炊公館

Open Now

Now Closed

一間不知所謂嘅酒樓。星期日book咗1130 ， 1125去到，還喺度set緊枱。叫我哋等等。但間酒樓係應該1100開始。等到1134 ，問佢可否俾我哋入去坐低先，佢話要再等等，仲問我現在幾多點，我話已經1134 。我哋可以坐低先，你可以慢慢石枱。佢都一樣唔俾。結果我哋冇飲茶，就走咗去啦。建議大家真係唔好去。服務員態度十分之差。

很久沒有吃點心，於是到這兒叫了點心下午茶套餐，再度光顧是因為之前在這兒吃北京填鴨餐，CP 值算不錯。今次卻是失望而回。套餐原價$168包括：高湯松露小籠包焗叉燒包脆皮燒腩仔西班牙豚肉燒賣筍尖鮮蝦餃原隻南非鮑魚酥鳳凰香煎珍珠雞蔥油麵仲有甜品紅豆沙坦白說，大部份點心的味道品質都非常一般，燒腩仔更是🫣🫣。鮑魚酥算是比較好味，但都是一般。但值得一提的是服務質素不錯，地方舒適及有海景，若想輕鬆地與好友chit chat, 倒是不錯的選擇。 今次我用了open rice 的coupon . $25 可當 $50用，平均消費每位$130 ， 所以即使食物質素非常一般，可以靜靜地望著海景嘆茶，算是超值的😆 但若沒有coupon，CP值就😅

I enjoyed the atmosphere in the restaurant as there was a good crowd even very early on at lunchtime. Service was attentive and the views from the restaurant were amazing, even though our table wasn’t by the window, it’s spacious and airy. Disappointed as I found the dishes of steamed dimsum was limited, and the food that was served to fill us up, ie rice and noodles were not even tasty or special in anyway. The noodles were something I can make at home, and the sticky rice dumpling had no int

呀媽生日話鍾意食片皮鴨同長腳蟹，所以揀咗依間餐廳試下，可以容納到一家大細！服務態度好好，充滿笑容咁帶位，又會成日斟茶同睇你有咩需要，我地分咗兩張枱，佢上菜前都幫我地分番開兩邊，唔洗自己搞。叫咗兩款茶飲，一壺菊花，一壺人蔘烏龍，烏龍勁好飲，個種回甘好似以前係台灣九份買過嘅烏龍茶，令我好驚喜，仲有個蠟燭暖住。叫咗隻長腳蟹兩食，鹽燒同避風塘，鹽燒就好鮮味，避風塘啲炸麵包糠好啱我依啲重好味嘅人！仲叫咗啲小食，不過我做細嘅無負責落單，所以唔係好知啲餸個名，有炸豆腐（勁熱又脆又滑），百花釀大腸（好少地方有得食，都幾特別，開頭我以為係炸番薯d fd🙊），口水雞（惹味又唔辣，小朋友都啱食），川味生蠔（好大隻又乾身又鮮味，值得一試）片皮鴨真係幾正，又脆又熱，我仲加咗避風塘啲炸碎落去，好啱feel🤣隻鴨殼就用涼瓜煮，味道都唔錯！因為呀媽鍾意食西米焗布甸，特登問餐廳可唔可以幫我地整個大嘅當生日蛋糕，佢又肯幫手，我媽見到不知幾高興😌😌依到出名景靚，個日天色一流，影下相睇下夜景都幾開心🥳環境又舒服，呀媽十分滿意😎

與朋友慶生，她想吃點心，便在炊公館訂了午市點心套餐。除了點了明火熱着壺茶(點了烏龍人參茶)讓人回味外，無一能讚。點心平平無奇，最敗筆是全部不是熱騰騰。頭盤是一件燒腩仔及一件腐皮卷。燒腩仔比較肥，皮亦不脆，要費勁去嚼。腐皮卷一般，沒有讓人垂涎。叉燒餐包送到是涼的，不好吃。鮑魚酥稍為好點但無驚喜，蝦餃燒賣亦較稻香差，䓤油麵及糯米雞(煎餅)只是填飽个肚。最後的紅豆沙亦只一般。侍應倒有礼，個景亦開揚，如果每位用$200多元(HK$206.8)在美景下嘆茶傾計，相信还有其他更性價比高的選擇。其實食物款式及數量不用多，精緻及逐一熱騰騰端出來。最後失望而回。

今日同呀媽黎食個點心下午茶，入到黎見到個景係靚既，仲咁岩見到半島有直升機降落 👍即刻落order，影相，之後等食啦！點知等左20分鐘，仲未有野黎，我見我後面果枱遲黎既都有野食，我叫個經理跟一跟我張單，佢同我講有蒸有炸要綜合埋一齊要d時間，我等多10分鐘仲未有，我搵第二個經理講，佢即刻出晒d野食，個女侍應話整好左無人拎出黎….我都唔個比咩反應佢好….重點黎啦，下午茶都係食個 feel, 張圖係有個籃裝住比人影下相，我見其他枱係有既，我等左半個鐘最後佢好似酒樓咁出我，普通蒸籠，分開一碟碟酒樓d點心碟比我大家如果想黎要做定心理準備，我就唔會再黎，完

朋友生日飯想食好少少，見到個view 好靚就book 左呢間餐廳，抱住一試既心態黎左。食完真係覺得對唔住朋友，啲野食頹過屋村酒樓既標準。唔係haters 有相為証，其實食飯不嬲都唔影相，但真係太差忍唔住要share，大家就睇下啲食物頹成點。叫左個砥礪奮進25載套餐初初嚟咗個冷盤（水晶餚肉、蜜汁叉燒、煙燻素鵝）係三粒野黎都覺得服伏伏地，不過冇影相之后係（翡翠雙子星蒸豆腐） 一粒帶子戒開左一半 放左係兩舊百福蒸煮豆腐上面 其實開始嬲嬲地 心諗點解同我自己係屋企整既放工頹飯一樣？ 不過都係冇影相鳳梨鮮蝦球，呢個好食👍🏻隻碟仲係熱添，炸得好 沙律醬好味 而且我不嬲都中意食地mun 罐頭菠蘿。 因為上面幾樣嘢都係伏嘅、所以有開始影相記錄嘅念頭、有相為証🤟🏻頭抽香煎魚球其實唔係魚球，係薄薄既一塊魚 都煎得幾好食鮑汁波蘭鵝掌夭白菇早兩星期係樓下飲、樓下彩薈軒好食啲芥藺炒魚崧呢個真心嬲 又係我自己煮嗰啲頹飯，魚片炒芥蘭 佢仲要煮得咸過我食物份量可以自己評價下海參黑松露醬油撈蒽油麵唉，我唔想彈得太多成個西客咁，你地自己睇相啦最后係甜品係一粒椰汁糕，一塊杏仁酥正常味因為係星期日食既 所以加30蚊 六位埋單

屋企人聚會都會習慣食中菜，今次無意中發掘左一間景觀靚同埋性價比高嘅餐廳🌟.我地一行有6人，所以揀咗個片皮鴨套餐加少少餸.🌟黃金鮮魷 $98有鹹香嘅蛋黃味，鮮魷大大條，咬落好香脆，但又唔會太乾身.🌟秘製酸菜魚 $298呢間嘅酸菜魚唔會一味得個酸，同其他地方食嘅口味有少少唔同，桂花魚吸哂湯既精華所以忍唔住係咁食.🌟北京片皮鴨原隻片皮鴨顏色非常美麗咬落外皮酥脆鬆化，加埋京蔥條、青瓜條同甜醬汁，味道更加豐富餅皮要熱辣辣先會更易撕開.🌟二食生菜包鴨菘將鴨肉加了配料炒一炒，味道好香又有鑊氣包埋生菜食中和左熱氣的感覺.🌟鮮雞燉螺頭湯燉湯熱辣辣，而且非常鮮甜，好飲👍🏼👍🏼.🌟原隻南非鮮鮑魚鮑魚炆得好腍身，老人家都食得到.🌟生炆海星斑呢個海星斑好有驚喜，因為魚皮有輕輕煎過所以好脆身而且魚既肉質鮮嫩，好味好味.🌟上湯浸時蔬娃娃菜有大量既上湯浸住所以非常入味.🌟波士頓龍蝦麵龍蝦食得出幾新鮮，而麵係幼身款食落冇咁易頂肚，仲可以食多碗.🌟芝麻糊配擂沙湯圓芝麻糊唔杰身，亦唔太甜，好味❤️擂沙湯圓上菜時仲係暖笠笠

前幾日老豆生日，佢中意食中菜，我就上網揾下有咩食，見價錢okay就揀左呢間。我地食完，都覺得價錢合理，味道唔錯，個夜景又靚，下次食飯又多咗個地方揀啦！脆皮牛腩第一次食呢個，其他中菜廳好少見到。外表皮脆，入面牛腩香濃惹味同好腍，可以跟喼汁，但我自己中意跟黃芥末，味道好夾。口水雞雞肉又幾滑，我唔算食得辣，但呢個唔算好辣，少少麻咁，仲有陣香辣味，越食越想食。片皮鴨呢間片皮鴨價錢唔貴，High CP value！ 鴨肉份量多，擺碟美觀，食起上黎有鴨香，呢個價錢真係好抵食！鮮雞燉螺頭湯我好中意飲呢個湯，鮮甜，有螺頭的香味，熱辣辣咁飲落去，真係覺得好溫暖。如果我媽識煲呢個湯就好了，保證準時返屋企食飯：）南非原隻鮑魚鮑魚好軟又彈牙，好入味，味道一流🤣龍蝦伊麵份量大，龍蝦新鮮，質地彈牙😋伊麵質地幼身，又幾滑，同個龍蝦個汁好夾。生炆海星斑下次黎，呢道菜絕對會encore！海星斑先煎後炆，條魚口感層次豐富左，好香口，但又可以保持到條魚嘅鮮味。

係open rice 訂左枱都話要等位，，reception 人員話最好打電話去餐廳book … 叫左鮑參翅肚的餐，，，688每位未加一有點偏貴每碟餸都要等好耐先上，，足足食左兩個幾鐘，，似食法國餐廳咁，，，，八點食到夜晚十點幾先食完，，，食物方面還可以..我覺得都好食既，，不過份量唔係好多，，環境方面，如果可以安排坐到窗口位就好，，，，另外餐廳服務員態度都唔錯，有主動幫忙倒茶 ，⋯只係應該太忙好似有啲混亂咁，，有時未食完冇問我地就好快收碟😅，，

今日同友人一齊發掘美食。而家好多餐廳都做緊套餐優惠。咁岩呢間有個套餐好似幾抵食，就即刻去試下。北京片皮鴨片皮鴨很煙靭，鴨皮很重油香，加上京蔥同青瓜，整體很夾。二食生菜包鴨菘很香鑊氣，由豆腐乾、西芹等材料炒成。建議可以先包生菜吃，第二嚿可以試下落少少前一道菜既片皮鴨醬，會有另一種風味。鮮雞燉螺頭湯湯頭很清，喝到雞熬出既味道。材料看到有淮山，螺頭，喝起上來很順口。前面吃了很多較濃味的菜式，以這碗湯作為間奏非常好，解膩之餘亦可清清口腔，再迎接下幾道菜。原隻南非鮮鮑魚不得不贊這碟菜的溫度很好，夠熱。這碟菜一定要熱食才好吃。南非鮑魚炆得很腍，輕輕一切就已經可以切開👍🏻雖然不是很大，但有鮑魚既鮮味。鮑汁既稀澀程度剛剛好，天白花菇都有很香冬菇既味。生炆海星斑很香口的一道菜！平時海星斑大多會用作蒸或炒班球既做法，但呢道菜就係先輕輕煎煎條魚，先再用薑蔥炆，整件事馬上香口好多😋魚皮浸過汁後仍然可以保留到脆既質感，同時魚肉很滑嫩，汁亦調較得不錯！很想一食再食既一道菜👍🏻唐人街原隻波士頓龍蝦麵平時吃的上湯炆龍蝦伊麵通常都係以伊麵做底，但呢個就以較幼身的麵做底，掛汁能力很高，吃一小啖就已經可以嚐到汁既鮮味。龍蝦

以$200一個人，可以食到質素唔錯的點心set, 加上環境唔錯和有靚景，算是可以的。 仍需改善的地方是非蒸的點心可以熱一點，尤其係煎糯米雞和紅豆沙。 想優閒地食個lunch 的選擇。

總結：1. 景觀真係一流， 環境都唔錯， 坐得舒服唔會迫。Sunday全場6 枱左右唔會嘈。 2. 叫左openrice 85 折個個片皮鴨套餐， 3 個人$1,644, 平均500蚊多d, 呢個地段， 呢個景觀， 呢個環境， 有片皮鴨， 一人一隻鮑魚，有條星班， 抵食夾大件啦3. 如果服務可以再主動d 分下野食斟下茶會更加好4. 好既中菜( 唐述/ 米芝蓮)午市600+ 晚市1,200+, 正常酒樓就晚市2-300 蚊又迫又嘈， 其實真係好睇你要d 咩。如果成家人聚餐想舒服安靜， 我諗我會encore 呢到

餐廳位於iSquare高層，飽覽維港景色，冇諗過食過點心下午茶都只係$200頭加一，完全係出乎意料之外，食物質素唔錯，點心出到嚟都熱辣辣，水準之上，不過光顧嘅客人唔算多，食住點心睇住海景，再同朋友傾偈渡過一個下午，絕對好選擇😁😁

約了朋友去食晚飯，去到重可以睇到日落，好正，但是，一坐低，個冷氣好大風不但止，溫度重較到好似15度甘凍，啲茶斟極都係凍既，因為個冷氣風又大又凍，已經好掃興。中菜要熱辣辣食至好味，上菜係好快，但係，手機打完卡，其實啲餸已經唔熱，好失望，後來，我哋叫左個燒汁牛仔骨， 諗住有個砂鍋，唔甘快凍，點知，呢個牛仔骨啲肉，好un , 咬唔開，個汁重超級濃味，喊到。。。。結果，最好食係個$50 一碗既蛋白杏仁茶。。。係失望既，唔會再去但係，值得一提既係，服務好好👍🏼，但是，始終都係餐廳，食物質素好緊要⋯⋯