炊公館

Open Now

Now Closed

I frequented this place quite a bit in the past and their service is generally ok. Today however, it was very disappointing.I ordered a Champ lunch menu for 4. after I ordered they took the menu away. they then started to proceed with bringing out the food. When they brought the 2nd course we had a feeling they were giving us the wrong menu. after checking with the server, they were indeed serving us the wrong menu.It so happened that the person who took our order and the person who entered our

難得過海見客、特意挑選一間高層海景飯店。雖然下雨，但沒有破壞吃飯氣氛！還可以遠眺黃色小鴨🐤在金鐘海濱長廊餐廳環境幽靜、適合喜歡同朋友或客戶傾偈💬服務態度非常好👍🏻我們叫了每位大約四百多元商務套餐、總共有九道菜式🥢頭盤開胃小吃牛𦟌涼伴薰蹄少許微辣好適合香港人口味蜜汁叉燒餐包味道正常略嫌叉燒較乾雞絲魚翅唔會太杰身、易消化燒賣正常水平粉果正常水平菠蘿配炸蝦🍤夠熱、外皮夠脆鮑魚冬菇燴生菜正常水平荷葉飯夠香、米飯軟硬適中杏汁燉蛋白本身唔太熱愛甜品、甜味道剛好

經常光顧的餐廳，這次的服務有點亂來。點心上得太快，跟店員要求上茶慢些，但也沒有理會，結果吃的時候都已放涼。甜品平日放在碟上，今次卻放在糖水旁邊，但見其他枱又分碟上。紅豆沙過甜，跟店員反映只係回覆：「啊。」飲食業真的很難請人吧。

諗住去一間有質素嘅酒樓食個靚午餐,可惜結果令人失望。點心價錢不便宜,平均60元一碟,如果價錢係貴而好食就無所謂,但卻是質素一般,性價比十分低。那些年腸粉,即齋腸一碟!而粉質也不夠滑,失望!菜苗餃,排骨,叉燒餐包和鮮竹卷食咗都不值一提。兩人共消費334。可能叫套餐價錢上較低,最平每人消費178（當然不計加一和茶芥）侍應服務一般般,起初叫咗點心想轉套餐,問類似部長級嘅人可否睇下轉唔轉到,佢冇嘗試就話轉唔到,咁即硬食咗佢不熱誠的態度。有太多好酒樓選擇,下次不再幫襯。

由於家人比較重視團年飯，我都會提早兩星期預訂座位吃飯。因為慶祝節日的關係，很多人都會選擇外出用膳，亦會選擇中餐廳當晚座無虛席，服務員很忙，服務質素一般，而且上菜時間等得比較長時間，每道菜都會順序分開上菜，用餐時間接近兩小時。餐廳位於尖沙咀iSquare高層位置，無敵海景超加分。海參口感夠軟，鮑魚靭度適中。花膠很大條，份量足夠伴麵。魚翅絲蛋白味道較清，不錯👍🏻菜份量或許不太足夠甜品不會太甜膩，非常適合男女老少。

已經多次來吃晚飯，除了食物好，服務更是無可挑剔。就算只是二人入座，也盡量安排近窗位置，可欣賞夜景。必食片皮鴨二食，服務員、部長每次也很貼心，吃到一半會主動幫我們換過一籠熱騰騰的餅皮，又會問我們可以上菜前才叫廚房煮餸，每次來都佷滿意地離開。

價錢同套餐內容不符，標語有誤導，fine dining 變團餐水準，不會返𨍭頭，服務態度差過正常食肆，管理層值得反思，不可以相信阿一鮑魚集團，奉勸大家$399套餐係每位價錢

我们两个人叫了两份168的点心套餐，菜品十分豐富，種類很多。服務非常體貼，服務員會及時來斟茶，收空盤，不需要我們叫他們。其中最好味的是叉燒包和小籠包。叉燒包外皮非常柔軟，餡料很香。小籠包湯汁飽滿。

昨天經OpenRice 訂咗炊公館食下午茶，見佢2人餐都係$ 2佰幾，咁就去試吓啦！－去到左邊兩位服務員話隔離呀，呢度阿－鮑魚，咁我行過去右邊嗰個四眼姐姐話隔離先係呀。跟住轉身就行咗入去入邊，咁我定神望一望，啱呀點知隔離阿－個服務員行過嚟炊公館攞起個I pad問你幾多位呀！😡😡😡態度差到呢，未行入去食已經焗到－肚氣！點知－點餐叫佢個下午茶得12舊嘢，我同我朋友每人六舊，當然唔夠飽啦，好似－陣風咁就話收$300、咁上得嚟都食唔飽咁都焗住叫啦！咁就叫多三個點心，－個蝦多士，又乾又細塊要$178，心諗中伏，－個係鮑汁冬菇炆鵝掌2件（$80）呢個就好食啦，個鮑汁同鵝掌都好食，另一個灌湯餃，$6X,足料湯底夠清！但係個侍應好搞笑囉，攞個灌湯餃埋嚟匙羹都冇一隻，心諗用手食呀！同埋正常都會跟碟紅醋又冇跟？，見到你兩個人食都唔會話俾隻碗你，你問佢攞佢真係跟一隻碗同一隻匙羹囉！成張枱兩個人開胃去到最尾碟灌湯餃嚟！一隻匙羹都冇，我覺得依啲做侍應係好基本嘅知識，正常人都應該會諗到㗎啦！如果茶餐廳咁樣嘅質素，收酒店嘅價錢，我覺得就真係好唔值得囉！呢間絕對唔會有第二次再嚟幫襯！

又唔係唔駛比錢！唔該請過班有禮貌嘅工作人員啦！工作壓力大，就返屋企，咁多客係度，兩個女員工用晒粗口對話，－個係門口四眼小姐，－個係短頭髮嘅女同事。乜做午市套餐同下午茶令到你地工作量好大，做唔切咩？唔見得呢？永遠招手不見人，叫個男經理攞個餐牌都要三催四請，整個下午茶只有圖中個雀籠個六款點心，每樣兩舊，只有鮑魚酥叫最好食，其他又普通又唔飽。所以散叫咗個蝦多士，唔掂，外貌唔討好，又唔脆，灌湯餃好味，個湯夠清夠足料，另外叫咗個鮑汁冬菇鵝掌，呢個掂，鮑汁扣得好好👍🏻、鵝掌亦好入味！整體來講，食物質素係有嘅，反觀員工真係冇－個得，服務態度差，又冇禮貌，我唔清楚貴公司點樣對員工，但員工係公司嘅資產，要令員工有歸屬感提升質素方為上策！

叫左個tea set, 坐窗邊對住個海，呢度環境一流，食物幾好，但服務真係唔係好得。餐廳入面服務員都ok，但門口個四眼阿嬸真係好趕客，攞個位姐，句句都係度質問你咁，想點？坐低後，叫左個二人tea set前菜個火雞沙律同炸蝦多士幾好味。其他一般，有隻餃食完都唔知係咩，個味怪怪地。整體份量偏少，性價比算低。如果為左個景同打卡影相，可以一試。但預左冇乜服務同食物只算係合格。甚至見到門口個帶位阿嬸可能已經激到想調頭走。

昨日經openrice訂位在炊公館午膳. 諗住同老婆試下在高檔中菜吃個聖誕午餐.但卻得到一個非一般的體驗，食物非常一般，似屋邨酒樓, 上枱時只是微暖.服務差，以一間高價中菜餐廳完全唔值!個帶位安排我坐一張在正中的方枱，似坐在孤岛,張枱好细，嗰時十二點,周圍大把枱，我同經理講想換過張枱，“吓，我唔知喎，你自己同帶位講”，我問佢帶位喺邊，“出面囉”於是我戴返口𦋐行出門口，但冇人喺度，行返入去時個經理指指隔離張枱,示意我坐過去。坐底後差不多半個鍾都冇嘢食，然後有個女仔放底碟點心，以為始終有嘢食. 但點知個經理走來粒聲唔出一手拎走咗,放咗去另一張枱，一路行一路自說自話,話個女仔放錯咗.但完全冇對我講任何嘢，sorry 都冇聲.全程黑面，我谂極唔明，呢間好似話係屬星级，點會咁？個Menu話我食個餐3百幾/位,而家特價168.以為好底,點知啲質素比X匯一樣,人地起碼啲嘢夠熱,佢只是暖暖地! 性價比非常低! 個餐只是點心,莫講話原價,而家特價都完全唔值.冇下次!

去得I square 樓上啲餐廳晚餐其實預咗都一定貴但貴唔緊要 係食得好-唔-值！沒有服務可言！只忙着招呼房內顧客 餐廳顧客亦唔多連咁基本點5道菜 唔複雜 都可以漏單去到最尾仲等緊先話原來冇落！男服務員態度差！上菜速度慢！每次只上一道菜 食完仲要再等好耐先到下道菜坐咗成粒鐘先飲咗碗湯同幾條菜啲茶凍哂都冇人加水龍蝦伊面唔好食 成pat野 食物份量小 菜煲只得幾條菜 湯羹只係一般野唔值呢個價 片皮鴨限量供應食唔到以後不會再光顧。

今次黎到尖沙咀I square 食炊公館，seafood love sake系列的套餐價係$338 包括麻辣鮮鮑魚配日本清酒 若駒 美山錦70無濾過生原酒。鮑魚好大隻，用左麻辣醬汁烹調，好開胃！愛辣人士必食，鮑魚一d都唔un, 易咬又嫩！配埋日本美山錦生原酒，甜甜地好清新，口感順滑👍💕 用埋佢地配超靚既sake小酒杯，好岩打卡影相用，仲有小量海景架！除此之外仲有其他套餐都好抵食，下次想食北京片皮鴨🙈睇落好似幾吸引咁。

近排成日去揾有參加「SEAFOOD LOVES SAKE」嘅餐廳，因為佢嘅海鮮煮法、揀嘅清酒配搭都好好，絕對可以令食材加分😍今次嗌咗麻辣鮮鮑魚😍配若駒美山錦70無濾過生原酒無加壓 $338肥美香滑嘅的鲜鮑魚，用麻辣醬汁細心烹煮，食落去條脷feel到麻麻地，刺激感十足😂 建議享用時要切開佢‼️ 咁先可以細嘗佢嘅辣汁😉 支酒我見過都要$300左右，所以呢嗰餐都好抵食，支酒帶香蕉香氣🍌，入口有一股清新的酸味，之後結尾留下溫和的甜味🌸 可以做到啲中和作用🤗 絕對可以一試🫶🏻