池記 (Closed)

20160701--大鄉里出城到銅鑼灣，胃口不好，唔想食咁飽，見到池記，喜歡吃雲吞麵的我，尤其對有點名氣的雲吞麵店，相當感興趣。店內坐滿客人，看上去是遊客居多。看看餐牌，二人點了兩個B餐:雲吞麵+油菜($65)--油菜是菜心，烚得剛好，保持翠綠，新鮮淋甜，加上數粒杞子點綴，賣相討好。雲吞麵爽口，湯底有油香，雲吞內的蝦，鮮甜可口，用料上乘。雲吞麵+小食-炸鯪魚球($75)--炸鯪魚球熱騰騰的，入口唔油膩，有魚味但唔腥，再彈牙一點會更好。加錢要了兩杯蒠米水，在炎熱的夏天，呷一口，消暑解渴，對健康有益又美味。埋單:忘了實際價錢，接近$160吧。食物質素，收呢個價錢，都算交到功課，食物選料上乘，做法認真，食店坐落銅鑼灣，價錢算是合理。但又沒有一試難忘，想經常光顧的意慾，偶爾當作自己是遊客品嚐香港美食，感覺也相當不錯。

到香港後的第一頓，面的味道很好，口感很棒，怪不得門口有人排隊，很值得一吃。炸雞翅很香，很好吃，感覺三個都不夠。芥蘭味道有點淡，而且有些硬所以沒怎麼吃。面湯的味道真的好棒，好好味。以後一定會再去！

排队大概十五分钟，人到齐才给进。人很多，菜上得不是很快。南乳鸡翅十五分能上，味道还不错～但是服务态度很不好，隔离台点餐问多几句就很没耐性，转个头就在那里说人蠢。生意多也不能态度差！！

第一次食, 入去有人開門俾你, 好似酒店咁, 都幾架勢, 但呢D門面野, 食野先係重點,我叫左 E餐 牛腩海蝦雲吞麵配個上湯菜心,見過牛腩, UNUN地, 普通牛腩, 海蝦雲吞麵都幾好食, 份量適中上湯菜心有幾粒杞子, D菜好青綠又冇髒邊, 個湯又可以飲埋, 呢個讚PS 抱歉電話無電,影唔到相

早前約左係銅鑼灣做FACIAL, 通常我也會食咗野先去, 所以我就係附近的池記食嘢. 這裡有不同的套餐選擇. 最後, 我選了淨雲吞配冬菇. 來這裡食嘢, 我必定點冬菇, 因為其他點較少有一碟碟的冬菇食. 冬菇尚算厚身, 食的時候較有口感, 味道調教不俗. 唯獨是唔夠熱, 上枱只是暖暖地. 雲吞的皮夠薄身, 內裡的蝦份量不算好多, 但幾彈牙爽口. 而湯也算鮮甜, 每次也差不多飲晒, 飲完我唔覺得口喝. 這裡最需要改善的地方是服務質素. 當日到來坐下後, 不好話水, 連最基本的食具和放上枱上的餐紙也沒有. 直到我叫佢地後才有. 

這家池記比中環裝修稍差，但好像營業到蠻晚的，所以晚上逛完街餓了就來吃麵。鯪魚球麵中有四顆鯪魚球，魚肉算彈牙，麵也有韌性，我們還要了兩碟小菜：蘿蔔和青菜；蘿蔔照舊，入味鮮香；青菜沒有特別之處。這樣簡單一餐下來每人也要八十多元...雖然味道不錯,還真的是有點貴呢

本喜愛吃日本餐的本人，今天日上三竿才起床，本想吃壽司奈何很多好吃之日餐皆已落場，正愁吃什麼好時突然心血來潮想吃雲吞麵，平時食開麥字頭的，今日想試下新地方，之前聽講好多乜記物記都係由池記演化出黎，咁就去試下啦。 位於波斯富街呢間唔知係咪總店，見佢矻立銅鑼灣都有若干年，心諗可能會有一番驚喜（見佢號稱正宗，應該味道會更好吧），一入去有別於一般粉麵鋪簡橫的裝修，進入眼簾的像酒家的豪華，但座位的不倫不類顯得與裝修格格不入，左右兩邊是兩排座椅，中間有一條直行的二人座位，本人被安排到中間的二人位坐下，感覺上像動物園被參觀的獅子一樣。點菜時服務員態度尚算良可，平時點開細蓉的，但見佢得兩粒雲吞太少，便改叫雲吞麵，再加杯薏米水。 等待不算漫長，麵同薏米水均已奉上。當麵來到時，聞到一股強烈的羶味。我心諗，唔係掛!食雲吞麵都會有羶味，先喝湯，有蝦子味，有魚乾味，但更重的是味精；再食麵，麵質普通，唔特別彈牙，冇硯水味，尚可以；再食雲吞，感覺好實，似工場貨，金魚尾冇柔軟的口感，而家先知咩叫金魚尾雲吞（因之前食過一間啲雲吞條金魚尾好柔軟），之所以叫金魚尾雲吞，是因為雲吞那層鄧麵的邊好像金魚的尾巴

呢D咁熱嘅天時，應該要飲D陳皮薏米水，薏米水可以排毒養顏，陳皮能夠正氣，對身體會非常好！所以今日點咗杯陳皮薏米水，扮下靚！芥蘭都好軟，煲得好好食，而且咬落去好軟，唔錯嘎，上湯芥蘭真系清甜可口！加上佢地呢間嘅五寶湯河，真系無得彈，魚丸啦、鮮蝦啦、魚皮餃啦、牛肉丸啦、香菇啦，用料十足，味道一流！最後我地點咗碟蝦籽撈面，炒的好香，而且蝦子味道好濃郁！掂！

呢種咁熱嘅天氣，總系想睡覺，無奈最近成日被經理叫OT，我嘅心已死，誰人能救贖我啊~好想喊！今日tom終於識得霖起我了，帶我去蒲下，話系當作安撫一下我受傷嘅小心靈，哈哈，算佢乖啦！點咗杯非冰嘅凍奶茶，我覺得呢度嘅凍奶茶味道一般，無太特別嘅味道，普通款。食咗一蝶炸雞翅，佢嘅炸雞翅好香脆，佢炸出來嘅顏色金黃色，好靚嘎，而且上邊仲有撒上一些花生碎，搭配起身好味道！再點咗份豬軟骨面，兩個人一起食，夠味道，豬軟骨太好食啦，好爽脆，我地差D搶到打起身哈哈！

池記作為一家老字號，新客老客一直都好多，所以成日都係要排隊嘅，不過作為一個吃貨，為咗好食嘅嘢等几耐都係值得嘅。池記招牌好醒目，不過店就係細細間嘅。牛筋雲吞麵，牛筋好淋但又小小韌性，好入味，回味無窮吖，雲吞細細嘅一隻，一隻一啖都唔夠，不過無睇企細隻，裡面有大大嘅一隻鮮蝦仁，很脆口很爽。麵好幼好勁道，成碗麵都好讚，不過真係好細一碗，不夠食吖！雞翼不係几好食，覺得有DD膩。蟹粥好好味，成隻海蟹係粥度，粥好鮮甜，薑絲都几多下，粥很濃稠，食起身很開胃。薏米水很特別，裡面可能都係放咗醬汁，有DD辣辣地，冬天熱熱喝飲一啖好享受，聽講仲係好養胃嘅添。

在銅鑼灣吃過晚飯，還未全飽，意猶未盡，老婆仔建議到她一向喜歡的「池記」食「雲吞麵」，兩夫妻一拍即合，立刻向目標進發。「池記」的「雲吞麵」小小的一碗，只得那麼五粒小小的雲吞，已要差不多四十元，都不好說它不貴，不過它的雲吞湯確有質素可是事實，味道甘甜得來帶點微辣，又有點蝦籽味，而且麵條幼細如銀絲，又毫沒鹼水味，吃來爽口非常，又是一好。反倒是幾粒雲吞，雖然蝦與豬肉的比例恰當，但味道就不太突出，算不上是最出色的佳品。

真係好多年無食過池記啦! 今次去銅鑼灣上course，中午有1小時食飯，見池記招牌咁醒目就揀食池記啦! 入到去望一望個menu，估唔到池記貴左咁多…… 但因為已經坐低左，啊姐又倒了茶，還是決定豪一次啦。(平時閒日lunch真係唔會食咁貴)要左一個牛腩雲吞麵配甜品紅棗蜜棗桑寄生蛋茶$82。雖然係貴左D，但食物質素真係唔錯。牛腩不會太肥又入味，雲吞食到大粒蝦肉又鮮味，麵也很爽身。紅棗蜜棗桑寄生蛋茶啊姐幫我後上。原本驚食完麵就已經飽曬，食唔落甜品。但麵的份量不會太多，食完仲有位食甜品。記得以前池記係冇甜品，所以都有d擔心佢甜品質素。又唔錯喎，好重中藥味(應該就係桑寄生味，聽說對女生很好的)，蛋唔係好入味，不過都幾好食。

我剛剛逛完街，肚子好餓啦！於是經過池記門口。見到這個時段沒那麼多人，就走進去。店裡的姐姐都好好笑容😁，而且招呼周到。我就點左個A餐雲吞麵十紅油三宝十意米水，而姐姐上菜都好快，我立即品嘗，湯底好清甜，每隻雲吞裹面有好多蝦子，而蝦肉都好爽口，還有麵沒有皂水味，而麵條不會太淋，都幾爽滑！再試埋呢個紅油三宝，又可以品嘗到非常彈牙鯪魚球，用料足夠的水餃。最後品嘗埋我至愛的意米水，裹面有薑，小麥米，蜜棗，味道吾錯，可以去濕，抵讚！👍

剛開完會，食個麵先返大埔啦。唔知幾多年無食過池記，好似四五年前九龍灣黃金衣蟹粥、雲吞蝦籽撈麵一役後就無幫襯過喇。朋友仔想食，無所謂。一坐底成枱都係醋，黐笠笠！好采阿姐擺位時都順便抺乾淨，嚇得我！坐得唔多舒服，好迫而且枱櫈貼到密麻麻。烏蠅飛黎飛去喎，雖然衛生麻麻，但傳菜既大嬸非常有禮貌，多謝前多謝後，好 warm，都唔好意思黑面啦。淨南乳豬手，冷盤黎既咩？骨多肉少唔熱又勁咸，仲有豬腳甲呀！好可怕！激劣！兩碗迷你雲吞麵加一碟淨豬骨，多謝二百五十蚊！咁經貴唔啱我地食啦。四周完全被強國人包圍，我地似乎去錯地方咯。雲吞麵走蔥走韮黃，都有多年年食過池記既雲吞麵喇，以前堅好食，但依家完全唔合格囉，只能評為唔難食。細細一碗仔，湯底淡而無味又唔香，雲吞爽口但豬肉少到食唔到，鮮味欠奉，唯一合格既只有彈牙鹼水麵。雲吞麵走蔥走韮黃，整碗麵都太淡，都要辣椒油救命，池記依舊無豉油供應，無緊要，淨渣都好。但係辣椒渣不香口只有微辣，咸咸地，算擺啦，唉。

本人昨日(年初四)到銅鑼灣池記購買一打生水餃外賣回家打邊爐。標價港幣七十二元正，但最終付了七十九元。以為加了價而價表沒有更新，但原來其中七元乃門口侍應口中的'加一服務費'。那位侍應還擺出一副理所當然的樣子。好不討厭。小弟不明白外賣何來服務？坐位和茶水也沒有，何來服務？難道開門費和外賣盒價值七港元？其他麵家如同系的麥X記堂食也沒有加一服務費，難道池記很特別很有需要服務費？真不知所謂。