常樂素食 (Closed)

今晚約了四個朋友，一共五人來這裏用晚餐，服務員的態度十分惡劣，當帳單有問題，明明有會員卡九折，卻處處為難，不肯打折。另外，離開關門尚有一個小時，員工已在收拾餐枱，尚未吃完的食物，員工多次詢問是否已吃完，意圖執枱，表現十分不耐煩、盡力趕走客人。而且，食物水準很一般而且十分油膩，建議大家去別的地方，有選擇的話不用到此。今天點了六個餸，鴻運當頭、藍帶豬扒、螞蟻上樹、炸鮮奶、小籠包、糖醋山藥，菜式都偏鹹、多油。

向來唔好肉又非常齋姑嘅我，最近都會與素食者朋友們四出發掘新嘅聚腳飯堂。今日嚟到一間位於銅鑼灣嘅素食餐廳試下味先~4人行叫左3樣食物試試……藍帶豬排金黄脆皮嘅素豬排，內裡夾著乳酪，熱力令乳酪溶化了，囗感外脆內軟。芋頭魚鬆脆皮薄嘅外層，包住超級幼滑嘅芋頭蓉，入口後慢慢溶化，一啲渣都無，好好食呀！絲絲入扣個名好特別，其實係由山藥切成一絲絲再卷成蘿蔔絲酥嘅樣子放上湯匙內，沾上芥末同醬油，感覺好fresh。最後送上甜品桂花糕桂花香味滲透整個口腔，加上杞子，對女士們既可以美顏又可以明目進補。

地點: 銅鑼灣駱克道459-461號 The L. Square 7樓 交通指引: 港鐵銅鑼灣站 C 出口, 步行約2分鐘 電話: 3679 3238 這家餐廳很不錯，四個人吃下來，一個人才HKD 150左右，口味也挺新鮮，價位親切，很推薦。 小籠包 (HKD78) 這個小籠包的擺盤挺有趣的，一上菜就是六小碟、擺成花樣上桌。小籠包裡有很多湯汁，嘗起來鮮美，令人驚艷。 藍帶豬排 (HKD 148) 聽說這個藍帶豬排是招牌菜之一，是廚師特別跑去台南學的，是呂秀蓮女士很喜愛的料理之一。很意外這道菜的擺盤有點拼湊感，吃起來口感特別，外層是豆類製品的”豬排”，口感感覺是台灣進口的料理，內層夾的是藍帶起司，起司味道本身不錯，只是整個綜合起來，擺盤很奇怪，味道有與眾不同，想嘗鮮的人可以嘗嘗看，但我應該不會點第二次，因為這一道菜HKD148，CP值相對不高。 麻油藥膳杏鮑菇 (HKD 88) 點這道菜的時候，還在秋天，本以為這道菜會很”補”，但湯品其實很清淡，不會燥熱，清爽、潤口，天然食材的料理，食材豐富，非常推薦。 涼拌牛蒡 (HKD 48) 同行的香港朋友點的，這樣的料理在台

今日,我同阿妹去銅鑼灣行街;行到有點兒肚餓就搵嘢食啦。銅鑼灣想搵食齋嘅來來去去得兩至三間。我見呢間齋鋪價錢唔算太貴就走咗入去食。入到餐廳內，牆身就係黑板，黑板上寫左很多菜式。我同我個妹嗌咗一個吉列炸薯波;我好意外,炸薯波竟然可以十分鐘之內完成到！而且薯波沒有被炸過火嘅跡象；外皮脆卜卜！咬落去熱辣辣,內裏有好多薯蓉！薯波除了薯蓉之外,內裏還有少許蔥粒和蒜粒;令到薯波有薯仔的甜味還有少少咸。兩者嘅味道沒有產生衝突。我相信我在去這間齋鋪，會再嘗試這個薯波。另外,他的服務質素頗佳。因為一坐低姐姐問我地飲乜嘢茶,我哋答完之後就很快比我們。地方亦都很清潔。因為他有用桌墊墊檯。餐具亦沒有污跡。

呢排食得太多肥膩野，決定今日同朋友去食齋！因為銅鑼灣食齋嘅選擇唔多，咁今次就嚟咗呢間試新野。一想到去就比左右兩邊嘅黑板吸引着，上面都寫住餐廳最近熱門及推介嘅菜式，多種菜式琳琅滿目，令人目不暇給，突然間都唔知食邊樣野先係自己想要。我哋揀咗三樣菜色分別係肉燥飯、咕嚕肉同螞蟻上樹。咕嚕肉外型同真嘅非常相似，當然唔好要求真係有兩舊骨扮埋俾你睇啦，顏色都夠誠意，唔會變左鮮紅色，而且仲有唔少既腰果。肉燥飯飯底份量充足，有好多冬菇粒粒、素肉粒，D汁送飯一流。雖然餐牌上寫住落左藥包，但完全唔覺有任何藥嘅味道。螞蟻上樹一黎度已經覺得份量十足，大大碟粉絲，侍應仲問我地要幾辣，第一次食梗係唔好亂黎，試一試個小辣先。粉絲好入味，唔會話勁淡，味道又唔差。兩個女仔食呢個螞蟻上樹，食完真係會好飽。

份量和價錢不附得过貴字，我們只得2个人叫了2个煲仔，原本打算夠食的，但一上枱便叫了起來，因份量超細，后來再加一客密汁义燒，也是相當失望因味道和質量也是麻麻埋单承惠$320超貴没有下次

剛剛轉吃素的好友生日。三人晚飯小聚來到了常樂，希望壽星女能如其名，常常歡樂。小吃貨不太懂素食，不過也知道素食有很多種。不同國家的有中西日台印度等，風格上也有清心寡慾少油少味的家常小菜，和新派味濃模仿肉類的齋菜等。壽星女選了台式新派素食。Menu中可選的食物種類非常多。三個小脂女左看右看，最後點了：＊時日老火湯（＄３８／盎）＊咕嚕肉（＄７８）＊三杯素雞煲（＄８８）＊炸吉利薯球（＄６８）＊鴻禧菇炒蘆筍（＄８８）＊白飯２碗（＄１２／碗）老火湯（＄３８／盎）是老黃瓜湯。用盎上。喝一口，感覺清清地也吃不出味精。味道ok但尚欠火喉。咕嚕肉（＄７８）的甜酸汁和真咕嚕肉的差不多。「肉」是豆干丁，做到有咬口，不過一吃便知不是肉。無所謂，今晚本來就不是想吃肉。配料不馬虎，除了照足有紅椒青椒菠蘿外，更加上腰果，令這碟素菜可媲美真咕嚕肉。三杯素雞煲（＄８８）：也是仿肉菜式。不過偏油，肉是和咕嚕肉的豆干丁一樣。如點了咕嚕肉便可以試其他。炸吉利薯球（＄６８）：原本沒太大期望，吃過後感覺意外地不錯😀。薯球皮薄而脆。沒用牛油卻有牛油薯蓉的感覺。味道淡淡不太鹹，反而可以吃出薯味。小吃貨一口氣吃了２大件。鴻禧菇炒蘆筍（＄

自問平時做開食肉獸，梗係覺得晚餐要有肉食先滿足。女友話呢間主打台式風味既素菜館可以滿足我另類既「肉望」，所以專情約左我上黎撐枱腳。入到黎驟眼睇同外面一般中菜館差不多，燈光通明，坐位闊落，一坐低就有侍應問飲咩茶。由於已經晚上八九幾點，同女友睇完餐牌好快點左三個小菜加兩個白飯。一上碟，口諗呢碟「鴻運當頭」($88)乜咁似台灣街邊鹽酥雞，佢上面仲鋪左d炸到脆卜卜既九層塔，十分惹味。原來咬開裡面係素雞，雖然食落冇雞味，但合埋眼食真係好易誤以為食緊雞呢。雖然「真的假不了」，但之後黎個碟叫「功德滿林」($78)又試以假亂真，睇落同魚香茄子十分似。原來佢係用左大豆蛋白同辣椒做芡，令到夾起茄子個陣有個種黏黏地感覺，食落都好入味，夠晒火喉。最後呢碟「三杯猴頭茹煲」，整法好似「三杯雞」，只係今次換左猴頭茹做主角，由於加左三色椒同姜蔥蒜，睇落都幾吸引，只係味道香到略嫌搶左猴頭茹本身味道，但女友同我都鐘意食濃味，所以都忍唔住食清光。食完呢餐，再諗起呢度鋪名叫「常樂素食」，當堂有種好知足既滋味。

今晚要過海一趟，特意約友人食飯，友人提議去食齋，R晒頭嘅小妹真係甚少食齋，上openrice睇下，就揾到呢間勁近地鐵站嘅常樂素食，喺呢棟大廈一出就係舖頭，所以放工飯市人流都唔小常樂舖頭唔算大，好彩早到唔使等位，一路坐都不停有人坐底，估唔到素食真係幾受歡迎小妹作為食肉獸，揀左個蜜汁素叉燒，睇落個樣都有7成似，味道同真叉燒差唔多，但就少左一份肉膩感，某情度上，素叉燒又真係比真叉燒好食啲，雖然顏色爭小小，但起碼夠晒無咁多色素，健康啲先，甜度適中，唔差呢個炸醬麵都幾吸引……圖片，明顯實物色素無咁重，味道黎講佢嘅小小甜好吸引到味蕾，份量夠小妹同友人Share，48蚊嘅價錢都幾抵食再叫左個功德滿林，個名好勁，佢係由茄子，同啲大豆蛋白一齊煮，呢個嘅小小辣比想像中辣左啲，平時好少食辣嘅友人好彩都食到，呢個送相對會較為濃味啲，所以連埋個炸醬麵食就岩岩好，茄子唔會煮到過火變得太稔，仲保持到咬囗，整體呢個送，送飯就最好嘞最後同友人一人一客紅棗杞子桂花凍，食落每啖都好清香，唔會太甜，紅棗味出聚之餘又有桂花香，為呢個素食晚餐畫上完美句號

素食已經成為潮流。生日飯唔想食肉，就揀咗呢間。两個女人，叫咗好多小菜。拼盤三款，卤蛋，豆腐干，雞肶菇，三樣都好食，因為已經好肚餓，哈哈。其實唔需要上面嘅汁都已經好夠味。燉湯两款係要訂定，猴頭菇粟子，黨参合桃都好飲，但點解味道咁類似？两個都好甜。咕嚕肉，酸酸甜甜梗開胃，大豆蛋白有咬口，幾唔錯。基本上醬汁，煎炸小菜都係我避開嘅類別，今日就捨命陪君子。小籠包，一籠六隻用小碟上，入面係雜菇加豆蓉之類(唔肯定)嘅饀，都幾特別。甜品要了桂花糕，有半飯碗咁大，分享就啱啱好。8樣食品，賣單500多，要訂位，因為好爆，眼見唔少外國人嚟食，呢度無酸甜齋嗰啲食，餐牌亦有好多菜式已無再供應，可能因為功夫菜，有啲可惜。

近年多左好多唔同特色既素食餐廳,中式西式都有, 今次食呢間係中式的素菜.由於成日出去食飯間關係, 間中我都會要求同行既朋友同我食齋.唔好唸住食齋一定會好齋, 好多時素菜都好食過一般食店.面呢間素食店既口味亦比一般既素食店多花款, 唔會淨係得TARO魚/酸齋比你揀.牛蒡當歸核桃湯$68有燉湯飲就緊係要黎返個呢. 不用擔心,雖然佢有當歸, 但唔會好大陣頂唔順既當歸味.女仔黎既就叫個飲下啦, 好香架!紫菜三色卷$78食落去好香口, 每次去都會落單. 但並唔係每次都脆同熱.鴻禧菇炒蘆荀 $88因為食菇同蘆荀都好有益, 加上佢個菇炒得好香, 蘆荀亦都無渣, 這點很重要呢.藍帶豬扒 $148這個豬扒的味道是可以的, 口感真係做到一咬出黎有一絲絲豬肉攝牙”啦”既感覺, 但如果無左D沙律醬的話,呢碟野應該無乜味. 我會推介食炸脆鱔多D.其實呢間野我經己食過3-4次, 唔好食又點會再黎呢? 絕對值食黎架!

友人一直有濕疹~呢排嚴重左要戒下口~既然乜都唔食得 所以今日dinner決定食齋^^唔好以為得上左年紀既人先會去~~~我地去到都見到唔少OL上班一族!鴻運當頭($88)睇相好似幾吸引~第一個感覺有D似升華版好味左既麥樂雞xd更加好咬口更加脆口~~好似真係肉咁~煮得好入味~~~感覺幾良好~好似食緊炸雞但唔會肥咁xd台式炒米粉($68)好大碟~ 第一啖就左唔連個汁都好夠味~第二啖連埋個汁食又另一種風味咁~~米粉既軟硬度都好適中~雖然冇肉絲吊下味~~但都好夠味! 平時比較少食到呢種炒米粉~椒絲腐乳炒通菜($68)少少辣~~好足腐乳~炒都得好夠穫氣~仲好多碟~食通菜最驚個通太硬~~但呢到唔會~幾爽口^^位置好方便~環境裝修都唔錯~侍應服務都好窩心~整體感覺都好舒服=)

有位特別的朋友，不為任何原因，就是不吃豬、不吃牛、不吃雞，而魚、羊又會照食，每次同佢食飯都R 爆頭，突然想到：不如食素吧！點餐不用就住就住，也想順道清清腸胃。最先來到的是 小籠包 ($78) 本來很疑惑何方小籠包，竟敢索價$78，比一般的小籠包還要昂貴。當見到侍應捧來一碟碟小碟，一共六小碟，頓時惝然大悟！招牌小籠包，應該說成灌湯小籠包，沒有肉類的脂肪，或多或少需要湯汁保持小籠包的濕滑度。內餡雖是全素的絲瓜餡料，仍做到仿如肉般有豐富口感。做得不足的部分是小籠包掐位的皮過厚，麵粉皮帶硬，白白的；部分的皮又浸得糊糊的。常樂咖哩豬扒 ($128)我知道高級素食就是做到肉食的口感，但這片素豬扒竟然過百元，這個定價太進取。糖醋山藥 ($58)山藥即是准山，切粒的准山配白果，清清地、又帶有准山黏液的滑溜，伴一點柚子醬、蕃茄醬，甜甜酸酸。水餃麵 ($58)數款菜式中，最清淡的一款，全素的水餃當然少了一份肉餡的香味，上海麵麵條較碎易斷。這餐素食價錢都不便宜，兩個人埋單$355，人均都要$180，不過總算是高級素食，有肉的質感，貴的原因正正因為此吧。

朋友千里迢迢從澳洲過來，只停港數日。一來朋友是vegetarian，二來酒店在灣仔，經過比較我們決定去銅鑼灣試下常樂。走了一整天很是肚餓，所以想提前吃晚飯，約五點就到店，幾乎得我們一枱。在店員的推薦下，我們點了招牌之一的鴻運當頭，其實是炸素雞，但勝在意頭好，而味道也不錯，幾香口。小籠包倒是很精緻，每一隻都有獨立的碗裝住，浸著少許湯，裹面亦灌滿汁水。紅醋配薑絲，好吃又不失格調。素肉炒麵上來先發覺原來不是「炒麵」，而是炸麵，醬汁配菜淋在上面，需要自行拌均，一般。外國人吃中餐，餃子一定不會少。蒸餃非常大隻，菜餡營養易飽。薑汁芥蘭炒得青脆，少油清淡。每樣菜都想嚐試，一不小心叫太多，不想浪費最後打包。朋友大呼好吃，要了卡片，店家送了九折卡，話明年要帶husband再來過。

第一次來這間餐廳吃午餐，看到餐牌有一個餐叫常樂午餐每個人包三個餸跟飯、湯同糖水，真的幾抵食同可以試不同的菜式。由於是星期五我們兩人便叫了雜菇菠菜、鮮竹卷、家常豆腐、茄子肉鬆四季豆、藕片炒荷蘭豆同梅菜蒸茄子。家常豆腐跟茄子肉鬆四季豆比較惹味。鮮竹卷也不錯，並不肥膩。而梅菜蒸茄子，味道偏淡。湯是黃瓜紅蘿蔔湯，夠味。而糖水是蕃薯糖水，很重薑味。總括來說，這間餐廳的素菜不錯，而且價錢優惠，可以再來。