臘腸蝦醬蛋炒飯 - 我係好鍾意食泰國臘腸同埋泰式炒飯嘅，所以呢個一定無得走，呢個炒飯炒得好好味，唔會太鹹，但係又好香蝦醬味，炒飯入面好多材料，有好多蝦同肉，不過個臘腸就有少少油膩味柚子沙律 - 個沙律酸到一個點，不過好開胃，如果鍾意食酸嘢嘅朋友，呢個可以話係必試，大大嚿柚子，見到都開心，不過底嘅汁媽媽話疑似係蜜糖串燒 (牛、雞) - 個沙嗲汁好味，有少少辣，椰汁味唔會太濃，好啱我地，因為我地唔係太鍾意椰汁味濃嘅食物，串燒唔會燒到太乾，雞肉都重好Jucie泰式生蝦刺身 - 去食泰國嘢無可能唔食泰式生蝦，呢個生蝦有兩款汁，綠色一款比較辣，而淡橙色一款就比較正常辣，但係我個人鍾意兩款兩溝咁食

想食泰國嘢，我諗大家都識去九龍城，平時一大班人食，會去d舊式地道d既舖，今次兩個人食，見到呢間好似裝修幾新淨，又光猛舒服，門口仲有好大隻鱷魚sticker，唔會入錯Menu頭幾頁都有幾款係店內推介，其中一個係蛋網蝦金邊粉，味道OK，但淡左少少，但撈D冬蔭功湯落去就PERFECT！但好似圖文不符，變左蛋包金邊粉多D蒜蓉炒椰菜苗，味道OK，但略嫌老同大棵左D兩人都叫左椰青，一個係椰青沙冰，好鮮甜！細冬䕃功湯，辣味剛剛好，唔會搶咗海鮮嘅鮮味，大蝦好甜，多種香料絕不馬虎串燒有D驚喜，擺耐左都仲好juicy，唔會韌，個人最鍾意個牛，同個醬汁好夾

適逢潑水節，我和太太一同去九龍城湊熱鬧，玩完時間不早了，太太說想去食泰國菜，城寨的泰國菜真的花多眼亂，最後我們被一隻大鱷魚吸引了，就去試試。想不到時間尚早，餐廳都坐滿6成人！今晚太太發板！先來一個湯，泰國菜當然要叫冬蔭公，我們叫了一個小的，2人份量剛好。湯用個爐仔煲住，keep住熱度，湯還可以選擇辣的程度，我們選了小辣，想不到小小的湯內都有三大隻蝦，湯味道好濃，不是麻辣，是香辣味，每口都充滿辣味，這個湯，有那種很辣，不停冒汗，但又要不停飲的感覺，因為味道真的很多，菇也很多，我地每人都可以飲到三碗。天氣那麼熱，立即叫了兩杯飲品，我飲咸檸七，老婆飲龍眼冰，龍眼冰甜味足，入面有好多粒龍眼肉，可以飲，可以食！之後我們叫了泰式炒金邊粉，金邊粉炒得不錯，好有鑊氣，但未有覺得有燶味，金邊粉內有豬頸肉，將粉同花生碎一起食，有咬口！最後叫了一個極飽肚的甜品，是芒果糯米飯，賣相很靚，我覺得好似一隻蝴蝶，中間的飯是身體，芒果是翅膀。飯充滿椰漿味，糯米飯黏度恰到好處，又不會痴牙，芒果一啲甜一啲酸，軟身的芒果，加埋飯一起吃，好味道！

當晚想食泰國菜 於是去左最多泰國餐廳既九龍城搵食細冬陰公湯（1-2位）冬陰公湯酸酸甜甜好開胃, 有蝦有磨菇,都幾足料餐廳上個陣仲會有火煲即時煲滾,包一定夠熱馬拉盞炒椰菜苗菜苗嫩口加馬拉盞辣辣地 好味👍🏻炭燒豬頸肉點醬汁酸酸地😍青檸烏頭呢道菜係送既 估唔到原條烏頭上 加青檸蒜蔥辣椒 成條魚好香口 同冬陰公湯一樣有火熱住食 暖入心

是日同朋友去九龍城搵日見到呢間泰國菜門口貼住鱷魚sticker裝潢簡潔及好光猛, 感覺良好,所以就入黎試一試喇串燒好好味，唔會燒到乾身，肉質嫩滑，唔韌，醬汁味道唔錯，同啲肉好夾。冬蔭功湯，味道很好，辣道我中意，酸同辣調配得好，蝦都幾甜，肉質ok，啲菇都好食。蒜蓉椰菜苗，味道係好嘅，不過啲菜好老，好鞋，好硬，好大棵。金邊粉，味道好唔差，只係實物同圖片不符。椰青沙冰，我覺得幾好飲，好椰子味，夠大個，而且啲椰子肉都好味，易刮

天氣開始熱就去九龍仔游下水，游畢食九龍城指定食品- 泰菜。有好多間都食過了，路過呢間新開的，食下先。泰國人在對付鱷魚嗎？很有美感的一幅畫作。餐廳裝修很colorful，用綠色的玻璃水樽，牆上有紅色的花貼，完全沒有老派的感覺，幾舒服。一行三人點左3-4人套餐F，$298，抵食。炸蝦餅拼春卷，春卷包住粉絲、蘿蔔絲、青瓜絲，一D都唔熱氣，點泰式醬食，好惹味。蝦餅甚有蝦味又彈牙。肉碎粉絲沙律帶酸辣味道，非常醒胃。脆肉炒芥蘭，蔬菜新鮮無楂，脆肉有D似豆腐火腩飯的火腩，小小鹹多多脆。明爐烏頭魚的魚肉扎實，肉碎湯另上自行加，材料十足，有檸檬、香菇、芹菜、葱、薑絲和蘿蔔絲，令到魚湯鮮甜無比，想飲完再飲。附帶的肉碎湯也有很多料！簡單的泰式蝦炒飯，內藏好多蝦，而且都好fresh。炒飯也十分香，配有蛋、車厘茄、洋蔥，不會太濃味，味道剛好。

今日去左九龍城做義工，基督教樂道會，由天光到天黑，見到對面有間新開既泰國餐廳，好搞笑，用鱷魚做主題，門口已經見到一隻鱷魚仔，小朋友岩晒！首先介紹下馬拉盞炒通菜，呢個係送架！每$200就可以送小菜，不過我地怕飛天通菜會好辣，老闆娘好好幫我地轉左，通菜份量唔係好多，3人食就啱晒！馬拉盞唔辣，小朋友都啱食。通菜顏色好翠綠，一條一條好分明，食落去仲有啲爽脆tim！另外要讚一讚菜油唔多算係清炒菜呢個價錢都抵食架！之後叫啲飽肚嘅食物，朋友揀咗泰式炒金邊粉！金邊粉旁邊有啲花生碎仲有半個青檸，我自己就覺得加埋青檸好食好多！金邊粉炒得幾有鑊氣，但可能放耐左，有d硬身，配料中有d蛋碎，乾身好似豆腐卜既東西，仲有蝦tim！蝦都有好幾件，我地三個分每人都有兩件蝦肉食～泰國野其中我都中意食串燒，我地叫左三串牛，$36價錢唔貴。牛肉大件，味道咸，精髓當然在於沙嗲醬啦！沙嗲醬甜甜地，唔辣，點一點串燒會覺得多左份酸味，可能因為咸味加甜味啦，幾好味。甜品又點少得呢？椰汁西米糕拼千層糕拼大菜糕，每樣兩件。大菜糕同我想像既唔一樣，可能我停留左係B仔個階段啦，我反而中意個千層糕，綠色，有斑蘭味。走lu，搵架25M搵左好耐..

今日貪得意走左去九龍城搵泰國野食，見到一間個名咁得意叫鱷魚泰國餐廳就試下，叫個套餐再加杯椰汁冰，辣炒青口都係四百有找，最重要冇乜味精，著重落好多泰國香料，例如金不換，香矛，椰汁，洋蔥。。所以真係好好食😋👍🏻

公司在附近, 第一次試這間泰國菜, 坐下後(12點45分)已立刻點菜, 但上菜速度慢, 1點半才上菜, 我們以狂風菜落葉的方法進食。我們點了海南雞飯, 豬手飯, 蟹肉炒飯, 冬蔭功湯飯, 炒金邊粉及豬頸肉撈金邊粉。食物味道不錯, 如能改善上菜速度會更佳。

九龍城食泰國嘢實在有太多選擇，今次想搵一間乾淨啲，坐得舒服少少嘅泰國菜，經過呢間餐廳，望落都幾乾淨，又咁啱唔使等位，決定一試。豬肉生菜包，小辣，份量都包到6,7舊。沙嗲串燒，叫咗豬同雞，味道咸咗啲。冬陰公有分大同小份量，三個人叫個細嘅就夠喇。味道重酸多過辣，有兩大隻蝦，幾好食👍🏼泰國菜必叫生蝦，算幾大隻，肉都好厚身👍🏼咖喱軟殼蟹脆包盅，呢個有驚喜，雖然軟殼蟹唔算好多肉，不過個脆包盅點埋咖哩好好食，可以ko晒成個包😂青檸烏頭，叫咗小辣，其實都唔係好食到辣味，反而青檸味就好香。店員都好細心，見我哋食得慢，個火熄左幾次都好快手主動幫我地噠返着👍🏼椰青沙冰幾特別，好清甜，夏天飲應該仲正👍🏼

九龍城成條街都係泰國嘢食要特圍而出真係唔容易見呢間門面光鮮又坐得舒服就揀左入去食晚市食滿200蚊仲要送多個指定小菜咁抵食邊忍得住大大個鱷魚標誌夠晒易認馬拉盞炒椰菜苗除咗泰國餐廳之外好少地方有得食椰菜苗椰菜苗仲夠嫩 配料又夠香口👍🏻冬陰公湯 細估唔到細嘅份量都咁多 四個人都夠飲更加估唔到會用煲上一直煲住包保熱辣辣配料就算一直煲都唔會過熟尤其係隻蝦仲好新鮮唔會梅哂豬頸肉份量夠晒多 烤得好脆口最鍾意佢個醬汁酸酸辣辣 同豬頸肉好夾青檸魚呢條就係晚市送嘅指定小菜有蝦餅炒通菜與等等嘅選擇呢條魚雖然係送 絕對都唔馬虎甚至係我哋覺得全晚最精彩果一度菜味道啱啱好 有酸有辣魚肉比青檸汁煲過之後索哂味 yummy最後就黎到今晚嘅重頭戲粉絲肉蟹煲呢個煲一上枱就引來其他枱嘅注意大家都被佢嘅香味所吸引我哋就梗係快快手開始食啦一打開 哇 成隻肉蟹係入邊架！係一隻大蟹我哋兩個人明明好飽都堅持食 因為太好味啦仲要粉絲嘅份量好多好香又入哂味 冇得頂！

泰泰太美味@鱷魚泰國餐廳九龍城 南角道16號地下舖二人餐勁抵，數set2至3人套餐只是二百來元，食物都是大路東西，計開每人只是百來元。我估餐廳新開張，更有很多其他優惠。我這個套餐$238已有炸蝦餅同魚餅，青咖哩雞，脆肉炒芥蘭，同牛油薄餅，冬陰公海鮮湯(細)。再加飲品其實每人埋單只付了$150冬陰公海鮮惹味，當中有原隻蝦，魷魚，菇作材料煲的，酸中帶鹹及散發住香茅芬香，在濕熱沒胃口的季節，確是起到增進胃口的功用。炸蝦餅大大件炸好熱呼呼，肉打到彈牙，表面香脆食完唔會唇邊一層油，蘸點上酸甜醬很醒胃 魚餅就食到香料味，好似香茅同蔥。下一道是咖哩雞，唔會太辣以椰香不換為主，用來蘸點薄餅的，仲額外多點碗白飯$13。個咖哩除了雞肉，落了豆角茄子等等。再說說薄餅，表面是烤到乾身，一層層薄片的層次。炒芥蘭落了薑蒜去除草腥味，快炒後爽口，而脆肉是炸香過的豬腩肉，肥肉層炸過迫出油變脆身且帶鹹香，伴飯一流有點中式feel加杯凍奶茶$24,能過濾一下濃郁同油膩感。而特飲都是相宜,大可點杯。是次放annual leave留港消費不停吃與朋友眾舊，心情好肉也長了。

今日黎九龍城揾個朋友，跟住為左揾個地方好好坐低傾下偈，就費事走出第二度揾野食，一上openrice就見到呢邊有食唔同野嘅舖頭，於是因為想食意大利野就簡左去呢度開飯喇。一坐低當然見到呢個有好多人食緊野喇仲香氣騰騰，真係令人有開心嘅感覺。豬肉生菜包入口令人感覺好夠惹味，又唔會入口太肥，仲要份量唔小。小鳥等愛入口夠口感，蝦膠又夠晒多，而且蝦中有蝦架，餐廳肯定係大師傅整嘅，真心唔係流野，非常好食。椰青焗飯椰青焗飯有口感而且椰汁味又夠香濃，唔需要其他嘅配料都已經好令人滿足。