池記

Open Now

Now Closed

池記粥品☀早上是賣粥品、油器...等🌜晚上就變身大排檔，小炒一流👍🏼古法枝竹羊腩煲380元：香濃美味，個汁越煲越濃越鹹，食到一半加水，繼續打邊爐一流椒鹽白鱔片120元：即叫即做，炸到脆脆，食唔出有骨😋青島與可樂各一，合計37元原本想食炸蠔，可惜未返貨，冇得食呢度勝在沒有加一及茶介收費少少食物外的話來到呢啲大排擋食晚餐，一定要幫襯椒鹽/避風塘/黃金/煲類的小炒因爲平時冇得食，屋企又唔易煮最怕有部分人類，出街食飯（佢自己一個除外）又要清啖、又怕熱氣唔該呢類人回家烚菜啦！請勿出來獻世不要掃興

生日梗係同摯愛嘅屋企人温馨食飯啦，難得平時少鹽少糖嘅阿媽批准食羊腩煲，皇恩浩蕩乘機叫多2個炸物。第一次去元朗大排檔食飯，明火炒嘅小菜夠獲氣真係零舍不同，一座低即刻叫個羊腩煲加菜底，再黎黃金鮮魷，炸蠔餅，苦瓜蚊倉魚，豉汁蒸帶子豆腐，食到lam lam脷，不過下次滾到冇湯時記得講加水唔好加湯，加湯就太太濃喇。繼續支持獅子山下港式大排檔

今個冬天，流感好強勁，咁一個人食完感冒藥，口淡淡，又無咩胃口，咁就想食下粥啦！一問老友邊間好，佢唸都無唸就叫我去池記，話無得輸wor!咁我一落到去，唔係好多人，咁我就叫左個皮蛋瘦肉粥再加多個炸兩食啦！咁就坐左一陣間好快就有啦！由於我有d怕食好熱嘅野，咁就食左個炸兩先啦，炸兩係新鮮整嘅，裡面條油炸鬼就真係好脆，腸粉都算係滑呀！但係我覺得最大賣點係d 豉油，豉油我相信係經過師傅特別製過，佢咸得黎係有少少甜味，又唔會好甜，令到本身無味嘅腸粉邊得非常出色，令到整碟野都好夾，炸兩好出色。跟住到皮蛋瘦肉粥啦，都算係足料呀！皮蛋就大約有半個左右啦，瘦肉都好多，個粥底好綿，而且味道都好夠，我可以唔需要落調味都可以解決我口淡淡問題，老店真係老店，朋友推介得好有道理，會再黎。

嫲嫲大多以粉麵作早，但吃多了難免有點厭倦，所以我突然想起「池記」的粥品和炸兩，再問問嫲嫲的意見，她亦同意到「池記」吃早餐。多年沒有到「池記」的我們發現這裏沒有大的變化，大排檔的風味依然。坐下不久後，我們便快快點了一碗皮蛋瘦肉粥和一碟炸兩。皮蛋瘦肉粥皮蛋瘦肉粥的粥料非常豐富，不論是皮蛋還是瘦肉的份量都相當多，皮蛋味道甘香，瘦肉早已稍作調味，所以吃上去帶鹹香味，皮蛋跟瘦肉的味道非常不錯! 除此之外，粥底綿綿富米香，我們都十分喜歡。炸兩炸兩外層的腸粉不算是十分幼滑，也不算是十分滑，不過富有米香。炸兩內的油炸鬼則非常出色，口感香脆，同時亦不算十分油膩，香脆的油炸鬼配上富米香的腸粉，再醮些甜醬和辣醬一起吃，的確非常美味，甚得我們的歡心!雖然炸兩有少許美中不足，但整體上食物依然有水準，值得再來!

今日中午想食粥，看到這間食評不少推薦炸兩，就去買外賣，買了及弟粥，碎牛粥，煎堆，炸兩等，兩個粥都好多料，味道不錯，油器包括炸兩，煎堆更是好吃，下次會試埋牛脷酥，值得再食。

池記幾乎每天都會經過，但還是第一次光顧。平日不容易找到機會光顧這家粥店，夏天時非常炎熱，冬天又有寒風吹來。白粥白白的，味道清淡，生病沒法，只能吃白粥，綿得有點像麥皮般，柔軟綿滑。 皮蛋艇仔粥，皮蛋全放粥底，味道不錯，艇仔粥魷魚不少，彈牙不軟，不太大條，方便食用。豬皮碎碎的正正常常沒特別，還有花生及荵粒。 牛脷酥，新鮮炸成，脆皮香口，回味無窮。大大件，亦如一孖狀的牛脷酥，肥肥大大，中間軟林，外面的皮脆脆的，加上甜甜的粒狀黏著旁邊，美味。廉宜快捷，早餐/午間想不到吃甚麼？來買個外賣吃也不錯！

晨早同屋企人...三個人出來食個早餐先去玩~ 係媽媽提議來呢度食...因為細個佢成日帶我地嚟呢度食早餐先返學~大個o左我都有時會嚟食早餐回味o下~ 叫o左媽媽最愛o既炸兩~ 依然好脆好好味~ 蝦米腸都係好新鮮好足料~ 牛腸真係麻麻地...牛肉好少又一pat pat咁...幾條痴埋晒又扁晒...好唔新鮮o既樣子...茶樓o個d好食過佢好多...碎牛粥都唔得...又係好少料...唔抵食...雖然天氣係凍...但係碗粥剛剛上檯o個下都唔係熱到辣口ge...好快就凍晒...唔開心...唔知點解見到人地o個d粥可以出晒煙...以前食都唔係咁...就算下次媽媽話要食...雖然係好抵食...但都要諗o下先..

小妹因為連續幾日都大吃特吃，韓燒火鍋的生活已經連續三天。喉嚨也因此有點生病，囗沙沙的症狀。上班前，一定要到池記吃碗粥解解毒。媽媽點了豬紅粥$16，蝦米腸$9，煎堆$7及牛脷酥$7。豬紅粥$16 可以為小妹下下火，粥底綿密，粥味頗香，熱燙燙地捧到面前。豬紅軟滑，一咬有入囗即溶的囗感，大讚啊！！這家豬紅算是小妹吃過最好的。蝦米腸$9 即拉即蒸的腸粉，滑溜的腸粉皮，蝦米仔有嚼勁，蔥花味一流，豉油帶甜微鹹，是配腸粉的佳品。煎堆$7     媽媽真在是為食的傢伙，粥也吃不完又點上兩個油器，但小妹囗喉真的頂不住。吃了一囗，真的很吸引，煙韌的內心，芝麻味香脆可囗。牛脷酥是媽媽的午餐，我也不敢試了，喉嚨受不了。評分：8/10

放工後突然心血來潮，很想很想吃油器，所以就跑來這裡。相信每一個元朗人都知道，食粥要去國記，食油器，就一定要去池記。到了以後，掙扎了好一陣子，因為得我一個人，又粥又腸粉又油器，一定食唔晒，所以，就來一碟炸兩，實行一次過滿足兩個願望從前不愛吃碎牛粥的我，自從食過元朗兩間老字號的碎牛粥後，每次前來，都一定會食。原因??在其他地方食到的碎牛粥，總覺得涸喉。但這裡的就很不一樣，這裡的牛肉，食落去會覺得很滑身。把粥攪勻後，就會有陣陣肉香味飄上來。而且，在百物騰貴的今天，特別是牛肉加至過百元一斤，這裡的牛肉絕對沒有比從前少，而價錢也是10多元一碗。他們沒有把價錢完全轉介至消費者，實在難得。炸兩可說是這裡的招牌菜，若在別處，通常油炸鬼都是向另一些店取貨，然後再自製腸粉加工，這樣，油炸鬼就會漏氣變林，再用腸粉包著，就會更濕。但在這裡，無論油炸鬼還是腸粉，也是這裡自家炮製，油炸鬼一被炸好，就會立即拿去用剛製好的腸粉包著，所以，就算加上豉油甜醬等調味後，油炸鬼依然脆口。而最重要是，接一單才包一碟，所以油炸鬼一定不會被蒸氣弄濕。而這裡的人流亦很多，所以，油鍋基本上沒有停下來的一刻，所以油器一定夠新鮮下次，我一

大傷風的日子, 見完 Dr. 就去池記買野食回家, 閉關休息魚片豬潤粥 $16 外賣 +$1白粥 $6 外賣 +$1义燒腸 $10油條 $5合計 $39我付 $50 比阿姐, 佢找一元給我 我當時都暈暈地, 但基本心算都係 $3X, 一定唔會係 $49 囉 我O晒嘴咁望住阿姐, 然後道出乜有咁貴咩阿姐就覆一次我的外賣魚片豬潤粥+白粥+义燒腸+油條跟住阿姐就話比返十蚊你OMG 阿姐 你明知嗰碗係白粥, 竟然夠膽收我 $16 阿姐你明知故犯, 有心騙我啫!!! 找錢時, 大家要點算清楚!!!

夜晚是賣著廣東小炒的檔口,早上搖身一邊成了賣腸粉,粥,油炸小品, 早上7點幾到達,檔口已經坐左好多人,而爐頭附近見到忙碌工作中,炸野既炸野,整腸粉就拉布,傳菜既傳菜,整粥切野各有各忙. 拿拿聲搵定位坐就叫野食,見到油條 牛脷酥 新鮮 出爐當然馬上叫了,而炸兩主角在油條都當然唔少得, 再叫了孖腸仲有2碗粥, 一白粥+ 豬潤魚片粥. 油條 牛脷酥外表脆身得來 入面鬆軟 值得一讚, 粉腸雖然拉得異相 但皮夠薄夠滑. 反而粥就冇我理想中的棉 (米散晒花狀) 這兒的粥較黏稠 可能咁比較飽肚..還有就是魚片好腥...多吃有點受不了... 不過其他食物分數拉番分,加上牌檔個陣懷舊風味就係令我想重來.. 只是現代人都喜歡有冷氣+整齊乾淨, 呢種戶外特色買少見少了...

住元朗咁耐都未食過e間，平時見佢都有人幫襯，同女朋友試下e間，點知就]啦，叫左雞煲]同兩樣，當時吾算多食客，我只係叫左兩樣野，竟然要大半過鐘先黎得一樣，之後又等45分鐘先黎齊，飯都凍哂，叫可樂又無左影，樣樣野都要吹同叫幾次，附近兩台遲過我地黎d野早過我地到，我要特登去買雜誌等野食黎‧‧‧講番d野：暏暏雞煲：味道一般，份量少得可憐，雞3,4件又碎又細，用大量蒜頭同豬肝充數。醬爆花枝片：用辣油加落去就算，重要吾係辣喎，好似溝水咁。埋單133元，食完又吾飽，真係搵老襯。結論係：等得耐，份量少，味道一般，吾低食。寧願去生活x味或記好過，e間野永不幫襯！

前二晚突然好掛住池記的缽仔糕，第二日下午回到公司時見到有三隻最愛已經放在我台面！！我驚叫同好感動，老公o個早上返工前專登去買俾我食，俾個驚喜我！晚上我又拿住這個缽仔糕做宵夜，紅豆大粒夠大，有豆香，糕身彈牙加上清甜，每個都有番咁重，並不是仿間用小碗去蒸！雖然size唔細，我超輕易咁食了二隻。正呀！………每個$3元，比出面平而好食，值得推介.........粥品我就覺得比從前差了，油器同甜品ok。提一提，鋪頭早上至2點仲有粥同糕點買，三點打後清潔後交場，晚市是大排檔，有風味小炒食，之前外賣過生炒骨，回到家仲熱同香口，骨肉的比例適宜，伴碟的唔少都新鮮，酸甜汁尚可！有時間可以再試其他小菜！在此多謝老公！

是日是一個寒冷的「Boxing Day」，自己一個在深圳按摩完後，回到元朗打算在大排檔吃一餐boxing night晚飯。這晚便和家人及閒人到元朗擊壤路的大排檔 -「池記」，回味一下大排檔的風味。說「回味」其實有點誇張，因為家在元朗，一年都會來這裡三、兩次。實在的是，因為一家三口，每次能夠吃到的菜色也不多，所以，每次來，都會叫不同的菜色，嘗試這裡不同的口味。來到「池記」大排檔，坐了在外圍位子，隔鄰檯有人食煙，那煙直往閒人面上吹去，閒人便立即向伙計投訴:「阿姐，可唔可以叫隔離檯唔好食煙~!點食飯呀？!」阿姐回答: 「，入面一張檯吉，你地坐入去啦~!」轉了檯後，我們離開了外圍位置，沒有太大的煙味了，亦比較暖和。阿姐細聲對我們說:「嘩~叫我叫d客唔好食煙，俾老細知道鬧死我都似呀~!」其實轉到排檔內位置時也見到不遠處也有人在「有蓋」範圍吸煙。有時候，當風氣未被改變的時候，便要接受一下，閒人是萬金之軀，少來這些地方，未能紆尊降貴。當局其實亦加強執法，以求盡快改變社會風氣。言歸正傳，這晚來到，我們問伙計有無湯送，阿姐即送上一窩「下火豬骨味精例湯」: 話明豬骨味精例湯，當然是鹹味多過豬骨味。

一貫大排牌風味，天氣熱的日子必須忍受汗如雨下的滋味；要是遇上下雨天，難免部份位置出現漏水情況，衛生環境亦只屬一般。粥底也頗稠，較易飽肚，故甚受老街坊歡迎。味道方面，只能說是一般，以艇仔粥為例，魚片略帶腥味，豬皮普普通通，未算突出，反而爽口的魷魚能挽回少許分數。炸腸（炸兩）水準不俗，粉皮雖未算極滑溜，但也及格，最重要是油條（油炸鬼）入口仍感脆口鬆化。另一值得加分是食物味道指素不高，至少……吃罷不會口渴不止，比起大部份的粥店，個人已認為算是不錯的了。